San Nam Yuen (One Capital Place)

雖然疫情而家都仲未算穩定，不過香港人鍾意食雞煲或者火鍋既程度絕對無被疫情既風險所嚇親 - 響市面上火鍋店與雞煲店門面仍然會有唔少人等候幫襯。而其中如果同時可以享用雞煲及火鍋既話，就算價錢去到超過300-400蚊既情況下都仍然會高朋滿座。今晚小編就同大家黎到灣仔新南苑呢間火鍋店試試雞煲與火鍋既放題吧!新南苑既位置雖然唔係響灣仔站附近地方，不過前往方法都幾方便 - 灣仔站C出口上地面後轉左，沿形形式式既酒吧街去到下個路口轉右，見到7-11便利店個路口轉右就係商業大廈既入口，上到2樓就會見到大大個醬料區 (醬料區既款式都係大路既配料：乾濕蒜﹑XO醬﹑指天椒等等)，就代表你到達餐廳門口喇。餐廳以學校既教科室為主題，換言之如果你係預訂包廂房既話，店員就會同你講：麻煩你進入實驗室呀! (仲有家政室等架)；而大堂位置既設計都盡量以班房內有既野為主，相當有特色!坐低後店員會解釋佢地有既5款湯底 (新鮮蟹窩花甲湯底﹑美白3.6牛乳湯底﹑花膠椰青湯底﹑四川麻辣湯底，以及鮮茄龍蝦湯底)，以及3款套餐 (最主要分別為海鮮餐﹑牛魔王餐﹑至尊餐)。而每款既用餐時間都係180分鐘。(不過靜靜地話俾大家聽呀，店員話新鮮蟹窩花甲湯底係灣仔店限定架，而且仲會有季節性既變化) 既然店員講到咁特別，就梗係要試下喇! 套餐方面3款都已經包括雞煲 (可叫大中小辣)，不過小編與老公都試哂咁多款食物關係，就決定直接點選最貴既至尊餐。雞煲黎之前都望下有咩野飲先，都係大路既飲品，但小編都欣賞佢有唔同種類既茶，例如龍井及烏龍，同時如果覺得食物太油膩既話，都可以試下檸檬梳打水。只係5分鐘左右，雞煲就話咁快去到枱面喇! 起初小編見到雞肉生生地個陣都諗緊「點食呀」：店員話佢地既雞煲唔會以全熟狀態上枱，因為咁樣會令雞肉響煲熱個陣會令佢變老，同時配料既味道未必滲得切入去，所以佢地既建議係要以高火煮7分鐘，仲要係每1.5分鐘炒1次。上枱個陣店員都會同時提供1盤油炸鬼俾所有食客：經店員介紹，佢地既雞煲正名係「鬼馬雞煲」，所以油炸鬼係響第4次 (亦即係第6分鐘)個陣落埋去一齊炒，咁樣油炸鬼就會吸收埋雞煲既汁料，好味好多架! (但小編建議第7分鐘收火後唔好即刻食，等油炸鬼浸耐少少)雞煲既雞肉咁樣煮法真係嫩口好多，唔會因為雞肉太粗而要靠醬汁送肉入口既慘況；而雞煲既雞骨量唔算太多，店員都會響你差唔多食哂個陣主動問加雞肉既需要。油炸鬼方面小編覺得要浸淋左既會好味好多，所以小建議就係炒完後將佢地直接撥響底部備用。過左一陣，火鍋湯底就正式上枱喇! 小編既第1刻感覺：好攪笑呀! 點解？原來佢地將南瓜蓉冷凍成唔同既卡通人物造型，今晚小編見到既就係迷你兵團!耐心等候小編與老公打卡後，店員就開始倒湯及開爐煲熱個湯底。一路睇住迷你兵團慢慢被淹沒，然後因為重力問題而向天既浮起個陣，真係好治癒架! (溫馨提示：由冰凍既南瓜蓉完全溶解而可以落食物去煮，大約需要20分鐘時間，所以大家要留定雞慢慢響呢個時間食!)而途中店員都好好送左2隻冰鎮鮑魚俾我地食：鮑魚非常新鮮，口感非常彈口，而同時表面既醬汁非常入味! (不過記得記得唔好整件放入口，因為需要你自己去除內臟架!) 3款套餐都可以享用到下圖既幾十款配料，但可能係至尊餐本身包左既食物份量較多，所以當小編食哂所有肉同海鮮後，其實肚既容量都已經去到七七八八，故此容許小編專心介紹下下面既海鮮同肉類先：1) 美國SRF黑毛和牛肉眼 (右上)：推薦! 重肉味! 原塊灼熟個陣其實好似薄切肉眼扒咁食；同時中間完全無肉筋之下，對喜歡食牛扒而唔係牛肉既朋友，呢款和牛肉眼唔會太多油脂，又易入口，好好味!2) 安格斯牛小排 (左上)：好味! 雖然相對牛頸脊同和牛肉眼相比會無咁強肉味，但牛小排特色係脂肪都係均勻，所以食個陣唔會俾肉筋影響到，算係和牛同肥牛之間既中和點。3) 美國RP肥牛心片 (左下)：特色! 與肥牛片既最大分別，就係肉既脂肪位會集中響肉既中間部位，變左有需要避開肥肉既朋友就係非常好既選擇。肉質香濃，小編響第2次點肉都有包括在內呢!4) 美國肥牛 (右下)：還好! 灼熟後油脂位會變得有少少脆口同硬，如果鍾意肥膏既朋友係可以既，只不過小編唔係太接受到過肥既肉。5) 本地手切牛頸脊：推薦! 非常好味! 牛頸脊一直都係本地肥牛中最受歡迎既部位，特色係無咩肥肉而重肉味，相對和牛肉眼係完勝既狀態。新南苑提供既牛頸脊非常新鮮，但由於海鮮餐及牛魔王餐都只可以有1碟送，所以鍾意本地牛既朋友就要考慮至尊餐喇!6) 虎蝦：推薦 (雖然無得添加)! 好新鮮，放落去個陣因為蝦既身型關係都佔到好多空間，但煮熟後肉質仍然係非常結實，個蝦頭唔會因為唔新鮮而有太多黑色液體! (小編非常將來都有得添加啦!)7) 馬刀貝：好味! 輕輕既灼熟後肉質唔會因為縮水而失去，不過都有少少腥味。8) 台山蠔：還好! 始終都係蠔類既關係，小編都特登稍為煮得耐少少，但蠔既鮮味仍然響度 (但相對認為蠔鮮味等於腥味既朋友就會有難度)。9) 帆立貝：好味! 小編估係用左刺身級既帆立貝關係，所以灼熟後仍然保持到帆立貝既鮮味，唔錯!10) 脆鯇片：好味! 雖然鯇片都係有多骨既問題，但灼熟後小心點食就會繼續感受到佢既鮮甜味!講左咁耐，小編都仲未形容個湯底既味道添! 除左迷你兵團既南瓜蓉外，新鮮蟹窩花甲湯底都會包括原隻蟹響入面，煮左接近1小時既蟹撈上黎個陣好在無太大縮水，最驚喜既就係蟹身都仲有少少蟹膏響度。而蟹肉大致因為煮左咁耐都無咩肉味；而花甲都係為左帶出蜆既甜味而由佢繼續煲。湯底可能因為煮既食物都係比較濃，所以較清既蟹﹑蜆﹑南瓜味都唔會太出，下次都要努力響放食材之前努力試下先。最後，每位客人都會有樽細細既北海道3.7牛乳布甸作為甜品清下個口既味道。綜觀黎講，考慮湯底既特色﹑高質既牛肉(尤其任食既牛頸脊﹑肉眼)﹑仲有嫩滑既雞煲，雖然連加一既至尊餐要500蚊1個人 ($468+10%)，但物有所值，而小編與老公都會認為值得推薦大家去試下既!…Read More

天氣真係話變就變，突然之間轉涼。 同學仔聚舊又有藉口話要去吃雞煲打邊爐。 揀咗間時間都算充裕唔使太趕嘅半自助火鍋， 位於灣仔嘅《新南苑私房火鍋雞煲》新品牛蒡茶半任食套餐接近三百蚊已經包括任食雞煲（4人以上），一款精選火鍋湯底， 精選海鮮拼盤等。 其他任食項目的有基本火鍋材料， 飲品。除咗一般罐裝，紙包飲品，還有 一瓶瓶自家製嘅涼茶～～ 相當健康！冷盤有花生，雲耳， 每檯也放上一碟。『招牌鬼馬雞煲』香噴噴， 秘製醬汁令成個雞煲好惹味。 雞件炆煮過後一啲都唔乾， 好入味加上油炸鬼 ， 吸了一些醬汁之餘還有脆卜卜嘅口感 ，吃完竟然都還想再添！选了花甲蟹海鮮鍋， 始終配海鮮比較襯。 冰凍了嘅湯熊仔造型特別， 係餐廳嘅招牌湯底， 橙色係南瓜蓉令成個湯底都非常濃厚，鮮甜。蟹鉗可以獨享 鮮甜厚肉等待湯煮好嘅時候，已經見到海鮮拼盤超豐富！ 每位半隻開邊龍蝦， 肉質好鮮甜， 還有肥美嘅廣島蠔，海蝦，帶子～～ 。 特選本地手切牛頸脊，肉味香濃， 非常高質，淥耐咗都唔嚡。原來還有每位一隻椒鹽鮑魚！！ 椒鹽炸漿非常鹹香， 熱辣辣襯托出鮑魚嘅鮮味， 鮑魚煮得好好，唔韌。湯入面有蜆和一隻大肉蟹， 肉蟹超新鮮， 肉質紮實 ，一啲都唔霉， 唔似坊间海鮮湯底嘅蟹都唔太新鮮， 非常非常讚，用料極靚！小籠包，手打鯪魚球。 鯪魚球肉質結實彈牙，仲有少少果皮香！👍👍魚皮夠厚又夠脆！吃畢幾個環節，都差不多飽喇， 其實都冇咩機會再點任食嘅火鍋料😁😊套餐設計得唔錯， 每人都可享用特選海鮮， 份量 啱啱好又唔需要任食， 仲可享用雞煲， 三小時限 啱啱好唔會太趕 ～～ 難怪平日座無虛席， 今晚更有公司vip房包場， 非常熱鬧。個埸雖然好 full，  店員好好招乎兼醒目快手!!…Read More

朋友介紹話呢間質素高亦抵食，今日就決定跟佢一試。卜了星期日，差唔多滿座。各款汽水同自家製涼茶仼飲。我地飲的是檸檬薏米水，清新，唔太甜，又有益！店內有生猛新鮮海鮮，絕對唔係急凍貨。香辣粟米, 花生一場來到，當然要食雞煲啦，唔夠仲可以免費再加唔會唔捨得比客食，呢度真係值得一讚。我們點了微辣雞煲，真係色香味俱全一打開蓋，麻辣味撲鼻而來，令人食指大動。每隔兩分鐘開蓋炒一炒，店員會幫手拌勻，服務不錯，Repeat 三次後再焗多陣，就可以吃了。醬汁濃郁，香辣惹味，好味又過癮。黃油雞好軟，肉質嫩滑，😍仲有油炸鬼，沾上麻辣醬汁，真係🤤🤤。如要添食，係以原煲另上，所以記得食完一煲先再點。我同男友食兩煲先夠喉食完雞煲，再打半放題邊爐。蔬菜南瓜湯。海鮮新鮮鮑魚算大隻, 質感爽脆肉味濃郁蔬菜配搭得好靚，爽脆清甜。任食火鍋配料烏冬係韓國造讚岐烏冬，煙韌好味。今期仲有每人一隻大閘蟹，雖然唔係好大隻，但勝在多膏。食完仲有甜品，軟滑冰凍。我地兩個都飽到上心口，非常滿足。…Read More

逛完銅鑼灣，晚上走到灣仔吃火鍋和雞煲。先上前菜冷盤，豆角和雲耳，加上蒜蓉粒和辣油，微辣，十分開胃。吃雞煲前，我們先到飲品櫃拿飲品。飲品選擇多，有基本的可樂、韓國罐裝飲品，還有五花茶。我先拿一罐蘆薈汁解熱，然後只喝五花茶。朋友說五花茶比涼茶舖的好喝，最後我們喝了兩大瓶。雞煲上桌，蓋上後待滾，然後兩三分鐘就炒一炒再蓋上，以防變焦。切開幾件雞肉，看見熟透才關爐。份量很多，而且可以再添。可選辣度，選了BB辣，雞肉嫩滑。有自助調味料區，拿了些蒜蓉和葱，為雞肉添上香蒜味。吃過雞煲後，店員把雞煲拿走，換上一個火鍋。選了香茜海底椰花膠窩，下火消暑解膩。花膠嫩滑，海底椰帶嚼勁，湯底清甜。凍蟹，即食，看到鄰桌吃得津津有味，可惜我敏感，暫時不能吃，只好交給朋友吃了。店員送上隨餐的配料，生猛海鮮拼盤。有蝦、鮑魚、  蜆、蠔、蟶子和魚片，全部都很新鮮，而且洗得很乾淨，沒有沙。本地手切牛頸脊，牛味自然濃郁，油脂分佈適中，而且份量很多，兩人吃很足夠。菜類多而新鮮，放得如一束花般，很快便被我們吃光了。小籠包和鯪魚球共上。想不到小籠包放在這個清湯底是如此適合，咬下多汁。鯪魚球更令人驚喜，魚肉新鮮，爽口彈牙，品質上佳。奶凍，小小的一個甜品作結尾，但一點也不馬虎。奶凍嫩滑，濃郁的奶香，不會過甜。吃到這裏已經很飽，沒有再點額外的火鍋配料，十分滿足。…Read More

五月最後一個星期三晚上，間中有雨。泰國回來以後很久沒跟友人見面，今晚他就帶我到他公司附近的火鍋雞煲私房菜餐廳。門口看見魚缸裡面養著不少游水海鮮，裝潢格局走舊年代的校園風，每個包房都是以校園找到的特別室為主題，有校長室，圖書館，實驗室等，甚為有趣。飲品櫃裡面全都可以免費喝，火鍋調味區就在大門口，非常方便。我們先點招牌鬼馬雞煲，原來雞煲是無限添食的，而且煮雞煲有步驟，先煮4分鐘，然後會有服務生把蓋子打開，炒一會，再煮2分鐘，重覆步驟最後再把油條塊倒進去，煮2分鐘便成。原來油條的作用是吸收雞煲多餘油份，本來的油份已經不多，雞塊香口多肉，辣度中辣，不過我們也覺得可以更辣一點，轉眼間友人已經把它們消滅掉。雞煲以後是火鍋時間，有別於一般雞煲店，這裡不會把水直接倒進煲裡，是另外上一鍋湯底，不會很油很膩。我們選了清湯底，友人知道我愛Minions，就加了$108要了南瓜蓉造型百變冰公仔，公仔為全個南瓜蓉，把湯底倒進以後它會慢慢融化掉，不過最後把蓋子蓋上的時候，服務員殘忍的啪一聲把它推倒... 要注意的是，要不時打開蓋子攪拌一下，不然很容易底部烤焦。等待湯底的時候先吃冰鎮蟹，蟹多膏肉鮮，殼軟身容易拆肉，很少地方吃雞煲有原隻冰鎮蟹供應。湯底好了，我們從生猛海鮮拼盤開始吃，拼盤裡面有兩隻大蝦，脆肉鯇魚片，花甲，生蠔及蟶子皇，全是鮮活海鮮，其中鮑魚還在動！海鮮最重要是鮮，所以每一款熟了以後都是嫩滑爽口的。本地手切牛頸脊油花適中鮮明，由於牛頸脊為牛活動最多的部份，故肉質相對結實爽嫩，肉味香濃且脂肪較少，但每一口油香都在嘴裡散發。自家製手打丸有小籠包及鯪魚球，自家手打的果然口感自然，吃得到食材原味，吃火鍋有小籠包挺特別的。最後再吃蔬菜拼盤，時令蔬菜吸收湯底精華，實在鮮甜。…Read More

雞煲一直是我的最愛，這麼多好評的餐廳怎能錯過這裏的海鮮火鍋半放題套餐十分超值，每位只需288就可以任食雞煲就坐後，店員為我們送上椒鹽鮑魚仔，彈牙又惹味招牌麻辣雞煲上來後，店員教我們要每2分鐘開蓋炒一炒，共三次，之後加入豆卜就可享用，還可無限添食吃夠雞煲後，店員就為我們送上新鮮蟹窩花甲湯底！以原隻大蟹，搭配鮮甜花甲，加上番茄、薯仔、蘿蔔、馬蹄、粟米、秀珍菇等配料熬製，令湯底增添一份清香鮮甜自助調味吧提供的種類繁多，可自由搭配無酒精飲品可任意提取，還有自製的冰茶，清涼可口生猛海鮮拼盤絕不欺場，有龍蝦、蟶子等八款時令海鮮，全由門口的大魚缸取出，絕對新鮮本地手切牛頸脊油份充足肉味甘香有很多火鍋配料任食，店家貼心地標明最佳放湯時間還用豐富的蔬菜籃最後還會附上奶凍作為甜品，真的想保持纖瘦的身軀都難…Read More

天氣又開始轉涼，正好打邊爐的好時機，今晚來到灣仔這家新南苑私房菜火鍋鷄煲，放縱一下。一入門口就有一個大魚缸，各式各樣的海鮮，保證生猛。海鮮火鍋放題，三位以上可以免費食雞煲，雞煲可以任添，之後選一款湯底火鍋，每枱有一個海鮮拼盤及本地手切牛頸脊，另外有多款火鍋配料任點任食。飲品在雪櫃自取，有多款任君選擇。混醬區乾淨企理，選擇亦十分多樣。羅宋湯甫入座侍者立馬送上羅宋湯一客，先暖暖胃，味道溫和，不太刺激，正好開開胃。招牌麻辣雞煲一上枱一股麻辣香氣撲鼻而來，一嚐雞件，辣得舌尖發麻，味道令人上癮，注意雞煲會越煮越辣，加入油炸鬼收吸醬汁精華，增添食趣。新鮮蟹窩花甲湯底吃完雞煲侍者就換上火鍋湯底，今次選擇了新鮮蟹窩花甲湯底，有一隻以南瓜蓉做的熊仔，十分有趣，而湯底味道剛好不會過濃，可以突出食材本身的鮮味。生猛海鮮拼盤海鮮拼盤絕對是賣大包，料精而鮮，龍蝦用上真正龍蝦，並非常見次一等的波士頓龍蝦，蝦頭有膏，肉質爽口鮮甜，貴妃蚌鮮甜多汁，鮑魚亦新鮮大隻，帶子肉質飽滿，鮮甜有嚼頭。本地手切牛頸脊雪花紋理清晰，分佈均勻，口感軟腍，入口帶著油脂香氣，牛肉味濃郁，可惜只有一碟，不過少吃多滋味。小籠包/豬肚丸小籠包用來作火鍋配料非常有玩味，而味道出奇地美味，值得一試。蔬菜拼盤蔬菜拼盤同樣有心思，有多種蔬菜，當中以韭菜花最令人回味，入口鮮甜清爽，一解火鍋的油膩。吃不夠的話還有其他任點配料，今次加點了韓國芝士麵作為結尾。奶凍最後侍者送上每人一客奶凍作為甜品，入口幼滑可口，奶味濃郁。…Read More

一個月前已約定的好友生日飯聚，左挑右選結果定了灣仔新南苑的海鮮火鍋半放題套餐，當時真沒想到天氣會這樣酷熱，飯聚當天還在想：這樣的天氣還有胃口吃火鍋雞煲嗎？結果卻換來了驚喜。雞煲煮之時，先上了前菜以及炸魚頭，我忘了是斑還是龍躉頭，總之就幾好味，有嫩肉也有骨給我lun 我們只顧聊天雞都黏底了，侍應馬上過來替我們處理，我們點了bb 辣，很惹味，對於我來說辣度適中但又夠麻，雞肉也不會韌，還有些油條加到雞煲，沾滿醬汁後很適合喜愛濃味的人，雞可以添加但我們還要留肚吃火鍋呢。雞煲吃過後便是海鮮鍋。這個湯底叫東海龍王，即冬瓜龍躉湯，侍應還先問我們有沒有對胡椒敏感，這個湯會加胡椒的，夠細心。侍應還叫我們未開始時先嘗點湯，真的很鮮的魚味。這個火鍋包含一個海鮮盤，應該是時令每天不同，我們的有龍蝦、鮑魚仔、龍躉片、海蔘、海蝦、蜆，除了蜆不夠新鮮有點腥，其他都很不錯，但要掌握好處理鮑魚的時間。還有兩碟牛頸脊，這個真的要讚，很濃的牛肉味，並非一般火鍋店的肥牛可以相比。還有碟小籠包及手打牛丸，手打牛丸不錯，小籠包幾特別但味道普通。這個套餐還有一些任點食物，都是一般火鍋食物，但我們胃太小只點了牛栢葉與腐竹。另外還有例牌免費的飲品以送一客奶凍甜品。我們邊吃邊聊天至11時才離去，總的來說很滿足的火鍋雞煲，下次會再來但相信要待天氣涼一點胃口好一點的時候。…Read More

新南苑是一間半自助雞煲火鍋店，它的雞煲夠麻夠辣，非常惹味，火鍋雖然沒有雞煲驚喜，但勝在抵食，人均三百元不單可以任飲任食，還有海鮮盤和甜品。＊＊＊＊＊＊＊＊＊＊＊＊＊一出電梯，門口位就是醬料區，食客可以自由混醬，醬料費每人才$10，比很多火鍋店都便宜。而門口對面就是雪櫃，裡面有多款汽水、涼茶、果汁等。由門口進入店內，會先經過一排水族箱，裡面放了多款海鮮。甫坐下，每人先自動拿一罐飲料先，左邊是豆漿，豆味還可以，右邊是石榴汁。左邊是士多啤梨蘆薈，右邊是菠蘿蘆薈，這兩款果汁都幾好飲，因為入面有蘆薈汁，味道又不會過甜過假。前菜($20/碟)前菜有花生和四季豆，四個人一碟，收費都合理。海鮮火鍋放題每位$288，海鮮、牛頸脊和甜品份量是按人頭，另外亦有一個任食火鍋料menu可以任點任食。招牌麻辣雞煲三位以上可以免費享用雞煲，雞煲有分大中小辣，我們小試牛刀只點小辣。小辣辣度都可以接受，但麻勁十足，所以食落特別惹味，雞件都算滑，四個人很快就清晒成煲雞煲。新鮮蟹鍋花甲湯底海鮮火鍋夜題有六款鍋底選擇，除了其中一款要加錢外，其他都不用，而這款花甲湯底都不用加錢的。食完雞煲侍應會收起，鍋底是另一鍋，所以不怕火鍋料吸晒雞煲的肥油。湯底內的小小兵就是冷凍了的南瓜湯底，都幾有心思。但見湯料還有蟹、花甲、番茄、粟米、南瓜、薯仔和白蘿蔔，都幾足料。因為小小兵都幾大塊，所以都要花點小間才可以完全融化。湯底其實海鮮味不重，但有番茄和粟米的清甜味，健康得來味道都不錯。生猛海鮮拼盤海鮮拼盤有六至八款，款式會因時令有所不同。是晚的海鮮盤有蟶子、海蝦、貴妃蚌、蠔、鮑魚、脆鯇片和龍躉片，$288一位的任食火鍋有這麼大盤海鮮都算不錯。貴妃蚌灼熟後就會自動離殼，蚌肉都幾有睇頭，夠厚肉又有咬口。蠔因為都幾大隻，所以我們會灼久一點，大約灼了近十分鐘先食得，蠔肉嫩滑沒有腥味。鮑魚比中式湯匙大一點，有嚼勁不過韌。蟶子灼熟完即使收縮了仍有睇頭，口感微彈不黏牙。脆鯇片食落很彈口，因為是任點項目，所以我們之後又再encore。龍躉片很軟腍。本地手切牛頸脊牛頸脊有點厚度，脂肪不算多，但食落很有咬口，肉味亦較濃。蔬菜盤食到尾昇當然要食些蔬菜。薯粉薯粉輕灼至火透明就食得，食落煙煙韌韌，吸收湯底的精華，飽肚又好味。甜品是杞子桂花糕，甜度適中。總結，雞煲夠麻夠辣很惹味，十分驚喜，火鍋質素中規中舉，但以人頭三百元可以任飲任食，又有海鮮盤，都算抵食。…Read More

放工後過灣仔與友人開餐, 路經見到呢個宣傳牌, 被相片所吸引, 有感肚餓程度指數都幾高, 決定黎個鷄煲火鍋之夜上到3樓打開升降機門就見到門口, 唔少人已經入座, 咁多客應該質數有番咁上下係等被安排入坐時, 被呢個海鮮缸所吸引住.............海鮮種類唔少又夠生猛 (流口水MODE中..........)今晚食呢個海鮮火鍋半放題 (每位$288, 坐房每位另加$20)坐底無耐除有枱上有小食外, 仲送上老火湯比你滋潤一下先, 今晚呢客係紅蘿蔔蓮耦煲鷄腳, 入口熱辣辣又甜, 放工後有啖湯水係唔同D嘅!招牌麻辣鷄煲 - 惹味醬汁加埋洋蔥芫茜, 打開蓋已聞到香味, 再加埋油炸鬼一齊快炒, 又另一種食法!鷄件肉質幾滑, 小辣程度都有D辣, 油炸鬼口感帶少少脆口, 一個鷄煲, 2種口感!多款汽水, 果汁, 豆漿, 茶類及自家製涼茶任飲, 出去雪櫃拎返罐解下鷄煲嘅辣先食完鷄煲轉去火鍋時間, 湯底係新鮮蟹鍋花甲湯底, 最吸睛當然係呢個南瓜小新公仔湯底材料除左有蟹及花甲, 仲有蕃茄, 蘿蔔, 粟米及芹菜, 仲有以南瓜做嘅小新公仔, 加湯煮番滾就可以開始啦............最歡喜試下頭啖湯, 味道清甜, 充滿南瓜甜味!  隻蟹都唔少肉, 肉質鮮甜唔係"死"蟹, 唯花甲食到有少許沙!另有手打丸類及小龍飽生猛海鮮拼盤 (有6-8款海鮮), 今晚呢盤包括有貴妃蚌, 蟶子, 鮑魚, 蝦, 蠔, 魚塊及鱔片, 確係唔嘢少每款海鮮都味道鮮甜, 蠔烚完都仲係咁大隻又夠蠔味; 鮑魚口感彈牙; 蟶子及貴妃蚌爽甜!食完海鮮又到本地手切牛頸脊出場, 一碟二人份量但絶對夠多一個人食, 肉色夠紅唔會暗瘀色, 每片無論大細厚薄都OK, 烚10數秒就食得!肉味濃而且脂肪分佈平均, 多食都唔會覺太膩, 夾埋芫茜及蔥粒一齊食就仲好味道!食到呢度其實都飽左一大半, 仲有大量款式嘅任食火鍋配料點返D蔬菜, 豬紅及芋絲加烏冬先臨尾侍應仲送上有HEART甜品 - 杞子馬蹄凍, 幫助清下火鍋熱氣, 味道唔太甜又有馬蹄粒嘅咬口, 食完確係舒服晒!…Read More

到達餐廳差不多晚上8點，平日嘅晚上都座無虛席。門口嘅水缸就放咗生猛海鮮，水缸乾凈整潔，啲水好清，可以放心食。我哋點咗個海鮮火鍋半放題餐，有雞煲又有海鮮又有本地手切牛，仲有任食火鍋配料，唔駛諗咁多~飲品、醬料選擇唔多，不過基本嘅都有齊架啦。任食火鍋配料就基本嘅火鍋配料都有得揀。再追加靚牛肉、海鮮就要加錢，不過價錢絕對合理。先上雞煲，一上枱已經香味四溢，流緊口水不過仲未食得架，仲要煲多陣。苦等一陣終於食得，打開蓋已聞到香辣味。雞肉認真嫩滑，而且辣度啱啱好，非常惹味。辣辣地刺激味蕾，可以更加引起食慾繼續食~湯底嚟啦，我哋揀咗新鮮蟹鍋花甲湯底，啲湯係蕃茄湯嚟。湯滾啦，花甲就比較少啲得6粒左右，但隻蟹就真係大隻。試咗幾啖個湯，鮮甜中帶點微酸，開胃之餘又唔會遮蓋食物味道。蟹肉爽甜，蟹羔都唔少。本地手切牛頸脊 - 呢個部位幾特別，每塊牛熟咗後都好似對摺咗咁可以打開，而中間都係筋位所以都有啲咬口，肉質鮮嫩，正~肉丸拼盤 - 有墨魚丸、牛丸、豬肉丸，唔算大粒但新鮮彈牙。生猛海鮮拼盤 - 海鮮配搭會因時令而更改，當日就有鮑魚、蚌、扇貝、蜆、龍躉片、脆鯇片。海鮮新鮮甜美就不在話下，當中啲扇貝、蜆、鮑魚、蚌都仲要好大隻。食埋啲海鮮都飽咗差不多九成，所以都冇加太多配料，主要係encore咗啲蝦同埋老豆鍾意食嘅脆鯇片。有Heart甜品係奶凍，打完邊爐㷫熻熻，食凍嘅甜品cool down返就啱晒。臨走周圍八下，呢度另外有多間VIP獨立房間，有啲仲坐都十幾人，房內同大廳都有電視機，仲有英‧超‧直‧播~呢度仲設貓頭鷹時段，9:30pm後有8折優惠，即$222/位食火鍋免加一、免前菜 、免醬油，如坐房每位+$20。呢個時段真係堅正，點解? 因為英超大部份場次都喺呢段時間開波，啱晒約一大班friend一路嘆住冷氣打邊爐一路睇波，睇嚟之後會多啲嚟啦。呢度唔係凈係夜晚先開，仲有午巿時段。超值午巿套餐只係$88，除小菜主食外包埋老火湯同甜品，免加一，平日仲要免茶芥。喺灣仔食個茶仔都差不多$50，茶仔環境唔慌好之餘仲要食完俾人「請走」，仲未必有湯飲更加唔會有甜品，俾多少少嚟私房菜餐廳慢慢歎，真係no brainer啦~…Read More

之前有人叫我推介旺角火鍋，我推介了新南苑旺角店。然而多人到BOOK唔到位。終於灣仔也新開了一間。事不宜遲，趁未算太多人知，趕緊去幫襯一下。位於灣仔盧押道的商廈樓上，位置未算太顯眼，不過是日目測都相當多人果真是有麝自然香嗎？環境都不用多說甚麼了，新開的，有設計過的，一間間房還有獨立主題好似班房一樣餐具都頗有中國風自助配料區，少不免我最愛的蒜泥系列自助飲品選擇也不少，個人推介是這個椰子水，非常下火，清潤聽說出面賣得頗貴看看餐牌雞煲加火鍋$278位，加一前菜$20，醬油每位$10限時3小時如果9:30PM後會有貓頭鷹時段，8折再免加一、免前菜醬油、坐房就要每位加廿蚊。不喜歡火鍋亦有小菜選擇事不宜遲即刻上個雞煲先招牌鬼馬麻辣雞煲(小辣)煮到咁上下，加入油炸鬼塊…惹味的醬汁，完全「食」晒落雞肉內小辣的關係，完全接受到雞肉保持嫩滑，啖啖肉一不小心吃了很多一碟都係骨重中之重當雞是這個油炸鬼吧吸收晒醬汁的精華，非常入味，而且保留了脆脆的口感，很好味！吃完雞煲之後，店員幫手換了火鍋我知道每個鍋都會有一個卡通人物今次我的是多啦Ａ夢順帶一提，這個湯底是店員推介的招牌新鮮蟹鍋花甲湯底店員注入湯然後多啦Ａ夢就慢慢溶掉了不消一會，滾了足料的蟹這個湯底相當好，不會太搶但又夠味然後有一張配料紙一面是免費任叫的一面是收費的跟餐有生猛海鮮拼盤(2人份)店員主動提出龍蝦和鮑魚可以幫手燒非常好!!!「燒得的都幫我燒吧!」因為我覺得海鮮黎講，用燒的比火鍋煮的好吃而且有落調味鮑魚很彈牙龍蝦亦很新鮮，燒過更香口色澤對板的海蝦火鍋不能沒有的是牛肉吧這裡的是本地手切牛頸脊一吃便知龍與鳳！牛肉味濃，口感很爽！與一般的急凍貨色真不能相提並論！食完基本款之後其實已經飽了一大半不過仍要追加配料然後是炸魚皮和響鈴不過不失凍豆腐、豚肉、金錢肚手打丸類都不錯，很新鮮另外魚和蝦真可以免費追加,這一點又非常好墨汁墨魚丸亦很好吃另一個推介是這個龍蠆片有咬口又嫩滑！最重要的是脂肪感！非常正！最後是每人一個的有Heart甜品奶凍，嫩滑香甜，好食！總結新南苑灣仔店給我的感覺不錯，乾淨企理，而且招呼好，店員主動幫手加湯、問洗唔洗轉鍋、問要不要幫手燒海鮮，服務滿意！尤其燒海鮮這個option，有加分。有椰子水、甜品又有輕微加分。建議追加的免費配料再加多些選擇就更好了。…Read More