Will's Coffee

近一兩年深水埗而家最多嘅應該係咖啡店俾我印象通常環境靚嘅Cafe食物都係差咁啲🥶好耐之前已經想試呢間Cafe雖然到而家小店只係做外賣都無阻我去支持❣️門面裝修好簡約 空間唔大可能經過咗都未必發現到小店由兩夫婦經營雖然只做外賣但裡面嘅裝修真係好有心思不乏打卡位置餐牌上除咗輕食 例如牛角包 貝果漢堡之外仲有意粉食當然唔少得咖啡 梳打 沙冰等等飲品選擇都好多而且價錢亦唔貴日式鰻魚滑蛋貝果漢堡 (Set)Bagel lover當然要食Bagel🥯仲要呢度嘅貝果係來自Blendit就更加要食啦🥰可以自己揀返想要嘅口味我就揀咗竹炭黑芝麻貝果個貝果漢堡真係大到漢堡咁早餐食佢完全係會飽到下午茶😂貝果會微微烘脆Blendit出品都唔洗我多講🤤黑芝麻味好香口感煙韌有嚼勁🥰鰻魚同滑蛋都超大份量會先放爽脆嘅青瓜絲墊底鰻魚好厚肉 冇乜碎骨加上啲鰻魚汁甜甜地超正炒蛋質感亦非常滑好有蛋香兩者真係好夾食完真係好滿足‼️🥯☕️美式咖啡一個咁豐富又好食嘅早餐梗係要配埋咖啡先完美☺️Coffee lover亦唔可以錯過☕️咖啡醇香而唔會太苦澀用心出品係會feel到的❣️一間我非常欣賞又有誠意嘅咖啡店食物同咖啡質素都非常高難得一遇咁有heart嘅小店 一定要支持❣️…Read More

一早起身嚟買早餐，鋪頭雖然細，不過睇得出係用心裝飾。老闆話除左all day breakfast，其他都有，包括意粉。早餐食意粉？！但今日有大份lunch食，唔好咁誇張食意粉做早餐喇，雖然我好想 🔵 午餐肉芝士貝果漢堡 ($80)好鍾意bagel有得揀，今次揀咗紅菜頭bagel，係用新鮮紅菜頭汁，咬落仲有粒粒粒紅菜頭㗎，所以每件個樣都唔一樣。本身我麻麻bagel，但呢個質感超軟熟，突然間有少少開始接受bagel添。就算午餐肉係煎過，但係外脆，食落都唔會好油膩🔴 日式鰻魚滑蛋貝果漢堡 ($98)一朝早食鰻魚其實會唔會太過份？但事實證明，一啲都唔過份！大條鰻魚加上滑溜嘅炒蛋，滑上加滑，連埋bagel一齊食，其實就算擘到個口好大都係食唔晒㗎！…Read More

約咗朋友晏啲喺深水埗行街，未夠鐘又開始肚餓，但係又唔想食得好Heavy，又想飲咖啡，最好不過就係去搵一間Cafe啦！食完先去行街😋見到一間好精緻簡約既 coffee house，行入去睇下個餐牌，一睇好啱我食，店員仲同我講，佢地餐廳係偏向健康少甜少甜嘅食物，唔同出邊其他嘅Cafe，比較專注健康。我最鍾意食貝果，仲有好多款式選擇，我揀咗個日式鰻魚滑蛋貝果漢堡，加多杯岩鹽焦糖拿鐵，好好味呀，鳗魚滑蛋絕配，食完飲返啖拿鐵，真係大大大滿足，下次再試其它款式👍🏻…Read More

今日Happy Friday！又到試新野既時候！好少黎深水埗，今日約左友人黎呢間coffee house食個快lunch。係呀，呢間係coffee house，唔係普通cafe，友人話呢度主要提供健康少甜既食物同飲品。第一次黎，發現原來呢度係一間小店，一共有四個位，好彩上一手啱啱食完我地先霸到最舒服既面壁位，裝飾擺設都幾靚，影相幾好睇。枱上仲有一支消毒搓手液。呢度餐牌有全日早餐，意粉，牛角包，貝果(Bagel)，貝果漢堡同一款甜品。咖啡種類好多，亦有非咖啡飲品同沙冰。我地一人叫左一個餐。餐包細杯咖啡或飲品，大杯加$2，沙冰加$4。日式鰻魚滑蛋貝果漢堡 $98我其實好怕嗰啲乾爭爭同硬掘掘既貝果，所以一直好少食。呢個日式鰻魚滑蛋貝果漢堡完全令我對貝果改觀。首先，居然貝果都有唔同味道揀，有原味，竹炭黑芝麻，罌粟籽芝麻，我揀左紅菜頭貝果。而且個包本身都軟熟，加上紅菜頭味道令佢呈甜甜地，另外鰻魚汁超多，所以成個貝果一啲都唔乾。餡料方面，有半塊鰻魚，係暖架，啖啖肉又彈牙，好味道，下面有多汁既炒滑蛋同好多塊新鮮青瓜片。以成個既size，我地只能逐層食。精選全日早餐 $98精選全日早餐擺盤骨子，材料豐富，有流汁牛乳滑蛋，兩條脆皮唔肥膩既黑豚肉腸，一塊唔係脆個啲但唔會死咸同乾既煙肉，好多雜菌，四塊青瓜同三粒車厘茄切半，上面加左適量日式芝麻醬，用紙兜仔裝住既美式焗豆，兩片香脆帶微辣既蒜蓉牛油多士。整體質素唔錯。飲品我地都加錢升級做沙冰。益力多柚子沙冰 +$4益力多柚子沙冰主要係柚子味，甜度適中，好健怡淸新，仲有一啲柚子皮咬。曲奇忌廉沙冰  +$4曲奇忌廉沙冰睇落heavy，點知連埋頂個pat cream一齊飲，都係好健怡，甜度夠之餘又唔過火。呢杯碎冰較多可以咬下，仲有啲Oreo 曲奇餅碎食，飲完好似食咗甜品咁。總括而言，呢度啲食物飲品都唔錯，貝果特別出色，小店值得鼓勵。…Read More

經過大埔道竟然有一間咖啡店，主打健康少甜的食物飲品，可是只有四個位，還好剛好準備回家，買一份回家試試。 小店人手有限等候需時，要給點耐性，大概等20分鐘，果然是即叫即製。 日式鰻魚滑蛋貝果漢堡（$76），一set的話則是$98，包飲料。鰻魚份量以貝果來說也算很足，滑蛋也算滑嫩。貝果有四款口味，包括罌粟籽芝麻貝果、原味貝果、紅菜頭貝果及竹炭黑芝麻貝果。貝果口感不錯，跟set選擇了的是Flat White，外賣有紙牌兜放著！…Read More

深水埗有間小店，地方雖然唔大不過好有親切感，老闆好好人會細心了解我地想食咩鐘意d咩飲品，經過佢地講解原來係一間coffee house。髒髒咖啡，叫左杯睇下咩黎，一黎到見到分開左兩層賣相已經好靚好特別，飲落面層係濃濃咖啡，底層係凍嘅鮮奶，一冷一熱好特別，要大啖大啖咁飲先飲到個種特別，加埋好夾好正👍🏻👍🏻👍🏻老闆特意介紹我地飲杯餐牌冇嘅Ginger Latte，好重嘅薑味好好味飲落好暖身，值得一試。日式鰻魚滑蛋貝果漢堡，竹炭黑芝麻貝果已經好特別，咬落去啖啖鰻魚，蛋煮得好滑，加埋青瓜真係好好味。全日早餐，用左黑豚肉腸、牛乳滑蛋，所有材料都係高質，正正正。…Read More