Bread and Bistro (Closed)

今日要去黃竹坑醫院探病，順便去Bread and Bistro食午餐，Bread and Bistro當然唔止得麵包，呢一間cafe仲有全日早餐，沙律，冷烏冬，冲繩特式塔可飯，咖哩，pizza，湯飯，拉麵，湯烏冬，意粉，飯，兒童餐，飲品，同甜品。重點係有我鍾意既梳乎厘班戟！！！星期日1點9到都要等幾張枱，好旺場！好彩最後都係等左20分鐘左右。今日每人叫左個主食再加一份梳乎厘班戟分享。日式原條鰻魚飯配炒蛋 $158 另加一果然係大大條鰻魚，肉質好彈牙，味道又夠鰻魚汁，正。鰻魚面頭灑滿黑白芝麻粒，仲有蔥花，都有兩片脆口黃色蘿蔔漬物。鰻魚下底就係一大片滑蛋蓋住白飯，再加上豐富醬汁，食落都夠味，蛋配飯食都唔錯。吞拿魚牛油果冷烏冬 $158 另加一吞拿魚牛油果冷烏冬面頭有4片外熟內生既吞拿魚，質感非常好，好嫩口，味道帶少少黑椒既辣。吞拿魚下底原來係幼身冷烏冬，食落煙煙韌韌中帶爽口青瓜絲同滑溜牛油果蓉，口感特別。伴碟有好多羽衣甘藍同生菜，仲有一粒車厘茄同檸檬塊。可選意式醋汁或者和風芝麻醬，我地揀左後者，餐廳體貼地另上，加沙律食實在係太好味同邪惡。時令水果梳乎厘班戟 $128 另加一上次試過呢度既梳乎厘班戟，今日絕對係為左佢而黎。梳乎厘班戟製作時間35分鐘。一落單我地就叫服務員可以起，剛剛好食完主菜就有得食。時令水果梳乎厘班戟同上次一樣，三件梳乎厘班戟非常大件，隱隱聞到蛋香，食落果然非常之有空氣感，水準不俗！伴有非常香滑忌廉，送班戟食真係一流。鮮果有士多啤梨，藍莓同奇異果。班戟上面灑上糖霜，其他醬料仲有士多啤梨果醬同一兜蜜糖。加一球意式雪糕加$20，有雲呢拿同朱古力味，今次揀左朱古力味。濃味雪糕配蛋香班戟真係好味道。呢份時令水果梳乎厘班戟份量大，味道高質，而且唔洗排長龍，價錢都唔算貴，值得為左佢而黎。下次又黎食梳乎厘班戟先！…Read More

Bread & Bistro 🥖@bread_and_bistro南港島綫開通之後入香港仔終於唔使塞隧道嚕🚞 接近6年後，終於試「新」路線，搭地鐵去港島南🦦事緣最近政府進一步放寬社交距離🥲 香港好似熱鬧返好多嚕，少少犯賤地又想搵返啲環境清靜嘅地方🫢餐廳除提供bread and pastry外🥐 仲有西日式主菜小食，甜品同精品咖啡，甚至grab&go嘅croissant sandwich都有幾款🥪南瓜湯🎃每個lunch set都配碗南瓜湯🥣 口感順滑绵密，清甜養生，非常暖身🥰蟹肉小龍蝦意粉配龍蝦汁🦞餐廳唔係用平碟上菜，而係幾深嘅pasta plate，份量極多！拆殼起肉嘅蟹同小龍蝦，食起上嚟啖啖肉🦀 每條意粉都吸滿濃郁嘅龍蝦汁，伴碟嘅檸檬就更帶出海鮮嘅鮮味🌊日式咖喱芝士滑蛋 配日式炸雞🍛日式咖喱可以揀配白飯或者烏冬🍚 咖喱香濃，味道偏甜，配上彈牙掛汁嘅烏冬，食嘅時候小心唔好彈到周圍都係🤪 滑蛋好厚身，我估可能用咗差唔多三隻蛋😂 加埋輕輕火炙過嘅原片芝士，仍然保持住原本嘅形狀，咬落去有融化嘅口感，為滑蛋加添左啲鹹香🫕 雞塊炸得金黃香口🍗 大大嚿嘅紅蘿蔔，但都煮得好夠腍🥕時令水果梳乎厘班戟🥞呢個疏乎厘班期絕對可以媲美Pancake專門店🏅 1份3件超厚嘅pancake，接近係平時食嘅double ⏫！ 配埋忌廉同水果🍓🫐🥝 pancake空氣感都好夠，蛋味香濃，又唔會話太過甜，仲可以自己加蜜糖🍯不過呢啲pancake都係即食嘅口感最好😋 所以如果唔想又甜又鹹咁食嘅話，可能同店員講聲想甜品後上會更好😎食物嘅份量真係冇得頂👍🏽 如果唔係因為冇食早餐lunch又遲食，兩個人一定食唔晒😂 可能始終地理位置唔係咁近市區，但其實交通真係好方便！地鐵站行過去都唔洗三分鐘就到🚶🏻相對市區Cafe食完要即走，想搵個悠閒又可以坐耐啲嘅地方同朋友chill下，過嚟黃竹坑都係個幾好嘅選擇🥳…Read More

今個周末去左黃竹坑玩，午餐去左Bread and Bistro呢間咖啡店食，好耐之前黎過一次。假日餐牌有多款選擇，有全日早餐，沙律，冷烏冬，冲繩特式塔可飯，咖哩，pizza，湯飯，拉麵，湯烏冬，意粉，飯，飲品，同甜品。今日每人叫左個主食再加一個小甜品分享。吞拿魚沙律 $158 另加一吞拿魚沙律大大兜，係新鮮爽脆沙律雜菜底伴有5片大大片煙燻吞拿魚，其他蔬菜仲有少見既長豆角，車厘茄同羽衣甘藍，仲有6舊香口熱辣辣炸薯角添。個蜜糖芥末醬好味又夠多。所有材料都好新鮮，吞拿魚質素都好好，仲伴有一件檸檬比你。蟹肉小龍蝦意粉配龍蝦汁 $148 另加一蟹肉小龍蝦意粉係大大碟幼身spaghetti意粉，撈咗鮮甜小龍蝦同拆好既蟹肉，仲有車厘茄同少少菠菜。意粉質感非常al dente，係我鍾意既口感。個自家製龍蝦汁味道都唔錯。仲伴有檸檬一件。面頭附送一條意式餅乾條，最後灑上少量芝士粉同香草。時令水果梳乎厘班戟 $128 另加一估唔到呢度都有梳乎厘班戟，仲有3款口味選擇，加一球意式雪糕加$20。梳乎厘班戟製作時間35分鐘。果然慢工出細貨，三件梳乎厘班戟非常大件，隱隱聞到蛋香，食落果然非常之有空氣感，水準不俗！伴有非常香滑忌廉，送班戟食真係一流。鮮果有士多啤梨，藍莓同奇異果，連奇異果都唔酸。其他醬料仲有士多啤梨果醬同一兜蜜糖。另外我仲加左一球意式雪糕，係雲呢拿味，食落又滑又香又厚身，正野！今餐食得幾開心，食物質素唔錯。週日午餐時間呢個位置都差唔多滿座，果然旺場。…Read More

星期日同男朋友入黎黃竹坑行下食個lunch。番薯藜麥沙律可能係我見過最大碟既沙律。番薯有炸過，味道似台灣既番薯條，又脆又甜又大塊，好味道。沙律菜新鮮，估唔到會有薯格。日式咖喱配流心芝士漢堡，溫泉蛋漢堡切開睇到流心芝士真係好邪惡，日式咖喱十分送飯，大碟飽肚又好食。時令水果梳乎厘班戟賣相好吸引，食落亦有驚喜。餐廳用乳酪取代忌廉，健康好多。班戟好鬆軟，唔會得啖風，蛋味夠香，兩塊大大舊又厚身，超正，一定要食。Dolci Mocha好好飲，咖啡同朱古力味平衡得好好，香濃幼滑。招牌水果茶好清新，好適合飯後黎一杯。…Read More