CHEF STAGE de Eddy Chu

年頭生日嘅時候安排左黎chef stage食晚飯，當日嗰餐我同男朋友都好滿意，事隔左好幾個月我地再黎呢度，食物嘅質素整體依然有水準，果然不讓人失望。平日晚上客人都不少，餐廳位於19樓，其實預先訂枱，能夠坐到窗邊位置，景色都確實不錯，不過我地決定得比較遲，只能坐近門口位置。可能想營造浪漫啲嘅氣氛，所以餐廳燈光稍暗，影出黎嘅相就真係一般。不過駐場有人唱歌，都幾有氣氛，而且仲會唱生日歌，見在場有幾對情侶應該係慶祝生日，都幾開心。餐牌選擇不少，定價同一般西餐廳無異，有海鮮拼盤、沙律、頭盤、湯；主菜有海鮮、扒類、焗飯、意粉、精選小食等。冬蔭西班牙煙豬腩沙律 $138我地仲記得上次黎係食吞拿魚腩沙律，依然有深刻印象，因為真係好好食，今次我地試左另一款沙律。其實做法都好相似，煙豬腩切成條狀，份量都幾多，輕輕燒過，食落唔油唔膩，好香口，因為煙過，唔可以叫做嫩腍，但一啲都唔老唔鞋。沙律菜就普通貨色，但裡面仲有唔少芒果肉，好香甜，成個配搭好清新。當然唔少得有啲爆珠 (平時飲台式飲品會加嗰種)，其實口感不俗。但亮點係冬蔭醬汁，微微香辣，配落煙豬腩，開胃好味艾迪乳鴿 $98呢度嘅特別之處就係有唔少諗唔到嘅菜式，呢道以大廚名字為名嘅乳鴿都幾出色，乳鴿醃製過，入口嫩腍而且入味。松露煮法國原粒蘑菇 $118呢款煮磨菇係上次都有點過，因為覺得味道好唔錯，所以今次都有再食的。識我都知我鐘意食菇，原粒磨菇唔會煮到腍bat bat，咬落菇仔非常juicy松露味香，但唔會搶風頭，加上香草，配上幾片腸，鹹鹹香香，配合磨菇一齊食，味道一流。蟹肉白汁海鮮大會（鮮魚、鮑魚、帶子、鮮蝦、鮮蜆）$288呢道海鮮大會雖然賣相唔係話十分之靚，但味道卻十分之好。一份有齊魚同幾款海鮮，啱哂貪心嘅我地鮑魚一隻，入口嫩腍無比，因為面頭嘅蟹籽又多一重口感，好味主角鮮魚肉份量大方，已經起骨，方便我呢啲唔係太識吐骨嘅人。魚肉鮮嫩，混合醬汁食，配搭得宜，魚皮都煎到非常香脆，我地食唔停口裡面仲有一粒帶子，好大粒，而且入口爽甜；蜆肉都幾大粒，漲卜卜，不過略鹹。伴碟有大量蔬菜同芋泥，兩個人分享，大滿足！蒜香牛肉扁意粉 $ 188意粉唔會太腍太硬，份量適中。食落有少少汁，唔會好乾身，亦唔會過份creamy，因為用蒜頭煮成，所以食落都會鹹鹹地。牛肉煮得嫩腍整體黎講，呢度嘅食物依然有水準，而且定價合理，以上已經食到非常飽，如果人多能夠再試多幾款食物更好，我地兩個都覺得好滿意，有機會仲想黎試試另一招牌慢煮牛肉眼呢！服務方面比起上次黎都有所改善~餐牌：…查看更多

大廚果然是大廚，煮出來的食物都特別精緻，盡顯大廚的創意和心思～Chef Stage 位於尖沙咀一座高樓大廈的中上層，可以看到九龍公園徑以至維港的一角；而餐廳的燈光比較昏暗， 營造出浪漫的格調。這裡的黑毛豬是最出名的，當然要試下～這個「香港豬扒包」其實是以脆包夾著黑毛豬在內，包皮薄且脆，而黑毛豬嫩滑，加了 wasabi 醬後非常惹味，吃黑毛豬覺得油膩時更可吃粒菠蘿，新鮮且口感豐富。這道菜雖然以蘑菇為主，但絕不會太單調，而且黑松露的味道非常強烈！原隻蘑菇大大粒配上辣肉腸，黑松露汁亦十分 creamy，把蘑菇和腸片完全滲透於松露味之中。蝦多士的份量令我大開眼界！用上一隻大虎蝦，非常厚肉且卜卜脆，再放上一點特製的芒果醬，吃落有點泰式風味。實在忍不住要多點一道黑毛豬的～這裡的黑毛豬切片，但仍不失肉嫩感。扁意粉軟硬度拿捏剛好，煮得很滑，也沒有加入很多調味而奪去黑毛豬味。鴨脾超級鬆軟！應該是經過久久煙燻，非常入味。配以薯仔、蕃薯、紅蘿蔔和梛菜等多種雜菜，減少鴨肉油膩之感。這裡的每道菜都相當大份，兩個人吃綽綽有餘。味道滿分之餘，也是香港少有的創意菜式，令我深深感受到大廚的一番心機和對烹調的熱誠！…查看更多

很多餐廳都會有幾款特別高質的菜餚，同時地又會有幾款叫人失望的菜式，如果是先吃前者後吃後者，多數會敗興而歸；反之先吃後者再嘗前者，則會給人喜出望外之感。但今晚的晚餐，卻能令我由頭到尾都帶給我驚喜連連。餐廳內的黃燈光有些昏暗，地方比較淺窄，分左右兩邊，廚房在中間位。裝飾以簡單為主，掛了些相片，最特別就是會變色的招牌。餐巾都印有餐廳名稱。前菜點了松露煮法國原粒蘑菇，蘑菇新鮮，肉汁豐富，松露又香又濃，配埋西班牙肉腸，蘑菇沾上松露香之餘還有肉腸的咸香味，令蘑菇不會太過單調，整個前菜都提升到另一個層次。忌廉鮑魚冬陰海鮮湯$88海鮮湯非常足料，有帶子、鮑魚、蝦，海鮮全部都很新鮮，尤其是帶子，肉質非常嫩滑，入口無渣，而鮑魚爽口煙韌，口感甚佳；冬陰公忌廉湯，有香濃的冬陰公香料味及微辣，忌廉湯有效調較冬陰公的稀稠度，加上蟹子，湯底濃稠，又有蟹子的口感，整個湯令我吃不停口。燒西班牙黑毛豬肋條肉$188西班牙黑毛豬是以橡果餵飼，肉質很又稔又滑，身體內的油份全是來自橡果油，所以帶著陣陣的橡果香，豬肋肉還帶有筋膜，咬落去肉爽筋煙韌，吃完一件，再吃件新鮮菠蘿中和油膩感，另外紫薯又香又甜，味道濃郁，口感還帶有少許薯肉。餐廳食物質素平均地高，款式多，除了豬外，還有慢煮牛，羊架，海鮮等等，前菜及沙律款式更達廿款，很有創意，值得再去光顧。…查看更多

為慶祝老公快將脫離苦海，決定去豪一豪。約左老公七點在尖沙咀的Chef Stage撐枱腳，地點方便，鄰近尖沙咀站A出口，行五分鐘已經到達。餐廳不太，約有十多張枱，一邊望海景，另一邊望商廈。裝飾簡約，掛牆有老板Eddy Chu的做菜相片，燈光柔和。餐單有套餐及單點。冬陰西班牙煙腩沙律現在只要經openrice訂枱，就能免費送一客指定的沙律。雖然叫沙律，但只有少許的沙律菜、蕃茄仔、芒果粒及荔枝爆珠配上黑醋汁，整碟的主角是煙腩肉配上碟底的冬陰汁，煙腩肉味濃郁，燒得香脆，雖然是腩肉，油脂應該是比較多，比較肥膩，但事實上油脂已在燒的過程迫出來，咬落脂肪位都是爽爽的，完全不會爆到整口油，另冬陰汁味道充滿冬陰公的香料味，有少許微辣，跟煙腩味道很夾。松露煮法國原粒蘑菇蘑菇跟松露簡直是天衣無縫的組合，蘑菇煮得很好，完全保留了蘑菇的原汁原味，一咬下去蘑菇肉汁爆出來，非常juicy；另外松露汁煮很香濃及creamy，完全可以當湯飲；配上西班牙風乾腸，咸咸香香，前者味淡加上後者濃味，平衡兩者味道。焗法國連殼食田螺田螺殼裏面包著田螺，表面有蒜蓉及香草做成的醬汁，下面是薯蓉。田螺殼的質感似是威化餅，很鬆但不夠脆；田螺肉味道不鮮，吃不出是田螺，但口感是煙煙韌韌；蒜蓉香草醬應該是自家制的，非常香口；薯蓉都應該是手制，吃得出有少許未壓爛的薯粒，味道調較得不錯。黑松露蘑菇湯這個蘑菇湯並沒有像平時外面喝的隔渣，反而攪碎後連蘑菇渣一起煮，所以湯內仍然留有蘑菇肉，啖啖都能吃到蘑菇肉，黑松露香味十足，令平淡的蘑菇湯提升更高檔次。忌廉鮑魚冬陰海鮮湯有鮑魚、帶子、蝦及草菇粒，鮑魚跟平時酒樓宴席的很大差別，這個鮑魚能夠令我嘗出鮑魚的鮮味，煙韌爽口；帶子煮得剛好，肉質嫩滑；蝦肉新鮮爽口彈牙；另外湯是冬陰公配忌廉，有少許辣之餘還很creamy，配上蟹子，每啖湯都充滿蟹子粒，不斷在口內爆開，此湯給我帶來的震撼感絕對比黑松露蘑菇湯有過而無不及，加上價錢只是貴$20，絕對不能錯過。雜菜薯仔煙豬腩法國鴨脾原隻鴨脾下面舖有煙豬腩、雜菜、薯仔，下面所有配料都吸收了鴨及煙豬腩的味道，配料比鴨脾更為吸引；另外鴨脾炆得很淋，但肉味依然濃郁，加上有煙腩互相輝映，兩者味道融合一起，互補長短，鴨脾吸收了煙腩的咸香及豬油味，而煙腩則吸收了鴨脾的肉味，兩者都充滿咸香。另外還配有紫薯蓉，紫薯又香又甜，味道香濃，還有絲絲的薯肉。燒西班牙黑毛豬肋條肉西班牙黑毛豬以橡樹果實為糧，肉質很軟稔及嫩滑，肥瘦均勻，黑毛豬果味重，帶橡果甘香，豬肋條已經去骨，全部都有少許的筋，表面燒得很香脆，吃下去又爽又脆，有肉質纖維，很有咬口，主要是橡果的油份，所以感覺不似平時吃豬肉的豬油味，配以新鮮菠蘿，中和口中的油膩感。神秘雞尾酒$68及神秘無酒精雞尾酒$58兩者皆用新鮮的紅莓汁及糖水製成，味道酸酸甜甜，還有少許紅莓子浮在面，非常開胃及去油膩感；後者的酒味不太濃，味道反而不及前者，兩者顏色鮮艷，令人食慾大增。店員有禮貌，有問必答，主動解答客人問題，收碟快，每次上菜都會講出菜名，及解釋有那些食材。總括而言，食物質素高但主菜價錢不算貴，尤其是黑毛豬肋條肉、忌廉鮑魚冬陰海鮮湯及松露煮法國原粒蘑菇；店員服務優質；餐廳還有景觀座位，是不可多得的一個好去處。…查看更多

看過報導得知，Chef Stage 是由知名酒店的西廚Eddy Chu所開辦的，就藉著朋友生日，一同前來嘗試。餐廳門前有Chef Stage的幻光燈，漸變的光效，別具格調。裝修高雅簡樸，開揚的景觀在晚上特顯浪漫。大大隻蝦多士 $168大大隻蝦多士的名字很可愛，果然不負所望，蝦多士如手掌般大小，外皮炸至金香酥脆，蝦肉潔白、彈牙，肥美、啖啖肉的口感，十分滋味! 沾上大廚特製的冬蔭公醬汁，香料令味道更加惹味，富泰式風味。最特別是伴碟的果汁爆珠，咬下去"卜卜響"，有荔枝汁緩緩流出，清新解膩，配合炸物的確不錯。Sweet White Wine/ 果茶特飲 $58 each佳餚當然要配美酒，我們點了Sweet White Wine，用新鮮水果粒浸泡在酒中，除了中和酒的澀味，整體變得蜜甜、順口 ；果茶特飲同是以水果調製，香氣清甜，但若可加入夏日的水果，如芒果、菠蘿等，味道必定更吸引。松露煮法國原粒蘑菇 $98松露煮法國原粒蘑菇是必點推介，松露和蘑菇的之間的化學作用，可說是滋味爆發! 大大粒的爽口蘑菇，浸泡在菌味香郁的松露汁內，濃稠絲滑，倍感美味! 把蘑菇連同辣肉腸享用，配合松露汁則恰到好處，微辣嗆喉，惹味迫人，我差不多把松露汁也喝光光!黑松露蘑菇湯 $68一輪春風，終於到熱燙的濃湯，黑松露蘑菇湯承接了松露煮蘑菇的美味，湯十分綿滑、CREAMY，湯中的磨菇粒粒，增加豐富口感。蟹肉濃湯配鮮蠔杯 $128蟹肉濃湯蟹味迫人，軟滑的蟹肉絲稠密、鮮甜，味道十分濃郁吸引。店員建議喝半碗湯，再吃生蠔，大大隻鮮蠔，浸在香料味濃的青檸凍湯中，鮮味更加突出。燒西班牙黑毛豬肋肉條 $178燒黑毛豬肋肉條已經去骨起身，肋肉條彈牙、啖啖肉，油脂豐盛，咬下去時滲出的肉汁，肥美饒舌。黑毛豬八成的熟度，中間肉質嫰紅，軟腍的口感酷像牛扒，使我心醉! 一口黑毛豬，一口多汁蜜甜的菠蘿消膩，必然是清新的配搭。伴碟的綿滑紫薯蓉，薯味十足，黏糯細膩的口感，著實充滿新鮮感。慢燒美國牛肉眼(4成熟) $388慢燒美國牛肉眼份量約10安士，4成熟的色澤呈粉紅，輕輕切開，已經感受到肉質的柔軟。肉眼扒肉汁豐沛，入口軟腍而富嚼勁，雖然我平時不愛吃過生的牛肉，但想不到4成熟的牛肉別具一番風味。總括而言，餐廳環境浪漫恬靜，食物水準不錯，松露煮原粒蘑菇及黑毛豬肋肉條令我留下深刻印象，下一次再來品味Eddy Chu的廚藝魅力! …查看更多

今晚同好友相聚，朋友介紹黎位於尖沙咀亞士厘道17-19號19樓既Chef Stage，由地鐵站行過黎都只係幾分鐘，非常方便。Chef Stage de Eddy Chu ，顧名思義，就緊係由老闆兼總廚既Eddy Chu坐鎮主理架啦。係Openrice 到睇到，佢係酒店業界被喻為「西餐浪子」，入行超過三十年，仲曾任職多間星級酒店及高級會所添。餐廳環境唔錯，晚飯時間亦都唔會好嘈，服務又好，如果想揾地方坐耐d，同朋友傾下計，呢到會係唔錯既地方。餐酒選擇都好多，不過我地今日揀既係sweet red wine 同埋Mystery Mocktail。Sweet red wine: 加左蘋果粒既紅酒甜甜地，有輕微既水果甜香，但又唔會蓋過紅酒味，喜歡飲紅酒既朋友真係可以試下。Mocktail方面係以有汽提子汁加入雜果整成，入口非常清新。 艾迪乳鴿  : 西餐有乳鴿食都係第一次，所以點都要試下。呢到既乳鴿鹵得好入味，有別於一般中式乳鴿咁，呢到既西式乳鴿無咁脆，餐廳用上BB鴿，所以肉質非常細嫩而且充滿肉汁，亦都唔算多油。最值得一讚既係餐廳非常貼心，提供濕紙巾俾客人，等客人可以用手食乳鴿。松露煮法國原粒蘑菇 : 用小鍋上菜既原粒蘑菇，帶有香濃既黑松露味，非常有咬口，加埋鹹鹹地辣辣地既香腸，特別刺激味蕾，令人越食越開胃。大大隻蝦多士: 平時食開蝦多士都係細細塊，一啖一件，今次咁大件蝦多士我真係第一次見，麵包上面加入蝦之後沾上炸粉炸成既蝦多士，上檯時熱辣辣，入口外酥內軟，啖啖都會食到蝦肉，好彈牙，沾埋帶有少少冬蔭公味既醬汁，整體配合同口感真係有別於平時食到既蝦多士呀。另外，伴碟有少量既沙律，食完油膩既蝦多士食返少少沙律，真係份外清新。燒西班牙黑毛豬肉眼蓋  : 黑毛豬表面燒到微脆，厚身得黎又唔會好肥，入口時肉質鮮嫩，仲有豐富既肉汁，可見火喉控制得岩岩好，唔會燒到好乾。伴碟既有蕃薯蓉，燒蕃茄，蘆筍，菠蘿同埋basil。廚師仲教我地先食菠蘿同埋basil，咁樣就可以清除上一道菜剩餘係口腔內既味道，專心咁慢慢品嚐呢味黑毛豬肉眼蓋啦。香蒜辣味鮮蝦肉意粉: 另一份主菜我地揀左意粉，除左蝦之外，仲有車厘茄同蘑菇做配料。用小鍋上菜既意粉，煮得剛剛好，唔會太腍太硬。意粉汁帶開胃蒜香味，入口帶微辣，醬汁做到包得住每一條意粉，而且唔會過油，簡單得黎仲令人食得開胃。唯一美中不足既係蝦肉份量比較少，落多少少會更加好。總括來說，呢到無論環境，食物同服務都非常好，最值得一讚既係店員知道我地D 食物係share 食，會係適當既時候同我地換碟，方便客人之餘仲唔會騷擾到佢地。雖然呢到唔係酒店餐廳，但係不論食物同服務，都令我感到自己係五星級酒店食飯一樣。    …查看更多

一直與男友慕名Chef Stage de Eddy Chu的晚餐，可是預約了三個月都未有佳期，直到昨晚終於可以品嚐我們朝思暮想的美味。很幸運可以安排到靠窗的位置可以遠眺海景。心情也因此愉快起來。乳酪鮮蝦芒果雜菜沙律滿佈新鮮彈牙的蝦隻，淋上乳酪汁，鋪上鮮美的蕃茄，雜菜，享受多汁豐富的滋味。乳酪汁酸酸甜甜，芒果香甜開胃，品嚐驚艷創意的火花。水果紅酒與白酒味道香甜，果味濃郁但不像汽水死甜，紅酒葡萄味重，也很清爽，入口溫順。松露煮法國原粒蘑菇絕對是重頭戲，#黑松露 蘑菇一送上那香味就散之不去，一定要趁熱吃。蘑菇配料簡單，就是#香腸 與濃郁的黑松露，增添口味層次，融合蘑菇鮮甜，回味無窮。黑松露蘑菇湯聚集了蘑菇的精華，再用黑松露增添香氣，濃醇滑順的口感和松露的清香，這湯平實得來又好喝，相當不俗。忌廉鮑魚冬蔭海鮮湯夠酸夠辣且帶勁，加入忌廉後更是入口絲滑，海鮮也給得誠意十足。鮑魚處理乾淨，而且厚實，有勁的口感，淡淡甘甜富海味。半熟的帶子肉質軟綿細密，沒有任何腥味，吸收湯的精髓，吃完意猶未盡。燒西班牙黑毛豬「肋條肉」絕對不能錯過，肉質軟嫩不見血，簡單的搭配鹽就非常美味。肋條肉逆紋切法口感札實有彈性，油脂香嫩，一口滿足，配上甜香的菠蘿更相得益彰。紐西蘭蟶子扁意粉精製的忌廉汁加上新鮮蟶子，最簡單的配搭，也是最經典的味道，讓人難以忘懷，香馥美味徹底滿足挑剔的味蕾。tiramisu表面撲滿厚厚的一層朱古力，比一般吃的濃，中間口感綿密札實，甜而不膩，底層則有股濃厚的咖啡酒香，相信蛋糕是即日製造，因為沒有濕黏感。…查看更多

今天白色情人節，男友知我喜歡吃西餐，便帶我去尖咀知名度頗高的Chef Stage食Dinner。人多爆滿，幸好他預先訂座～松露煮法國原粒蘑菇，大大粒磨菇份量十足，多菇汁又彈牙，啖啖獨特的松露香味，再配上酸酸辣辣的莎樂美辣肉腸，口感層次豐富，滋味無比！黑毛豬熱脆包，包面及包底皆脆身富麥香，內餡黑毛豬的甘香味與芝士味味道襯絕，濃郁惹味！配菜菠蘿新鮮肉汁多帶微甜，平衡黑毛豬及芝士的油膩感～蟹肉濃湯配鮮蠔杯，濃湯稠密度高，口感幼滑，蟹味濃郁，配上的大大隻鮮蠔浸在酸香微辣的青檸香草凍湯中，味道更清新鮮美!忌廉鮑魚冬陰海鮮湯，矜貴的鮑魚煙韌鮮甜，厚身帶子香口軟嫩，湯底味道鮮香，辣味溫和，酸辣醒胃～慢燒美國牛肉眼，份量十足，色澤粉嫩，肉質腍滑軟嫩，鮮美多汁，肥潤油花甘香肥美，入口即化，即使不蘸燒汁，每口也能嚐到牛肉原汁原味，不愧是該店的大師級招牌菜!紅莓Mocktail，香濃的紅莓及草莓味，嚐到水果的原汁原味及鮮味，每口飲到微粒果肉，口感更豐富。男友點了蘋果汁，味道香甜～雖然人多比較喧嚷，但沒漏單也沒催人走，最重要整餐食物以至飲品絕對是大師級水準，令人回味無窮～…查看更多