Yakiniku JIKON by Tominokoji Yamagishi

之前去過呢間食午餐 覺得質素好好 所以又再食多次😆原來呢間餐廳既和牛係由東京有過百年歷史既和牛供應商 「日山蓄產」供應 主要供應薩摩A5和牛 每隻牛都有證書🤩A5黑毛和牛既lunch set由$290起 每個lunch set都會有茶碗蒸、昆布豚肉湯、漬物、牛腩大根、芝麻醬沙律、日本米飯🍚 享用完和牛之後仲會有一份黃豆粉蕨餅 十分豐富☺️唯一不足係個爐真係好熱 我拎住個夾反幾下d牛已經覺得隻手熟熟地咁😂😂🍴極上A5黑毛和牛燒肉盛合定食 ($480)和牛總共有10片 份量都唔少😆 4款和牛分別係三角腹肉、西冷、肩胛、牛柳 三角腹肉同西冷既油脂平例極高 雪花十分多 和牛呈淡淡既粉紅色🫶 雖然肉味唔太濃 但係入口即融既感覺真係令人欲罷不能🥺薄切既肩胛肉油脂比例無咁高 但係油花分佈得好均勻 稍微燒熟之後 都係入口即化 而且肉味比較濃😋牛柳比較厚身 油脂比例最低 肉味濃 有d咬口但係肉質都幾嫩滑👍🏻🍴A5黑毛和牛赤身燒肉盛合定食 ($320)赤身顧名思義油脂比例無咁高 但係肉味就會比較濃❤️ 和牛份量同樣有10片👍🏻 4款赤身包括有後腰背肉、肩三角、橫隔膜、內側後腿肉後腰背肉同肩三角比起極上盛合既和牛 明顯雪花少好多 牛肉亦都呈深紅色 但係始終都係A5和牛 雪花分佈其實都好均勻好靚☺️ 我尤其中意肩三角 雖然未去入口即化 但係肉質十分滑嫩 肉味濃得黎 又食到油脂既香味 真係好正🥹🫰🏻橫隔膜同內側後腿肉都係厚切既 雪花更加少 但係肉味好濃😌 橫隔膜幾有咬口 有唔少肉汁 都幾香👍🏻 內側後腿肉肉質就比較扎實 我自己就覺得普普通通我覺得呢個價錢食到咁高質素既A5黑毛和牛真係性價比幾高🫶🏻 大家都不妨去試下😆…Read More

終於安排上富小路的燒肉而今，餐廳位於K11 Musea的6樓，進去就是一排大大的落地窗采光極好。我们兩個人，分别點了一份極上A5黑毛和牛燒肉盛合定食、一份A5黑毛和牛牛扒燒肉定食、一份牛舌、兩份而今海膽A5黑毛和牛熱狗。定食都包含沙拉、湯、小菜、甜品、米飯，其實不追加其他食物份量都夠。兩個定食套餐相比較而言我更喜歡480hkd的和牛燒肉盛合定食，份量足種類多性價比更高。而555hkd的牛扒脂肪更多油膩感更強，我個人覺得會過於油膩，但因人而異喜歡的人應該會很喜歡。最好吃的我覺得是海膽A5和牛熱狗，值得一試，但份量很少性價比不高。…Read More

社交距離措施放寬後，終於可以一家三口在沒有透明膠板分隔下同檯食飯。在這個重要日子的首個週末，決定食得奢華一點，一早在「燒肉而今」訂枱。餐廳是來自日本京都的京料理名店「富小路やま岸」香港分店的副線。裝修簡樸典雅兼備，座位寛敞；很配合其高檔日式燒肉店路線。接近餐廳門口位置是一列四人餐枱，全部靠向落地玻璃，自然光線充足；但室外景觀只是擺放了一些藝術展品的露天平台，並不吸引。走入餐廳盡頭，另外有兩三張更舒適的4人卡座，景觀較佳，但也只是望向尖沙咀梳士巴利道的市區；還有一列面壁個人化燒肉吧座位，似乎只適合高級白領的孤獨豪華午饍。比較了午餐同單點兩本餐牌、又問了靚女經理，了解到除非指定某些特選部位牛肉，午餐同晚餐都是採用相同品質的日本產A5和牛；但午餐定食就平少少，並且包括沙律、茶碗蒸、漬物、白飯及清湯。由於餐廳並非靠向海濱，即使晚上也沒有迷人夜景，又少了一個誘因。綜合所述，小編認為午餐時段更值得捧場。最值得推介的晚餐是 Jikon Set ($1480)。每一道燒肉菜式均由專人(Beef Master) 代客席前燒烤，保證客人可品嚐到燒肉的最美妙境界！終於明白到個人化燒肉吧座位的最佳用途。如果坐餐枱或者卡座，就似乎不太適合品嚐Jikon Set 了。在香港開高級日式燒肉店，少不免安排幾座巨型凍肉櫃展示餐廳所採用的日本產A5級和牛，店內就有兩大座。一個全部是山形縣產和牛，另一個則是鹿兒島縣產；全部由日本直接進口。茶碗蒸的質素不遜於鮨店，入口滑溜；只略嫌偏鹹。更喜歡兩小碟自家醃制漬物，蘿蔔牛肉碎辣椒漬既有油潤香辣、又有肉香；韓式泡菜口味的漬芹菜入口爽脆，辛辣中滲出蔬菜清甜。海帶牛肉清湯最差，有少少腥，又只品嚐到牛脂的羶、缺少了牛肉的鮮味。先試澳洲和牛外橫膈膜肉燒肉定食（$250），用日式燒肉分類法是ハラミ(harami)，港式屠宰方法即是封門柳。這個部位在日本被歸類為內臟，禁止出口；所以要用澳洲和牛取代。在其他日式燒肉店也食過相同部位，由於產地不同，質素很參差，偏韌。這碟ハラミ就非常美味！口感同肉非常相似，肉香濃郁、兼且又有適量油脂；入口柔軟、纖維綿密。喜歡肉味濃郁人士首選。醬汁A5黑毛和牛牛小排燒肉定食（$290），日式燒肉分類法即是カルビ（karubi），一般是指肋骨附近的肉。既有豐富油脂、又有柔軟肉質，係日式燒肉店的人氣首選。在某些非常講究的日本燒肉店菜單上，還會進一步細分為多個部位，如バラ、三角バラ等；每個部位的瘦肉及脂肪比例、油花分布均勻程度及肉質纖維皆有差異；有些部位味道的分別其實不太明顯，也只有日本人才會搞這麼多花臣。這份定食有兩款不同級數的牛小排，憑肉眼已可分辨。普通牛小排（單點餐牌沒有）油脂分布唔算太均勻，但也可以見到一條條幼細的脂肪紋。入口柔軟鬆化、肉味鮮美，肉汁豐富、帶有淡淡油脂香甜；比其他燒肉店的美國牛小排好吃很多。再吃非一般牛小排（單點餐牌內的分類），才知道一山還有一山高。先講賣相，油花分布均勻，更靚。入口肉質更鬆化、肉味更鮮美、油脂更香。有比較下，即時覺得之前那塊牛小排每一方面都差了少少，非一般牛小排的確更勝一籌。儘管是A5級和牛，也有分為油脂含量較多的霜降及紅肉比例較多的赤身。極上A5黑毛和牛燒肉盛合定食（$480）精選了霜降及赤身的四款優質部位，因應當日貨源換上不同部位牛肉；是日為特上牛小排（特上カルビ）、牛柳（ヒレ）、肩胛（肩ロース）及肩三角（肩さんかく）。肩胛（肩ロース）及肩三角（肩さんかく）雖然歸類為瘦肉，但始終是A5級和牛，仍然有油花。肩ロース入口有少許硬，但並不粗嚡。肉味香濃豐富；中間的一條幼筋完全唔韌，入口軟綿。薄切的肩ロース入口即化，肉汁溢滿口腔。肩さんかく的瘦肉及油花分布更均勻，入口較肩ロース軟滑，肉汁更多。特上カルビ的油脂雪花密度較非一般牛小排又高了一個層次，每一片呈完全的粉紅色；燒烤時，油脂受熱溶化而火花四濺。入口只覺油脂溢滿口腔，欠缺了牛肉的鮮甜；有點似食鮪おトロ的口感，只是牛脂同鮪油脂的味道不同而已。小編還是更加喜歡鬆軟牛肉及油花比例較為平均的非一般牛小排，勝在有油香、兼有少少咬口。牛柳（ヒレ）雖然油脂成份很低，但這個部位的瘦肉可以說是整隻和牛肉質最嫩滑的部位，也是最貴的部位之一。入口柔軟鬆化、肉汁豐富。肉味鮮甜，但並不濃郁；此乃牛柳的特性，如果要濃郁肉香，就要食サーロイン(sirloin steak)了。追加牛舌（$90）大大塊兼厚切，份量不少，相對和牛抵食。入口彈牙兼有油脂，質素好過坊間大部份日式燒肉店。牛舌已稍稍醃制，味道很好；但有少許韌，可能火喉控制稍差。一直未能好好把握燒牛舌的時間，尤其需要因應厚薄不同而調整。燒肉質素很出色，不愧 A5和牛，比起坊間其他日式燒肉店好味很多；當然，消費也高出一倍以上。不過，所採用的牛肉部位就似乎較為普通，缺少了一些稀有部位；即使單點餐牌也未見有 special cut，這方面始終及不上日本當地的燒肉店。如果想要食得再奢華啲、刁鑽啲，可以揀有專人代燒的Jikon Set ($1480)；唔知同小編很欣賞的「Yakiniku Great」比較、那一間會好味啲呢？…Read More

社交距離措施逐步放緩，是時候出動搵食！適逢男朋友生日，帶他來了我想吃的餐廳「燒肉而今」。長期Booking比較滿，需要提前預約。餐廳糅合懷石料理概念與日本現代燒肉文化，是米芝蓮一星的富小路やま岸的副線燒肉店， 同樣位於K11 Musea。今次選擇了午市， 價錢比較划算。午市套餐由$290至$555不等。套餐包含沙律/米飯/湯/小菜/甜點。＊－。－。－。－。－。－。－。－。－。－＊🔘 1）#極上A5黑毛和牛燒肉盛合定食 $480份量九片，明顯油脂較重，鋪滿雪花紋。部位包括牛御（腰部和肋間區的上等肉）、肩胛、西冷、特上牛小排。🔘 6）#A5黑毛和牛赤身盛合燒肉定食 $320份量十片，整體脂肪含量較少，肉味濃郁。部位包括牛小排、後腰背肉、龜之子（牛後腿部位）。＊－。－。－。－。－。－。－。－。－。－＊✅食物質素高，於香港來計，算是高分數。 午市套餐價錢相宜。✅餐廳環境高雅，座位有一定間隔距離，私隱度尚可。
✅生日可以安排於甜品碟上寫字，上菜時職員會唱生日歌。❌到訪當日未知是否冷氣出現問題，被安排到店內最入的位置。通風差，只靠風機維持空氣流動，疫情下比較介意。在翳焗的氣溫下燒肉，熱到流汗，略嫌辛苦。❌ 入座及上菜時，職員對食物並無主動作出任何介紹，有點失望。以高價定位的餐廳來說，服務質素和用餐體驗都是重要的一環。個人認為值得改善，以令客人有更好印象。往年曾光顧同集團的餐廳Susoshu及京都一之傳，明顯服務和講解都比較詳盡。＊－。－。－。－。－。－。－。－。－。－＊…Read More

今年生日又撞正停晚市堂食，本身一早book好咗嘅晚餐變咗食午餐。但有得食和牛燒肉，無論朝早定夜晚食都係開心嘅！一坐低就嗌酒飲午市以和牛燒肉定食為主，有多種部位選擇，另外有sukiyaki、烏冬、石鍋飯等等。定食包括沙律，前菜，白飯同茶碗蒸。茶碗蒸超滑溜，啖啖充滿日式高湯味想咩部位都試下，所以點咗極上A5黑毛和牛燒肉盛合定食同埋醬汁A5黑毛和牛牛小排燒肉定食，另外加一份牛舌。極上A5黑毛和牛燒肉盛合定食有四個部位，分別係牛柳(ヒレ)、貝身(カイノミ)、西冷(サーロイン)肩胛(肩ロース)。全部都有好靚嘅油花，未食落口都知道好味牛柳同貝身都係脂肪少，非常柔軟而肉味香濃。西冷油脂豐富，油脂同肉味好平衡。肩胛同樣都有豐富油脂，而且肉味濃厚。醬汁A5黑毛和牛牛小排燒肉定食嘅牛小排(カルビ)，係我食燒肉最愛食嘅部位加咗醬汁嘅牛小排帶點微甜，醬汁味道剛好，唔會搶咗牛肉味。另外點嘅牛舌係厚切，爽口得嚟唔會韌。值得一提嘅係服務幾好，開咗爐覺得好熱，侍應就即刻較大個冷氣而且會過嚟幫手燒肉，雖然我本身鍾意自己燒多啲。總括嚟講食物質素高，A5黑毛和牛同喺日本食到嘅一樣咁正呢餐飯感覺好似返咗鄉下咁。…Read More