Nan Ei Sui San

今次同妹豬相約黎食香港既日本地道磯燒🤭自從上次同朋友去左食磯燒海產之後，簡直愛上了喔💕餐廳環境舒適寬敞，裝潢如居酒屋般，店內仲有水缸放滿住各式各樣既水產，確保新鮮🙆🏻‍♀️-🎈活貝盛合 $428揀左活貝盛合裡面有蠔、活鮑魚、帆立貝同埋蜆～款款海鮮都好吸引！店員會幫手逐樣海鮮拎黎燒，由佢地燒既話就可以完全掌握到個時間，確保水產唔會唔熟或者overcooked！自己最鍾意活鮑魚同埋帆立貝，因為活鮑魚其實係好難燒，但店員係燒到剛好，夠哂爽口彈牙～至於帆立貝我本身都好鍾意食，好彈牙好新鮮，店員教落仲要飲埋裡面既汁，非常鮮甜，完全係精粹！-🎈蟹味噌甲羅燒 $68每次去食居酒屋或者磯燒水產都必叫既蟹味噌甲羅燒🥰食落每啖都是蟹膏，極度邪惡，一定要趁熱食啊～-🎈黑松露鰻魚卷 $238鰻魚舖在卷物上面，好鮮美多汁😎整個配搭好好，但個人覺得黑松露味可以更濃郁😚-🎈東瀛五點盛 $368分別有三文魚、吞拿魚、帶子、油甘魚同甜蝦既刺身～新鮮得黎又好肥美🥳-🎈冷烏冬 $68🎈香蒜牛舌 $98份量幾多，大概都有六至七塊厚切既牛舌～最鍾意係佢入口好軟稔😳肉味濃郁～-🔸南瀛水產📍尖沙咀金馬倫道5號太興廣場5樓…Read More

中意食磯燒海鮮/日本居酒屋既話岩哂你🤣，食材好新鮮、坐得舒適、位置又方便，位於尖沙咀金馬倫道，放工同朋友去就岩哂👍🏻-💕蟹味噌甲羅燒 $68👅好味指數：8/10店員會即場幫忙燒，🦀蟹殼內有滿滿既蟹膏、蟹籽、蟹肉、鵪鶉蛋，撈埋味噌醬汁，味道更提鮮更濃郁，配飯一流🤤-💕煙燻A5和牛tata $288👅好味指數：8/10煙霧效果，造型感十足！A5和牛呈淡粉紅色🩷，肉質軟滑，牛味濃🐮，入口油香感強烈🥰，如果食唔到比較油脂感重既牛，店員建議另一種食法，食法有啲似泰式燒牛肉沙律咁，搭配底下既沙律菜同蟹籽一齊食，感覺清新爽脆之餘亦食到牛既鮮嫩🥰！-💕 東瀛五點盛 $368👅好味指數：9/10三文魚|牡丹蝦|油甘魚|帆立貝|藍鰭吞拿魚 食材好新鮮🥰三文魚厚肉肥美😍 牡丹蝦鮮甜爽口，油甘魚肉質有彈性，油脂感較低又鮮甜👍🏻，帆立貝大大粒清甜爽滑，藍鰭吞拿魚厚身嫩腍，油脂甘香🥹入口即溶🥰必食！-💕 南瀛卷 $288👅好味指數：8.8/10卷有三文魚籽、海膽、拖羅蓉、蝦同生菜，海膽鮮甜冇腥味同唔苦☺️拖羅蓉幼滑肥美，整體口感好豐富！-💕 吉列炸蠔 $98👅好味指數：8/10炸蠔炸粉唔會太厚，多肉汁，蠔味濃！-環境：8/10服務：8.5/10整體味道：8/10回頭率：8/10…Read More

食日本菜去居酒屋真係特別有氣氛🏮出品亦好有水準，所以約朋友食飯嘅話都會揀居酒屋，而南瀛水產就係其中一個我嘅on list餐廳🍴去親呢度就一定要食佢嘅蟹味噌甲羅燒🦀 店員將蟹膏、鵪鶉蛋、蟹籽、蟹肉拌勻之後喺餐枱旁即烤，滿足視覺享受之餘仲可以即刻食到熱辣辣而且味道濃郁嘅蟹膏🤤日本直送嘅真鯛刺身每一片都晶瑩通透，肉汁鮮味彈牙，淡淡的油脂配上有子醋，特別清新。東瀛五點盛有大大隻爽口嘅甜蝦、肥美厚切嘅三文魚、鮮味十足嘅帶子、油脂豐富嘅油甘魚同口感厚實有咬口嘅赤身。南瀛極上刺身丼材料勁豐富份量又大😍一碗🈶️齊肉質爽口彈牙嘅牡丹蝦‼️油脂豐富又肥美嘅三文魚腩‼️口感軟滑吞拿魚腩蓉‼️ 鮮味十足嘅帶子‼️油脂細膩嘅白身魚‼️入口即溶嘅大及中Toro‼️脆卜卜又鮮味嘅三文魚籽‼️味道濃郁又creamy嘅加拿大海膽‼️野菜天婦羅都有誠意㗎～除咗係即叫即炸之外，天婦羅汁上枱嘅時候係暖嘅，咁就唔會令到熱辣辣嘅天婦羅降溫👍🏻…Read More

同媽咪一齊去咗尖沙咀嘅，主打採用日本食材同進口水產，一去到已經好似去咗日本漁場一樣。我哋食咗以下：平目刺身平目魚好新鮮，肉質鮮嫩，魚味較淡，點特製酸汁，加上辣紅蘿蔔蓉，提升鮮甜味，幾好味😋蚧味噌甲羅燒用松葉蟹殻裝住膏、蟹籽、蟹肉，蟹膏好香，加埋鵪鶉蛋好滑職員幫你一邊拌一邊燒，熱辣辣，好正👍🏻雲丹刺身即係海膽，好鮮甜，唔使點豉油都好好味。東瀛五點盛五款刺身有帶子、三文魚、有頭甜蝦、吞拿魚、油甘魚，全部都好新鮮，點少少豉油已經好鮮甜好好味。鮟鱇魚肝香綿軟滑，完全唔腥，唔點酸汁就咁食都唔覺油膩，有回甘。點埋酸汁更可口，魚肝香味更突岀，一個人食晒成碟都唔覺膩。價錢雖然稍貴，但服務不錯，食物質素確係高，滿足晒我同媽咪呢兩個Sashimi Lovers🥰…Read More

收工同家姐食好西，佢揀咗呢間南瀛水產🥰 上次我哋都同屋企人食過呢間，都非常滿意，所以我都非常期待😋🍣 千島海鮮黃金卷 （$128）呢個黃金卷一共有九件🤩 卷入面有三文魚、吞拿魚、蕃茄、青瓜等，全部食材嘅味道都好易食得出，唔會比千島醬搶味，仲好清新👍🏻🐡 東瀛五點盛 （$368）一共有五款刺身，各有三塊，包括甜蝦、三文魚、吞拿魚、鯛魚、帆立貝，全部都好鮮甜肥美，五樣都好好味！😋🦀 蚧味甲羅燒 （$156）甲羅燒係呢度嘅名菜🥰 差不多枱枱都會叫，超多嘅蟹肉蟹膏混合，超級好味！🐣 南瀛玉子燒 （$88）呢度所有食物都係即叫即整嘅，呢個玉子燒都唔例外，上枱嘅時候冒晒煙㗎😍 plain玉子燒都夠滑，好好味！🍲 A5宮崎和牛壽喜鍋 （$438）最後食返個壽喜鍋，超級飽肚！有三塊大大塊宮崎和牛，真係冇得頂🤤 壽喜鍋裏面有各款蔬菜、豆腐、金菇等等，湯底味道鮮得嚟唔會太濃，抵讚！…Read More

居酒屋？我很可以！🤤​最近真係忙到暈，難得早收，立即約朋友去居酒屋Chill下！我哋嘅聚腳點通常喺尖沙咀，唔洗講，實去老地方「南瀛水產」！​鍾意呢度夠地道，長木餐牌、麻繩燈、深木色枱櫈、彩繪紙傘、字畫……古色古香，十足置身日本居酒屋般！至於食材，魚鮮均由日本直送，新鮮又美味。除一系列刺身或壽司，仲有得食磯燒，好似帆立貝、活鮑魚 、蜆、帶子或岩蠔等等，喺度食返真係好似返「鄉下」咁！😝✦ 軟殼蟹沙律沙律上有一大隻軟殼蟹，份量好足，次次食都有呢個，正！🤤​✦ 南瀛卷呢個卷真係超級豐富，有海膽、牡丹蝦、三文魚子、 吞拿魚等食材，食完大滿足！​✦ 帆立貝店內枱前設有小型烤爐燒煮，點完海鮮，即有專人幫手燒熟，今次我叫咗帆立貝，真係洗得勁乾淨，成個貝面都好雪白！店員邊燒邊加入味醂，食時爽口又甜甜地，好正！🤤​✦ 東瀛五點盛5款刺身包括三文魚、帶子、甜蝦、吞拿魚及鯛魚，均厚切送上，食完好滿足！✦ 唐揚炸雞炸雞皮會比出面硬啲，但入面嘅雞肉真係勁Juicy，口感幾特別。​✦ 炸八爪魚鬚啤酒配炸八爪魚鬚，真係絕配！呢度嘅炸八爪魚鬚唔似出面咁，又少肉又乾爭爭，入口係爽彈嘅八爪魚肉，不錯。​✦ 吉列炸蠔南瀛水產嘅吉列炸皮做得唔錯，酥脆但不油膩！如蠔肉再肥啲就prefect！​✦ 櫻蝦野菜天掃羅​又係送酒必備嘅炸物！咬開野菜時，又食到香脆嘅櫻花蝦，口感好豐富呢！​✦ 冷烏冬唔係出面食，食得出路牌靚烏冬，幾彈牙！​…Read More

最近收工，成日約朋友去居酒屋Chill下～而位於尖沙咀嘅南瀛水產，就係我哋其中一個幾鍾意嘅聚腳點。​勁鍾意餐廳嘅氣氛，長木餐牌、麻繩燈、深木色枱櫈、彩繪紙傘、字畫……古色古香，十足置身日本居酒屋般！至於食材，大部份魚鮮都日本直送，夠晒新鮮。除一系列刺身或壽司，仲有得食磯燒，好似活鮑魚、蜆、帶子或岩蠔等等，邊燒邊食，旅行回憶立即返晒嚟！​✦ 軟殼蟹沙律沙律水準發揮正常，其上仲有一大隻軟殼蟹，份量好足。​✦ 蚧味噌甲羅燒✦ 活鮑魚店內每張枱前仲有小型烤爐燒煮，點完海鮮，即有專人幫手燒熟，坐定定就有好西食，正。呢度嘅甲羅燒鮮味濃重，不過偏鹹，撈飯食會更滋味！至於鮑魚，上枱嗰下仲識郁，燒時店員又會剪走鮑魚唔食得嘅嘴部，又爽又多汁，好正！🤤​✦ 黑松露鰻魚卷喺燒得香口嘅鰻魚下，係包咗黑松露嘅飯卷，味道幾好。​✦ 東瀛五點盛5款刺身包括三文魚、帶子、甜蝦、吞拿魚及鯛魚，均厚切送上，食完好滿足！​✦ 野菜烏冬唔係出面食，食得出路牌靚烏冬，幾彈牙！野菜就無咩特別，正正常常。​✦ 紫菜海膽天掃羅用紫菜將海膽包好，再炸，工序多多，食時海膽在口中爆開，微暖，一試難忘！​…Read More

就嚟生日，又好耐冇食過日本嘢，於是就試吓南灜水產，見咁多人like，啲嘢食個樣又好似幾好咁。舖入邊嘅裝修幾有日本風味，我哋被編排坐係一個角落，靜靜地幾舒服😌而且好啱打卡添❤️ 由於生日飯嘅關係，我哋決定豪食啦😋蕃茄沙律 $78好新鮮嘅蔬菜同蕃茄片，配上酸酸甜甜嘅沙律汁，感覺好清新！土佐豆腐 $68炸得好出色嘅豆腐！外皮鬆脆可口，而入邊嘅豆腐香軟細滑，口感充滿層次！配上蘿蔔辣蓉同醬汁，真係好好味！😍蚧味噌甲羅燒 $78 each 呢個係舖頭嘅特色菜，用鵪鶉蛋同蟹膏混合煮成，食落去不停聞到濃濃嘅蟹膏香，好特別！☺️香蒜牛舌 $88牛舌口感非常鬆軟，燒得啱啱好，配合香濃嘅蒜香，食到流晒口水！而且有五件，感覺幾抵食！❤️東瀛五點盛 $368整體魚生新鮮，三文魚油脂分布平均，帶子夠大粒，食落去仲有浸奶油香，生蝦亦夠鮮甜！🥰吞拿魚就一般。蛤蜊 $48店員會幫你燒，佢哋好細心咁剪走個殼，食落去亦有浸酒香，燒完即刻食，仲食到新鮮嘅甜味！👍🏻雲丹蚧肉卷 $228蟹肉壽司上鋪咗層海膽，增加左壽司嘅口感同鮮香，味道不錯👍🏻牛肉烏冬 $78牛肉烏冬同出邊嘅差唔多，普普通通，而烏冬用稻庭烏冬，所以口感比較煙韌。唐揚炸雞 $68呢個值得一讚！首先賣相好特別，將雞炸成一個大雞球，咁就可以鎖住肉汁，好Juicy! 如果多啲沙律醬會更好🥰巨峰乳酸$58和柚子啤酒$68兩杯嘢飲都幾好飲，特別係柚子啤酒，柚子去除咗平時嘅啤酒會有苦澀味，令啤酒更易入口！值得一試☺️☺️總括嚟講食物質素頗高，環境舒適，間唔中食下都幾好😋😋…Read More

疫情關係冇得去日本就去呢間非常有日式感既餐廳款式非常之多同非常新鮮❤️❤️😍而且環境非常優美好岩同朋友1齊打卡傾計影相兩個人食左$1533🤭好多野食好飽好滿足🤭🤭坐足成個下午好厚切😂好有鮮味現場有人即燒邊睇邊食👍🏻好過癮阿非常之多款式，除左魚生刺身都仲會有熟食👍🏻👍🏻環境好好，又有窗口卡位，邊食邊欣賞街景…Read More

前幾日係媽媽生日🎂我地一家四口就去左尖沙咀食野😋呢間日本菜我地聽朋友介紹 想黎食好耐啦疫情關係枱數少左要訂位先食到🥵海鮮沙律 ($88)我地叫左個頭盤先 個海鮮沙律入面有唔同嘅角切魚生😍🐟份旺好多4個人都超夠食👍🏻牛肉烏冬 ($78) 之後我地就叫左個牛肉湯烏冬比媽咪因為佢想食啲野野暖下胃飲左啲湯真係好舒服架🥰唔止呀 個牛肉烏冬有成5/6塊大過手掌嘅厚切肥牛🤩勁抵食呀！活鮑魚 4隻 ($312)蚧味噌甲羅燒 4隻 ($312)之前叫左燒活飽魚同甲羅燒，😋呢度嘅員工係超好服務會幫你燒完上碟遞比你食我地就坐係到欣賞😝鮑魚好大隻呀 燒完之後都唔會韌咬唔到😋甲羅燒就唔洗講啦😍必點呀！個蟹蓋上面有滿滿嘅蟹膏同蟹籽🤩超幸福東瀛五點盛 ($368)然後仲叫左個刺身拼盤😍😍有我最愛嘅三文魚🍣同吞拿魚 全部都超厚切😍😍甜蝦同帆立貝都好甜好多肉😋雲丹蚧肉卷 ($228)呢個卷物有齊晒最高貴嘅食材😍有海膽同黑松露、仲包住吞拿魚溶😙好香呀😋食一舊即刻覺得好幸福～白桃燒酙 ($68)鍾意桃味漑我我揀左呢款燒酒，佢唔會太甜/太硬😌啱晒想飲少少嘅人或者唔係咁飲得嘅女仔❤️…Read More

#你懷念故鄉嗎 #日本水產空運直送 #故鄉的味道 #味覺視覺一大享受 #舌尖都震抖Blue Monday就用美食幫大家打打氣限聚令解放‼️雖然未可以飛去日本，但嚟到呢度一樣可以食到故鄉的味道😋@南瀛水產有別其他日本餐廳以香港少有嘅日式漁場作裝修概念，主打浜燒、壽司同刺身，帶俾大家東瀛漁場嘅風味！即刻同大家介紹下食左咩先😍前菜有🌽#北海道白粟米 🥗#蕃茄沙律兩者都好新鮮同清甜，白粟米有d似刺身咁，仲爆多汁！蕃茄沙律就連唔鍾意食菜嘅阿桃都大啖食呀！主菜🍣#東瀛五點盛師傅刀工了得，厚切刺身，魚味香濃，齒頰留香，合埋眼我真係以為自己飛左去日本築地咁呀🐄#香蒜牛舌入口即化，冇半點渣宰，配合檸檬汁，別有一番風味🍜#牛肉烏冬烏靠好彈牙，湯底又係日本的味道，就連牛肉都唔韌，阿桃自己一個食左大半碗🍤#什錦天婦羅盛合我最驚天婦羅炸起上嚟厚粉又多油，但南瀛出品竟然以上兩點都冇，蝦仲要新鮮蝦冇雪味，驚喜！重點介紹⚠️🦀#蚧味噌甲羅燒一場嚟到點可以唔點個浜燒產品，甲羅即係蟹蓋，蟹味噌即用味噌製過嘅蟹膏，再加上蟹籽、蔥花同鵪鶉蛋拌勻即燒🤤🤤個香味真係不得之了，即刻好想要個白飯呀飲品都好好好正🥰#白桃燒酎 桃味香濃酒味淡，岩哂女士們飲 ; #芒果乳酸 唔似出嚟果d咁放一陣就俾冰溝淡到冇哂味，飲到尾都飲到乳酸隻酸甜味🍹整體有10分嘅話我俾11分，仲有一分係加俾良心嘅💛#香港美食 #尖沙咀美食 #日本美食 #吃貨 #南瀛水產 #相機食先 #黃色經濟圈…Read More

疫情終於好返少少可以約朋友一齊出嚟食餐飯 今次就揀咗係尖沙咀既喱間日式居酒屋 地鐵站行過嚟都係幾分鐘 好方便環境都唔錯唔算太多人東瀛五點盛 $368刺身都鮮甜👍🏻蚧味噌甲羅燒 $156佢嚟到之後會有人幫你燒 之後再上碟比你佢係將蟹膏蟹籽蟹肉同一隻鵪鶉蛋撈埋晒一齊燒 我覺得好好味 一定要叫！！！牡蠣 $156都幾鮮甜 同埋都幾大隻軟殼蟹沙律 $78個軟殼蟹炸得好脆 份量都好平均 唔會話剩係得沙律好少軟殼蟹雲丹蚧肉卷 $228上面係海膽 兩個配料味道好夾 雖然價錢有少少貴 但份量都幾多吓~什錦天婦羅盛合 $198炸得唔錯 食落個感覺香蒜牛舌 $88好食！煎得好香！推薦~~~巨峰乳酸 乳酸梳打 $52不過不失，唔會太甜，下次會試吓佢啲酒，好似特別啲Menu:…Read More

最近嘅工作好繁重男朋友為咗慰勞下筆者 所以就去食餐好減減壓喇環境幾闊落同埋裝修都幾有特色望住呢堆魚缸就知啲食材新鮮啦😆✨蕃茄沙律 $68啲蔬菜都好新鮮 配埋個酸酸地嘅汁好開胃👍🏽✨雲丹蟹肉卷 $228入面嘅係蟹肉而上面再加海膽 成個組合都好吸引不過有啲失色嘅係兩種味都唔係好突出🤔✨東瀛五點盛 $368五款刺身都好新鮮 好鮮味特別推介吞拿魚同帶子阿正阿🤤🤤🤤✨清酒煮蜆 $108呢個份量都幾多 不過個清酒湯底就淡咗啲✨香蒜牛舌 $88筆者係牛舌迷 呢個牛舌超好食阿燒得剛剛好 口感一流配埋香蒜味超惹味阿🤤食到咁上下呢 店員就嚟幫手燒啲海鮮喇最好嘅係店員會幫你燒埋 包保一定燒得好味唔駛自己操心☺️✨甲羅燒 $78@蟹膏真係超好味阿 食多五個都仲得阿🤤✨牡蠣 $78@燒得超鮮味 完全無蠔嘅腥味添✨鰻魚炒飯 $168個炒飯勁足料 啲鰻魚又長仲唔會係啲碎碎嘅添好味又足料 正阿😋✨青蘋果乳酸&梅酒梳打 $68&58青蘋果乳酸唔會太甜 個面仲有好多青蘋果冰 好消暑同好清新梅酒梳打就比較一般喇總結嚟講 環境舒服服務幾好食物多款又幾好味好啱大家嚟邊食邊飲邊chill下😉…Read More

今日諗住同朋友慶祝所以黎左呢間食水產。我地8點半去到仲有好多人食緊，睇完餐牌都知呢間係偏貴，不過間唔中食一兩次姐。叫左兩杯野飲，不過最少都要$50左右一杯，然後就開始簡啲我地想食既野啦。叫左個五點盛，係有5種魚生，魚生好腍，入口即溶，唔錯！南瀛卷真係幾驚喜，係包住生菜既卷上面可以自己擺埋舌拿魚、海膽同埋三文魚子，好鮮甜同出面食既唔同。呢到一定要叫燒野，叫左條燒魚，佢有牛油味甜甜地，魚都好多汁，平時唔食魚既人都會鐘意食。一直想試燒蟹膏好耐，呢到甲羅燒加左蟹籽同埋蛋，雖然唔係好食到蛋味，不過蟹膏好好食又唔會太膩，一人一隻岩岩好。…Read More

掛住日本又未去得既時候，好彩香港好容易食到正宗既日本料理！約埋班朋友去呢間成日爆滿既南瀛水產，去到都要等一陣，但唔算太內！好日本風既餐廳，張台又夠大！先叫野飲啦，天氣咁熱緊係想叫d凍飲，我同其中一位朋友就想飲酒，就叫左巨峰燒酌$68同白桃燒酌。另外兩位朋友就叫巨峰梳打同芒果乳酸$52。都幾好飲啊，都夠果汁味～但又不失燒酌既味道！好正！先食個沙律先，叫左個軟殻蟹沙律$78！菜好新鮮，軟殻蟹炸得好脆！開胃岩哂～流哂口水！之後就叫d刺身先！平目刺身切得好薄，好考師傅功夫，唔洗點芥末食都得，食到魚既鮮味～好好食啊！東瀛五點盛$368呢就有三文魚、蝦、帶子、吞拿魚同油甘魚！份量又多又新鮮～真係好似係日本食到咁！壽司就叫雲丹蚧肉卷$228同南瀛卷！$288。雲丹蚧肉卷，咁多海膽係個面到😍好好食啊！另外一個南瀛卷顧名思義緊係店鋪既招牌啦，點可以唔叫呢！大量既海膽吞拿魚蓉同埋飛魚子係面仲帶兩隻蝦tim!咁瘋狂既行為當然都超好食啦！配埋d卷都好好食架！仲有呢到好出名既海鮮燒烤！我地叫左（全部兩隻）蚧味噌甲羅燒$156、牡蠣$156、活鮑魚$156同帆立貝$156。店員會擺係我地面前比我地影相先🤣之後先烹調蟹蓋啦，中間既鵪鶉蛋先倒落去攪埋其他材料，超多蟹膏啊！真想叫碗飯黎配住食🤣隻蠔成隻手掌咁大，好正！活鮑魚真係仲郁緊架，好勁～超鮮甜！！帆立貝係我至愛，燒得岩岩好，好食！仲有兩個小食，香蒜牛舌好味，易入口，香蒜味同牛舌好夾！呢個紫菜海膽天婦羅勁啦，紫菜包住入面好多海膽架，個天婦羅本身都好好食，唔會太厚！甜品就叫左一個南瀛冰沙雪糕$68 上面有球雪糕配埋下面既冰沙仲有芒果汁，為呢餐咁正既晚餐畫上句點😋…Read More