Ueno Teppan-Yaki Restaurant

之前行開旺角通菜街經常都經過呢間鐵板燒，次次都冇試過今晚就同好友一起去試下，我地兩個人坐Bar枱，師傅即場炮造熱辣辣的美食。點左鐵板燒帶子皇套餐（二人前）$528北寄貝刺身好新鮮又鮮甜又爽脆。和風豆腐沙律沙律菜好fresh,活蜆麵鼓湯又不會太咸幾美味。女師傅跟我地進炮製鐵板燒又熱騰騰。原隻魷魚筒用鐵板炒到好香，魷魚又炒到好爽口又入咪。帶子皇煎到好香肉質又爽又鮮甜。美國頂級牛柳，牛柳煎到好軟熟，又香牛味又濃厚肉質又不鞋。鐵板配菜，脆肉瓜和冬菇煎到好軟熟。煙肉黃金炒飯，飯炒到粒粒分明，煙肉又好香又炒到好入味。日式炒時菜炒到好爽脆。甜品…Read More

聽同事介紹呢間cp值高既鐵板燒，今晚一於同老公黎試下，黎到見到好多都係熟客，同店員有傾有講，餐廳設有bar檯或卡位，我地當然選擇坐bar檯，可以一邊食一邊睇住師傅烹調，鐵板燒既好處就係師傅會按你既進食進度而煮下一道菜，食完一道先上另一道，咁樣每道菜都可以保持新鮮滾熱辣。鐵板帶子皇套餐 (二人前) $528豆腐和風沙律北寄貝剌身刺身新鮮，食落有口感。鐵板配菜：冬菇、翠肉瓜北海道帶子皇果然係帶子皇，帶子超大粒，師傅煎到剛剛熟，外層煎得香，內層好軟熟，食落好鮮甜。日本原隻魷魚筒魷魚筒食落超有口感，而且師傅調到好惹味，不需點任何醬汁。美國頂級牛柳牛柳我們要求5成熟，師傅剛剛好可以煮到外層熟透，裡面仲係粉紅色，咁樣就可以鎖住肉汁，牛味亦好香濃。三文魚炒烏冬烏冬夠彈牙，配埋煎熟既三文魚，味道剛剛好。日式炒時菜活蜆雜菇麵豉湯甜品 – 雞蛋布丁布丁好滑，雞蛋味好香，亦唔會太甜。…Read More

都有一段時間無岀旺角食飯，但約好友當然要揾個地方方便大家搭車返屋企啦需然落雨，就係咁好彩俾我地向女人街見到有間食鐵板燒的地方餐牌有幾款套餐可以揀，又可以單點，視乎大家食量鐵板帶子皇套餐只需$528，已經係二人前豆腐和風沙律，上層有滑滑的豆腐，再配上青瓜絲、生菜、車厘茄、麻醬好清新北寄貝刺身，較為鮮甜、彈牙鐵板配菜有翠玉瓜、冬菇，每人每款一片，咬落去唔會好乾北海道帶子皇伴上葱花、蟹籽增添口感及味覺帶子好大隻，廚師預先幫我地切成一小口，但還是很厚肉的日本原隻魷魚筒很惹味，我忍唔住食左 2/3碟美國頂級牛柳七成熟剛好，牛味很濃三文魚炒飯，夠乾身，見到d炒飯一粒粒向鐵板上跳舞幾得意日式炒時菜好大碟活蜆雜菇麵豉湯幾鮮甜 內裡真係有蜆肉向度架甜品係雞蛋布丁🍮，好滑又唔太甜今晚一路同朋友食、一路傾下計、睇住師傅整鐵板，又過幾特別的一晚…Read More

早前約左朋友出黎傾下近況，大家都好中意日本野，經過一番熱烈討論，大家達成共識，去呢間上野鐵板專門店一聚！地方幾大，有卡位又有吧枱位，因為人唔多，所以坐吧枱位望住廚師燒野食更有感覺！Menu 五花八門，真係好難決擇呀！！最後同Fd決定食呢合海鮮Set，有海鮮又有和牛，非常吸引！活蜆雜菌麵豉湯，鮮味濃郁，帶少少油份更顯香口。前菜有豆腐和風沙律，豆腐相當細滑，配上胡麻醬汁，胃口大開～頭盤有北寄貝刺身，肉身肥美，鮮甜爽口。北海道帶子皇，師傳將帶子煎至金黃微焦色，帶子皇鮮嫩多肉，鮮香氣味抓鼻，啖啖肉既口感超滿足～～日本原隻魷魚筒，香口Q彈，質感嫩滑，韌度調節得岩岩好！美國頂級牛柳，半份係7成熟，半份係5成熟，牛柳嫩滑多汁，牛香味非常濃郁，7成熟既牛柳香脆可口。三文魚炒烏冬，三文魚富魚香味，烏冬配上甜甜的醬汁，味道不錯。日式炒時菜，充滿鐵板炭燒味，十分香口～…Read More

同朋友係旺角行完街，講起之前一齊去旅行係日本食鐵板燒，傾得興起想食下，search下見到呢間人地話唔太貴又好食，即刻就行過嚟試下。我地見到有大蝦個個餐兩個人都只係$658，就叫咗呢個。首先嚟個沙津，係木魚絲蟹子沙津，好開胃呀。跟住就嚟咗個麵豉湯。之後就嚟咗個雙色刺身，有甜蝦同赤貝，好鮮甜，唔錯。職員拎一陣會煎既食材俾我地睇下先，見到塊扒同大大隻虎蝦已經好期待！香草龍脷柳，師傅係我地面前整，燒得好冧，味道好香，小小咸，幾鐘意呢個口味。重頭戲嚟啦，隻蝦超大隻，師傅話好出面好少有呢啲老虎大蝦。師傅放上嚟枱面個陣已經好香，個蝦肉勁大舊勁厚實，再加啲調味料更加香，超好味！第三個重頭戲，美國安格斯肉眼扒，又係好香，燒得好均勻，啲肉又係好冧好好食。食咗咁多肉，好彩有返啲菜平衡返，個大菇都好好食。最後食埋個飯就真係飽晒，呢個係煙肉黃金炒飯，好香口呀！最後有個甜品，呢個係雞蛋布甸，仲加咗練奶係面，好香好好食。…Read More

帶媽媽黎食鐵板燒🤤🤤簡左坐係廚師前面望住佢煮真係好似好味Ｄ；廚師係我地點完餐後仲問我地有冇咩唔食，我要求左多蔥蒜，鐘意濃味Ｄ哈～我地簡左鐵扒活鮑魚套餐$668，有差不多１０項野食，野食份量都好多首先食個前菜，三文魚刺身，沙律，麵豉湯前菜：豆腐和風沙律，有豆腐、粟米、生菜加左麻醬搞拌，酸酸地幾開胃活蜆什茹麵豉湯；食唔到有蜆肉，但湯好濃仲好夠熱三文魚刺身；三文魚好厚又新鮮鐵板活燒鮑魚；望住廚師燒鮑魚個陣，隻鮑魚真係仲識郁架！將佢切片再燒，食到好鮮味又彈牙，勁好味呀香煎銀雪魚；魚皮插左魚上面，一定要食左先好脆卜卜，魚既２面金黃色，完全唔腥，依個都好好食鐵板配菜；見到廚師煮完２款海鮮再燒冬菇同翠肉瓜，令到吸哂Ｄ鮮味，咬落去汁都流哂出黎；仲有甜薯微微煎過都好食薄燒安格斯；牛肉入面包左蔥同炸蒜再燒，好特別既食法，牛味好濃肉又嫩，完全係入口溶化煙肉黃金炒飯；炒飯真係粒粒金黃色，好香超級飽都要食埋，粒粒分明既炒飯，廚師真係好功架日式炒時菜；椰菜、芽菜、紅蘿蔔絲炒成，好大碟真係好飽～紅豆雪糕；紅豆味好濃媽咪好鐘意，１球份量真係岩岩好啦！哈，食埋個甜品超滿足…Read More

朋友帶了我去這間在女人街內的上野鐵板燒食晚餐，我們點了一個二人海鮮餐，套餐非常豐富，有蝦、帶子及魷魚等，全部都是即叫即煮，客人可以坐在Bar枱旁邊欣賞廚師的廚藝。豆腐沙律生菜上面加了點醋汁、豆腐粒嫩滑。活蜆雜菇麵豉湯麵豉湯咸油適中，有些蜆肉，味道鮮甜。鐵板配菜蕃薯仔、茄子及翠玉瓜，燒很剛好，不會太焦及乾。老虎大蝦原隻虎蝦煎至半熟切粒，蝦肉新鮮爽彈。北海道帶子皇帶子一開四，加了點檸檬汁，減輕油膩感，肉質嫩腍。原隻魷魚筒魷魚筒超讚，很香的燒魷魚味，而且肉質很腍又彈牙。海鮮炒烏冬烏冬用了蜆肉、墨魚仔做配料，烏冬每條都沾上醬汁，而且又不會太油膩。日式炒時菜椰菜及芽菜炒到爽脆，亦不會太咸。整個套餐份量十足，最後食埋個甜品，飽到唔識郁。…Read More

韓燒同鐵板燒不同在一個要自己燒，另一個就人地燒，而且後者食物質素普遍都高質，而且味道較好，最重要有視覺享受，欣賞廚師的手藝，食落更味美。同老公二人點了一個鐵板大蝦套餐，有海鮮又有肉，一次過可以試到幾款不同的食材。木魚絲蟹子沙律西生菜表面放上些蟹柳、木魚及蟹子，配上沙律，清新開胃。雙色刺身三文魚色澤均勻肥美；刺身蝦就帶點腥。鐵板配菜有翠玉瓜、茄子及番薯仔，不過燒得太燶，保持到蔬菜水份。老虎大蝦蝦肉爽口彈牙，而且有蝦膏，味道鮮甜。美國安格斯肉眼扒點了七成熟，表面煎至焦香，肉質嫩腍有肉汁。香草三文魚扒魚皮煎至香脆，三文魚肉鮮甜嫩滑，充滿魚油。煙肉黃金炒飯煙肉爆得很香，整個飯炒得爽口，有蛋香。日式炒時菜椰菜及芽菜炒得爽脆不油膩。活蜆雜菇麵豉湯麵豉湯咸度適中，有些蜆肉在內，味道帶點鮮甜。蛋黃布丁很香蛋味而且加了點花奶，口感更滑。這個二人餐十分豐富，而且用料十足，最後捧腹而回。…Read More

鐡板燒-一種起源於日本的飲食文化，把不同的食材於鐡板上烤熟，並以開放式的廚房讓客人一邊用餐，一邊觀賞到廚師整個烹調過程，是非一般的享受。自從於數月前到訪神戶，品嚐到沒有預期好的神戶牛後，一直有點遺憾，今晚有機會與大食好友來到這裡，素聞此處的鐡板燒質素不錯，我亦帶著期待的心情來訪。餐廳一眼看盡，一邊是卡座，一邊是與開放式廚房連接的吧枱；如人不多，我倒建議坐於吧枱上，藉以欣賞廚師烹調食物的技藝，我們二人當然亦毫不猶豫地要求坐於其上。是晚有兩位廚師坐鎮於店內，而餐廳幾乎滿席，看來兩對手是疲於奔命了。廚師各人都佔用一邊鐡板，鐡板附近都放有不同的調味料，油，醬汁等，方便他們煮食之用。餐牌上有幾款套餐選擇，大部份是二人前，也有些是四人前，選哪款套餐便按各人偏好的食物而定；如不夠，店方亦提供散件的食物可點，自由度大。我們商議過後，決定點鐡板大蝦套餐($608)。點餐後，內部的廚房會預備食材，店員會從廚窗把食材拿給廚師烹調。因等候需時，先來活蜆雜菇麵豉湯和木魚絲蟹子沙律墊墊肚子。相比起平日喝到的麵豉湯，這碗味道不會太鹹，但我還是不太習慣喝太重味道的湯，故只喝兩口淺嚐；沙律亦算新鮮爽脆，沒有太特別之處。雙色刺身說的是三文魚和甜蝦，各有三件；因沒有吃也不便評價，而友人表示算是不錯。香草龍脷柳煎得比我想像中油膩，看著師傅在烹調時重覆著落油再煎的步驟，其實已早有預算。當不下油，怎能帶出魚的香呢? 龍脷柳的肉質軟腍，卻不會一夾即散，唯調味下手偏重，鹹了一點。鐡板配菜是瓜與菇，應是作為肉與菜之間的平衡，亦沒有特別。再來是重頭戲美國安格斯肉眼扒，師傅在烹調肉眼時更會下油，關燈，點火，甚為亮眼，相信除了吸引客人目光外，亦必有其用意吧! 我們要了五成熟，可惜一上桌時便知道過了五成熟，大概是七成熟。不過我們也不在意，最重要是好吃。牛肉味濃郁，而且肉質比想像中的軟腍，沾上旁邊的蒜更為香口，每口一小塊，實屬滋味!然後是老虎大蝦，亦是驚喜之作。師傅在烹調時已十分細心地剥了蝦殼，打開蝦頭，挑了蝦腸，最後更把蝦肉切成小塊，讓客人能毫無後顧之憂地吃，這點真的要大讚! 蝦用了黑胡椒調味，但亦吃得到虎蝦的鮮味，而且肉質十分爽口彈牙，彷彿仍能感到蝦在跳動，真的令人欲罷不能! 可惜對蝦敏感的我同樣只能淺嚐呢!煙肉黃金炒飯亦相當有份量，看到師傅加入雞蛋與飯一起炒時已相當吸引! 飯被炒至金黃色，粒粒分明，雖然只有煙肉，蔥，蛋這些簡單配料，但仍然香口，絕對能滿足飯控。日式炒時菜用上了椰菜，口感爽脆。其實椰菜本身已帶甜味，如能稍用少一點油和調味，則能較吃到原始味道和更健康。甜品是少不了的食物，今晚有的是燉蛋布甸。蛋香味尚算突出，質感順滑，甜度適中，作為飯後甜品相當稱職。這晚的鐡板燒確實帶給我驚喜，色香味俱全外，更有視覺的享受，而且性價比高，也值得推介!…Read More

為左避開人群同避免”被劏”，決定同朋友提早慶聖誕，而且仲要揀食西餐以外既野。結果揀左呢間一年前食過覺得性價比高既小店，果然仍然保持到水準~食鐵板燒，識揀就一定揀坐BAR枱，一邊享受食物，一邊欣賞師傅既表演，我地係早一個月前BOOK枱架其實小店有唔少熟客仔黎過再返兜，我坐左係度近2個鐘，有七八成都係熟客希望之後出名左唔好太難BOOK枱啦臨近聖誕，小店推出左聖誕MENU，不過我地都覺得食開果個套餐抵食又岩口味，所以照舊叫左個----鐵板限定套餐(二人前) $798+1蟹捧沙律呢個沙律係用醋做醬汁，非常醒胃，係一個唔錯既前菜活魚奶麵鼓湯由於我一向都討厭飲呢款湯，所以無試到但見到入面有唔少材料，有豆腐、海帶、蜆肉，而且蜆肉SIZE都唔細架~雜錦刺身 (三文魚、甜蝦、八爪魚、北寄貝)雖然三文魚同甜蝦未叫鮮甜，但可接受；反而平時我唔中意食既八爪魚同北寄貝就幾爽口同有海鮮味鐵板配菜及蒲燒鰻魚鰻魚色澤非常靚!! 閃閃發光~ 鰻魚無骨且肥美，魚油同醬油香混合一齊 正~唯一缺點係醬多左D，鹹左少少翠肉瓜同冬菇都好好味，又嫩又多汁日本黑毛豬我記得上一次食呢個黑毛豬係超驚喜，因為第一次食粉紅色既豬而且仲要好JUICY又唔韌；但今次既黑毛豬就遜色左，比較韌同鞋黃金老虎大蝦呢個係全場最好食、最邪惡既食物!!大蝦用猛火煎熟，可以速迅鎖住蝦汁，令蝦肉食落彈牙、重蝦味；再配上個邪惡黃金醬，由蝦膏、牛油、芝士整成，蝦膏味濃郁!! 真係食到LamLam脷美國頂級牛柳師傅為左可以更快將牛柳表面煎熟，會表演一場”猛火燒牛柳”，全場火光紅紅在旁既小朋友睇得甚高興~牛柳五成熟，非常JUICY~ 其實唔點任何醬料就咁食已經好正；重口味既話就可以點炸蒜，不過個人覺得蒜味太重，蓋過左牛本身既味牛肉黃金炒飯偏肥既牛肉粒一直放係鐵板邊燒到出油，之後再用佢既”牛油”炒飯，所以有咩可能個飯唔香唔好食先得架!?白飯炒到粒粒分明、沾滿”牛油”同豉油，好夠鍋氣無論幾飽都要食佢!!日式炒時菜時菜由銀芽、椰菜、甘筍絲組成，不過落鹽落多左，鹹得制甜品 – 芝麻雪糕/雞蛋布甸雖然雞蛋布甸好滑好動”L”，但芝麻雪糕既芝麻味較濃，似真材實料既黑芝麻製成，唔係香精製造總體食物質素好，職員有禮貎又友善，會主動同客人傾計，了解佢地既需要。一間咁有Heart既食店，我一定會再黎~…Read More

剛剛逛完花墟，腳仔都行到軟曬 。 而天色已黑齊，街上人來人往;想搵地方吃晚飯其實不容易。 幸好呀妹對這區很熟悉， 搵食完全難不倒她。 於是隨著她帶領下便來到一間平民式的 鐵板燒店。 餐館內已座滿了客人，好彩有食客埋單我們才不需要久等 。 入座後妹妹提議叫一份大蝦鐵板餐 一齊享用， 貪佢夠多完化。 木魚絲蟹籽沙律 沙律菜是用西生菜切條，加上木魚絲、蟹籽和沙律醬;味道清新開胃。 雙色刺身 (三文魚和墨魚)三文魚肥美新鮮，墨魚爽口彈牙;可惜分量畧少。 老虎大蝦 肉汁鮮甜，咬感爽口;啖啖肉滿足哂。 美國安格斯肉眼扒 牛脂分佈均勻，入口鬆軟。可加上炸蒜一齊吃 味道可提升不少。 香草三文魚扒伴鐵板配菜 師傅將三文魚煎得恰到好處，魚皮香脆而肉身非常嫩滑毫不鞋口。 牛肉炒烏冬 牛肉唔韌而烏冬炒得很香口，味道唔錯。 日式炒時菜 活蜆雜菇麵豉湯 雞蛋布丁…Read More

前陣子都有吃過鐵板燒，動軌埋單都要成千蚊兩位，感覺不太化算，但又不想頹頹的吃food court鐵板，所以都沒有再吃鐵板燒。今日在旺角的血拼日，收獲豐富，一袋二袋。行到肚餓，忽然想到在女人街的兩旁搵食。女人街兩旁其實都有很多餐廳，但都不起眼，而其中一間在門外看看餐牌竟然是"心水價"的鐵板燒。最平$328已經有二人份量的鐵板燒的確很貼地，習慣選中價套餐，於是選了：鐵板大蝦套餐（二人前）: $608前菜先吃一個木魚沙律。雙色刺身吃鐵板燒前會有一個雙色刺身，是三文魚和北寄貝，都幾新鮮。再來一個味道香濃的活蜆雜菇麵豉湯。香草三文魚扒通常吃鐵板燒的套餐都會是清一色龍利柳，而這裡可選三文魚扒，所以當然要試試。師傅把香草三文魚扒表面煎至金黃色，而中間的三文魚肉還帶半熟，軟腍腍，加埋檸檬汁，整個口感豐富又開胃。老虎大蝦用上非常大隻的沙巴虎蝦，又是師傅表演的時間。先將蝦頭和蝦身分開，蝦頭需以較長的時間煮熟。蝦肉又爽口又彈牙，而且蝦味十足，加上以為是裝飾的蝦頭同樣啖啖肉，令整個老虎大蝦的感覺十分出色。美國安格斯肉眼扒用上頂級的美國安格斯肉眼，師傅建議選五成或七成熟，我選了五成熟。五成的肉眼扒又腍又juicy，口感鮮嫩，份量又夠多。烟肉黃金炒飯喜歡這個炒飯炒得夠乾身，非常香口，上面還加有蟹子作點綴，而且又是好大碗。日式炒時菜燒板套餐唔少得日式炒時菜，多種雜菜炒埋一碟，吃得多肉也要吃點菜中和一下。甜品甜品是餐廳自家製的雞蛋布甸，蛋味十分香，加上花奶，整個口感都很嫩滑。高級的鐵板燒的確好多，但貼地又好味的鐵板燒的似乎吸引力更大，至少今天血拼過後我係咁諗。…Read More

在旺角女人街的細巷之中，做飲食業的餐廳數目多不勝數，要在眾多餐廳中突圍而出，除了靠員工在門外拉攏客人或宣傳外，食物的質素也是重要的一環。上野 --- 是其中一間小妹十分欣賞的鐵板燒餐廳，除了可以直接坐bar枱、面對面望著廚師即席發揮廚藝外，他們對每樣食材的煮法，排列先後，裝飾也極度講究。筆者前後在其他分店光顧了三年，食物價錢沒有提高多少，但食物品質同樣不變。餐廳的空間不太大，但開放式的廚房比例上做得相當寬敞，一共可以容納兩位廚師努力為所有客人在做鐵板燒。Bar枱一共有十二個座位，一路食一路可以欣賞廚師的手藝，什麼可以直接和廚師溝通交流，才能煮出一道乎合客人心意的菜式。餐牌主打套餐系列，例如羊扒、海鮮、活鮑魚、大蝦的二人套餐，如果想再食豪一點，可以選擇尊貴套餐二人前($1688)或近江和牛二人套餐($1388)。和朋友鎖定了餐牌的鐵板大蝦二人餐($568)，內容都唔惹少的，一共分有十道菜，包括了木魚絲蟹子沙律、雙色刺身、鐵板配菜、老虎大蝦、美國安格斯肉眼扒、香草三文魚扒或香草龍脷柳、牛肉炒烏冬或煙肉黃金炒飯、日式炒時菜、活蜆雜菇麵豉湯和甜品。點好餐，員工隨隨放下醬汁，並細心介紹醬汁的用途，酸汁是用來蘸點海鮮，至於洋蔥汁則用來蘸點肉類。另外，再放上淡豉油來蘸點刺身。先來的是木魚絲蟹子沙律和雙色刺身，這兩款都不用廚師在現場效勞。只是幾啖開胃的生菜片，蟹柳條和粟米都是清甜之選，配上木魚絲，又帶多幾分香甜。活蜆雜菇麵豉湯麵豉湯加入了不少豆腐和海帶、十分足料外，湯裡還浮沉著一小粒蜆肉，更是鮮甜。湯質每吃一口都滑溜非常，充滿麵豉的咸香但亦不會咸到要飲水溝淡味蕾的反應，咸甜處理恰到好處。雙色刺身是三文魚和北寄貝片，兩者的切片有點參差不齊，但幸好沒有雪味，前者肉厚柔軟，魚脂甘香。至於後者爽口鮮甜，不過質地較厚。香草三文魚扒廚師把三文魚煎香兩邊，再灑下大量的香草，未吃先有一股陣陣迷人的草香撲鼻，更令人垂涎三尺。魚骨拆得去蕪存菁，吃起來非常方便。魚皮繼續保留，滲出的魚香脂香豐盛，三文魚啖啖肉的質感，而且所含的魚脂是不飽和脂肪酸及豐富的omega 3，對心臟有益健康，自然不禁多吃幾口。老虎大蝦虎蝦是小妹這晚最期待的一環，完全盡顯廚師的刀功。師傅即席利用一把刀、一把丫叉，先把蝦頭切開，繼而去殼。完美地一下子切去腸衣，刀功利落，然後把脫出來的肉身和蝦殼燒至金黃，最後將蝦肉切粒，連蝦頭蝦殼一拼上碟，絲毫沒有浪費任何一節的虎蝦，連蝦頭都能用作襯碟之用，賣相完全無可挑剔。蝦肉利用牛油調味，再灑上蔥花、芝麻和蟹籽粒，色香味俱全。蝦肉爽口彈牙，牛油香豐盈，接近頭部部分還保留一點點的蝦膏，盡是鮮味的亮點，令人停不了口。鐵板配菜配菜有冬菇和翠玉瓜，廚師只用熱水煮熟蔬菜，故入口充滿蔬菜的原味和水分，冬菇香氣氛芳，啖啖肉清甜實在。至於翠玉瓜口感爽脆，來調和剛才的鮮味沖昏了的味蕾，為下一道菜打好根基。美國安格斯肉眼扒計老虎大蝦後，接著來到戲慾高峰的美國安格斯肉眼扒。廚師除了用上牛油和黑椒調味肉眼扒，燒好四個表面後，最後用白蘭地火燒肉眼扒，一下子就把酒香鎖死在肉件之中。而燃燒時產生的瞬間花火，廚師刻意關閉廚房部分的燈光，令視覺效果更加強烈震撼，更惹得其他客人驚喜的眼神觀看。點了五成熟的肉眼扒，被廚師切成四四方方，肉眼扒外表深竭，内裡是清晰可見的粉嫩紅色卻不滲血水的美妙。廚師特意沿著筋位切走肥膏部分，令每啖咬下去不致會咬到韌而不斷的筋部，每啖都是嫩化濃厚的牛味，肉汁與牛油的化學作用，令口感油潤香軟，油而不膩，再沾上小妹最愛的炸蒜，脆卜卜的感覺令口感更加錦上添花。原來廚師更保留了較肥的肉件，留在鐵板上繼續燒而沒有棄掉，究竟有什麼用途呢？留待稍後分解。牛肉炒烏冬賣相看似平平無奇的一碟茶餐廳式的炒烏冬，但經過鑑賞廚師炒烏冬過程後，就知道當中加入了不少用心的技巧，吃下去便別有一番風味。廚師除了努力地把肥牛碎和烏冬撈匀在一起，連剛才題及到較肥脂肪部分的肉眼扒件，一於唔好浪費，廚師把它混在其中，一同兜炒，利用肉眼扒本身的油脂、肉香融入烏冬之中，沒有再加太多油份，油份源自於牛肉本身所在，令烏冬炒得十分香口有鑊氣，質感軟硬度適中，吃下去滑潤煙韌。牛肉不會太韌，鬆軟有牛香，愈吃愈滋味。日式炒時菜椰菜絲和芽菜在鐵板上加入水，立即用鐵鍋把蔬菜焗熟。沒有加入太多油或鹽調味，蔬菜味道較淡，但來得更清新健康，爽口程度依舊，小妹當然非常受落，但若果喜歡重口味一點的可預先跟師傅說一聲。日式燉蛋布甸加入花奶點綴的布甸，嫩嫩滑滑的質感十分討好，濃郁的蛋香令人一度誤會以為花奶其實就是蛋汁般濃滑，飯後甜一甜是這晚最完美的結束。上野鐵板燒專門店 (旺角)旺角通菜街79號地下人…Read More

一個好重要既朋友，一直都話好想試日式鐵板燒，甘我當然想幫佢圓夢架啦但睇親都起碼四位數字...心諗係米要轉食其他之際比我見到呢間鐵板燒，評價正面，價錢吸引，即刻BOOK枱其實可以唔駛BOOK枱，因為根本唔多人其實入得黎食，我地都係為左睇住個師傳係面前燒比自己食但呢度雖然有三個爐，但師傳得兩個....雖然我坐Bar枱，但係前面果個爐無開，攪到要望住隔離爐個師傳燒兩個人叫左個-鐵板防定套餐(二人前)首先送上刺身、湯同凍檸茶(加$8)雜錦刺身有四款海鮮，三文魚望落OK，但唔夠實，一夾就散..蝦夠爽口，但我都係中意食甜蝦多D活魚奶面豉湯湯入面有一隻蜆、海帶同豆腐粒，料都算豐富蟹捧沙律我同朋友果碗既料唔一樣，佢多左粟米同車厘茄。UM..師傳佢都整得幾隨心不過味道一般，一直對佢都無期望挪威鯖魚本身想食鰻魚多，點知佢改左鱈魚。結果揀左鯖魚肉質夠實，魚皮都煎到卜卜脆，係魚腩位置比較多骨，其他都無乜骨鐵板配菜翠肉瓜配鮮冬菇，好多汁，YUMMY黃金老虎大蝦呢個係我期待已久，見幾乎每個食評都會講佢。如果唔係親身見到，都唔會知佢有幾大隻!!望住師傅拆蝦殼、煎、撈醬汁，加埋個蝦味，已經流哂口水送到上枱，真係迫不及待試左件。嘩!! 蝦肉真係好彈牙!! 加埋個醬真係無得輸日本黑毛豬由細到大，D人都話我知豬肉一定要煮到全熟先好食。但呢度居然比唔熟豬我食唔理甘多，煮到埋黎照食食落口，估唔到甘Juicy，而且唔韌美國頂級牛柳(五成熟)呢個又係期望既菜，望住師傅純熟甘切走筋位，之後就加上油同酒，火槍一燒!嘩!! 瞬間火光紅紅! 雖然牛既味道一般，但火光表演為佢加上唔少分數送上枱，一定要趁熱食，牛味重D又淋D。但因為我地兩個都飽啦，所以攤凍左牛肉黃金炒飯炒飯炒到粒粒分明，加上薄牛片、蛋、蔥粒同炸蒜粒 (無錯，又係炸蒜)炒飯好有”鑊氣”，但食左兩啖就放棄，因為真係好飽...日式炒時菜有椰菜、芽菜、甘筍絲、鮮冬菇片，清淡D，可以沖淡番岩岩D油膩感甜品 – 我見隔離枱果D都係食雪糕，仲要個個都話好食，心諗我一陣都要試下係米真係甘讚不絕口之際...佢比左奶凍我...好彩個味都OK，唔會話太甜…Read More