秘 (享成街)

特登去荃灣試咗呢間人氣都頗高嘅「秘」，主打板燒吉列牛🥩吉列牛外皮炸得好脆，肉質好腍身，但係肉味就唔算濃中規中矩，呢個價錢嚟講都係合理嘅🤣定食仲會配上一碗蘿蔔湯，一碗飯同埋糖心蛋🥚蘿蔔湯清甜解膩，但無諗過最值得讚嘅係糖心蛋同埋碗飯！🥹糖心蛋好入味，另外飯煮得剛剛好粒粒分明，加上燒肉汁同飯素意外地出色（可能因為本身都好鍾意食日本米，同埋真係好怕飯煮得太淋😆）！知道秘有好多分店，下次會去其他分店試吓！🥰…Read More

星期一收工想食好d獎勵下自己，由地鐵站行左10分鐘黎到呢間*秘*。環境有d焗促，但食物質素補救到。叫左個板燒吉列牛定食(飯素撈飯，糖心蛋，沙律菜一堆，湯) ，同埋板燒牛小排定食。2個餐都擺得靚靚，自己牛肉自己燒，自己決定生熟度，一路玩一路食，侍應姐姐亦有提醒我地小心彈油，非常貼心。吉牛脆卜卜，牛小排亦非常出色，2個餐d牛都好好食。成個餐最差就係碗湯，有浸黑椒味怪怪的，所以冇飲到，浪費左。…Read More

本來打算食老闆娘米線，點知比啲Youtuber 一推，連外賣都要等個幾鐘。唯有轉場食其他嘢，近近地去荃灣廣場附近食，經過平日都要排隊的「秘」今日難得不用排隊，所以就入去一試。以食板燒吉列牛來講，佢收費唔算貴板燒吉列牛$118點左餐之後基本上唔洗點等，因為啲嘢食一早已經預備好，淨係擺盤就可以拎出嚟比客加左$38 轉定食所以有湯＆飯素飯＆溏心蛋湯係非常之清淡，也喝不出有蘿蔔味，都唔清甜飯素又係無咩特別，飯素都係日式超市買開個啲味，飯係用珍珠米，軟硬適中，不會太濕，飽滿，粒粒分明，但無飯香楓糖流心蛋，都係無咩特別，無蛋味，無甜味，我仲食到有少少腥味？但同行友人則不覺吉列牛如圖所示，切好一片比你自己燒自己控制唔燒太耐就可以燒到唔韌色澤紅潤，油脂分報得都均勻，燒香之後啲油花剛好但就有少少筋，同埋肉無咩牛味外層係薄薄的麵包糠無特別調味，煎完有少少脆另外再點左個鍋物燒牛肉野菜鍋＄98燒牛肉野菜鍋就好普通，無轉定食但都有跟飯牛肉煮到好淋，差唔多入口即化同上一樣都無咩牛味，而且脂肪比例太高，太肥配料都多款，有金菇，菜，芋絲同蘿蔔所有配料都唔入味，蘿蔔唔清甜仲要有渣湯底最ＣＰ值最高，好重牛味，又唔會好咸配餐的飯同上，只係無左飯素所以最後加左啲飯入湯做成湯飯，都係一個唔錯的食法兩個餐都有附一碟小醬汁，鹹鹹地杰杰地，板燒吉列牛可不點佢，但牛鍋唔點佢就無咩味。最後仲追加左個小食-脆炸蝦波$48一口size，外皮唔算得上脆，口感偏硬，有啲漿口痴牙應該用天婦羅炸粉？但濕左先炸？醬汁直接淋上炸蝦波面，有點影響脆度，建議可另上，咁客人就可自己決定點幾多醬汁係偏甜但帶有少少辣味食落有啲似蜜糖芥末醬，質地就係千島醬質地脆炸蝦球幾彈牙，有蝦味總括，吉列牛石板燒可再試，其他就免了，可以唔轉餐都得，因為無咩特別其他石板燒系列可選仲有啲飯類同小食成餐飯雖然都係燒呀，鍋呀，但油煙唔算太勁，起碼個身無咩味…Read More

由於疫情影響要封關嘅關係，好耐已經仲冇得出去旅行，對於各國美食嘅需求可以話係冇增無減呀！🤤刺身同丼飯就食得多喇，今次就轉食下吉列牛喇。「秘」算係幾出名有性價比食燒吉列牛嘅餐廳，今次就嚟到佢位於荃灣嘅分店試試佢先！㊙️嚟到餐廳門口，食客可以話係絡繹不絕呀。等咗大約10分鐘就入到去食。眼見在場好多嘅食客都係點板燒吉列牛定食，我都唔執輸點一份嚟試下先！😂定食一上枱，實在非常吸引，將吉列牛放上石板上煮熟，拌埋佢嘅飯食，幾唔錯！定食仲有溏心蛋同湯奉上架。…Read More

༺秘༻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻∻ ∻ ∻ ∻ ∻ ∻ ∻ ∻ ∻ ∻  ∻ ∻ ∻ 呢間餐廳主打吉列牛的人氣日本烤肉店🥩，價錢親民🤑，客人可以選擇自己嘅熟度自己烤肉🥰，中意食肉嘅蜜糖姊妹當然要黎食一下啦！板燒吉列牛定食🐂，脆脆的外皮加嫩口嘅肉🥩，見到都流晒口水🤤，食落好香肉味🐮，加上飯同秘製汁🍶，入口即化，好好味😋。秘燒黑松露吉列牛🐂，感覺黑松露味道吾太出🤞🏻，板燒吉列牛會更出色d，但肉方面都真係冇得頂，質素都係禁好🤤。∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻  ∻ ∻ ∻ ∻ ∻ 餐廳🛎：秘 地址📌：荃灣享成街22號地舖營業時間⏰ ：星期一至日12.00-15.00                                               17.30-22.00                                       ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻…Read More

🐮板燒吉列牛($108) + 晚市加配定食($38)擺盤有花思，嚟到要即刻相機食先。將牛肉放喺熱石板烤十幾秒就食得，外層炸到好脆，安格斯牛肉肉味重，飯素同湯就正正常常。長期門口都大排長龍，如果比較遲去食有機會某啲菜式會賣晒。…Read More

依間吉列牛舖頭荃灣同元朗都有分店，八零分數可以食到吉列牛咁當然要試吓😋所有套餐都係可以加$20轉做定食（即係加一碗白飯同沙律加汽水）另外亦都可以加多少少錢配湯。🐮板燒吉列牛-Hkd108+20吉列牛上枱先輕微炸好表面然後切件大概15件，中間配左柚子醋沙律同埋糖心蛋，另外鐵板上面先放上一舊牛嘅脂肪俾你燒一燒啲油脂令到之後冇咁痴底，大概是每面燒15秒都已經差唔多3成熟，對我黎講就岩岩好🤪🤪而且白飯上面有啲飯素同埋燒汁份量其實都好足夠，而且糖心蛋醃得好入味。🐷芝士吉列豚肉-Hkd78+20上枱有少少失望因為我以為係吉列豚肉中間夾咗塊芝士炸完之後會變流心，但原來只係吉列豚肉配左一個芝士醬，但芝士醬味道偏淡。另外個吉列豚肉炸得好乾身切件後只有一塊有少少脂肪令到件事冇咁dry，但整體食得十分之乾🤨🤨🥔和風薯條配芝士醬-Hkd32最後嗌左個薯條，粗薯條而且炸得啱啱好外脆內軟唔油有薯蓉，個芝士都係啱啱吉列芝士豚肉嘅芝士醬所以味道都一樣咁淡，不過個薯條量都幾多成餐飯食咁多炸嘢會有少少油膩。👍🏾👍🏾值得一提嘅係間舖都給細而且每台客都坐得好埋，不過抽風系統都唔錯唔會話油煙好大但點都會吸到少少油煙味…Read More

果日難得山長水遠去南豐紗廠，當然要發掘一下荃灣有咩好食。朋友介紹試下秘💛，一搵發覺好吸引，有我好鐘意嘅牛呀，一於試試佢啦！​​首先講下等位先，我地係星期日去，大約七點零到，到咗門口發現幾多人喺度等位，最尾到九點先有位，建議去嘅朋友早少少或者平日去。​​板燒吉列牛定食-吉列牛已經炸至半生熟，每片牛肉每邊輕燒一兩分鐘就得，燒好嘅吉列牛外邊鬆脆，裏邊嫩滑。呢度選用安格斯牛肉，油脂都分佈得好平均，牛味十足。​​秘之飯素-珍珠米粒粒飽滿，加埋飯素同醬油，紫菜芝麻，勁香口，就算平時唔鐘意食飯嘅我都勁鐘意食。​​蒲燒原條鰻魚飯-原條鰻魚肥美又大條，一啲骨都冇，鰻魚燒得啱啱好，加上醬汁入晒味。​​炸雞翼-外脆內軟多汁，就算食到最後都保持香脆，水準好高。​​和風薯條配芝士醬-薯條實肉唔空心，灑上飯素，再點上芝士醬，而芝士醬香濃，鐘意芝士嘅朋友唔可以錯過！​…Read More

完成人生中一個小歷程，當然要同zoom嘅戰友兼友人慶祝一下。友人建議食秘，週未12點半前去到已經要排隊，期待感🈵。黎到當然食鐵板牛！眼見成場客都係食鐵板牛。一入到去就上鐵板同吉列牛，吉烈牛靚靚仔咁一字排開，粉紅色嘅肉外層有薄薄嘅炸皮。打完靚卡就事不宜遲放一件件1-2cm 嘅吉列牛上鐵板，炸炸聲好治癒。底面燒一陣，外面已由粉紅色轉深堨色。第一口點醬食，發覺已經夠味，好重牛味，食落juicy，唔使靠醬增加濕潤感。口感外面炸皮仲脆卜卜！而牛肉仲係好嫩滑。友人都大讚！！！值得一提，身為荃灣人foodie嘅佢之前都見過同區另一間吉列牛，大讚㊙️嘅牛更嫩滑同有牛味。In 友人，we believe✊🏼。定食中包括整隻溏心蛋，帶甜味，餸飯素飯一流。仲叫咗綠茶汽水，原本友人係想睇我中伏，可惜佢事與願違。綠茶汽水雖然冇綠茶味，講唔出咩味，但唔伏嘅。埋單$150，對於午餐黎講少貴，不過難得慶祝，無所謂啦！…Read More

//< 秘 Secret Chefs >位於荃灣嘅呢間吉列牛一直都好出名，但係小編一直都未有機會食！難得今日午市經過見到唔使排隊，就即刻入去試喇🤤————————————————- 板燒吉列牛 $108 （+$20加配定食）-呢個係普通嘅吉列牛，份量都超級多啊，有成14件🥰吉列部分係麵包糠，放係爐上燒一燒就食得🔥呢款牛唔韌但係牛味無乜，不過小編記得之前去大阪食牛もと都係覺得無咩牛味～ 但係呢個價錢呢個質素正！😆————————————————- 板燒安格斯牛 $108 （+$20加配定食）-呢個牛同樣有14件！雖然冇吉列嗰種脆脆感，但係油脂分佈平均，牛味亦相對濃郁d~🥰 兩個人食嘅建議每款嗌一個，咁就可以分享食，食晒兩款啦！🤤————————————————- 秘之飯素-加配定食嘅飯呢會有埋店家既飯素～ 飯素連埋個汁，令個飯甜甜地更惹味～🤪————————————————- 楓糖流心蛋 -定食除左飯，仲有流心蛋同汽水🥤呢度嘅流心蛋都尚算流心！😊而且有調味嘅～最主要會食到淡淡地甜甜地嘅楓糖味，撈飯食一流🤓————————————————總括而言，呢度嘅吉列牛份量多，味道不錯！店員見到你個火就嚟冇，會主動加！服務態度好，良心小店，免加一，百鬆d食到吉列牛定食個人認為幾抵CP值高😇————————————————評分：7.3/10地址：荃灣享成街22號地舖營業時間：12:00-15:00；17:30/18:00-22:00#秘 #secretchefs #secretchefshk #吉列牛 #荃灣吉列牛 #荃灣 #荃灣美食 #荃灣必食 #荃灣黃店 #路德圍 #香港美食 #美食博客 #黃色經濟圈 #黃店 #黃色經濟 #黃色小店 #hkfood #hkfoodie #hkfoodblog #hkfoodshare #hkfoodlover #hkfoodblogger #hkfoodpic #hkfoodporn #🐷🐤日本菜 #🐷🐤荃灣 …Read More

依間荃灣黃店係巷仔入面，不過都好易搵到，因為用膳時間總係有好多人我同友人比較早就去，所以等左大概半個鐘就入左去食係出面既時候，待應已經幫我地落定單。一入去，好大陣牛肉既油味好期待石燒肉肉快啲黎我同友人叫左吉列牛同埋安格斯牛定食，一上菜已經覺得好多塊肉肉油花分鋪得好均勻一定好好食碟到仲有塊牛膏比我地整油塊石板放入口真係好軟好林好重牛味隻糖心蛋既蛋黃甜甜地，應該係加左蜜糖，好特別我地仲叫左芝士薯條，脆炸既外表包住滿滿既薯蓉個芝士醬好杰好重芝士味，落足哂芝士放左陣已經有層’姨‘咁，變番固體芝士咁岩哂我依d芝士控不過食完之後我隻腳就起左粒粒，應該對佢地張木凳敏感個人對塵灰比較易敏感不過依間吉列牛價格唔算貴，又好食、材料又靚、又係黃店會再去幫襯P. S. 係我係香港食過最好食既吉列牛牛…Read More

一間bookmark咗好耐嘅店今次終於去荃灣順便去try try佢!!! 雖然話就話小店 但都應該幾出名佢開6點 我6點3去到已經要排隊而走嗰時都有成四五枱等緊🤔講返野食 我同男朋友各自叫咗個板燒吉列牛定食一個set份量都幾大 碗飯大到😂略嫌碗飯落太多七味粉(?)嗰啲野有啲重口味😂😂😂而餐飯嘅主打 吉列牛 就都ok ge! 都幾嫩 但又唔係好有牛味即係送飯食都唔錯 但又無係日本食嗰種每一啖都係滿足嘅感覺同埋啲炸粉同啲牛比例好似1:1 如果可以一塊多啲牛就好啦🥰同埋有時啲油會彈上手🤢總而言之 同日本比就無得比嘅但過下口癮都唔錯嘅 同埋唔洗加一 正^^…Read More

係香港食過2間吉列牛，一間係銅鑼灣上樓既，一間就係秘。我敢講秘係我暫時食過最好食嘅吉列牛餐廳！好食程度重要係短時間已經食左2次😍-第一次黎到時間較早，但已經得番4人枱。要同人搭枱，我地2個人平排坐，對面望住另一對情侶好尷尬😅加上叫咗吉列牛要燒，放太埋自己又成日比油彈到，放遠少少又霸埋人地D位又彈到人地🤨所以搭枱好麻煩，都係prefer 2人位，唔洗整到人。第2次去比較晏，咁岩2人枱埋單，所以調位過去坐。食完餐廳都山門嚕。-2次都係點一樣既食物😂因為太好味啦！我點咗黑松露吉列牛定食，男友點了板燒吉列牛定食。❣️黑松露吉列牛（$148）我個人認為較香口，吉列皮比板燒牛更脆。開頭食第一舊細嘅牛唔太覺黑松露味，但之後每舊肉都有濃濃的黑松露味好正咬落肉質唔會好難咬開，係有質素的牛肉！定食要+$38會跟湯、飯、流心蛋。飯加入飯素唔會好dry，而且份量好夠好大碗！最值得一提係自助燒牛方面，餐廳係會提供牛脂。外面餐廳只會輕輕塗上油係面，但呢到係提供牛脂👍🏻而男友點嘅板燒吉列牛（$108）只係吉列皮沒有加上黑松露，但都好食！肉質一樣好咬易吞。因為男友好厭尖，好怕牛肉咬唔開同難呑，所以係食牛方面比較挑剔同講究。兩次黎食都要請侍應再點火，可能我地燒得太慢了 哈哈 慢慢品嚐！侍應都有求必應👍🏻店內提供嘅汽水唔係普通可樂雪碧，另外有提供日本果味汽水，建議叫埋汽水，成餐飯更滿足！-整體來說，秘好值得一去再去食唔厭亦keep到質素。個人認為改善的地方有2點：1. 抽氣系統需要改善店內冇明顯抽氣扇或吸煙系統，只有2部大冷氣。次次去都煙霧瀰漫又成身油煙味。加上每枱都點吉列牛，都有D焗！2. 牛脂供應餐廳提供牛脂十分值得欣賞。但牛脂份量細，燒唔出油。第2次食嘅時候，牛脂只不過係由牛肉切咗一個較肥的小角出黎，燒極都唔出油🤔 重要痴住少少肉，較似額外送的一舊肉仔🤦🏻‍♀️ 建議可以參考日本燒肉店用的牛脂或一田買日本牛時提供的牛脂，可以再肥番小小、大舊番小小。 -不過我都推薦呢間餐廳👍🏻有質素可能你會覺得價錢貴，但一分錢一分貨，外面平幾究蚊唔流一百蚊嘅都唔及些食店。誇張啲，其實咁嘅質素可以賣咁平已經好吸引好抵了！…Read More

食物:👍🏻👍🏻「板燒吉列牛」每次指定食佢，夜市食加$38定食，會有飯素同流心蛋同湯，個飯加左醬同粉好正好夾，如果份量再多會更完美。至於昆布湯金魚同櫻花係一樣味，所以吾洗加錢叫金魚，就係得個樣。流心蛋就普普通通。重點係吉列牛，每次吉列牛份量都很多，都很好食，睇圖你就知好吸引的。👌🏻「蒲燒原條饅魚飯」，饅魚好大條，饅魚汁很重，反而飯份量不算很多。🙅🏻‍♀️「芝心雞丸子」，聽個名好吸引，但食落完全不吸引，好普通加上芝士味不重又不多，不必試了。👍🏻「秘風塘軟殼蟹」，鐘意食蟹既人吾好錯過，好好好食係必試的。👌🏻「趣脆蝦波」都好好食，有d似酒樓既炸蝦球，但再脆身d，個醬都好特別，可以一試。🙅🏻‍♀️「手羽先雞翼」，成日都賣曬，有次成功叫到，但都吾係好特別，好普通既雞翼，都不建議叫。服務:👌🏻店舖很細，大約得十幾個座位，夜晚繁忙時段一定要等位，但店員清枱都好快，加上你一食完就會俾店員收走碟。不建議聚會去，因為不會俾你坐得好耐。喜歡吉列牛及者係荃灣唔知食咩好建議去食…Read More

門口等入座前，一直以為好貴，因在門口餐牌見到賣相5錯。。會5會又係得個樣。。點之入去座低後就點了2個定食套餐!一個係曼魚定食，一個係板燒吉列牛!嘢食到就定必影相啦😆一食就真係5掂。。。簡直想要叫多個套餐🤤🤤🤤曼魚又大塊又好肉又好味。。。糖心蛋又煮到啱啱好。。。板燒吉列🐮更加無得頂。。。櫻花🐠湯真係好特別。。。秘之飯素(即係個飯)。。嘩。。。好耐未試過咁好食嘅飯。。地方雖然細細。。古5又會有咁多人嚟排隊食。。好嘢。。朋友真係無介紹錯👍…Read More