Fukuoka Hambageu (Hung Wai Building)

上次去日本冇機會食漢堡扒 喺香港補翻數🤣早幾日去咗旺角一間都幾出名嘅漢堡扒店見到佢個二人set都幾多嘢食咁就嗌嚟試下啦😆-♡ 二人套餐(ver.3) $359嚟到嘅時候仲震驚 超大份😳有兩份漢堡扒set同超大碗丼飯仲送兩杯嘢飲完全唔似二人份😂.👍🏿芝士蛋蒜和牛漢堡扒(中)牛肉成個波咁好搞笑🤣切少少然後放喺舊石頭上面煎啲滋滋聲真心好正 史努比覺得好好玩😂煎香底面之後外脆內嫩食落牛脂瞬間溶入口😳真系超重油香🤭撈咗啲mozzarella cheese帶出少少芝士嘅鹹香仲做到啲拉絲嘅效果即使唔點任何醬汁都好夠惹味不過史努比就覺得有啲太heavy😂食晒成份嘅話都幾漏鐵板上面仲有邊爐蛋可惜佢吸油吸得太勁搞到啲蛋比較油但燶邊蛋幾香口 唔錯～整體幾好食🤭🤭味道: 8/10.👍🏿月見味噌牛丼飯 唔系講笑碗飯真系勁大碗😳完全系XXL嘅份量滿滿嘅牛肉鋪喺面頭雖然唔系嗰啲好靚嘅肥牛 但質素絕對唔差牛味濃郁 油脂豐富 唔會好鞋口👍🏿同大量雜菌一齊炒香食落鹹中帶甜非常惹味🤤但又唔會話過鹹～有啲似sukiyaki嘅味道😝配上呈橙黃色嘅蛋黃 蛋汁滲入個飯度 牛肉汁嘅甜味同濃郁嘅蛋黃 送飯一流🤤我哋都覺得個丼飯比漢堡扒更出色🤭味道: 9/10.另外套餐仲包一個小沙律同麵豉湯餐飲可以揀罐裝飲品 亦可以加錢轉特飲.👍🏿西柚特飲 +$18嚟到嘅時候真系比佢嚇親😂大大個玻璃樽 唔講以為系裝蜜糖嗰啲樽超級大杯😳唔知系咪心理作用真系飲到有少少蜜糖嘅甜味🤣散發出淡淡嘅西柚味唔系一尾死甜嗰種飲落系清甜嘅好refresh食漢堡扒呢啲咁greasy嘅嘢配呢杯嘢飲真系一流😚味道: 8/10.👍🏿巨峰提子特飲 +$18同樣都系非常之大杯😎濃郁巨峰提子嘅香甜 配上淡淡嘅檸檬味清爽唔會過甜連平時唔飲甜嘢嘅史努比都覺得好飲🤭媽媽👩🏻更加系大推呀🤣🤣味道: 9/10.成個set嘅份量超足 飯多肉多乜都多真心appreciate連嘢飲都系大大杯😆食鐵板燒呢啲嘢都會口乾唔會食到最後嘅時候冇嘢飲呢個份量足夠三個人食😎性價比: 9/10-唯一令史努比唔滿意嘅系店員嘅服務態度講嘢唔太友善🥲雖然食物有水準但有時候服務態度唔好都好影響成餐飯嘅體驗😌唔知去第二間分店會唔會好啲🤣.整體評分：味道: 8.5/10環境: 7.5/10服務: 4/10衛生: 7/10抵食: 9/10回頭率: 5/10-想睇更多關於史努比嘅food diary 歡迎follow IG😚♥️👉🏿 @snoopy._.eating 🙌🏿🙌🏿 …Read More

福岡漢堡扒之前係尖沙咀食過，今日經過旺角，見到入面人人都燒緊漢堡扒，好吸引🤤我地又走入去食😂強烈推薦同fd 黎食2人餐🤩因為抵好多，又有多個丼飯同飲品👍🏻上菜速度好快👍🏻而且店員會好細心咁教你點煎，同埋點先可以冇咁易煎燶👍🏻好nice 我哋叫左3號餐，除左2份漢堡扒，仲有好大個牛肉丼飯😍 牛肉同香茹炒得好香🤤仲有蛋黃拌勻下面D珍珠米😋真係好味👍🏻主角係芝士蛋蒜和牛漢堡扒😍成個波波形真係好得意😍切開少少放上熱石到燒，每面燒3秒就翻一翻，直至變左色就食得。👍🏻蒜片極多極香🤩 仲有少少拉絲嘅芝士，味道好惹味自己燒到成品嘅滿足感好大🤩😂😂途中職員都好熱心留意塊石頭唔夠熱，就會幫你換過粒熱石👍🏻好細心！食得好飽好滿足👍🏻…Read More

經過尖沙咀分店好多次想食但冇食到🤣🤣，無意中行過旺角見到，先知原來旺角都有分店~可能時間尚早 竟然唔洗等位就入得🤓🤓旺角分店環境闊落舒服，而且比我想像中乾爽清潔👍🏻👍🏻(原本以為食，呢啲一定會成間鋪枱燈都癡粒粒)叫左個二人餐食下，好有儀式感好好玩。我哋嘅套餐係芝士蛋蒜片包住和牛漢堡扒~店員仲好好咁樣教我哋點樣煎漢堡，體驗10分好☺️☺️另外，不得不稱讚店員服務態度非常好👍🏻，主動問我哋需唔需要更換熱石2次🥹🥹仲要非常細心，我同一個店員要求想要碗仔，佢都未行開 另一個店員就主動拎左兩個碗仔俾我哋👍🏻👍🏻👍🏻👍🏻((另外一個私心讚賞嘅地方係，店舖入邊嘅音樂非常好聽🤣🤣🤣薛之謙同埋BlackPink🤫🤍🤍🤍💸💸兩人套餐（Ver3) $359＋芝士蛋蒜和牛漢堡扒（中）+芝士蛋蒜和牛漢堡扒（中）+月見味噌牛丼飯兩個人食一碗都食唔晒，超級大碗但係超級好味👍🏻牛肉蘑菇蛋黃白飯🤓🤓＋罐裝飲品x2 ((+18 轉特飲))叫左巨峰梳打同埋金橘檸檬🍋，超級大杯😂😂😂📍旺角 福岡漢堡扒地址: 花園街3-5號 鴻威大廈地下7號鋪…Read More