Daiichi Hotpot

朋友話呢間邊爐坐得舒服又好味我即刻book同屋企人食，仲有得用openrice 優惠！我地先叫manager推介的黑松露什菌湯底我同屋企人都超級鍾意唔淥野都要飲2啖先！佢d料好多，黑松露味都好出，成個湯好清甜鍾意食菇的人真係唔可以錯過之後我地用左openrice個優惠食海鮮拼盤加白酒！都係$599咋 勁抵！帶子好大隻又鮮甜蠔係相當肥美，因為大大隻就算打邊爐縮左d都仍ok！我最愛就係蟹，超級鮮甜肉質又爽！正！白酒都唔錯啊，酒香，味又好無諗過白酒配邊爐都幾好我自己就再叫多個本地黑豚肉好滑好好味脂肪分佈平均，唔會太肥無諗過豬肉都可以咁好食下次會黎試試個牛魔王，見隔離枱有點好似幾正！…Read More

Weekend 七點半上到黎個環境都仲可以咁舒適，為今晚豐富滿足既一餐邊爐揭開序幕。由於我地有選擇困難症，坐左成半粒鐘無嗌野食都無俾人催促喎，環境清幽又好坐。銀湯雞翅鍋，無可奈何，個雞湯味確實勁濃，個翅勁多，成煲起碼有十幾疏。湯煲入面既雞都有成半隻，而且並無好似一般湯渣咁勁鞋，都尚算滑溜，由於個湯太好飲，我最終飲左成六七碗，淨係飲湯都飲飽哂 lu。頂級新鮮手切本地肥牛，邊位同脊位，嗌左個大既339，實不相暪，睇番人地嗌細嗰啲相，大同細好似差唔多，不過都唔緊要啦，最緊要好食，邊位有咬口，脊位夠肥美。本地黑毛豬腩片，不得不讚，師傅刀工一流，塊塊豬腩片都片到好似紙咁薄，落水拖一拖經已食得，得左。手唧墨魚麵，無可否認，呢度既墨魚麵真係夠哂爽口彈牙，仲食到一粒粒既墨魚肉碎屑喺啲麵度，果然真材實料，童叟無欺。鮮蝦雲吞，實在無計，臨尾個雲吞真係飽到食唔落咁滯啊，隻隻雲吞都大大隻勁足料，粒粒都有蝦喺入面架，真係唔係度度食到架喎。另外不得不提茶芥每位都只不過係18蚊，加一再另計，六個人打邊爐嗌四碟野加埋一都只不過係壹仟叁佰肆拾伍蚊，諗番起嗰煲翅勁足料，好彩我地只係嗌左四碟野炸，如果唔係實食唔哂姐。餐廳作風大方老實，真係好很抵啊，我俾十個叻叻佢。…Read More

陪男友在尖沙咀逛街，行行下肚子打鼓…忽然好想打邊爐，便叫男友上openrice 搜尋。他說附近有間新店賣相跟食物好像不錯，於是我們便膽粗粗去試試!餐廳環境十分闊落、光猛。以白色為主色，設有多間房，一大班朋友來可以book房，私隱度高。坐下後立即看menu食物款式種類繁多，有貝殼類、蝦蟹類、牛豬類等等。單是湯底已有十款以上，其中黑松露湯底很較特別，可惜本人對松露獨有的味道沒甚好感，於是點了個滋補藥膳醉雞湯底湯！！藥膳材料豐富，有當歸、玉竹、杞子、紅棗、山藥、圓肉、沙參等等醉雞是另外上的，湯底滾後店員細心地提醒我們可以放雞落鍋，切記不要浪費碗內的花雕酒，這才是醉雞湯底的精髓~醉雞鍋傳來陣陣花雕香氣，酒精會被熱力蒸發，所以只留其香，不令人醉。雞肉新鮮，滾了一段時間都仍沒有嚡口。接著是山葵芥末蝦餃王，男友愛Wasabi，必點！蝦餃脹卜卜、大大粒，一碟有六粒，餡料有豬肉、鮮蝦、wasabi 。蝦肉大粒，吃到一半wasabi慢慢從口腔滲出來，十分過癮！中式雲吞配日式wasabi配搭新鮮，原來也蠻合襯的~haha打邊爐怎可能沒有手打丸？! 店員說這裏的餃子、雲吞、丸類全是自家製，我們當然要試。牛根丸爽口彈牙，表面有很多氣孔，令牛筋鬆軟不死實。一口咬開裏面是滿滿的油脂，甘香可口，好吃!期待已久的本地黑毛豬終於上枱。一捲捲砌成一朵大大的康乃馨。黑毛豬是店主特意跟本地農場洽談而得來的。黑毛豬每片都是薄薄的，看上去油脂均勻，放在鍋裏輕輕『游一游』便可以吃，黑毛豬沒有醃料，主要吃它的原味，點豉油將豬的鮮味帶出來，更覺滋味。響鈴長長的，一客有十多條，也是這裏自家製的。顏色呈淺黃色證明不是千年油炸較健康。將響鈴極速衝向熱鍋內半秒，放入口時仍然有少少脆口，腐竹味濃，正！整體來說這裡這裏的食物新鮮，大碟。Menu 菜式創新，比一般火鍋店特別。絕對值得encore 再來。可惜我們只有2人不能吃太多，下一次一定叫齊人馬，上再嚟再試試其他特別菜…Read More

聽聞尖沙咀開左一間新嘅火鍋店《大一海鮮火鍋料理》， 主打特色嘅石鍋湯底， 好鐘意打邊爐嘅我， 當然要去朝聖一下啦~火鍋店裝修簇新， 裡面嘅裝潢清簡，時尚， 以藍色白色為主題。 而且座位大都以卡位同梳化為主， 一路打邊爐一路傾計更方便。鍋底方面，主打翅鍋同埋海鮮鍋。 今次就試左推介嘅金湯腿翅鍋。 呢個湯底用咗36個月嘅黑毛豬腿骨淆製而成， 飲落鹹香鮮味， 黑毛豬嘅精華全部落入湯底中。 而湯入面嘅材料就更加豐富， 翅嘅份量好多， 食極都未食完，雞肉則嫩滑， 喺打邊爐之前已經急不及待飲多幾碗。大一嘅火鍋材料新鮮而且選擇多， 牛肉揀咗頂級本地手切肥牛$339， 揀左邊位同背脊位， 背脊位牛肉味較濃，而邊位則較有口感。鮮蝦雲吞$59，雲吞大大隻，雲吞皮滑嘟嘟，裏面嘅蝦彈牙爽口，豬肉肥瘦適中，一啖咬下，肉汁爆出來。本地黑毛豬腩片，薄切嘅豬腩片，滾燙一下就食得，入口即溶，肥美甘香。黑毛豬腩片無豬騷味，配埋金湯腿翅湯底，肉味就更加突出。最後係手唧墨魚麵，呢個配料不但好食，仲好好玩，大一嘅墨魚麵無坊間嘅咁容易斷，夾起來就更方便。墨魚味香，彈牙爽口，所有有人都讚口不絕。好食又好坐，下次有機會，一定要再食其他湯底同配料。…Read More

同成班朋友相聚，最頭痕嘅就梗係聚餐地點，要好食、好坐、價錢合理地方真係唔多㗎～星期五嘅晚上，約咗成班好朋友上咗尖沙咀新開嘅大一海鮮火鍋料理，好彩一早book定位，成個場真係爆到不得了！我地人多(成十二人)，所以可以試好多唔同嘅嘢！未人齊，可以叫啲小食頂下肚先，睇到個芥末炸蝦丸好吸引，所以就叫咗試試，我好怕食到啲炸嘢係炸過龍，搞到面層乾爭爭咬都咬唔開，呢度果然高質！金黃色外層，無多餘油份，蝦丸亦唔會太大粒，一啖一粒啱啱好～蝦肉爽口彈牙，入面包咗少少新鮮芥末，鮮味得嚟又有啲刺激！正！湯底，人多好辦事，所以我地唔止叫咗一款湯底～野菌黑松露湯底，湯濃稠度非常適中，唔會太厚身，而食物放落去令非常好味～黑松露味道唔會太霸道！令人回味～！金湯腿翅鍋。我上大一facebook睇過有關訪問，原來呢個鍋大有來頭，係用咗老雞同36個月嘅西班牙肘子骨熬制，再配上半隻嘉美雞同足六兩翅，未食火鍋料先飲咗半鍋湯喇！味道鮮、甜、有骨嘅咸香！同行朋友呷一啖都大叫：『好好味啊～』本地黑毛豬腩片。刨到好薄身嘅豬腩片，好軟滑但不失咬口，成碟粉紅色超靚啊～而佢無平時啲豬酥味！一改我對豬肉抗拒嘅觀念！一定要食！冰菜原來冰菜超好味～同埋呢度啲菜好靚，好新鮮！配任何湯底都好夾～女皇粉呢個粉就真係一流，我地都食完一個又一個，叫咗至少5-6次！放落黑松露湯底，索晒啲湯食真係無得輸！！皇帝菜無嘢好彈，新鮮！獨步鮮打潮汕風味牛筋丸(咩名嚟㗎？)真係不得了！呢個牛丸鮮甜多汁，仲有爆漿效果！一流！韭菜餃呢個無食過，因為本身唔太鍾意食韭菜，但同伴話皮滑料靚～鮮嫩魚下巴(魚三角)一個字，滑！鍾意食魚一定一定一定唔可以放過！牛魔王拼盤牛胸爽：有牛肉油香，爽口，超級好食！安格斯：靚！牛肉味濃～牛脷托：口感正！牛粒：軟滑味美！爽滑海蝦滑個碟好鬼靚，用起嚟好就手，蝦滑好爽，味道非常好！紅鮋刺身好新鮮，上枱條魚仲識震㗎～肉質好難形容，但係好好食！秘製麻辣鍋我唔食辣㗎～所以無試到！但朋友們食到大叫過癮！我聞到都覺好香！個刺身頭拎咗去椒鹽呢度個椒鹽真係諗起都餓！ 外層香酥內裡肉滑！無X得頂！估唔到呢度甜品都照顧周到～有原個生果嘅雪芭啊！！！我㨂咗菠蘿雪芭，大愛！！！！！好香，唔會好甜！我會想食好多個！！！朋友叫咗桃味雪芭！我都試咗啖，好香桃味～如果唔喜歡菠蘿絕對可以㨂桃味～仲有蘋果、橙同椰子，但係我無影喇～我要顧住食！！哈哈總括而言，一餐非常滿意，非常滿足！員工都跟得勁足～非常細心照顧食客！…Read More

放工後去咗行尖沙咀睇嘢, 出面30幾度真係行多陣人都癲. 行到咁上下, 女友話今晚想吃火鍋. "傻的嗎, 30幾度仲想打邊爐!?" 女人果然唔可以用常理去思考佢地 , 我當然都好職做即刻問問OPENRICE邊頭有火鍋啦, 搵到呢間係地鐵站行2分鐘嘅火鍋, 不過未有食評嘅 , 會唔會中伏咖. ~~人係要有D冒險精神嘅, 下下都人地俾晒答案, 咁仲邊好玩咖，今次又做下白老鼠先啦. 要在樓下搭LIFT上2樓, 除非你想30度玩行樓梯啦.門口唔大, 入面夠光亮.環境整潔, 照明充足, 以白色色調為主. 由於客人不多, 感覺比一般的火鍋店多了一份寧靜感. 最重要的是這裡的冷氣足夠.揀了卡座坐, 枱面餐具整潔, 坐位亦算舒適. 第一時間睇睇有咩好食先.一睇個餐牌，湯底的選擇都唔少。其中比較特別的有魚翅及松露湯底，出面真係未見過。由於得兩個人吃火鍋，所以揀了藥饍醉雞湯底（半隻－＄129）。牛肉方面有本地鮮牛多個部分選擇，吃得夠晒刁鑽。豬肉方面見到有個很得別的本地黑毛豬，外國的黑毛豬食得多，香港嘅仲未試過，今次就試下先－本地黑毛豬腩片（＄２３９）  海鮮方面魚類的選擇也不少，金古、鱲魚、瓜子斑都有。除咗魚，仲有刺身供應，真係非一般火鍋。丸同餃都幾多特別嘢，今次就揀咗個潮汕牛筋丸（＄６９）同埋山葵芥末蝦餃王（＄１０９）試下。這裡的火鍋配料比其他的火鍋店的選擇多，亦相信所選用的材料比一般嘅火鍋店上承。除咗火鍋仲有唔少嘅熱食及小食選擇，以選擇來講真係贏晒。藥饍醉雞湯底嘅藥材味好香，感覺非常足料。面頭見到有大蔥、紅棗、杞子、當歸片。半隻鮮雞切得大件，用花雕醃過，酒味香醇。侍應見我哋嘅湯有點湯泡，會久不久過來幫我哋濾掉，相當貼心的服務。侍應話我哋知，雞件唔好就咁夾落個鍋，最好連同碗內的陳年花雕倒入湯裡面，咁樣個湯會更香。醬料方面都係大路嘅選擇，不過用竹筒裝住感覺高檔晒 潮汕牛筋丸質地結實，有咬口，牛肉味香濃。鮮芝味響鈴（＄５９）色澤金黃，有種淡淡的油器香氣。以色澤及香氣來講絕對可以用新鮮來形容。吃響鈴的方式可以有好多種，我自己就喜歡將響鈴極速浸入湯內，再極速取出，整個過程要於一秒內完成 ，務求令響鈴有軟腍但有還帶點脆口的口感。這裡的響鈴的確唔錯，新鮮夠香脆，再點上醬油，好味。湯底的材料仲有桂圓、山藥、沙參及玉竹等，非常好味。這裡的鮮雞件非常嫩滑有雞味，本身以為只是用來做湯底配料，沒有什麼期望。但一試真的很好食，最後一件都無盛。個藥饍湯底都好好味，可以湯勺可以盛到碗內飲用。本地黑毛豬腩片擺設得很美，賣相一流。相機先食，呃下ｌｉｋｅ在所難免。黑毛豬腩片切得薄薄的，肉色粉嫩。有陣陣的肉香飄來（＜－－假的，呢ｄ唔係３６個月嘅黑毛豬火腿吖）今晚嘅二人前火鍋就係叫咗咁多嘢。黑毛豬腩片好薄，所以會好快熟，當粉紅的肉色接近完全消退的就會由湯內取出。確實唔會煮得過熟 先吃一片原味的，肉質嫩滑鮮甜，然後再來點上醬油的，兩者的分別我覺的就這樣不用點醬油已經很美味。山葵芥末蝦餃王是即點即包的，保證新鮮，外型漲卜卜的，感覺應該餡料豐富。蝦餃浮上水面就代表已經熟透。皮夠薄，透出內裡粉色的餡料。蝦肉彈牙，皮夠滑，豬肉餡料調味不錯還帶有肉汁。帶有淡淡的山葵味道，比較特別。個人比較喜歡山葵，如果蝦餃帶有多點山葵會更佳。店內的裝修簡約，地方整潔企理。除有卡座，仲有大圓枱跟私隠度較高的房間可以選擇。兩個人吃火鍋，埋單７００大元，雖然貴了點，但絕對值呢個價。下次可以同多ｄ朋友再來，試多ｄ嘢 …Read More