Fat Duck Den Cuisine (Closed)

個人都好喜歡飲茶，有時有朋友星期六都要上班，自己岀開去會搵佢地食個午餐，佢就話有時Lunch會成班同事嚟呢到食，今日就帶我嚟食。環境位於酒店之下，環境安靜，餐廳亦不算大，但可能冷氣唔夠，較多小蚊滋。有機鮮茄野菌魚湯浸唐生菜 $45份量都可以，價錢就貴少少，岀街食得多少食菜所以叫碟食下，都幾新鮮清甜。花雕酒原隻鮑魚(二隻起) $48落單有誤會，由於兩隻起叫，咁就點餐紙寫左個2字，即係要2隻，但係嚟左4隻要就話落左我2份，師傅以為2隻為1份，收我$48x4隻既錢，話岀咗食物唔收得返，好無奈地2隻變4隻。但鮑魚醃得幾好食，十分重陳皮香又帶點花雕酒味，而且煙韌彈牙，可一試。原隻鮑魚燒賣 $38/2粒細粒鮑魚，鮑魚腍身少少，而燒賣係蝦燒賣幾彈牙。金湯小籠包 $30有3個，比起上嚟好似比較抵食，好貼心地個底有塊紅蘿蔔墊住，等你夾起時帶承托力唔會咁易穿。入面都幾多湯汁，肉應該本身加入薑，所以醬油冇薑絲都食到有薑味，皮厚度可接受。黑金流沙包 $30成日見人地打卡影相食黑色既流沙包，自己未試過，見到呢到有就叫嚟試下。估計係竹炭整成黑色，食落冇特別既味，可惜包身比較硬，而流心餡就做得不錯，有沙沙口感。沙律大蝦角 $35入面大蝦彈牙，略嫌外層炸皮油溢左少少同厚左啲。即焗酥皮蛋撻 $28本身叫燕窩蛋撻，原來店員又搞錯落左普通酥皮蛋撻，落左就照食。蛋幾滑，外層都夠脆，唯牛油香未夠重。總括而言，可能主要做酒店客人，地理位置未算方便，價錢偏貴少少，食物中規中矩，係落單需要注意一下。附：餐牌…Read More

上星期六兩老來我家執整，忙了大半天，午餐只是吃外賣點心和蒸包，雖然他們都很喜歡，但我總是覺得有點兒那個.....為了好好感謝兩老，就陪他們做最喜歡的事情。老人家多數喜歡什麼？嘆茶啦！趁自己還是放假中，今日帶兩老走遠一點，去上環飲茶，如果只是他們自己的話，兩老就不會去咁遠。環境高貴優雅，雲石枱、石器擺設、吊燈、鮮花等，還有半落地大玻璃窗，感覺舒適開揚，有別於一般的茶樓的裝潢。地方不少，共有兩層，還分內外兩區，設有一張大圓枱、幾張二至四人枱，靠窗有排沙發椅配二至四人枱。***********************午巿時段有精選套餐 Lunch Set Menu由11:30-14:15，共四道菜，有湯、點心、精選小炒和飯麵，$68起，我們點了兩份。是日原盅花朝燉湯 FDD Soup 是老黃瓜赤小豆豬骨，熱辣辣，最滋味。味道香濃，入口順喉，老黃瓜相當腍嫩多汁，好有家的味道，岩晒一直缺湯水的我。四款點心Dim-Sum 中揀了嶺南燒賣和出爐叉燒酥，每客兩件。嶺南燒賣Cantonese Steamed Minced Pork Dumpling 熱辣辣，大大粒又紮實，一睇就知好足料。肉鮮香，仲有彈牙的蝦仁，最喜歡是沒有混入大量的肥膏，不覺肥膩，加埋頂頭爆卜卜的蟹籽，用料上乘。出爐叉燒酥Baked Barbecued Pork Puffs 外表金黃，好靚仔！外層酥皮又鬆又酥脆，食落無油膩感，中間捲滿滿的叉燒饀料，味道甜甜地，不錯！在十多精選小炒 Wok Specialties中，選了帶子賽螃蟹 Scramble Egg White & Scallop ($98)，滿滿一大碟，咁多蛋白，應該用了不少隻雞蛋炮製而成，很足料！吃前老爸先邊淋些醋汁，邊拌勻蛋黃，更添美味。蛋白弄得相當滑溜，伴上爽嫩的帶子肉，味道更鮮香，更豐富，推介！我當然看中涼瓜炆海斑頭腩 Braised Grouper, Tofu & Bitter Melon ($118)啦！以煲仔盛載上枱，熱度十足！份量亦十足，涼瓜甘苦爽口，烹調入味。最吸引我當然是啖啖肉的海斑頭腩，表面沾上薄薄的芡汁，味道剛好，肉嫩鮮味，優質！飯麵 Rice & Noodles 有四款選擇，除白飯外，其他也要加錢，但一見魚湯我就兩眼發光，要了兩碗鮮魚湯魚滑米線 Fish Paste in Fresh Fish Soup (+$12)。嘩！驚喜呀！估不到麵料咁豐富，有清爽的勝瓜、甘荀和芹菜、爽口的雜菌，還有幾件鮮味彈牙的鯪魚肉，果然足料。米線滑嘟嘟，口感佳，舀羹鮮香的魚湯同吃就最美味。*********************除套餐外，還有單點，有小食、點心、煎炸焗點心、粉麵飯和甜品。兩老最愛吃點心，套餐只有兩客點心又點會夠喉？點了一客駿官.蝦餃皇 FDD Shrimp Dumpling ($30)，正方形的蒸籠好特別。一客四件，每件都脹卜卜，晶瑩剔透，皮薄饀靚。薄滑的外皮包着滿滿的饀料，啖啖彈牙鮮味的蝦肉和鮮香的豬肉，蝦肉佔的比例多，正！吃落一點也不油膩，老媽讚不絕口。還點了一客黑金流沙包 Steamed Bamboo Charcoal Bun with Egg Yolk（$30），圓碌碌，脹卜卜。黑色的包身畫上金紋，好酷！包身相當軟熟，一摵開，流沙饀緩緩流出，流心狀剛好，既香滑又鹹香，份量合宜，吃落沒有溜滯感，老爸大讚！******************************蔬菜不能少，在小食系列中揀了一客有機鮮茄野菌魚湯浸唐生菜 Organic Tomato & Mushroom Fish Soup With Chinese Lettuce ($45)，選材色彩豐富，用料亦豐富，有爽嫩的唐生菜、鮮活的蕃茄、爽口的雜菌和清香的芹菜，浸在鮮香的魚湯中，少油少鹽，健康有益。最後，老爸連魚湯也通通喝光。------------------------------嘆完茶，吃完咁多美味的點心，還以為兩老好滿足，點知他們話要去坐摩天輪，真是返老還童，好吧！今日就「嘆茶樂，家庭樂，一起吃喝玩樂」。…Read More