Hana (Closed)

太耐冇出街啦 都冇為意原來依家登龍街新開左一間日本餐廳 佢係超級居酒屋feel 勁chill 同埋入邊個環境好舒服 好啱同啲friend一齊喺度慢慢食🥰🥰而且佢個lunch set係有好多前菜同小碟 超滿足 啲嘢食都唔錯😎·日本A3和牛壽喜燒鍋 $238佢個前菜係有一個好似輕微炸過嘅三文魚咁 幾特別 唔錯🤤個沙律菜配嘅醬汁都幾好食 至於佢個sukiyaki個汁調得幾好 唔會過鹹得黎 所有嘢都好入味 尤其係入邊啲黃芽白 超好食😋佢個和牛都有少少入口即溶嘅感覺既 個質感唔錯 不過可能因為我哋影相影得太耐 有一兩舊熟咗少少🙊所以大家要快啲食啦 唔好好似我哋咁樣相機食先😂😂之後佢仲有一個蒸蛋 味噌湯同埋一個牛奶布甸 真係超豐富大滿足😍😍·網燒日本A3和牛$298佢一上台既時候個樣好似比較熟少少咁 但係其實夾起 又唔會渦 佢中間係岩岩好 尤其係佢塊牛個油脂分布唔錯 多啲油脂個啲位係真係有入口即溶個個感覺😎不過我覺得佢嗰調味略嫌單調左少少 如果上面有幾粒海鹽 可能仲正 不過咁樣都超好食😋😋😋·#rbyeat#rby日本菜#rby銅鑼灣·📍 銅鑼灣登龍街1-29號金朝陽中心2期Midtown地下C舖…Read More

一直以來都是Mr. Steak自助餐的頭號粉絲，尤其是之前推出一系列日本和牛美食更是令人回味無窮，而當中又以和牛壽喜燒最深得我心。不過始終平時難有機會經常享用自助餐，後來朋友介紹才得知這間同為Mr. Steak旗下的華小料理屋主打和牛，更可以品嚐到我朝思暮想的壽喜燒。日本A3和牛壽喜燒鍋 ($238)定食包括季節小缽、漬物二點、沙律、味噌湯、茶碗蒸、日本米白飯、甜品及飲品，相當豐富。切得透薄的A3和牛脂肪分布平均，入口軟嫩得近乎入口即化，沾上生蛋黃同吃更加豐潤渾厚；壽喜燒湯底香甜濃郁，其他配料如洋蔥、豆腐、娃娃菜等均盡吸湯底精華更加入味。網燒日本A3和牛御膳 ($298)牛肉除了日本A3和牛之外亦可選濠州穀飼400日牛肉，價格亦相對便宜一點，而御膳同樣包括前菜、白飯、甜品等共八個品項。和牛脂肪比例平均，肥美豐腴，口感軟嫩潤滑，油香四溢而又不失肉味，不至於如A5和牛一樣只得脂香，單純以少量鹽調味，沒有多加修飾更能突顯牛肉品質。Mr. Steak的牛肉質素向來有信心保證，雖然單看價錢未必稱得上極之親民，但觀乎和牛水準實在物有所值，除了和牛之外更有天丼、壽司和鰻魚飯等選擇，如果在附近工作或逛街的話絕對會是午餐的不二之選。…Read More

同朋友喺銅鑼灣行街要醫下肚，咁啱經過見門口裝修都唔錯，於是就決定入去食個lunch先。睇個餐牌每款日式定食都幾吸引，最後揀左日本A3和牛壽喜燒鍋($238) 同刺身御膳($188)。呢2個set都包含季節小鉢，漬物二點，和風沙律，蒸蛋，日本米白飯，味噌湯，精選甜品及咖啡日本A3和牛壽喜燒鍋刺身御膳上菜時賣相精緻吸引無論壽喜燒set或者刺身set，食落都好有水準，真正色香味俱全精選甜品係北海道牛乳布丁，味道超濃牛奶味食完呢餐好滿足，為今日帶來美好開始…Read More

其實小編一直都好想去試佢哋嘅壽喜燒鍋，所以近排見佢哋推出左個午市套餐就走咗出去銅鑼灣試吓，而個午市套餐包括左季節小缽、和風沙律🥗、漬物二點、蒸蛋🥚、日本米白飯🍚、味噌湯、甜品🍮同餐飲☕️，都非常豐富。-🍴日本A3和牛壽喜燒鍋師傅會將熱好的壽喜鍋內塗上牛脂後，加入秘制醬汁同純米吟釀🍶，配上特選產地直送牛肉🐂同沾上來自日本的生吃用蛋🥚。雖然和牛本身一早就已經放咗入鍋入面，不過好彩啲和牛都未完全熟透😳所以和牛入口食落肉質依然滑溜軟腍和牛嘅油脂分布適中，入口食落亦有好香嘅牛肉味。🤤沾上雞蛋一齊食，和牛入口食落嘅味道會更為豐富，而且感覺上亦都會再滑溜咗少少😘至於其他嘅配料方面，豆腐入口有好重嘅豆香味，而且豆腐可以輕易夾起身☺️唔會一夾就散；芋絲方面，由於本身嘅口感都比較爽滑，所以亦都令成個壽喜燒鍋嘅口感更加豐富😚而個壽喜燒湯底方面，壽喜燒入口嘅醬油味都幾香，而且味道亦都唔算特別甜，所以佢哋呢一個湯底都比較適合小編嘅口味😜-🍴銀鱈西京味噌燒御膳銀鱈魚嘅顏色燒到金黃色咁，真係非常誘人🤤而兩件銀鱈魚都算大件，亦非常厚肉😍至於入口味道方面，銀鱈魚嘅肉質非常嫩滑，而且入口食落亦都有啲肉汁😎白身魚嘅魚香味都幾重。再者，銀鱈魚用上西京味噌燒製，所以銀鱈魚入口食落亦都會分外多咗一種香甜嘅味道😋配上沙律醬一齊食，銀鱈魚入口食落嘅味道都會更加豐富🤫整體來講，小編都幾推介大家可以試吓呢一個午市套餐，入口不論口感定係味道都相當有驚喜，非常值得一試🤗…Read More

登龍街高峰期可以有幾間拉麵店？我諗我好長時間冇黎了，原來餐廳已經改頭換面，午飯時間，選擇金朝陽二期嘅華小料理屋，日式門面，睇過餐牌，週六都有供應午市套餐。餐廳裝潢簡約，以木色為主調，枱與枱間以竹簾相隔，光線柔和。另有一間塌塌米房間，需要脫鞋內進，可容納8-10人，空間感十足，適合多人聚會，私隱度較高。週末都幾full，店員安排我地坐廂房，期後旁邊坐左一家人，都唔會覺得嘈吵。午市套餐有14款，餐廳主打日式鍋物，除左壽喜燒，仲供應西京燒、網燒和牛、吉列豚肉、和牛丼、魚生飯、鰻魚飯、壽司、天婦羅丼等，定價$118-298。御膳包括前菜、沙律、蒸蛋、味噌湯、甜品及飲料，非常豐富。日本A3和牛壽喜燒鍋 $238壽喜燒為餐廳招牌，而且選用嘅和牛由日本JA全農直送，品質有保證，肯定要試一試啦。御膳完整一次過上枱，沙律、味噌湯、漬物只為配角，我將心思放喺壽喜燒鍋上，急急影左相就食左先講和牛肉已經置於鍋中，未能一睹完整雪花，幸好未完全熟透，冇認真計算數量，粗略估計有六、七片吧，反正我就係兩個人分享都好滿足和牛輕輕涮一涮就食得，肉質軟腍滑溜到不得了，脂肪量適中，沾上生蛋汁，甚至唔需要醬料都已經好正。青森米飯濕潤，鍋底唔會太甜，唔會蓋過肉香，個人認為醬油味可以再重啲。另有芋絲、菇菌、豆腐等食材，入味而且下飯一流。雖然價錢唔屬於平價，但食到呢種質素嘅和牛，亦係物有所值。什錦壽司 $198/8貫壽司款式隨季節轉換，由師傅安排。魚生未有花巧搭配，整體都係十分新鮮。飯粒不鬆散，亦冇添加過多嘅醋酸蝦肉鮮甜軟腍。最後店員送上飲料及甜品，甜品為北海道牛乳布丁，奶味香濃，質感軟滑。…Read More

難得久未見面o既表姐得閒，週五約咗幾老表喺公司附近一家自己想試咗好耐o既「華小料理屋」食晏，XO仔聽聞當然係要一同參與啦！店子內外都貼滿推介和牛之海報及小旗仔，簡單到題。餐廳面積唔算特別大，但勝在樓底高，木造o既餐桌椅櫈及和風o既間格簡潔乾爽。店內光線充裕。散座與散座之間o既空間足。四人被安排入座左方o既卡位就最為寬闊舒適。午市餐牌共有兩頁之多，圖文並茂，甚為清晰。日本A3和牛壽喜燒鍋（$238）：午市壽喜燒套餐包有季節小鉢、漬物二點、和風沙律、蒸蛋、日本A3和牛壽喜燒鍋、日本米白飯、味噌湯、精選甜品及咖啡，合共有八道菜之多，份量認真唔野少！和風沙律尚算清爽醒胃。季節小鉢為少辣惹味o既牛脷絲。麵豉湯夠清。主角滾住上o既壽喜燒鍋熱辣辣、香噴噴，另配一隻蛋黃鮮美o既靚靚日本生蛋，未食已令四老表嘩聲四起。熱鍋中o既日本A3和牛粉嫩夠薄，半生熟就最啱小肥口味。和牛薄片軟嫩無比，甜而不膩，點上生蛋黃食即增添柔滑，半溶於口中，實在美妙！墊底o既洋蔥、芋絲、金菇、豆腐、雜菜索哂味，送飯更是一流。甜品北海道牛乳布丁微甜輕巧，清香軟滑，細細杯，易入口，掂呀！飯後一杯熱咖啡，腸胃確真舒暢。感激表姐專登走黎銅鑼灣區請表弟妹食晏，好讓小肥有幸可於短短一小時o既午飯時間，喺衛生闊落o既「華小料理屋」品嚐到一頓高質量足，且貨真價實o既「日本A3和牛壽喜燒鍋」套餐。飯後得悉現憑電子單據於「金朝陽中心」消費可立即登記成為會員，一邊儲分一邊享優惠，嘩卡卡，食得真係開心！…Read More