Terrace in seaside (德福廣場1期)

三姊妹帶同姨甥女在九龍灣德福廣場晚飯，不想食得太heavy，就選了在Terrace in seaside晚飯。曾光顧尖沙咀海運大廈分店，覺得食物及飲品都平平無奇，而最近在沙田新城市分店吃過窩夫就覺得不錯。德福廣場分店的室內座位不多，部分座位是設在商場走道旁的開放式座位。6:30pm左右來吃晚餐時未有其他顧客，可坐到室內座位，冷氣涼快一點。超級肉醬芝士千層麵是店舖推介菜式之一，千層麵的面層鋪上焗得融化的芝士，還有半熟蛋，中間夾著滿滿的茄汁肉醬與芝士，味道香濃。將半熟蛋戳破，蛋汁沾滿千層麵，更為滋味，小朋友也喜歡吃。明太子蟹肉飯卷，韓式飯卷的面層加上少量蟹肉，並加上明太子沙律醬，惟明太子醬的味道並不突出，不過不失的一款飯卷。燒醬油黑毛豬白切肉紫蘇拌飯，其實我們三姊妹都不喜歡紫蘇的味道，但飯類的選擇兩款都是紫蘇拌飯，而又不想再多點一份千層麵，所以個人認為主食選擇太少。幸好這道拌飯的紫蘇味不算太強烈，尚能入口，擠點橙汁於飯中，更能減輕紫蘇味，好吃一點。醬油黑毛豬白切肉的肥瘦均勻，不會入口就滿咀肥油，豬肉入味，軟稔度適中。士多啤梨窩夫焗得稍為焦了一點，窩夫🧇的蛋香味足，而且都夠脆。士多啤梨🍓不夠香甜，是款普普通通的窩夫。帶點驚喜的香印提子奶蓋綠茶，雖然奶蓋只有薄薄的一層，但綠茶有茶香，不會好淡，而且提子夠香甜。濟州柑橋乳酪，整杯飲品充滿淡淡橙香味，乳酪質感輕盈不膩滯。這頓晚飯以兩杯飲品較為出色，但價錢偏貴。整體的價格，可以嚐到更好吃的菜式。…Read More

🦀明太子蟹肉飯卷Kimbap 嘅蘿蔔同埋牛蒡絲都好爽口，飯香濕潤，有麻油香味，傳統飯面加上明太子蟹肉沙律，多份fusion新鮮感。🥗輕盈又滿足的煙三文魚沙律輕量沙律伴意大利黑醋，勝在夠多煙三文魚，所以明白個名嘅由來。🍴超級肉醬芝士千層麵一共七層，每層充滿香甜茄醬及肉碎，牛肉軟淋，無粗糙嘅口感，加上芝士，令層層連繫，入口溶和。有半熟溫泉蛋，流心蛋汁配熱辣辣千層麵又香又滑。💚開唔開心試咗先知嘅開心果窩夫甜品先係主食！窩夫🧇鬆軟，香噴噴蛋香。開心果朱古力醬香濃，忌廉又凍又香滑，同熱辣辣嘅窩夫成對比。配料有果仁、焦糖脆脆、開心果朱古力粒粒、開心果仁、開心果味脆脆，每啖保證有開心果，開心果控一定唔可以錯過。🍹夏日特飲～ 🧡清爽爆汁西柚檸檬梳打，💛初夏青柑柚子梳打，兩杯都好清新，梳打冰凍，氣泡爽口。配西柚及柚子，都係甜甜酸酸，非常醒胃，充滿夏日感。…Read More

間唔時都會想試吓食韓國嘢，呢晚就嚟咗呢間出名嘅韓國餐廳食飯，餐廳設有店內同埋店外嘅座位，店外就光猛好多😙明太子蟹肉飯卷呢個飯卷係餐廳嘅新出品，一上碟麻油味極香，面頭有明太子醬撈嘅蟹肉沙律，底下嘅飯卷就有青瓜絲、紅蘿蔔絲、醃蘿蔔同埋蛋絲，食完都可以達致均衡飲食🍙燒慢煮雞腿紫蘇拌飯紫蘇拌飯帶點辛辣，係泡菜嗰種辛辣，辣辣地幾惹味😮 而且食落口有淡淡的紫蘇味。配料方面就有一隻好大隻嘅慢煮雞髀，入面係勁多肉汁，而且肉質軟腍🍗 連雞皮都整得好鬆化，入口即溶嘅感覺。輕盈又滿足的煙三文魚沙律我哋仲額外嗌咗份沙律，沙律用上柚子醋調味，食落口幾Fresh，而且側邊仲有好多片煙三文魚，都幾豐富㗎🐟開唔開心試咗先知嘅開心果窩夫之前都試過食佢呢度嘅甜品，有少少念念不忘嘅感覺🧇 窩夫嘅質感唔算係好脆身嗰款，但係佢入面仲keep住係好濕潤同埋勁香蛋味，配埋開心果醬真係一流🙈 而且面頭仲有兩件開心果嘅芝士蛋糕，味道都係好濃郁㗎。帶點驚喜的香印提子奶蓋綠茶呢個係一杯較邪惡嘅飲品，因為佢面頭有奶蓋，底下就用上果糖比較多嘅香印提子，所以底下嘅提子綠茶都係比較甜少少🍇 個感覺會係比較天然嘅。初夏青柑柚子梳打呢一個就係一個好Fresh嘅梳打，底下用上柚子蜜，而且餐廳仲加咗啲青柑落去，整個配搭都好清新🍋‍🟩呢個晚餐真係食到好飽，特別推介明太子蟹肉飯卷，其他食物都好啱打卡，有興趣嘅朋友可以嚟試吓啦📸…Read More