Yo Hay

近期出街食飯都是以西餐為主，按照家人的說法，就是在家不擅長烹煮西餐，所以出街食飯理所當然以西餐為首選。今天就破例，因為家有喜事，講到慶祝，還是認為選擇能烹調出各國餐飲的最為適合不過，迎合老中青少的口味。餐廳位於太子花園街，臨近太子地鐵站，坐公共交通前往非常方便。若然是自駕前往，門口大量錶位提供，當日好幸運，等了不久就有車位。否則，附近兜下，臨近幾條街道都是街邊錶位，絕對不用愁泊車的問題。泊足兩小時才$16元。室內燈光輝煌，老闆把各種拿手好菜經彩色打印後張貼在牆上，仔細觀察，不難發現種類繁多，有盛名的廣東菜式，時令羊腩煲，雞煲，海鮮，火鍋，泰國菜、新加坡菜等等各國菜式都有，食材相當豐富，讓人眼花撩亂。再仔細打量一下四圍，發現室內空間寬敞，以二人方枱為主，方便拼湊出四至六人枱，若人數多於六位就可以選擇傳統式大圓枱，一家人或一班同事或一班朋友圍住大圓枱，樂也融融。事不宜遲，我們一邊飲着餐廳提供的熱茶，一邊開始點菜。這個海蜇青瓜作為前菜是非常適合不過了，清爽又開胃，帶有少少酸辣，即時開啓味蕾。後來發現，作為餐中小食又是另一番風味，起到清洗味蕾的作用呢。這個菜式在坊間非常普遍，可能随便一間茶餐廳都可以吃到，但它的取勝之處是取用安格斯牛柳粒，薯仔很淋又入味，牛柳粒肉質嫩滑，由外表看色澤金黃吸引食慾，整個菜色的味道食起來非常乾淨，黑椒味配合完美，夠晒鍋氣，非常好吃。水煮大魚頭就食得多，老闆介紹我們試下椒鹽食法，魚頭本身無咩肉，主要食其味道，光看鋪在上面的椒鹽蔥蒜已經非常吸引，魚頭吸收了椒鹽和金蒜的香味，當然沒有一點腥味，反而又香又辣又脆，非常惹味，過足口癮。娃娃菜來自中國雲南特產，由於生長在海拔1500米的高山地區，種植出來的菜質鮮嫩、清甜可口。師傅用了牛乳作為湯底把娃娃菜煮熟之後令娃娃菜吸收湯汁，更加帶出鮮甜味道，加埋雜菌和魚肚令其豐富，就增加食物層次，是一道非常健康的菜式。麥皮蝦是新加坡著名菜式之一， 媲美黑胡椒蟹。兩種菜式餐廳都有，今次選擇是麥皮蝦。看似麥皮的份量的確多，可惜與蝦有些麥蝦分離的感覺，蝦還蝦，麥皮還麥皮，有少少失望。還好，蝦夠大隻，尚算香口爽甜。這是非常惹味的一道餸，話梅味融入了豬手裏面，又沒有搶走豬手味道，反而令到豬手味道更鮮更吸引，而且豬手炆得好淋，好入味，食起來非常之惹味。總體味道適中，就咁食又唔會覺得鹹，另一個重點是，沒有豬手的油膩感，非常讚的一道菜式這一煲胡椒鹹菜豬肚湯，食材係非常之豐富的，豬肚一點為不少，份量很足夠，但是我感覺上枱的時候已經唔夠熱，而且胡椒味可以多些的話，會令到湯更加出色。不過，總體還是很不錯的，材料足夠，湯味濃郁。食完之後，餐廳好細心，每人增送了一碗紫薯糖水，清潤得來又可以作為呢餐完美的句點。…查看更多

颱風天在家裡困了一整天，之後的上班天又遇上交通不暢通，結果決定在外邊食晚餐，讓人潮過去才慢慢回家。太子原本就是很多食肆的地方，但平常都吃著那幾間，今天發現這裡可以吃到不同種類的東南亞食物，就決定在這裡吃晚餐。時間尚早故也沒有幾個人，餐廳內部很寬敞，燈光和顏色也很好，看著讓人舒服。經過一番思考後我們也終於點好菜。肉骨茶是偏向新加坡的口味，並不會有藥材味，反而是甜甜的，湯的份量足夠兩個人每人喝兩碗，而且肉的份量也很多。沙律是泰式的風格，用上酸酸甜甜的沙律汁，很開胃的一道菜。我沒有去過新加坡，但是聽聞這在新加坡很好名，一直都很想吃，所以在看到餐牌有時十分開心。一碟有四隻像手掌大的大蝦，大蝦炸得剛剛好，外層脆脆的，大蝦很新鮮咬起來是爽口的，配合甜甜的味道，非常好吃😍我也是一般都不吃芥蘭，因為覺得很苦及很硬，馬拉盞炒就是唯一方法讓我會吃，也是不負所望，十分美味😋整體來說這間餐廳份量也很足夠的，金邊粉同樣很大份，而且很煙韌，加上青檸汁酸酸甜甜的，非常好吃👍🏻 原本我們已經飽到吃不下，但店員推廌我們吃芒果糯米飯作甜點，說這裡的糯米飯是四色，便點了一個。四色分別是糯米、黑糯米、斑蘭口味及藍碟花口味。這次也是我第一次吃，芒果的甜配合著椰汁味道剛好，吃完真是飽到肚子撐得不行。兩個人吃得這麼多真是有點過份🙈…查看更多

這間位於太子花園街的＂有囍＂餐廳，款式多樣，有新加坡菜又有西餐有圓枱卡位任君選擇。二人套餐 $498軟殼蟹沙律太肚餓連相都唔記得影😆😆沙律汁調的不錯酸酸甜甜很醒胃而且軟殻蟹很肥美椰皇翅棷皇味清甜濃厚，魚翅份量也不少，很鮮味滋潤😋串燒牛/雞四串兩串牛和雞，牛味濃郁雞肉嫰滑配上他們的秘製沙嗲醬非常夾很惹味炭燒西冷安格斯牛扒配薯角西冷牛扒我們要了七成熟，比較熟了少少，幸好不算太韌有咬口，配上薯角沙律份量一點也不少😆星加坡麥皮蝦用麥皮代替做炸漿下第一次嘗試，麥皮炸得香噴噴很脆口，麥皮包住隻蝦一起炸連殼也可以食埋😋大大隻鮮蝦亦非常爽口彈牙，美味無窮👍🏻是日甜品南瓜糊用新鮮的南瓜來做糊，甜絲絲的😊…查看更多

努力溫習足足一個月今日終於功得圓滿！可以鬆返啖氣 係開心既！慶祝之夜女友話帶我黎呢度食新野有囍呢個名一開始認為係食中菜原來係東南亞Fusion菜XD”還掂未食過一於黎大吃一番啦！呢度環境簡約得黎又帶點生活品味牆上既壁畫又幾有塗鴉藝術風格甚有時代感！而且老闆娘十分友善好好人知我地第一次黎都好熱情耐心地同我地介紹唔同菜式！最後經老闆娘介紹後我地叫左泰式小食拼盤、泰式生蝦、星加坡麥皮蝦同埋泰式豬肉蝦醬炒飯泰式小食拼盤有豬頸肉、串燒雞、串燒牛、扎肉、蔗蝦同埋炸雞翼份量夠大同豐富泰式生蝦上枱用冰鎮保持鮮度用保鮮紙隔住亦顯得衛生同細心蝦肉結實夠彈牙配生蒜點特製醬汁亦幾夾星加坡麥皮蝦老闆娘重推的招牌菜式！麥皮同蝦夾埋竟然出奇合拍！蝦新鮮大大隻啖啖肉結實夠哂彈牙配上麥皮一齊炸香食落充滿口感之餘又帶有麥香十分得意又叫好XD”必食！泰式豬肉蝦醬炒飯炒飯配上蝦醬同豬肉粒一齊炒夠入味又夠哂足料香之餘亦唔會太油飯粒炒得夠靚夠企身唔會話炒得太濕而影響味道同口感…查看更多

離開工作超過五年的公司，沒有太大感慨，但唯一有點遺憾的就是不能完成為期三年的師友計劃，離棄了剛剛考完DSE的中六小Mentee。但想深一層，雖然離開了公司，我們的關係也沒有改變，照樣可以出來見面，互相交流。趁著新的工作開始上手，工作沒有那麼忙，特別約小弟弟出來吃一餐好，到太子吃東南亞菜。這餐廳位於花園街，太子地鐵站A出口向界限街體育館走大約三四分鐘便到，十分方便。這餐廳以東南亞菜為主，包括泰式咖哩，沙律等等，選擇眾多。我們叫了二人套餐F，約500元，另收加一服務。1) 椰皇翅(⭐⭐⭐⭐⭐):這是整個套餐最令人期待的一道菜。整個椰皇上的椰皇翅份量十足，椰子湯椰味濃而微鹹，味道出奇地配合。另外魚翅口感彈牙而入味，值得推介。2) 軟殼蟹沙律(⭐⭐⭐⭐💢):這個沙律份量十足，有一整隻的軟殼蟹和一整碗的沙律菜。軟殼蟹炸得鬆脆，但卻不油膩，配上加上沙律醋的雜菜，吃起來十分清新，令人胃口大增。3) 星加坡麥皮蝦(⭐⭐⭐⭐💢):一份兩隻的海蝦大隻新鮮，肉質結實而彈牙，吃起來啖啖肉。值得一讚的是廚師事前已把海蝦清洗乾淨，將蝦腸去除。除此以外，伴碟的麥皮也炸得十分香口入味，令人停不了口。4) 串燒(⭐⭐⭐⭐💢):一份4串的串燒，一半牛，一半雞。牛肉吃起來比較有嚼口，而雞肉則較為嫩滑，配上特製的沙嗲醬，吃起來十分惹味。5) 安格斯牛扒配薯角(⭐⭐⭐⭐⭐):我們叫的是Medium的熟度。牛扒煎得外層香口，裏面還有少少血水，吃起來嫩口，有肉味。隨餐還附有微微辣的茄汁，但個人建議還是不加才吃得出牛肉的鮮味。另外，厚切的薯角也做得十分出色，炸得香口，熱辣辣，吃起來還是冒著煙。6) 是日甜品(⭐⭐⭐⭐💢):是日甜品是凍食的南瓜露。椰汁味十分香濃，但卻不太甜。加上打得十分幼細的南瓜蓉，吃起來口感十足，為這晚餐畫上完美的句號 。總括而言，這間餐廳食物質素高，而且服務也挺好，價錢不算太貴。有機會我們也會再來幫襯。…查看更多

位於太子花園街近警察局的「有囍」遠離旺角及太子喧鬧嘈吵的行人專用區沒有擠迫嘅感覺 相信這裡令人更能享受美食上網找找看搵到間花墟附近有間新派少少的新加坡菜就決定一試•門面光猛顏色鮮艷！藍色設計其實挺搶眼！由玻璃窗望入去見到空間感都幾大座位都幾闊落！入面用左木系同卡通風格⋯⋯有圓枱適合八至十二人又有卡位或長方枱仲有單人既窗邊位！真係咩組合都迎合到呢枱與枱之間有充足空間,一點也不侷促店員服務周到！還有位看似老闆娘但落手落腳會細心提供意見那樣菜式較受歡迎！雖然她說套餐組合十分豐富！但最後決定跟朋友散叫為主！先來客肉骨茶$62肉骨茶真的期待已久因為很少有餐廳有得飲呢款茶！之前喺大坑飲過一次！而且旅行都有飲過我發覺我其實都幾喜歡呢一種藥材味道而呢間嘅肉骨茶都冇令我失望！散發著淡淡當歸香味而杞子又帶出一點甜味！飲落去個人都會暖一點！排骨嘅肉質煲到夠稔！做到一咬就可以肉骨分離！配上油炸鬼吸取湯嘅精華又覺得幾夾！抵讚！總共都飲到成四碗呢！同時主角星加坡麥皮蝦登場 $168第一次食！賣相好吸引！麥片帶著牛油香味！蝦的外殼脆身連同牛油麥片一齊食好入味！肉質新鮮未至於嫩滑但係會覺得夠彈牙！最好嘅係麥片可以就咁食又或者混入飯中！極度惹味同邪惡•另一度星加坡巴東牛肋條 $88真心呢一客嘅份量真係好多！如果細食嘅就唔建議點了！但係如果有幾個人嘅話可以同時分擔一下！牛肋條好大舊而且薯仔亦都好大舊！夠飽肚！巴東既咖哩味好特別帶著一點麻味！肉真係好淋！易入口送飯一流！朋友點既魔鬼魚 $158初頭我真係覺得呢條魚好奇怪因為從來都未食過淨係水族館見過！哈哈！估唔到識落原來係冇咩用但係嗰張執真係超級超級超級特別！面層既醬係有點似星加坡嘅辣味！其實就太辣了 ！完全搶了原本魚的鮮味！但係醬汁方面係唔錯嘅而最後仲可以食得落甜品！椰皇燕窩$98！我鍾意佢唔算太甜！恰到好處！一打開香噴噴仲食到啖啖清甜既燕窩！算足料同滋潤度高！滿足新加坡菜黎講呢間算係做得幾出色！會再有下一次！但係價錢可以再平多少少咁就食得更開心呢！嘻嘻…查看更多

約了太太放工後去花墟附近買花，看完後就先食飯後取花。碰見一間東南亞菜館，心想遲些有親友自東南亞來訪，隨即上網看看資料，見口碑不錯，不妨先試一試。進入餐廳內，但見擺設整齊清潔，使人有舒適的感覺。我們沒有訂位，還可以給我們一張近門口的卡座，客人魚貫入場，很快就差不多坐滿了，幸好來得早。看看餐牌，其實除了星加坡菜外，馬來的沙爹串燒、泰式生蝦以及西式的扒類都有得食，最抵食的還是二人套餐，而且有多款可供選擇，比散叫便宜很多，最後我們選了個二人套餐F($498)，另外，我見有個較特別的榛子水晶咖啡($32)，所以也叫來試試。二人套餐F包括了椰皇翅2盅、軟殼蟹沙律、串燒牛/雞4串、炭燒西冷安格斯牛扒配薯角、星加坡麥皮蝦及是日甜品2位。所有的菜色差不多同時都端了上來，很快就擺滿了桌上。我們先吃椰皇翅，是用鮮嫩的椰青盛著用椰漿做湯底的燉翅，椰香味很濃郁，一梳梳的翅份量極多而爽滑彈牙，口感不錯，連椰盅內的嫩滑椰子肉也可以用匙羹挖出來吃，味道非常好，感到這份晚餐的好開始。跟著就到那軟殼蟹沙律，軟殼蟹炸得通透，已經隔了油，粉漿不厚，外脆內軟，加了些醋，配合得很好，再配上些沙律菜調和，更加不覺油膩，實在有驚喜。然後是主菜的炭燒西冷安格斯牛扒配薯角，以星加坡菜作主打的餐廳，竟然連牛扒都做得有扒房的水準，我要六成熟，果然做得到，而且牛扒很大塊，正合我的胃口。牛扒燒得剛剛好，肉質嫩滑，內裡還帶些少紅色。雖然帶有少少筋，仍不失為上佳之作，醮些坡椒醬，更加味美。伴碟除了有新鮮的沙律菜外，也不能不提那炸得香脆鬆軟的薯角，甘香可口。吃過主菜後，就到那可以作為小食的串燒牛/雞，燒得剛剛好，不會太焦，醮些沙爹醬來吃也不錯。之後是另一星加坡名菜之一的星加坡麥皮蝦，連殼的大蝦鮮嫩，外面沾上了麥皮來炸，外面甜甜地，那鋪滿炸過的麥皮對於不甚嗜辣的我比那辣味的避風塘式更為吸引。大蝦肥大肉厚而有鮮味，鈎起了曾在星加坡品嚐此名菜的回憶，而這家也做得不錯。最後上的是日甜品是南瓜露，不太甜，味道不錯，但如果能將那些泡撇去，賣相會更加好。而我另加的榛子水晶咖啡味道不錯，跟我近來在家飲的星加坡咖啡差不多，而特別在這裡加入了些咖啡味的小粒啫喱。埋單平均每人$292，是很有水準的一個晚餐。吃完就要去取花了。…查看更多

自從閨蜜上年年底結婚後，一直都未有機會同佢單獨約會，食飯 girl's talk 下。今晚佢竟然主動約我。今晚揀咗太子嘅「有囍」，地點係大家返工嘅中心點，收工過黎方便好多。7:15 黎到，粉藍色嘅外牆上已經好易望到，仲有大大張 banner 推介。早彩早黎到，未係好多人。到八點差唔多坐爆~泰式生蝦 $97 - 自己未食過配苦瓜食生蝦。生蝦幾新鮮，食嘅時候配上苦瓜同指天椒。苦瓜爽脆，指天椒微辣，再蘸上佢哋嘅自制嘅泰式醬汁，都幾特別。柚子沙律 $68 - 沙律好大碟~ 大大件嘅柚子，入口清甜多汁，沙律菜好新鮮，十分開胃嘅前菜。冬陰功蝦湯 $68 - 唔好睇佢好似細細碗，足夠二人份量，每人可以飲到兩碗。入面仲有成五隻蝦，而且材料十足。冬陰功湯酸辣味剛好，仲有淡淡香茅香味，飲完同樣好開胃。星加坡麥皮蝦 $168 - 麥皮蝦見好多枱都有叫，於是試下。蝦真係好大隻，肉質爽口彈牙。再沾上炸到金黃色嘅麥皮，食落好香口，真係好好食。我地食完啲蝦仲就咁”畢”啲麥皮黎食。馬拉盞炒椰菜苗 $78 - 椰菜苗係我至愛，去親餐廳見到有都必點。之前食過有餐廳整得好硬，而呢度椰菜苗煮得剛好，再配上馬拉盞炒，夠鑊氣之餘仲好惹味。菠蘿梳打 $28蜜桃蘋果特飲 $35…查看更多

晚飯時間去了太子旺角警署後面的食街，出名多野食，中西意泰都有，我們今次就十試了這間星東南亞菜。幾個人決定點一些特色菜，店員比了些建議我們。泰式燒鱔：燒鱔很厚肉，表面沾上燒汁燒至帶點焦香，切成一斷斷，肉嫩且滑。星加坡麥皮蝦：麥皮帶點香甜味，而且焗得香脆，蝦肉大隻且爽口彈牙，吸引了麥皮的香甜味，味道不錯。星加坡巴東牛肋條：牛肋條份量十足，炆得又腍又入味，平時配薯仔，但這個是配蕃薯，味道香甜，跟平常咖哩有點不同，比較香的洋蔥味，香料味都很濃郁，帶點輕微辣，但偏惹味，配埋份薄餅點尼食，薄餅煙韌有咬口，非常飽肚。荔枝玫瑰花茶：荔枝及玫瑰味兩者都很香，但味道很夾，唔會蓋住另一款的味道，不過比較甜。椰青：即叫即開，清甜解渴。…查看更多

有個舊同學最近轉左份新工，佢番深水埗，我番尖沙咀，咁咪諗住搵個中間點食餐DINNER咁囉。所以最後就揀左去太子食，順便去附近花園街打個白鴿轉。放工搭MTR，一陣就到太子，我地行陣街都開始覺得餓。見附近有間野叫<有囍>就同我朋友講..「喂，你轉工換左個新既工作環境都係有喜WO，不如就食呢間應下景!」係諗住講下笑既情況下就去試下<有囍>睇下係咪真係有驚喜。坐底先知道<有囍>係一間幾特別主打星、馬、泰FUSION菜既餐廳，完全滿足到一D想一次過試盡東南亞美食既人。BTW，美女廚房食左先至講啦，渠頭。我同我舊同學都係海鮮控，一黎就點佢個星加坡麥皮蝦同泰式燒鱔試試。嘩，真係頂佢個制，唔係宣傳都唔係講笑，個鱔仲燒得好食過日本鰻魚、肥美多汁。有接近入口即溶既感覺，配上特色自家醬汁令人認真開胃。跟住好快就到一碟淨係賣相都屈你機既星加坡麥皮蝦。我同我舊同學都當堂嘩左聲，因為真係無諗過咁大碟。(睇圖睇真相，絕非誇張)。充滿麥皮既蝦蝦，食落就知甘香!蝦肉經油炸入口爽脆，加上外層鋪滿金黃既麥皮，一次過有兩種爆爽既口感。都係果句，食啦渠頭! 一開頭驚唔夠飽仲叫多左個泰式辣肉碎炒飯同埋馬拉盞炒菜苗，由於焦點落曬係果兩味海鮮到....所以都唔食得太多。同一般既泰式炒飯炒菜差唔多，沒太大驚喜。最後，星加坡麥皮同蝦泰式燒鱔強力推薦，絕對係爆LIKE之選。真係平生不試此佳餚，便稱食神也枉然。…查看更多

香港星加坡菜或泰菜多以單一形式供應，很少會同時提供兩種不同菜式。有囍算是新嘗試，除了有星泰小菜外，仲做埋星泰湯底火鍋。有囍裝修很清雅，淺木色襯上色彩繽紛的創意卡通，令人看得很舒服。很久沒有食過星加坡菜，今晚就主力叫星加坡名菜。柚子沙律柚子沙律很大的一碟，柚子肉撕成大塊，入口很有質感很飽滿，味道清甜多汁，作為前菜很開胃。星加坡海南雞半隻海南雞的份量也不少，雞肉已去骨，皮薄肉嫩，雞味清香，點上泰式雞醬或薑蓉均可釣出鮮味。肉骨茶肉骨茶沒有星加坡一般的重胡椒味，亦沒有如馬來西亞的重藥材味，更不見原粒蒜頭，反而有不少玉竹在其中，此肉骨茶其實更近似中式湯水，肉味藥材均是淡淡的。一字排煲得不軟不硬，骨頭有點軟骨，點上甜豉油肉味酥香鬆化。星加坡麥皮蝦星加坡美麥皮蝦十分有名，麥皮多用即食燕麥片。星加坡麥皮蝦大蝦層層疊起，大蝦香脆入味，燕麥金黃酥香，蝦跟燕麥片一齊食，味甜香口。燕麥片吃起來味道既甜且鹹，有另一番滋味。馬拉盞椰菜苗馬拉盞醬帶有發酵蝦仔味，其他味道如辣椒或蔥頭蒜頭味較輕。濃味馬拉盞配爽口椰菜苗味道很合拍。…查看更多

新年同媽媽去花園街買花，順便食埋晚飯先番屋企。新年周圍都好多人，見到"有囍"好似少人d，又未食過，決定試呢間。等左15分鐘左右，期間睇餐牌見到有得打邊爐，有得食泰菜，選擇都幾多泰式蝦炒金邊粉（$68）Fried Phaital Noodle in Thai Style金邊粉炒得好唔錯👏🏻好有鑊氣，而且金邊粉嘅質地依然煙韌，蝦🦐有大約都有6-7隻左右，份量多，肉質又爽囗。加上青檸嘅果酸帶起成個味道❤️草根讚👍🏻呢個泰粉嘅原因在於金邊粉做到酸酸甜甜🍴令人好開胃😘係少有最近食過令人滿意嘅炒泰粉，有幾分似係泰國街頭食到嘅味道。星加坡麥皮蝦 ($168)Singapore Cereal Prawn⭐️Top One必叫之選⭐️星加坡麥皮蝦🦐蝦經過滾油炸過🔥再沾滿麥皮🌾非常惹味😍蝦肉爽囗彈牙！雖然係炸，但又唔會覺得油膩👍🏻一客有4隻，不過蝦嘅size就大小不一，價錢就真係幾貴🤫不過好在好味搭救😂泰式炸蝦餅（$58）Prawn Cake with Sweet Chill Dipping Sauce in Thai Style泰式炸蝦餅🦐又係一樣泰式餐廳嘅signature dish🍴草根當然要一試（其實係草根妹妹每次必叫菜式🤦🏻‍♀️，草姐又要陪佢食炸野）。蝦餅一客有4件，岩唒一家人去Share👨‍👩‍👧‍👦老實講蝦餅唔夠彈牙😢雖然係即叫即炸🔥熱辣辣新鮮出爐，不過唔彈牙已經扣咗好多分😕味道還可以啦～泰式燒鰻（$168）Grilled Eel in Thai Style未去之前都有睇到其他人讚呢個泰式燒鰻🐟一客大約有8-10嚿左右，燒鰻燒得色澤油亮，帶少許金黃👍🏻食落亦無魚腥味，燒鰻肉質肥美多汁，配上泰式醬汁搭配得宜👏🏻為草根第一次食泰式燒鰻留下一個好印象😉芒果黑糯米飯（$58）Black Glutinous Rice with Mango睇個賣相咁hea已經心知不妙😰果然食落🤦🏻‍♀️黑糯米飯非常腍，完全失去咗煙韌嘅口感，而且中間有部份超級硬，有d似生米，令人感到好失望啊😞芒果偏酸，椰汁又冇味，完全唔好食🍴而且以呢個價錢，份量好少，今次中伏了。食物唔差，上菜都幾快，只係個糯米飯有d敗筆，見到好多人打邊爐，下次可以再試下…查看更多

冬天最好約埋三五知己吃火鍋~ 看過OpenRice11及12月份好評十強皆入為的火鍋店🍲有料到，一致決定在這Dinner!裝潢時尚，樓底高不感侷促，感覺舒適~星加坡麥皮蝦，鋪滿麥皮的虎蝦賣相吸引，蝦肉爽口彈牙，肉香鮮美，十分入味，充滿黃金酥香的麥皮味及鹹香的椒鹽/辣椒味， 香口惹味!🦐😍星加坡海鮮喇沙湯麵，海鮮配料豐富，有虎蝦/青口/魷魚等，鮮味十足，烚蛋軟熟入味，盡吸湯底喇沙醬及番茄等香料的精華，更顯食材鮮味，還滲出甜美的椰香，滋味無窮!🍜😆星加坡海南雞(半隻)，雞皮滑不溜囗，雞肉嫩滑香口，再蘸上酸辣醬/薑蓉/醬汁，份外惹味~🤤滋補花雕雞(半隻) 鍋，湯底加入當歸、黨參、杞子等藥材及花雕酒，酒香四溢，雞肉肥美嫩滑，非常入味，肉香、油香、藥材及酒香留有餘韻，滋補美味~😋芝士蝦丸，原以為是常見的嫩橙紅蝦丸，但原來是新鮮手打! 😳 色澤天然，蝦丸口感更嫩滑彈牙，充滿鮮香濃郁的蝦味🦐及香醇的水牛芝士味🧀，滋味十足!蜂巢凍豆腐，口感像豆卜，內如蜂巢狀，有效鎖住花雕湯汁，吃時豆香酒汁四溢，非常美味~唐生菜/油麥菜，菜香鮮美~免費檸檬水，淡淡天然檸檬香🍋，止渴消滯。值得一讚是侍應會主動加水! 食物質優味美，大家讚不絕口，而且一行五人除返開只付$165，下次定會再來邊吹水邊歎美食!🤗…查看更多