Sho-EN

呢晚喺利東街食咗呢間新開嘅日式居酒屋，主打各種特色日式酒類同佐酒小食，呢晚我都叫咗幾款嘆吓😎板前炙燒日本牛扒係一個幾有觀賞性嘅菜式，因為店員會席前用火焰燒牛扒😮 燒完嘅牛扒仲係好粉嫩，keep住有好多肉汁。側邊仲有茄子、本菇、西蘭花、薯仔同埋粟米做配菜。日本和牛溫泉蛋凱撒沙律沙律面頭有勁多芝士碎🥗 加埋鋪得靚靚嘅和牛片同埋溫泉蛋，整個配搭都好豐富🥩 雞肉大葉串燒伴梅子醬一份有兩串，雞肉燒得幾香口，配埋面頭有紫蘇葉同埋特製嘅梅子醬，食落口唔會太油膩🐥香蔥吞拿魚腩煙蘿蔔卷卷物嘅頂頭有好豐富嘅吞拿魚腩蓉，加上有醃蘿蔔粒，令到整個卷物嘅口感更有層次🐟輕燒日本和牛一片片排列整齊嘅日本和牛，經過炙燒之後，依然油花十足。肉質幾軟腍仲可以點埋隔離略帶酸味嘅醬汁一齊食😸日本和牛炒飯呢個炒飯用上日本嘅珍珠米，都整得幾精緻🍚 除咗面頭幾嫩口嘅和牛片之外，其他配料包括有蘿蔔粒、蛋絲、蔥花等 。是日雪葩呢日係蘋果雪葩，用上原個蘋果裝住幾香甜嘅雪葩🍎 味道幾清新。飲品我地嗌咗兩杯Suntory生啤，仲可以揀黑啤🍻 適合同朋友過嚟飲返杯。同店員傾開先知餐廳係由35年經驗嘅日籍總廚主理，唔怪得啲食物質素咁正啦🤩 大家想同朋友chill吓就要過嚟試吓啦😋…Read More

灣仔利東街前排開左一間日式居酒屋，睇介紹係主打沖繩家常菜同正宗居酒屋料理。今日終於有時間同朋友黎試下 😋。店員推介菜式既時侯，提及佢哋店舖既菜式係由一位擁有35年經驗嘅日籍廚師主理，咁啱佢哋近期又推出咗新菜式，就點左幾款網上好多人推介嘅款式，同一款新推出的廣島蠔松前燒嚟試吓。主打必點：板前炙燒日本牛扒呢個係必食推介，牛扒選用了日本和牛，店員會喺顧客面前即場炙燒，視覺一流，打卡必食！除左賣相好，味道都一流，牛扒鮮嫩多汁，外面微焦，內裡嫩滑，口感極佳。廣島蠔松前燒店員介紹呢款喺北海道一種古老嘅烹調方式，將蠔同埋昆布一齊烤，將蠔同昆布嘅鮮味融合喺一齊。廣島蠔鮮甜大隻，先將檸檬汁灑在蠔上面，仲可以配埋旁邊既胡椒柚子醬一齊食，讚！牛油果八爪魚伴山葵醬油八爪魚新鮮爽口，配上牛油果同山葵醬油，為呢道菜加上一點刺激。汁煮日本雞肝雞肝十分軟嫩而且無腥味，就咁食，或者點醬，甚至係配上洋蔥或者柚子片都十分配合，一道菜可以俾你有幾種不同的體驗。海鹽雪糕拼炸沖繩紅芋球雖然已經飽但係都忍唔住叫埋個甜品黎試下。成粒紅芋球外面鋪滿左芝麻，外脆內軟，入面既紅芋唔會太甜亦唔會太膩，好味 👍🏻。另外呢度亦有多款日式酒、特飲同小食，不過今次太飽試唔到啦，唯有等下一次啦！…Read More

餐廳喺利東街街尾，裝修同沖繩居酒屋8成相似，坐得再舒服啲，位置寬落啲～牛油果八爪魚拌山葵醬油 $108好開胃又好fresh嘅前菜～八爪魚新鮮彈牙，夾埋綿密嘅牛油果，加上微酸嘅山葵醬油，估唔到成件事又幾夾！雞肉大葉串燒伴梅子醬 $68雞皮好脆，雞肉好大嚿，肉質唔柴但係都唔嫩，食到雞嘅原味。On top有一細塊紫蘇葉同少少梅子醬，份量可以再多啲先夠咁大塊雞🤣輕燒日本和牛 $176肉質軟腍，花紋好靚，蘸埋個清新嘅汁，入口唔會話好膩好油，食多幾塊就feel到和牛帶嚟嘅飽🤣 個人鍾意呢款多過炙燒牛扒，冇咁膩～香蔥吞拿魚腩煙蘿蔔卷 $78吞拿魚腩係蓉，都幾新鮮，反而冇好重吞拿魚味，冇乜口感，但味道唔差。板前炙燒日本牛扒 $268成個鐵板上，再即刻炙燒，再淋上燒汁，好打卡able！和牛肉質好重油脂香同埋肉香，帶少少焦香，入口微融，又有啲咬口。側邊有啲鮮甜嘅蔬菜：茄子、粟米、西蘭花、薯角，中和返肉嘅油膩～日本和牛炒飯 $128估唔到炒飯咁出色！乾身得嚟粒粒飽滿軟熟，但又唔會話太乾。牛肉都係牛扒個款，唔會話好韌。側邊仲有一堆炸蒜，可以撈埋炒飯一齊食，好香口，但可以再乾啲脆啲，口感就再perfect啲～是日雪葩 $68原隻冷凍蘋果上嘅雪葩！蘋果味好香甜，食得出唔係用果汁整嘅，唔會太甜。蘋果肉都可以食，係考驗有冇敏感牙齒嘅時候🤣 食咗咁多肥膩嘢，食啖雪葩即刻舒服返～琉球王朝 $48不勝酒力啦...荔枝泡盛 $52Cocktail嚟講好有誠意，酒精含量頗高，啱曬酒鬼～居酒屋嚟講，性價比幾高，嘢食份量好足，對得住個價錢，而且有驚喜！食咗咁多款唔同煮法嘅和牛，個人最鍾意都係輕燒日本和牛～ 呢間可以再encore! 下次想試下廣島蠔～…Read More

🥩 板前炙燒日本牛扒 HK$268・味道：好少可日本牛係既有牛脂香又有好重肉味🤌，入口既有半融嫩滑脂肪，又有牛肉肉香，加埋外皮燒到微微焦脆，出色！蔬菜都係鮮甜🥬，一啲都唔hea。加上個微甜嘅燒焦汁，中和咗牛脂嘅膩口，掂👍🏻！・口感：切到2-3cm幾夠咬口，有拉扯感但唔韌，每啖都咬到肉香加牛脂嘅香味，出色嘅。🦪 廣島蠔松前燒 HK$138・味道：清新帶甜嘅廣島蠔，冇腥味少少甘香，偏清爽唔係濃郁系。配檸檬汁＋明太子醬＋柚子醬，更fresh！又吊到蠔嘅海鮮鹹香🌊，正！・口感：肉質飽滿，好滑溜～🐙 牛油果八爪魚拌山葵醬油 HK$108・味道：呢個好surprise，好新鮮彈牙嘅八爪魚片加好綿密嘅牛油果🥑，加埋唔攻鼻嘅山葵醬油，夏天食好開胃，淡淡山葵香氣但唔辣係幾正的。・口感：一個清新一個濃厚嘅口感，好大對比但好夾。🍢 雞肉大葉串燒伴梅子醬（2串） HK$68・味道：雞皮幾脆口嘅，係雞扒啖啖肉幾juicy，靠梅子醬同紫蘇葉係幾香嘅，但份量可以多啲因為唔夠送咁大嚿雞XD・口感：雖然juicy，但又唔係嫩口㗎喎，有啲黑人問號，不過起碼唔柴😂～🍣 香蔥吞拿魚腩煙蘿蔔卷 HK$78・味道：吞拿魚腩新鮮嘅，冇筋純腩位，但可以揀啲更肥美嘅位會更滿足XD・口感：打到好蓉，但如果留返小小吞拿魚粒，有啲咬口更好！🍛 日本和牛炒飯 HK$128・味道：飯粒飽滿分明，炒得乾身，個人口味覺得再乾身少少，焦香味更重會再香口啲！和牛都係牛扒嗰款🥩，肉香脂香都有齊，加埋蒜片好香🧄，個口食到好臭好喜歡XDXD・口感：蒜片烘得唔夠乾身唔夠脆，所以少少痴牙，但整體good嘅！🍨 海鹽雪糕拼炸沖繩紅芋球 HK$68・味道：入口都幾重鹹香，甜味慢慢出返嚟，唔算好重奶香，真係海鹽味冇fake臭XD！反而個炸沖繩紅芋球🍠，炸得乾身脆口，上枱出晒煙，食落似實心煎堆，內餡紅芋球係好香甜綿密嘅芋香，但個甜味係清甜，冇加奶，食返原本芋香嘅清甜，加雪糕好正😋！・口感：雪糕綿密，唔會好重冰感，唔是雪葩質地，但入口又唔會好似好勁奶香嘅雪糕咁，係清爽的！🍋‍🟩 青檸泡盛 HK$52・味道：lime cocktail🍸，作為一飲酒就紅到關公咁嘅肚波，覺得都幾易入口，唔會好重酒精味，同時青檸味幾香，微甜，不錯喝！・口感：酒類飲品嚟講佢個份量幾佛心，算大杯的。🍊 四季柑汁 HK$48・味道：出色！個甜味exact7ly係食柑蕊位最甜最甜嘅位，未到澀但就係最甜嘅位，好天然嘅柑香，正🍹！・口感：同時又唔會甜到好漏喎，正！・・・・・・・・・・・・・・・・・・・・🤰性價比：高～🤰9衝度：9衝～🤰結論：平時好少食居酒屋，因為覺得唔抵食，但呢個份量味道都做足畀你，食完係會滿足，覺得食到好西，quota冇嘥到🥰！仲係喺灣仔黃金地段，會再encore！…Read More