Mochi Cafe

厚彈石鍋烏冬，香醇濃湯配足料配菜，冬日穩陣好食之選🔥・・・・・・・・・・・・・・・・・・・・🐷 三味豚手打烏冬 配香菌濃湯 HK$95＞ 厚切豚肉、薄切豚肉、豚大腸・味道：除咗薄切豚肉係普通豬腩片外，厚切豚肉肥友相間咁幾香豬油味，唔羶。豬大腸洗晒入面啲肥膏，食落可以呃自己冇呢嚿嘢冇咁邪惡XD。個湯幾香黑松露味，仲滲咗少少蘑菇香，但唔鹹，飲完湯都唔會好渴，加分！btw完來入面有隻原粒溏心蛋，讚欸！・口感：豚肉入口好淋，啲肥膏融咗好正！烏冬係厚身彈口嘅，不錯。🦐 Daily Catch海鮮手打烏冬 配魚介豚骨 HK$109＞ 活蜆、海蝦、帆立貝、蟹柳・味道：海鮮整體幾新鮮，湯底都有滲到海鮮鮮甜。而且海鮮份量都幾多～・口感：同上XD🍳 木魚豚肉玉子燒 HK$58・味道：好多餡嘅玉子燒，肉粒同粟米好多好滿足XD，蛋香味幾重。少啲沙律醬更好！・口感：口感好豐富呀，軟熟嘅玉子配脹卜卜嘅粟米同木魚，配搭幾新鮮同時幾夾。🧋本格香滑奶茶 HK$22 👍🏻・味道：呢支奶茶好飲喎，係好好飲嘅程度，完全surprise咗我！3分甜左右好香醇嘅奶同茶香。茶奶平衡，香而不澀嘅茶底，係會想買多支飲嘅程度。・口感：飲完唔會漿口，入口好順喉細滑。・・・・・・・・・・・・・・・・・・・・🤰性價比：高～🤰9衝度：9衝～🤰結論：睇openrice見到評價好壞不一，我呢次去食嘅體驗幾好😗不過希望店家可以穩定質素啦～・・・・・・・・・・・・・・・・・・・・…Read More

🥢🍥🍲熱辣辣石鍋烏冬▫️冇水提供的，要飲野就要叫飲品☑️ 吉列豬扒手打烏冬/香濃菌湯🍲-$92個吉列豬扒會另上的，真係幾好食，外皮超脆口，而肉都鬆軟吾會難咬，配蛋黃醬好食。這款湯底選了香濃菌湯，有一小匙黑松露醬係面，而配料會切好嘅菇，有鮮味而且索完湯好味，另外仲有菜苗、粟米粒同一隻雞蛋，口感都豐富，但烏冬未算彈牙。🆗 厚切豚肉手打烏冬（4件豚肉）/黑蒜油豚骨湯 🐷-$92豚肉的確好厚身，吾會好肥，但會痴牙，黑蒜油豚骨湯個人覺得一般，蒜味太重會有少量苦澀味。除左冇左菇，其他配料都是一樣的。🆗木魚豚肉玉子燒 🍳-$58呢個玉子燒好似蛋包飯甘，只係飯換左做豚肉碎、椰菜粒、粟米粒、同埋蟹柳絲，上面仲有蛋黃醬同埋有木魚絲及紫菜絲飄下飄下，配料口感都十分豐富，食完好滯。…Read More

難得係尖沙咀搵食但滿街都係人，突然諗起久違咗多年嘅萬豚屋便行嚟睇吓，幸好此店捱得過疫情又唔使等位，立即坐低開餐。凍奶茶幾大樽，茶味可以，不過甜咗啲。清酒係店員推介，酒唔啱我，朋友就話好飲。上枱時烏冬窩仍滾緊，厚切豚肉炆得好正，有油香又唔柴，好彩揀咗4件版本，烏冬就一般，加$10轉稻庭烏冬會好啲，湯底算係香濃嘅。玉子燒份量幾大，上面有好多沙律醬，入面又有好多好甜的豬肉絲，最啱鍾意甜口味的食客。一口牛係煎炸唔係燒，一啲炭香味都無，嚡口又無牛味，下次唔會再叫。日式炒雜菜帶甜，算是正常發揮。…Read More

第一次食，話明萬豚屋，當然要試吓佢哋嘅豚肉，所以我叫咗厚切豚肉石鍋烏冬，吉列芝士豬扒同埋木魚豚肉玉子燒📝呢度嘅落單模式係自己喺餐牌上面填完再俾職員～🍲豚肉石鍋烏冬滾住咁上枱～個鍋咁熱都辛苦啲員工有四款湯底 我揀咗魚介豚骨作為湯底烏冬煙靭，厚切豚肉肥瘦適中，帶有少少油脂嘅香味，本身我唔鍾意食肥豬肉都覺得呢個唔錯！食食吓發現原來入邊有一隻雞蛋，係生打落去個湯底度等佢自己熟，不過貌相唔討好，我寧願佢整隻糖心蛋或流心蛋。🧀🐖吉列芝士豬扒粉漿夠薄，芝士仲溶緊，豬扒軟硬度適中，整個配合都幾有驚喜！不過要趁佢熱辣辣就好食晒佢～🍳木魚豚肉玉子燒初頭以為玉子燒係長方形個種，最後原來係蛋包飯嗰種，只係食到好多木魚，冇咩豚肉，所以整體上似食緊蛋包木魚。如果本身係好鍾意食蛋同埋木魚嘅話，呢個絕對係你嘅選擇。環境方面，在位置都比較狹窄，而且冷氣溫度唔夠高，本身食湯麵都已經容易熱，一路流着汗咁食💧不過值得一讚豚肉方面佢做得幾出色👍🏻❇️會再去指數：3/5…Read More

一入到餐廳就超香！係濃湯既香味！石鍋烏冬製作需時，食住玉子燒先！蛋入面包住好多料：椰菜、芝士、蟹柳 、栗米、少許豬肉，加埋沙律醬，好好食！推介！如題：餸係其次，湯底先係「萬豚屋」既重點！香菌濃湯唔止有一大羹黑松露，入面既菇茹味好重！好好食！豚肉真係好厚切，足料！石鍋烏冬上菜既時候真係超級熱，起曬泡咁！所以花甲放入湯入面，有D overcooked,好韌。不過手打烏冬好彈牙，好好食！…Read More

萬豚屋獨有的石鍋讚岐烏冬，暫時在市面找不到代替品，豬骨湯底加上日式讚岐烏冬也是家裏煮不到的味道三味豚肉手打烏冬有齊三種口味：厚切豚肉、薄切豚肉、豚大腸，配上每次必點的魚介豚骨湯底，雖然很邪惡，不過實在難以抗拒，很容易連湯頭整碗KO忌廉黑蒜咖喱炸雞烏冬對比起招牌菜，這個fusion配搭難免有點失色沒有忌廉味，亦難找到黑蒜的香味。換來只有普通的咖喱烏冬，還好炸雞的味道挽回一點點分數木魚豚肉玉子燒招牌菜之一必叫，豚肉份量多，蛋皮不會鬆散，加上木魚碎令菜式錦上添花👍🏻…Read More

之前一直想試試這間手打烏冬很出名的日本餐廳, 終於約到朋友一起來試試!! 沒想到除了手打烏冬之外, 小食都好好食!!!吉烈忌廉蟹餅 $38加入了忌廉薯蓉的吉烈忌廉蟹餅, 蟹肉份量算正常, 但不可以期望會有蟹肉鮮味, 主要忌廉薯蓉好滑好香忌廉味! 好好食!木魚豚肉玉子燒 $55原本以為跟一般的玉子燒差不多, 沒什麼特別, 誰不知好有驚喜! 玉子中間有好大片而且有點厚度的豚肉夾著, 令口感大大提升!! 值得推介!!三味豚手打烏冬 (魚介豚骨湯底) $88三味的意思是有厚切豚肉, 薄切豚肉及豬大腸! 厚切豚肉有點像厚五花腩, 大大件好好食! 薄切豚肉則像打邊爐那種, 而豬大腸滷得好入味! 至於手打烏冬好滑好好食! 自家製吉烈芝士豬排手打烏冬 (魚介豚骨湯底) $100吉烈芝士豬排值得推薦!! 熱辣辣時拿起一件時會有芝士拉絲的效果, 令人胃口大增! …Read More

在中學時代已經聽過萬豚屋嚟個名，一直未有機會試，今日剛巧陪女友到附近做facial，順便一試鋪如其名，入到去見到牆上裝修有好多好多隻不同外貌的豬，雖然未有一萬隻，但仍很有特色感覺好關西風，蛋夾住豚玉，沙律醬，粟米，蟹柳，上面仲有紫菜絲同木魚乾，新鮮即製，熱辣辣，上枱時仍然出煙忌廉黑蒜咖哩韓式炸雞手打烏冬- 份量十足，炸雞香脆，黑蒜咖哩香濃，忌廉完全包裹著手打烏冬，令她變得又滑又煙韌，口感非常豐富滑蛋吉列豬扒丼 $74 - 豬扒原厚身，配合滑蛋、洋蔥同醬汁，形成一個完美組合，令人一口接一口好快食哂墨魚炸彈 - 此店特色創作料理之一，用墨魚膠包著半熟蛋炸，師傅好了得，蛋仍然半熟，有點流心，墨魚膠爽口彈牙，而外面炸至卜卜脆隨碟附送炸蟹柳一條香煎豚肉餃子-賣相不錯，煎至金黃色，外皮脆身，配合餃子醋食，非常可口， 而且午市性價比超高午餐仲有咖啡或茶送，凍飲加$3，左凍奶茶，右凍咖啡，味道不錯，還以印有店名的樽仔送上，頗有特色…Read More

經過尖沙咀某小路，總是看到一條長長的人龍，人氣高企!! .燒活鰻串（$86/兩件）鰻魚厚肉🐟，但燒得未夠乾身，加上燒汁不足，不夠惹味。.芝士年糕（28/兩件）口感煙韌，但芝士味並不突出🧀，炸乾身一點應該會更好吃。.木魚豚肉玉子燒（$52）豚肉玉子燒比想像中好吃😋，中間包有豚肉、粟米🌽和蟹柳絲。上面再加上木魚、紫菜、芝士和沙律醬，味道豐富，玉子又不會過老🐣，不錯吃👍🏻。.忌廉黑蒜咖喱炸雞手打烏冬（$88）炸雞有5件，未算香脆，但肉質嫰滑🍗。另外配有紫菜，溫泉蛋🐣，賣相吸引😊。咖喱烏冬不辣🌶，較淡味，幸好手打烏冬煙韌入味，挽回一點分數，麵量正常，整體算是不過不失。.餐牌如下…Read More

小肥忙左成個星期終於可以放下假假☺️難得天氣總算好返啲啲之際😆🌤去搵朋友行街街下之前🤪當然要食返餐好既醫下肚補充下先啦🤤🍴位於尖沙咀赫德道既萬豚屋從尖東站N2出口行過黎亦夠哂方便就腳😆萬豚屋雖然裡面無成千上萬既活豚出現😈🐷😂但環境及裝修都十足十與豚豚共進午餐咁🤪🐷豬 全部都係豬🐷🤪入黎進膳既朋友仔都一齊享受食豬睇豬既樂趣🐷🤪🤤上級厚切豚肉石燒手打烏冬以一流賣相新鮮滾熱辣上枱🤤但因剛剛上枱石鍋仲好熱所以要小心唔好辣親手啦🙇🏻‍♂️豚肉肉質滑嫩Juicy🐷🤤脂肪比例均勻啖啖富有油香之餘😆🐷烏冬麵質煙韌有咬口唔會一夾即散亦要一讚😆🍜配合超濃郁黑松露菇香既香菌濃湯更是惹味🤤😋🍜名乎其實既香菌濃湯🤤木魚豚肉玉子燒玉子燒厚厚的新鮮整起上枱仲出緊煙🤣🍳玉子微甜而且甚有蛋香之餘🥚🤤食落質感夠滑嫩唔會乾身😆再配合滿滿既滑嫩豚肉絲及木魚紫菜絲做餡料🤤顯得更為豐富🤤🐷…Read More

心血來潮想食烏冬 去開尖沙咀見到呢間食評唔錯就決定去試下！夜晚去到餐廳已經八點幾 門口都仲有幾個人排緊隊睇黎真係幾受歡迎！😋入到去坐低 鋪頭裝修唔錯牆紙都用左好多可愛既豬做主題 配合返店名🐷餐牌好多選擇 但係想嗌既芝士豬排無左最後我地嗌左兩碗烏冬同一個小食～呢個三味豚烏冬材料好足！有齊三種豬既唔同部位 亦都好入味！都幾推薦👍🏻而凍烏冬呢就一般啦雖然烏冬都好彈牙 但個冷面汁唔太合我口味牛肉亦都比較普通 有少少失望既而呢個玉子燒就真係大推啦！好食！好足料得黎又唔算好膩絕對值得一試！總結 去出名食豬既鋪頭真係應該嗌豬hahaha希望下次試到芝士豬排🥺…Read More

尖沙咀後街赫德道以前是晚上酒吧勝地。唔知由幾時開始,慢慢變成特色小店聚集地。唯万豚屋多年前已進駐,每次午餐時段經過都見人龍。赫德道路面狹窄多車,不容易發現店舖。万豚屋以手打烏冬出名,就試吓佢地個石燒芝麻手打烏冬。凍ge芝麻醬烏冬就食得多,熱的芝麻湯烏冬真係未食過。一上枱,真係滾到起晒泡連食緊咩都唔知湯底用上了大阪百年芝麻老店,飲落似豆乳芝麻湯~ 正主打的手打烏冬粗身半透明,非常有口感。叫多個大阪風玉子燒, 最後和我想像中的玉子燒不同。他應該是想模仿大阪燒餅,薄薄的蛋皮包了豚肉,粟米粒,椰菜,蟹柳啖啖肉好味…Read More

上星期睇演唱會前去左尖沙咀搵食~開業16年曾紅極一時，星期五六日仍會大排長龍，所以嗰日趁佢中場休息後就去潮聖下👆-☆ 墨魚炸蛋黑蒜咖哩烏冬 HKD$88墨魚炸蛋好有驚喜😛！形狀似雞蛋，有三個個次不同層次，外面係一層薄薄炸皮，中層係彈牙墨魚滑，內層係超流心溫泉蛋，口感非常特別👍。咖哩湯係日式咖哩味，略嫌咸左少少，但整體尚算不錯。-☆ 厚切豚肉手打烏冬 HKD$88厚切豚肉係餐廳名物，豚肉大大塊堅厚，質地夠哂軟腍🤤，好好食。而湯底有三種選擇，我揀左香菌濃湯，湯底配上黑松露，令菇菌味更突出，香味非常濃郁😚。烏冬屬粗身類，十分煙韌彈牙。另由於用石鍋上，能令溫度一直保持，所以食到尾都仲熱辣辣噴緊煙，讚👍！-☆ 木魚豚肉玉子燒 HKD$52玉子嫩滑有蛋汁，內裡材料豐富，有厚切豚肉粒、蟹柳、粟米、椰菜，加上鋪面有我最愛木魚碎同厚厚沙律醬，大愛🤩。-**溫馨提示當日食完7點，餐廳已full house，所以建議早啲嚟排隊啦~…Read More

朋友話之前經過呢間萬豚屋排晒長龍，呢晚就搵埋我陪佢試下食！烏冬花款好多，不論係湯底、配料，定整法。我哋就叫咗一個比較多人食嘅石鍋烏冬、一個比較特別嘅咖哩烏冬，配兩個小食，全部都係「料理長推介」架！首先講下小食！好食喎！🤩尤其推介墨魚炸彈！墨魚炸彈（$48）墨魚炸彈用咗墨魚滑包住一隻蛋，蘸上炸粉攞去炸，蛋整到半熟，仲有流心效果添！外層脆卜卜，墨魚就彈牙，而流心蛋就軟淋淋，口感豐富👍🏽另外仲有炸蟹柳，不過就比墨魚炸彈搶晒風頭啦！🤣木魚豚肉玉子燒（$52）另一個小食係都好多人推介嘅玉子燒～餡料好多，有蟹柳絲、椰菜，最緊要係有叉燒，非常特別嘅配搭！出面食嘅玉子燒通常層蛋會好厚，包好多層；而呢到嘅玉子燒就只有薄薄嘅一層，所以餡料好易跌晒出嚟。同埋鍾意食好厚嘅玉子燒嘅朋友可能會嫌呢個蛋太薄😛之後就到烏冬喇！烏冬有四種湯底揀🥣：魚介豬骨濃湯、香菌濃湯、香辣三色味噌湯、黑蒜油豚骨湯。厚切豚肉手打烏冬（香菌濃湯）（$88）我哋就揀咗香菌濃湯🍄，係用豬骨湯加入大菇整成嘅，菇味好濃郁，而且仲有黑松露醬，一齊食嘅話會好香！我哋都好鍾意呢個湯底！另外因為佢用個石鍋嚟裝住，所以一路食到仍然keep到好高嘅溫度，抵讚！👍🏽豚肉係餐廳自家製嘅，好厚嘅一片，肉質軟嫩多汁，入口即化，半肥瘦，更加食到豚肉嘅油香味😋烏冬係手打嘅，非常彈牙，好食！忌廉黑蒜咖哩炸雞手打烏冬（$88）最後就係呢個忌廉咖哩烏冬喇🍲咖哩有少少辣，幾開胃的。炸雞份量唔少，而且炸得啱啱好，仲保持到入面嘅肉汁，唔會好乾。最後我哋仲叫咗個甜品！呢個cake set幾抵呀，$32有蛋糕仲配嘢飲。伯爵茶芝士凍餅（$32）食落質感好似雪糕蛋糕咁，伯爵茶味勁香濃，好鍾意！本格香滑奶茶(凍) （跟餐）揀咗奶茶跟蛋糕set。奶茶係港式奶茶，奶茶濃滑，好飲～糖水係另外上，可以自己調較甜度👍🏽總括嚟講好滿意，下次再試下其他款式先！🤤menu：…Read More

赫德道呢間日本野一直喺云云酒吧中屹立不倒，咁耐以黎都仲周不時見餐廳門外排哂長龍，就知質量有保證啦舖頭主打豚肉，無論門面定係店內環境都以豬仔為主～餐牌有唔同湯底同配料既烏冬選擇，剩係揀都有排揀除左主食既烏冬外亦有唔少小食～每次黎都一定會嗌招牌既厚切豚肉烏冬豚肉肥瘦比例參半，厚而嫩滑、入口即化。呢日揀左香菌濃湯，烏冬索哂湯汁，啖啖都食到菇菌香，裡面仲有幾舊軟稔既大香菇豚肉玉子燒即叫即製，好大件蛋衣薄身，裡面包住滿滿既餡料，有粟米、椰菜同豚肉，口感豐富，仲加左沙律醬，食起黎甜甜地好creamy。裡面既豚肉同樣軟嫩易化，不愧為「豚屋」呀吉列豬扒都唔錯，芝士雖然份量唔多，但外皮炸得幾香脆，裡面既豬肉先係精萃無諗過連炸過既豚肉都可以咁軟熟，一啲都唔韌難怪咁多人排隊，中意食豚肉既朋友一定要黎試下…Read More