Kyukyoku Do (Shell Street)

今日約左港島區返工嘅朋友食LUNCH，呢到嘅午市套餐會跟配麵豉湯及沙律，我地揀左究極丼($208)、壽司定食配烏冬($168)、明太子芝士玉子燒($78)、帶子他他炸串($38)店鋪座位唔算太多，基本上都座無空席，所以想食嘅話記得預早少少黎拎飛等位😉午市套餐配麵豉湯及沙律：基本配置已經唔馬虎，沙律清爽開胃，生菜脆口，加埋少少和風醬汁幾開胃。麵豉湯飲落唔錯，先暖下個胃😄 究極丼：呢個丼真係賣相同內容都好霸氣！有赤蝦、三文魚、吞拿魚蓉、海膽、三文魚籽、帆立貝、油甘魚，再加埋海苔天婦羅，一碗丼飯有齊咁多刺身果然究極🤩食之前將海苔蛋黃醬淋落去丼飯，鹹香creamy感爆表，好有層次👍🏻海鮮全部都新鮮到不得了，帆立貝、赤蝦鮮甜彈牙，三文魚、油甘魚幾肥美，海膽冇腥味夠甘香。底下壽司飯酸度適中，唔會搶味，成個丼飯可以慢慢享受🤤 壽司定食配烏冬：壽司有6件時令壽司同2件軍艦壽司，今次食到嘅包括三文魚、拖羅、油甘魚、赤蝦、帆立貝、右口魚邊醬油漬，仲有三文魚籽軍艦同蟹肉軍艦。每件壽司都手握得好靚，壽司飯唔會過大粒，魚生新鮮冇得彈，右口魚邊醬油漬入口即溶兼且夠惹味，好正😍軍艦壽司爆滿，三文魚籽爆口，蟹肉甜美😋至於烏冬，湯底清甜，烏冬煙韌唔糊口，食完好暖胃，加分位👍🏻大合照😎明太子芝士玉子燒：玉子燒整得好有水準，內裡半流心狀態夠滑溜，芝士溶到啱啱好，明太子嘅鹹香滲晒入蛋中，食落口感超豐富，好邪惡但好幸福😍 帶子他他炸串：睇落賣相簡單，但味道幾出色，外層炸到酥脆，入面係帶子他他，口感滑溜又鮮味十足，表層加左D醬同魚籽提味，唔止係炸物咁簡單，有驚喜👍🏻午市套餐選擇多、用料夠晒新鮮，而且款款都好有心思，難怪座無空席，人氣高企😉補MENU…Read More

去開北角，遇到呢間都幾抵食嘅居酒屋，我哋先叫咗一客「明太子芝士玉子燒」（$78），玉子燒都好大條，一定要趁熱食，入面嘅拉絲芝士多到好震撼！再加埋明太子嘅香味同蛋味，非常夾同好食。另一客叫咗「海膽右口魚邊蝦卷」（$78），呢款卷物個底基本上係炸蝦卷嚟，蝦卷夠脆就不在話下，都幾欣賞餐廳加咗右口魚喺面，更突顯到鮮香，有少少油脂感，再加上細細塊嘅海膽喺面，再吊多啲鮮味出嚟。跟住係「豆腐魚餅」（$68），呢款係送酒小食啦！都幾有驚喜，脆皮豆腐嘅配搭都幾特別，食落亦唔覺heavy，入面撈咗魚粒，加埋蛋黃醬，都幾惹味。 主食叫咗「究極丼」（$218），呢款絕對係呢度嘅招牌喇，望到咁多魚生，好難相信佢賣咁平。魚生非常新鮮，就算係好常見嘅三文魚都好，都非常鮮香， 佢有齊油甘魚、帶子、左口魚、海膽、三文魚籽等等好多種類，而我最鍾意嘅係大大隻嘅牡丹蝦，超級厚肉，又超級新鮮，真係一食難忘。另外仲叫咗一客「燒油甘魚鮫」（$98），呢款調味會比較重，應該係落咗啲鹽同胡椒去燒，但啲皮加上鮮嫩嘅魚肉都幾正，而我都幾鍾意佢唔會燒得太透，可以食到油甘魚本身嘅油脂香。飲品方面，我哋叫咗一杯「青檸梳打」（$38），十分抵飲，酸度適中，餸與餸之間可以清清喉嚨。 另一杯叫咗「姬京柚子檸檬酒」（$58），柚子味好突出，酒精濃度唔會太高，十分易入口。…Read More

到北角幫公司處理完文件，就同同事去附近搵下有冇咩好野食見到呢間穩世居酒屋，就入去試下。店舖環境都幾闊落，裝修風格好有日本感覺，食飯時間都幾多客人。究極丼 : 有三文魚、左口魚、油甘魚、帶子、吞拿魚蓉、三文魚籽、海膽同紫菜天婦羅。鋪滿厚切既新鮮魚生加上茶漬飯，再配埋日本雞蛋，撈咗之後令到飯口感更加香滑，正宗日本風味。海膽右口魚邊鰕卷 :海膽好鮮甜，左口魚一入口即溶，有微微嘅炭烤味，炸蝦保持到鬆脆口感。究極火龍卷 :上菜嘅時候好有驚喜，火龍卷放喺鐵盆中，再放木托盤喺底，側邊放咗粗鹽。上枱嘅時候，師傅會用火槍點火，營造出火龍效果。火龍卷入面有六款口味嘅火炙壽司包括鰻魚、帆立貝、三文魚、左口魚丶赤蝦。一次過滿足唔同口味，加上獨特火炙效果，令到入口嘅時候炙味好濃郁👍🏻👍🏻明太子芝士玉子燒 :玉子燒口感好滑，上面鋪咗明太子同紫菜碎，食起嚟芝士仲有拉絲效果，再加上千島醬都有日本食嘅水準。椰子雪葩 :去日本餐廳食晚飯，我習慣一定會點椰子雪葩做甜品。呢度嘅椰子雪葩，係我食過最重椰子味，入口一啲雪味都冇，口感似食緊好細密嘅椰子雪糕，大推👍🏻因為下個月係同事生日，知道佢喺銅鑼灣有另一間分店，就諗住問吓職員預約，發現原來一大班朋友gatherings，可book VIP房 （炮台山、銅鑼灣都有）。新嘅飯腳點。…Read More

焦糖玉子燒好有驚喜！！估唔到玉子燒上面個一層焦糖竟然同creme brulee個一層焦糖一模一樣，燒到好脆！另外，餐廳好多野食都有芝士，啱晒我呢個芝士控😍😍😍明太子芝士玉子燒賣相精緻，入面仲有少少蛋漿，好滑😋明太子芝士呢個組合係無敵，所以明太子芝士焗炸豆腐都好食😋帶子他他好特別，未係第二間餐廳見過！其實係炸帶子上面塗上他他醬海葡萄海藻青瓜沙律好特別，係其他餐廳未見過，海葡萄海藻咬落去一粒粒好似魚子咁，好食！仲有七味薑燒帆立貝同黑松露燒帆立貝壽司都有水準👍牛油帆立貝（粟米汁）還好，正常發揮，但就冇上述其他食物咁正除夕夜2個人食左8樣野只係5百幾蚊，仲要環境靚，非常滿意…Read More

📍#究極堂🇭🇰香港北角蜆殼街9-23號秀明中心地下D號舖#MFJ北角 #MFJ炮台山 #MFJ日本菜人均消費: HKD308味道: 👅👅👅👅賣相: 👀👀👀👀價格: 💰💰環境: 🌹🌹🌹服務: 👨🏻👨🏻👨🏻性價比: ⭐️⭐️⭐️回頭率: 🔆🔆🔆位於炮台山的究極堂 @kyukyokudo ，網評好壞兩極，但不礙我想試佢三色丼的意欲🤤 餐廳都算舒適，和風路線，木系裝潢都幾舒服，不過環境應聲，有一點點嘈🤏🏻 餐牌選擇都多，價格中等👌🏻⭐️海鮮究極丼🍱$198究極丼有牡丹蝦，三文魚，油甘，吞拿魚蓉，帶子，三文魚籽，而無海膽就換左片拖羅各類刺身都算新鮮，未到鮮到飛著，但不錯丼飯跟一個蛋黃醬加紫菜撈飯，食落真的好香好好味！坦白講，個丼真的好細碗，食完好似無食過咁😂😂⭐️海鮮迷你三色丼🍱$158賣相好吸引的三色丼！分別有蟹膏蟹肉丼，拖羅三文魚籽丼，香蔥吞拿魚蓉丼！蟹膏蟹肉好味，蟹味夠晒濃，加上燒過好香拖羅就麻麻，起筋唔香，但三文魚籽微微帶咸又夠鮮，下飯一流！香蔥吞拿魚蓉不算特別香口，但勝在又有隻蛋撈飯！🆗五點刺身拼盤🍣$298五點刺身比較普通！三文魚正常，油甘厚切油香可以，牡丹蝦只有一隻🙄 拖羅好粉嫩但無魚香，赤貝係黑黑地的😨不是不好味，$298亦不貴，但真的麻麻⭐️4重芝士炸蝦卷🍤$45炸蝦細細件，被重重芝士包圍著！味道香濃，加上燒過特別香，大人細佬都適合！💯明太子芝士玉子燒🍳$68另一個特別想食的就是玉子燒！其實賣相比較像蛋包飯😂 裡面有溶融的芝士和蛋醬，加上香濃的明太子醬，紫菜碎和蟹籽，好好味，$68超食🆗久家本店 果物家族 桃 🍑 $38/杯味道好淡，只有少少桃味，份量只有20ml左右，唔抵飲網評主要批評服務態度，我又不覺得係惡劣，服務的確是未算周到，例如坐低點完才15分鐘之後才有水，但全部都好有禮貌食物方便我覺得整體不錯，但份量真係太少，兩大一小食了$900多是完全不飽的😅#sashimi #don #japanesedon #sashimidon #minidon #shrimproll #eggroll #mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography #相機食先 #食好西 #吃貨 #香港美食指南 #香港美食 #炮台山美食 #北角美食 …Read More