TEI MOU KOON Dessert

九龍城老字號地茂館甜品於將軍澳開了分店。地茂館甜品主打一系列傳統中式糖水，接近四十款糖水任君選擇。分店裝潢設計加入了九龍城老店一些原素，既傳統又帶點新派 。杏仁蓮子百合 ($34)糖水上桌時，可看到燉品鋪上幾層宣紙，確保沒有倒汗水倒流而影響糖水的原汁原味。杏仁茶味道濃稠，帶着杏仁的芳香，囗感滑溜，火喉十足。蓮子百合亦非常軟腍，入口即化。星洲靚喳喳 ($23)材料十足，有眉豆、紅腰豆、西米、芋頭等。芋頭粉腍，豆類皆軟腍起沙，吃得滿口盡是豆類的質感，且吃得出豆味來，口感味道豐富。…Read More

將軍澳傳統甜品店選擇不多，好多都係一半港式（沙冰、涼粉、不同水果配搭而成既甜品組合）、一半傳統甜品，我就比較中意食芝麻糊、杏仁糊、豆腐花呢d甜品。難得屋企附近開左一間，點都要試試既~店鋪雖然空間有限，每次幫襯都差不多坐滿人，睇得出唔少人都中意食傳統甜品。今次叫左原盅燉既杏仁蓮子百合、花旗參燉雪梨、軟滑糖不甩。杏仁蓮子百合真心好好味！好香杏仁味，之前食嗰d多數係淡淡地，呢個係好似食緊杏仁餅嗰種咁強烈，中意杏仁味既朋友絕對要試試！而且蓮子同百合都好足料~~另外2款甜品就不過不失，以呢個價錢食到咁多件糖不甩係抵食既，但嫌口感有d淋，唔夠chewy。…Read More