桻之燒

筲箕灣東大街的美食琳瑯滿目，日本餐廳卻唯數不多。街頭上有一間日式小店，出品精緻用心，極高水準！桻之燒主打日式串燒，更以時令海鮮為食材，每天從附近的魚市場搜羅新鮮魚類，鮮味十足。踏進餐廳，映入眼廉的是密密麻麻的日本酒標，貼滿牆身和天花，可見老闆是好酒之人。午餐時間來到，不用100元就能享受到豐富的早午餐，性價比很高！散叫的餐牌提供更多選擇，例如串燒﹑主食﹑蔬菜﹑海鮮等等，定價中等。值得一提的是，餐牌每頁都是日本漫畫風的插畫，細緻有趣。♢ 🍢招牌串燒拼盤 $98這個拼盤特別豐富，有鹽燒雞中翼﹑香燒黑豚六花腩﹑免治雞肉軟骨棒﹑香燒脆皮豆腐和自家製紫心蕃薯蓉，性價比高，比起散叫串燒便宜。串燒香味十足，經調味後特別惹口。我特別喜歡黑豚六花腩！平時五花腩就食得多，六花腩較為少見，不同之處在於油脂更肥美，入口滑潤，非常有口感！六花腩串燒好食得特別散叫多一串，與朋友一起分享美味！香燒脆皮豆腐也頗為特別，外層燒得酥脆，內裡卻是豆腐滑嫩的口感，頗為出色。另外餐廳自家製的紫薯蓉也誠意十足，薯蓉打得綿滑香甜，紫薯香味四溢。♢ 🥓煙肉荔枝卷 $28完美的串燒組合！燒過的煙肉片帶有濃郁的鹹香味，入口能嘗到荔枝的juicy和清甜，兩者味道配合得十分好!♢ 🦀松葉蟹多士 $98推薦必點，單看賣相已經垂涎欲滴！多士上是多得滿瀉的松葉蟹肉和蟹膏，每啖都是嫩滑濃郁的蟹味，難怪餐牌上會寫「齒頰留蟹香」！頂部還有爽脆的蟹籽，跟蟹膏味道很搭配，口感豐富！多士也有輕微烤過，香脆可口。不用100元就能食到如此鮮味十足的多士，盡見小店心思。♢ 🦐法式鮮蟹肉虎蝦烤多士 $88推薦必點！脆口的多士上是燒過的虎蝦，新鮮甘甜，配上混有蟹肉的千島醬，口感非常豐富，頗有特色！桻之燒的熱門食物「松葉蟹多士」和「法式鮮蟹肉虎蝦烤多士」味道出眾，蟹肉的鮮味餘韻無窮，很有驚喜！無論是賣相﹑味道，都是超高水準，絕對是心思小店。朋友曾光顧桻之燒多次，大讚他們的時令海鮮燒烤，例如扇貝﹑聖子，份量十足。下次再訪時必會一試！…Read More

我係九龍人，極少專登去港島區食飯，但東大街出名係食街，所以都來了幾次食，我第一次來食就係屋企人同我慶祝生日，第一次食依間居酒屋已經非常難忙，因為屋企人order食店播生日歌仲有甜品驚喜😂所以我都請過朋友來慶祝食🎂dinner,每次食都keep到水準，員工老闆都好友善，所以我都要寫吓對小店食評。因疫情，有好多個月已經冇夜晚堂食，都擔心小店做捱唔到😑而今年情人節撞正年初三，所以我都打去book定枱，因為老公鐘意食海鲜類，而小店老闆話堂食去到6:00pm,所以我就book了3:30pm當晏d食,又當提早食慶祝情人節dinner❤所以我都預早訂定幾款海鲜🦐🦞🦑🦪同訂定甜品心太軟😆知佢鐘意食，又時都要比d驚喜男人既。其實每次都冇留意價錢，因為海鲜有d係時價，次次唔同。大家記得book定枱訂定海鲜；小店唔大，得10枱左右，walkin未必有位架…Read More

筲箕灣東大街餐廳林立，間中駕車到這邊揾下食不失為一個好活動。今日又回到「桻之燒」，一間令我難忘的日本餐廳。「桻之燒」老闆非常善心，每個月都有派飯活動，所以其實我們食得開心外，間接也為慈善出一分力❤️回到正題，餐廳有點走居酒居路線，提供大量燒物、而且款式新穎，食材新鮮，每次都讓我驚喜不斷。地方雖小，但牆身貼滿不同清酒的貼紙，日本味極濃頭盤先來一個「松葉蟹多士」打頭陣，它肉質軟滑、味道最鮮，蟹膏香濃，松葉蟹更被日本人譽為「蟹后」，餐廳取其肉及蟹膏放在烤得香脆的多士上，每一口充滿濃厚的蟹味，把松葉蟹的美味發揮得淋漓盡致海鮮迷如我必點餐廳海鮮類，店主每天到街市挑選最新鮮食材，保證新鮮生猛。這個日本清酒沙白更美味得連湯都被我喝光光。沙白無沙，清甜無比，一點都不像外面餐廳弄得像洗蜆水一樣。湯加上簡單洋蔥絲、芫茜和甘荀絲，輕易為蜆湯提鮮再來個—-香燒游水海紅蝦，單隻$128，雖價錢略貴，但蝦size巨大，肉質厚實而彈牙！我會稱它為「蝦扒」。蝦只是用岩鹽輕輕調味，已經非常美味海鮮方面還有燒海鐵立，餐廳用鹽焗方法烹調，把魚汁完全封住。魚肉肉質很嫩滑，配上特製泰式醬汁更是絕配串燒方面有這個燒醉香雞翼及脆皮豆腐，雞翼用陳年花雕浸香再去燒，酒味香濃而不嗆，令人一試難忘豆腐看似普通，但其實外脆內軟滑，一吃便知是靚豆腐鹽燒鮮雞皮為必點項目，雞皮先去油，所以燒後不會超油膩，反而極度香脆，脆過薯片最後手打墨魚棒用香茅穿著，吸收了少許香茅味。手打墨魚滑加入粟米粒增加口感，又帶來少少甜味。口感彈牙，每口吃到粒粒墨魚，好味…Read More

每次行入東大街都會聞到誘人既香味，今晚落住微雨凍凍地，忽然好掛住日本既居酒屋，行左一圈之後就決定食呢間日式串燒。 一口生蠔 ($38) 一杯先黎幾個冷盤海鮮refresh下~ 一口生蠔原來唔係指蠔既尺寸，而係將生蠔放入迷你玻璃杯內，加入鮮蕃茄汁同紅椒粒等，令人想一飲而盡。豪氣地one shot，調味如想像中清新，生蠔亦新鮮嫩滑，啖啖肉好滿足。冰鎮深海游水八爪魚 ($88)醋八爪魚好幼嫩，配合底下清脆既青瓜片有多重口感，最特別係連少少吸盤位，咬落幾爽口新奇。 白醋味道溫和，中間仲有醋海藻，好開胃。松葉蟹多士 ($98) 4件超鐘意一入口松葉蟹滿瀉爆漿既creamy感覺，蟹肉好嫩滑鮮味，調味以蛋黃醬為主調，軟滑既松葉蟹同酥脆既多士配合得岩岩好，面頭仲有咬落卜卜聲既蟹籽，冇可能唔好食。成件都熱辣辣，尤其欣賞多士烘得恰到好處，鬆化到係口內散開。清酒煮日本沙白 ($98)開頭見到個心都沉左一沉，好怕係放題個種細細粒又冇味既蜆，點知撈出黎發現蜆肉成個五蚊銀咁大，漲卜卜好鮮味。識食一定飲埋個湯，除左清酒、紅蘿蔔同洋蔥外，個湯仲好重芹菜味，我就覺得好香喇，但未必人人岩。西京麵豉茄子 ($36)大愛茄子乾燒至熟透，茄子皮仲保持煙韌，燒得香氣四溢又乾爽，配埋鰹魚片好香口。厚燒牛舌心 ($48)老實講同我以往食到既高質厚燒牛舌差不多，反而係鹽燒同燒汁調味同最後擠上既檸檬汁係口內交錯，豐富既層次令我驚為天人，忍唔住encore左碟。香燒自家浸制醉香雞翼 ($36)酒味香濃唔苦，但第一次食到燒既醉香雞翼，都係覺得冷盤版本既嫩滑多汁岩我口味多d。香燒脆皮豆腐 ($32)外層香口煙韌，不過未去到炸個種脆皮。 我本身唔鐘意食豆腐都覺得冇怪味，大大塊幾抵食。秘制手打鮮墨魚棒 ($58)估唔到墨魚棒包住原條香茅咁霸氣，手打墨魚膠夠哂彈牙，重點係連香茅一齊燒，成塊都煙燻到濃烈既香茅味，色香味俱全。 汁燒鮮蠔燒飯團 ($68)單睇用料同擺盤已經覺得超值，食法亦幾有趣，先將飯團分開，然後連同燒蠔用脆紫菜包成飯團，我自己貪心包得多料其實有少少似食緊北京填鴨。食完一口生蠔其實已經對蠔既新鮮程度冇懷疑，最驚喜係飯團成塊都用左燒汁調味，表面燒得香脆唔會硬/痴牙，飯團既燒汁香、紫菜既焦香同燒蠔既鮮甜好夾，必叫！鋪頭細細只有幾台，牆身隨意貼左客人飲完既日本酒包裝紙做裝飾，樸實無華，反而有幾分深夜食堂既氛圍。感覺到兩夫婦用心經營，點菜時會推介當日限定菜式外，走個時亦有問我地意見，真誠態度令我好難忘。估唔到東大街會有咁高質用心既小店，港島過黎亦比想像中方便，睇黎要多d黎發掘下新世界喇~…Read More

讀書時經常到東大街食飯，幾年無來多了不少餐廳，今天來試試這間桻之燒今日慶祝朋友加人工，所以由朋友發板點菜巨型貴妃蚌貴妃蚌每隻有掌心般大，肉質爽口鮮甜，加上適量蒜末蔥花提鮮，將味道帶上一個層次，店家指所有海鮮每日入貨，所以保證新鮮岩燒原隻南非鮮鮑魚香港出售的鮮鮑魚仔屬養殖居多，當中以南非的質素最佳，所以只要用簡單的方法炮製：生熟程度拿捏恰到好處，下一點鹽、蒜、蔥調味，即成。一口咬下爽脆彈牙，鮑魚的鮮甜在細嚼後漸漸填充口腔松葉蟹多士香脆的多士上伴以蟹膏、蟹肉及蟹子，以沙律醬調合，入口先是粒粒蟹子的新鮮口感，再品嚐到蟹肉肉質軟滑，蟹膏的香濃最後慢慢出現，有層次的開胃小食醉香雞翼、醉香腩肉店家指是新餐品，腩肉前一晚自然風乾，再不斷抹上燒酒，所以入口先有香濃的酒味，然後半肥瘦的腩肉的油脂在口內徹底爆發，簡直是一絕鹽燒馬友原條馬友份量十足，魚味豐厚，油脂香濃，魚肉細潤如酥，以偏泰式的燒法，將魚脂鎖住，配以泰式海鮮辣醬，吃得大呼過癮鹽燒鮮雞皮燒雞皮先去掉多餘油脂，出品又薄又脆，入口不油膩，卻充滿雞油香氣，香脆滋味香噴噴臘味飯團燒香的飯團肉包有已切粒的臘味，中式材料配上日式做法，一咬下滿口臘味，齒頰留香汁燒鮮蠔燒飯團上枱造型吸睛，鮮蠔及飯團均以香濃燒汁燒出來，燒得夠香，鹹甜適中，不會過於濃膩，作為一餐的結尾最為合適…Read More

上個禮拜放工想食串燒，筲箕灣呢間餐廳已經聽咗好耐今晚決定試一試啦！早有聽聞呢間餐廳嘅老闆非常有善心，唔知食物質素會唔會又係非常高呢？點完嘢食之後，望一望餐廳嘅裝修就會發現充滿日本風，真係有去咗日本居酒屋嘅感覺啊！🤤👍🏽第一點上嘅菜係三點植物性漬物盛，顧名思義係三碟小菜，三碟都同樣開胃！其中一碟係生魷魚再配柚子味嘅粉末係自家製架！因為本人未試過呢個菜式所以覺得十分新鮮，柚子粉可以中和到魷魚嘅腥味添！另外，中間嗰一碟秋葵加木魚絲，仲有酸酸尾尾嘅汁好惹味呀！🤤之後係巨型貴妃蚌，同平時一樣，桻之燒嘅貴妃蚌都用咗蔥同埋我最愛嘅蒜蓉。咬落唔韌口，真係大大隻啊！呢碟松葉蟹多士我大推啊！每塊多士上面都塗滿左海量嘅蟹膏，蟹膏之上係蟹肉，蟹肉上面仲有蟹子點綴添呀之後嗰碟係另一創意之作，碟上鋪左四塊嘅紫菜，中間係一大舊汁燒飯團，飯團上面有竹籤吉左兩隻大生蠔。食法係用紫菜包着飯團再加生蠔黎食，賣相夠特別，菜式亦好有創意呢串雞皮係必食，連平時唔識雞皮嘅我都忍唔住想食多兩串！我平時唔識雞皮係因為好驚佢嘅口感滑得來又好油膩好似有好多肥膏咁，但係呢串鹽燒雞皮佢炸到所有雞皮都吹到好似薯片咁脆，但食落去好有張力感，真心真係好好味嚟到冇食過呢度嘅雞皮唔好話你黎過啊！跟住係脆皮豆腐，啲木魚多到遮住曬，完全睇唔出佢係乜嘢嘅菜式啊！個豆腐炸到非常之脆食落好爽口。而呢一啲嘅雞翼你可以想像佢係BBQ蜜糖雞翼crossover醉雞翼！識落有燒焦嘅蜜糖味加埋酒味好特別！我第一次食呢個泰國嘅椰菜苗，齋睇菜式名以為椰菜苗係大大個椰菜再切細粒燒成一串。點知原來椰菜苗係一粒粒好迷你版嘅椰菜好搞笑啊🤣燒完好有菜味再加小小苦味，幾特別喎！最後，係大馬有。老闆娘話呢條馬友嘅整發係特登唔起鱗，切開左啲皮之後擠小小嘅檸檬汁，肉質好滑好滑😚愛食魚之人一定唔可以錯過啦！…Read More

東大街近年成為左東區美食集中地, 我地係附近返工, Lunch係度留下左唔少腳毛。今日同事收到通知今期會升職, 為左同佢慶祝, 我立刻訂左桻之燒收工去賀賀佢。😆桻之燒我地Lunch食過無數次, 應該所有口味嘅桻之Roll同任何配紫薯蓉嘅主菜我地都應該全部食過。😂 不過晚市我地今次係第一次黎食。我地收工直接過去, 未到7點已經到, 雖然係平日, 不過好快已經坐滿客人。客人大多數都係熟客, 老闆同店員都好熱情, 我地兩個點左10款食物, 另外點左老闆推介嘅純米吟釀。😚純米吟釀「寫樂」係特別適合佐餐嘅清酒系列，配搭各種美食都好好。酒味濃而不苦澀, 入口清甜, 同燒物味道好配。👍松葉蟹多士充滿松葉蟹肉同蟹膏, 配上香脆嘅多士, 每啖都蟹味濃郁, 真係齒頰留蟹香。😋泰式香焗海扇貝唔算大隻, 不過扇貝肉鮮甜, 香茅味濃, 略帶微酸微辣, 既惹味又醒胃。😚牛舌愈近喉嚨位愈腍, 呢個厚燒牛舌心爽口彈牙, 加上少少檸檬汁, 非常美味。😁香燒黑豚六花腩比平時食嘅五花腩脂肪分佈更分明, 外層燒得好香脆, 油脂味濃但入口唔油膩, 好好食。👍香燒脆皮豆腐係同事指定要食嘅, 佢平時Lunch食飯好多時都會叫豆腐食, 呢個脆皮豆腐外脆內軟, 調味唔會太咸, 味道剛剛好。一口生蠔係不槐係餐廳推介, 生蠔超鮮甜, 配上微酸嘅醬汁提升鮮味, 一口一隻超滿足。😍香燒手打鮮墨魚餅爽滑彈牙, 墨魚粒有咬勁, 沾上甜酸醬, 味道好夾。燒雞皮係好考師傅燒烤技巧嘅一款燒物, 唔係每一間居酒屋都會做, 呢個鹽燒鮮雞皮極脆口, 用少少鹽調味, 非常美味。😋香燒雞皮手打蝦膠卷係隔離枱嘅熟客推介嘅。😊 蝦膠富有彈性, 而且蝦肉好多, 以香脆雞皮包住食, 超滋味。奇趣餡餅北京填鴨上枱時仍然超熱, 需要紙巾包住先攞到上手, 餡料豐富, 有鴨肉, 菇片及洋蔥, 配上味道似叉燒醬嘅醬料, 味道好有層次。👍原本打算請同事食呢餐慶祝, 最後被佢搶左黎埋單。不過我已經約定佢下星期再黎食, 一定要請返佢。😜餐牌及室內環境…Read More

又食到間好地方，今次係筲箕灣衣間串燒店餐牌有多款選擇：有串燒居酒屋套餐、散叫都有好多款式(海鮮、串燒、意粉、乳鴿都有).....可算是非一般嘅居酒屋我哋選擇散叫一嘗佢各款食物主打海鮮類岩燒原隻大連鮑魚 $48/隻(時價)味道非常彈牙爽口，加上豐富嘅蒜蓉味簡直一絕應該係即叫即整，所以每款食物都係熱辣辣上枱，無失串燒嘅風味巨型貴妃蚌 $78/2隻又是新鮮滾熱辣上枱濃烈嘅海水味帶一點似有調配過嘅湯同貴妃蚌一齊食，男友即點名衣個好味聽到隔離枱想叫都已經沒有了！松葉蟹多士 $98/1碟4件 見到餐牌已經心心眼皆因本人對日本蟹非常鍾情，諗都唔使諗一定要試吓！咬落去果下嗰種蟹膏嘅味道，我已經即刻講左句‘好好味’多士上面嘅料真係好足，如果真係要挑剔一下，唯有說多士可以厚d同埋可以脆身d，咁就完美無瑕喇汁燒鮮蠔燒飯團 $68餐牌寫首創又有頂呱呱推介，又試吓佢啦賣相非常特別，一舊仔表面脆脆地嘅飯團加上面一舊充滿燒汁既蠔....碟上有3塊紫菜！我哋將飯團分開3份放在紫菜包住食，自創都唔知係咪咁食但味道都唔錯，蠔非常juicy,好多汁清酒煮日本沙白 $98響外面食好多時都得返啲殼，但依度d沙白真係每粒都有肉，冇花冇假都帶dd酒味，不是太濃烈，但起碼知道佢真材實料！響外面食永遠得個名有厚燒牛舌心 $48/串大大串，厚身多肉！不過有少少味道，但因表面有鹽剛好蓋過那味道鹽燒鮮雞皮 $28/串上枱時店員表示雞皮同一般外面的不同，係新鮮雞皮兼且已去油，所以食落一啲都唔油！的確食落一d都唔油立立，非常乾爽，脆卜卜又唔油膩，好獨特既方法值得推介香燒自家浸制醉香雞翼 $36一般串燒雞翼！味道不過不失啦！醉香雞翼有酒味？似乎要加重味道了！鎮店鹽燒原條鮮魚 - 金魷 $178 (時價)本人本身不太食魚，因為怕有骨！但依條金魷真係令我起埋骨都繼續食，食到冇晒一粒肉為止肉質真係非常滑滑滑，啖啖肉骨係大條粗身，完全唔怕哽骨！另外有個汁酸酸辣辣可以沾，不過意外發現沾鹽會更更更好味！衣條魚真係令我停唔到！極力推介，唔試真係損失依度消費雖然唔平，但勝在每款精又好味！食到最有質素嘅海鮮！皆因今次大部份都係海鮮類所以今次先貴咗啲！埋單加一後$831。物有所值…Read More

筲箕灣東大街第一次去講都無人信。今晚約了家人專程去逛街順道食晚飯。原來成條街都係食店，各式各樣好熱閙。我最鐘意食日本莱，晚飯去了一間細小的店舖，主打日式，其實還有其他國家菜式，聽老板說只要硏究出來好味的都會做。可謂多元化。品嚐日本菜清酒少不了。十四代清酒聴聞已被炒得火熱，佳因出產地是山形縣，在泉水環抱的環境下，釀造的酒自然了不起。我不太董喝酒，但喝起來淸中帶甜，香醇飽滿。先來三款漬物，有酸醋秋葵，牛角煮和鹽漬魷魚洋蔥。非常開胃的前菜，佐酒一流。清酒煮曰本沙白有驚喜，湯底清甜帶酒香，蜆肉煮得剛好，嫩滑鮮甜。配料的芹菜，紅蘿蔔.....居功不少，帶出清甜味。燒乳鴿是從農場新鮮購入，果然肉質大有不同，軟熟嫰滑。燒得外脆內軟，香口惹味。黑毛豚肉露筍卷這個就麻麻，露筍有渣，豚肉調味過鹹。對於蟹痴的我，松葉蟹多士就滿足到我。多士烤得脆口，整個口腔充滿著蟹的鮮味。最後來個汁燒鮮蠔燒飯圑，燒汁勁惹味，飯粒有焦香，蠔隻鮮甜多汁，配搭不錯。…Read More