Heart Garden

平日放假嘅好處，就係可以悠閒地享受午餐。今日去左旺角初心冰室同QQ食late lunch。過左1:30pm先至去,只係等一陣，唔使同人迫又可以慢慢食。先睇是日午餐，叫左一個西冷牛扒餐$62跟朱古力雪糕咖啡（+＄12）同煙肉磨菇忌廉汁意粉$46跟可樂（+$5）黑牛就飲得多，但第一次飲朱古力雪糕咖啡，飲落又幾特別，朱古力溶入左咖啡，唔使加糖加奶，唔錯。個Set lunch 係跟餐湯同軟熟甜餐飽，羅宋湯酸酸甜甜，夠熱。我叫嘅西冷牛扒餐到左啦。除左個扒超大件，易切又唔會過熟，$62蚊一個扒餐，cp值超高。隨碟的薯角超多,夠晒熱。算香口。QQ叫煙肉磨菇忌廉汁意粉。又係超大碟，汁算香濃，而煙肉唔算少意粉軟硬適中，但QQ見到我份扒又要同佢分享啵，唯有清埋佢半碟意粉。結賬$126總結一下，午餐不用加一，份量大，食物質素唔差，一個午餐有餐包，餐湯，餐飲cp值高。…Read More

打完網球🎾搵食兵團又岀發，星期日下午嘅太子人多車多，想快靚正茶記就係我地不二之選😇 行過見到初心冰室坐滿人，羊群心理下就決定入去試下🙊 午餐memu選擇多而且價錢仲好抵添！見到焗豬扒飯就好懷念茶餐廳嘅西式焗飯，所以我就揀咗焗豬扒飯，即叫即做真係色香味俱全！呢個焗豬扒飯奧妙之處，係用炒飯底，豬扒幾厚身，酥軟的肉質配合調得適中美味嘅醬汁，睇見就令人流口水😂燒雞凱撒沙律🥗: 餐廳好窩心咁將雞肉同雞皮分開，啱晒我呢啲唔食雞皮嘅人！醬汁唔會太多亦係令一優點，啲人成日話食沙律如果食好多醬汁其實比食正餐更肥，呢個完全係至light之選🏆另外再散叫咗客鵝肝併牛柳，CP值高👍🏻片鵝肝煎得好香，外層焦脆、內裏軟心，一咬落去嗰陣油香，令口腔內瞬間散發出濃烈嘅鵝肝香氣，正呀！😻牛柳嗌咗五成熟，火候控制出色，內裡粉紅嫩滑，而且牛味重。最最最令我哋驚喜嘅係，鋪頭提供特色飲品好似朱古力雪糕咖啡，雪糕紅豆冰呢d比較少見嘅貴價餐飲選擇，但跟餐叫只需加$12，而我地就叫左杯邪惡嘅朱古力雪糕咖啡，粒粒朱古力碎加埋濃滑雪糕，飲落透心涼⛄️估唔到茶記都有咁優質嘅體驗，完全係蔗渣價錢燒鵝嘅味道，值得encore呀💕…Read More

同朋友食個冬至兼聖誕飯,見到呢間既set dinner都幾抵食, 所以就試下喇!入面既設計幾有情調, 枱面上, 牆身上既設計都幾特色~"初心。願你我不望初心。"非常有感覺~我地叫左2個set~落完order後就起左個湯.湯要左一紅一白~雜菜湯好夠熱, 好濃既蕃茄味! 呢度個餐包好鬆軟~酥皮忌廉湯加左錢轉左做酥皮湯, 金黃色, 好靚仔!鬆脆既酥皮配一啖熱湯, 好正~飲完湯, 主菜就送到黎喇~時間岩岩好!呢度D main course好有份量!!烤美國穀飼西冷扒配黑松露野菌汁跟意粉塊牛扒好大塊, 但都唔會煎得過火,入面都仲keep到juicy既肉汁~而且外層仲有D脆卜卜既口感, 正!好厚肉呀!!香草芥末籽燒紐西蘭羊架配燒汁 跟薯菜羊架有3舊, 煎得非常好!!外脆內軟, 而且帶有少少肥肉, 口感一流~薯角分量好多, 有D索左少少羊架既油香, 十分惹味!熱柚子蜜天氣涼涼地, 飲D潤喉野~朱古力雪糕咖啡幾特別, 雪糕有D朱古力粒粒~雪糕慢慢溶左之後就係一杯mocha芝麻雪米糍為呢個晚餐作結~Overall, 真係好鍾意呢度, 無論環境, 服務同野食都非常有水準~呢度可以加入飯堂list呀!…Read More

相信大家都曾經聽過「不忘初心，方得始終」，但我會想有多少人知道下一句「初心易得，始終難守」？ 做人做事，難在堅持，可貴的地方亦在堅持！ 要經得起時間的考驗。在香港租金貴，人工薪水亦步亦趨，食材成本各樣成本都緊貼其後。要經營好餐廳，已經不單單是食物質素的考量，還要顧及其他經營成本，稍為拿的不準，食客會跑掉的。在旺角太子這種遊客民生夾雜的區域，賣得太貴會失去本土客人，太便宜又捱不過高昂的成本。見到這家"初心冰室" 與其說是冰室, 倒不如將之歸類於"尊尚版"的冰室吧，因為無論在食物種類和服務等等方面，都比平常去的冰室格調為高。初心併盤這個併盤，是因為在點菜期間見到隔離兩枱都有客人點，見到好似好大堆頭啊！而且見他們都吃得津津有味，於是跟隨大眾的腳步，就來一份吧！併盤內，有一個 煙肉芝士漢堡包 + 芝士蘑菇釀雞翼 + 炸墨魚餅  + 法式焦糖燉蛋 + 芒果布甸及一堆凱撒沙律。單單是這個 "煙肉芝士漢堡包"已經是雙層漢堡的份量(附有青瓜)，一個已經飽到上心口，再食完三隻芝士蘑菇釀雞翼肯定非常足夠，但不要忘記仍有 炸墨魚餅  + 法式焦糖燉蛋 + 芒果布甸及一堆凱撒沙律。所以如果下午茶兩個大男人或三位女士都要全力才應付得到，而我就要每樣分些少給朋友才不至浪費食物，呢個抵食呀。同行朋友則點下午茶餐 芝士牛肉漢堡併薯角48元要講講兩個漢堡包的麵包是有煎焗過的，上碟時仍很厚實熱呼呼脆卜卜的，漢堡扒亦很厚實，又係一份非常飽肚的下午茶餐。另一個餐，朱古力蜜糖一口多士所謂"一口多士"本以為細細粒食完唔飽的那種份量，原來其實都好大份呀肯定係飽過平時去其他餐廳叫一份西多士，即係為食朋友每人 share 一兩件試下味都唔肉赤架*下午茶餐有飲品的，但亦可以加錢轉其他而我們飲品轉 "朱古力雪糕咖啡"，亦只需加加12元以旺角太子周邊一帶來說，找到一家坐得舒適，環境不錯的地舖，這個價錢真的不貴，甚至可以說是便宜，只付出比連鎖快餐多一點點，就可以輕鬆獲得。…Read More