First Love

👨🏻‍🍳戀上台式料理 (將軍澳)📍將軍澳唐俊街21號翩匯坊地下G26號舖 「超多款食物選擇，仲可以打卡😻」 對住海景，好chill🤤環境勁靚，有室內室外座位，仲要禁煙👍🏻另有一張打卡椅😝 今次主要想食台式料理，scan QR code，超多選擇😳👍🏻仲有烤肉、烤魚、小菜。 🍽️台式紅燒牛肉麵 附送前菜 $88(陽春麵 古早牛肉湯)陽春麵好食😻腍得黎條條分明！！古早牛肉湯有少少藥膳味🤤牛𦟌腍身不榎👍🏻前菜 : 鹽焗花生、菠蘿粒、木耳 🍽️戀上蚵仔滷肉飯 附送前菜 $88(蚵仔 : 古早)台式滷肉飯配上滿滿蚵仔，正🤤蚵仔另可揀鹽酥，吾知系點架呢😝 🍽️台式滷水牛展 $78份量多，大塊😋 🍽️鹽酥大大雞扒 配？千島醬 $78酥脆，點醬好食🙈 🍽️松茸燉雞 $38淡淡的，好似無加調味，幾健康咁🙈 🍹奶蓋四季春 $30淡淡的，可解膩🙈 🍹芝士芒芒 半糖 $35半糖都夠甜😻好飲！！ 餐廳真系好靚，設計上好有心思🤤環境設計真系會有「戀愛感」，仲要望海！！不過食完有種落寞感，可能環境太靚，對比感大🙈 #戀上台式料理 …查看更多

今日同同事放工去咗將軍澳南搵嘢食，行行吓比呢間台式料理店吸引住。佢嘅裝修好特別，好有台灣風情。仲有啲鼓勵語句，為你生活打打氣，當係為我哋繁忙嘅工作生活增加力量吧！我哋揀咗靠牆嗰邊坐，好有氣氛，因為嗰度有一大幅花花牆，賞心悅目。呢度啲座位有啲軟墊，坐得舒服。戀上酸菜魚(小辣小麻)酸菜魚分量多，配料仲有雲耳、萵筍、泡椒、酸菜、紅薯粉，魚肉嫩滑，味道剛剛好，食落酸酸辣辣好開胃。松茸燉雞呢個燉湯好足料，除咗松茸同埋雞，仲有豬骨同南瓜，熱辣辣送來，飲完健康又暖胃。戀戀蚵仔煎蚵仔煎餅仔煙靭，裏面有好多蠔仔，肚仔粒粒都脹卜卜，咬落去就爆汁 ，加埋醬汁食，就更加惹味！特選燒肉拼盤(五花腩肉/黑毛豬/厚切牛舌/牛小排)烤肉盤有好多選擇，樣樣都好味。五花腩肉夠厚夠，帶有油脂燒到d油剛出來，有點焦香最正;黑毛豬肉質夠爽口;牛舌牛味濃，食落有口感;牛小排脂肪分布均勻，肉質腍軟。雪崩珍珠朱古力呢杯朱古力飲品好有層次感，D奶蓋快滿溢出來，朱古力味濃，再加上奶蓋，飲落好Rich, 好Creamy.…查看更多

將軍澳海傍既餐廳之一,係Pet Friendly架,見到有幾枱客都帶咗狗狗過嚟😆《鵝肝蚵仔魯肉溏心蛋飯 $128》鵝肝煎得幾香,咬落去啲油脂感湧岀黎,就咁食會偏鹹少少,但餸飯一流😂滷肉肥瘦適中,係偏向瘦少少,所以食落唔會感覺太油膩,唔錯!蚵仔既份量都幾多,隻隻都脹卜卜🙈《台式鹵水小拼盤 $68》話就話係小拼盤,但係其實都幾大份,幾經辛苦先食得晒😂滷水雞翼同埋豆腐都算入味,豬耳真係超級多食極都食唔完,而且調味啱啱好唔會太鹹😀《戀戀蚵仔煎 $88》蚵仔煎始終都係台灣好食啲🙈 呢份蚵仔煎麵粉比較多少少,一般!《芝士爆漿脆雞扒 $98》炸雞扒反而幾好食,外皮炸得非常之酥脆,仲有邪惡拉絲嘅芝士,雞扒好多肉汁,炸得啱啱好完全唔乾,幾推薦👍🏻《松茸燉雞 $38》呢個燉雞湯幾好飲,好有家的味道😂《芋圓仙草豆腐花 $38》消暑一流,好夠凍,豆腐花有啲似百福豆腐花嘅味道,甜甜地😂芋圓係番薯味,煙煙韌韌幾好食!戀上台式料理將軍澳唐俊街21號翩匯坊地下G26號舖[⭐️5分為滿分]味道⭐️⭐️⭐️環境⭐️⭐️⭐️⭐️服務⭐️⭐️⭐️價錢⭐️⭐️⭐️推薦⭐️⭐️⭐️…查看更多

難得大小C妹山長水遠去將軍澳揾朋友朋友仔就介紹左我地去食呢間都幾隱世既台式料理餐廳結果果然無令我地失望😋鹽酥大大雞扒套餐 配魯肉飯 💰74鹽酥雞扒炸到好鬆脆🐓外層既炸粉唔會太厚 重點係唔會好吸油😗食落口唔會有果種好油好膩既感覺🙅🏻‍♀️魯肉飯味道都唔錯 配料都比得幾足😋唔錯唔錯👍🏻松茸燉雞 (跟餐) 💰18超級真材實料‼️絕對係好有誠意既燉湯🤩飲幾啖已經feel到個胃開始暖 飲落好舒服💁🏻‍♀️平時鍾意飲湯既豬仔真係要加配❗️18蚊飲到真係物超所值😗平時散叫要38蚊架🤫Pinku Pinku (跟餐) 💰28比佢既賣相吸引到💕冰冰涼涼 甜甜酸酸 夏天熱辣辣飲真係一流🤞🏻特選燒肉拼盤 💰258👉🏻五花腩肉/黑毛豬/厚切牛舌/牛小排 私心推薦‼️肉質有驚喜‼️大小C妹都一致比呢個燒肉拼盤小驚艷左😍尤其係五花腩肉 肥瘦相間 層次好分明🐖重點係厚切 厚切先係王道❗️一啖食落口油脂感一次過爆哂出嚟🤩食五花腩肉嚟講 就係要呢啲咋嘛🫶🏻💕蒜泥白肉 💰88超級多蒜 重口味人士既最愛😏佢唔似平時譚仔食到既蒜泥白肉咁多辣油😌食落蒜香味好足🧄 幾岩大小C妹既口味😋古早仙草奶茶 💰38…查看更多

出咗去將軍澳做嘢，放工之後沿着海旁睇吓有咩餐廳想試，見到呢間台式餐廳，除咗有地道台菜，仲有燒肉拼盤、酸菜魚等唔同特色料理，就入咗去食餐好嘅慰勞吓自己！戀戀蚵仔煎香港好少見嘅蚵仔煎，味道好還原到台灣風味，蠔肉鮮甜多汁，煎餅又唔會煎得太淋，份量十足！松茸燉雞必試滋補系列！個湯好清甜，燉雞肉質細嫩，松茸口感爽滑。牛肉拼盤有齊四份唔同部位嘅牛肉，分別係牛舌、牛肩胛、牛小排同牛空腹，燒完充滿牛油香，而且肉質好嫩滑，性價比好高！雪崩珍珠朱古力呢款絕對係超邪惡之選，有齊晒奶蓋、珍珠、凍朱古力，一次過滿足晒我所有肥肥嘅願望！荔枝沙冰夏天飲佢就最消暑，荔枝沙冰好清爽，飲落唔會死甜！椰奶仙草芋圓食得台灣料理當然唔少得芋圓，芋圓煙靭有口感，仙草亦可以中和咗燒肉嘅油膩感。…查看更多

難得放假，今日去左一間將軍澳的燒肉台灣料理餐廳慰勞一下自己。呢間餐廳係半露天的，對出係係單車徑同河道，唔會好似馬路咁污煙漳氣。所以氣氛都幾chill。特別係呢家涼涼地，呢啲天氣坐露天地方係幾正。料理款式主要圍繞燒肉同台式2個元素。老實講燒肉我好耐冇食喇！上次食燒肉的時候已經係疫情前的東京之旅。所以我毫不猶豫揀左燒肉午餐。因為之前工作太忙，所以今次食得有點放肆，點左個a4和牛套餐，又加呢樣又加果樣😂點左餐冇幾耐，燉湯已經送到。松茸燉雞，好飲，湯料好足，特別最近天氣都好凍，飲翻碗湯驅寒一流。飲完碗湯，其他食物都到喇，影張合照先~A4和牛燒肉，先看肉質，油脂分佈均勻，端出來時已經幫我先用鹽，胡椒，芝麻調味。我屬於3分自然派，姐係燒到3-5成熟，然後淨係落鹽唔加醬料。因為肉質好好我先會敢咁樣燒，結果燒出黎的效果都好好。和牛的油脂感，肉質的嫩滑感，全部都好好呈現出黎。食完個口仲留有淡淡的油香😌魷魚串，omg！全部都係腳，唔知有冇魷魚腳控的朋友仔呢？其實咁燒都好食wo，因為魷魚腳尖位比較幼，比較容易燒得好脆，以致燒完出黎有外脆內軟的咬口。呢個設計幾好👍🏻雞皮，我要讚一讚我自己，真係燒得好好食！🤤個雞皮燒到脆一脆，真係好正！滷肉飯，首先要欣賞一下唔係肉燥飯，坊間太多人將肉燥飯當成台灣美食，滷肉飯係香港真係少之又少。滷肉的部分好食，飯食落去似係珍珠米，飯粒分明，比平時的泰國米圓身，可惜飯的水份太多，要扣少少分。值得一試的就係個醃蘿蔔都好好食！溏心蛋的部分都好似之前係台灣7-11買的溏心蛋，出色，不過相對冇咁大驚喜。冷泡白桃烏龍茶: 茶冇苦澀味，但唔知係咪之前的野食太濃，枝茶相對冇咩味😅😂其實都有淡淡茶的甘香味既，但白桃味就要係回香的部分，係鼻度感覺到。不過食完燒肉之後，飲翻啖烏龍茶解油膩係唔錯既。食飽飽的時候，見到佳應拎住一杯非常吸引的特飲行過，睇翻menu原來係叫「雪崩珍珠朱古力」，下次黎一定要試！而且食完呢餐，我都相信會有下次！😋…查看更多

👩🏻‍❤️‍👨🏻：⭐️⭐️⭐️⭐️⭐️之前都有講過，🤵🏻‍♂️好鬼鍾意將軍澳呢間台式料理，成日都同同事嚟食。今日第一次食dinner，所以唔再係set lunch，直接餐牌嗌嘢食。今晚人流相比平時午餐多咗好多，室內除咗一張枱全部坐滿，室外都只係剩返兩張。希望嚟緊生意繼續好啦。晚餐雖然冇套餐，但係餐牌其實都係同一個，價錢亦都非常合理，🤵🏻‍♂️今日帶咗一個健康料理channel嘅靚女板主，所以選擇都較為健康。🤵🏻‍♂️ 松茸燉雞 $38話明崇尚健康，梗係嗌個燉湯，而且你冇睇錯，每位只係$38。係$38！淨係買材料都唔得啦！燉湯完全真材實料，除咗松茸同雞之外，仲有豬骨同南瓜。松茸香氣撲鼻，味濃得來不油膩。特別介紹工作繁忙少湯水嘅朋友！🤵🏻‍♂️ 特色手工餃（6件） $58🤵🏻‍♂️最緊要食得健康，特登叫咗手工餃子，都叫做清清地。餡料嘅豬肉用半肥瘦，加上適量蔬菜，有肉汁兼夾香口。🤵🏻‍♂️ 魯肉乾煸四季豆 $88呢味較為多少少油，但係炒得香口，肉味極香，配上四季豆簡直係天作之合。🤵🏻‍♂️ 戀上三杯雞 $88上次午餐已經提過三杯雞非常好味，香口惹味，連配菜都全部食晒，今日亦都保持一貫水準，最後真係成個煲入邊乜嘢都冇晒真係不得不再提一次，呢間真係非常抵食，兩個人落樓$299 ，晚餐其實邊度搵？最緊要係好食，環境舒適，服務又好，最啱好忙嘅🤵🏻‍♂️做到星期五之後嘆吓。…查看更多

近來將軍澳海旁附近食肆臨立，黎自不同國家應有盡有，自從疫情至今已超過三年的時間，常常都掛住可以去旅行的日子，唯有食盡唔同國家的美食，當是自己去了小旅行，回想昔日食過的味道。在翩匯坊的海旁盡頭有一間台式餐廳，我在之前跑步時經過幾次都會望下餐牌。終於放假時，第一間便想起這間台式食店，於是帶埋爸媽食午餐，順道Chill下hea下又一day。我地睇緊餐牌時，店員為我地送上醋浸黑木耳，為我們開胃。店舖還有一個藏書閣，擺放了不少的珍藏書籍，當中也不乏旅遊、哲學書，結果我都打左陣書釘。鹽酥/脆香大大雞扒（$78），去親台灣食大大塊雞扒，相信都係每個人對台灣小吃記憶中的10大名物之一。整個定食賣相好好，雞扒附近滿怖椒鹽，想濃味d也可以多沾附近的椒鹽，雞扒肉質嫰滑，炸得酥脆可口。就算雞扒是否點上千島醬味道也是很夠味。另一便當鰻魚飯是爸爸的最愛，鰻魚厚肉大大塊，口感豐富，並不帶有任何細骨，燒汁好多，溏心蛋的流心程度簡直是恰到好處，連爸爸食完都大讚好味。鵝肝蚵仔魯肉溏心蛋飯套餐，很新穎的食物配搭，有別傳統的台式食物，粒粒蚵仔脹卜卜，鮮味美味，鵝肝有2片，大大塊，煎得好甘香，更配有肉燥、溏心蛋，整碗飯非常豐富。古早藥膳排骨 & 松茸燉雞（+15/盅），這店的湯同樣是真材實料，不帶味精，每盅湯材料都好多，燉雞盅味道好鮮甜，松茸菇每條都很大條，藥膳排骨味道甘甜回甘味好重。鹵水牛𦟌（3件），雖然是追加小食，但絕不細份，每塊牛𦟌都是大大片，每片牛肉淋身鹹香入味。台式鹵豆腐，豆腐好入味，外皮炸得煙煙韌韌。每份小食都有涼拌青瓜絲同花生。飲品薑母茶、奶蓋宇治珍珠抹茶、古早冬瓜茶，薑母茶比出面餐廳整得更濃味。而抹茶很香濃，可惜芝士奶蓋少少芝士未融得透徹。臨走時，因為天氣太熱，我又見到店員在製作冷泡烏龍茶（$30/支），於是我都買了2支，茶味香濃，而家帶有回甘味，回家後，茶包仲可以沖多2次，值得一買。值得一提是午餐沒有收加一服務費，變相真是好抵食。…查看更多