Hiroshi

人流中心既尖沙咀，位置方便旺中帶靜，木系簡約風舒適，適合親子或朋友聚餐👫👼🏻每次小朋友都食到俾哂Good, 開心到係咁扭pat pat佢除左出名必試既日式蛋糕同卷蛋，佢既正餐及其他甜品亦好yummy ，最方便係Children Friendly 有兒童餐並有幾款選擇，Menu仲因季節轉變而推出唔同既期間限定菜式所以每次黎都有新野試而充滿驚喜🤩🤩✨Kids’ Menu- 炸雞配茄汁肉碎意粉✨兒童餐味道不會偏鹹，又有蔬菜提供保持均衡營養意粉有濃濃嘅牛肉香味，好食到想再添🤭✨日式漢堡扒蛋包飯✨ 香滑炒蛋包飯配上甜甜咖喱汁 炒蛋幼滑細嫩，漢堡扒不油，肉汁濃郁✨吉列豬扒炒蛋三文治拼薯條✨三文治烘到香脆內軟，夾上厚厚奶香滑蛋及足料熱辣辣即炸吉列豬扒香嫩乾爽，非常飽肚✨士多啤梨窩夫配香草雪糕✨窩夫質地鬆軟，配埋雲呢拿雪糕絕配 甜而不漏意外驚喜topping用上杏仁脆片，脆卜卜好有口感✨抹茶士多啤梨拿鐵、芝麻拿鐵配卷蛋✨濃郁芝麻味配上幼滑鮮奶刺激味蕾抹茶配上士多啤梨，味道清新配上自家製日式手工卷蛋，cream綿綿細滑入口溶化…Read More

-今次同朋友去尖沙咀搵左這間日式餐廳食飯🍴環境舒服，坐得幾闊落😎-日式漢堡扒蛋包飯 （$138）一上菜就聞到好香～漢堡扒好厚身，口感實在🤩配埋甜甜的醬汁真係好夾╰(*´︶`*)╯♡個蛋好滑，好好食😋旁邊蛋包飯仲有個細細份的沙律，有蕃茄仔和椰菜絲，再淋上日式芝麻醬（＾ω＾）依個仲蛋包飯附送麵豉湯/日式沙律，今次個揀左個麵豉湯，味道不錯👍-另外，仲+$50 要combo set包一杯咖啡/茶 以及一件小卷蛋😍我就點了杯凍咖啡(+$3)和抹茶口味的小卷蛋咖啡正常，沒什麼特別😚而抹茶味卷蛋真係好好味抹茶味香濃，口感鬆軟Jeng 🤩SET A壽喜燒定食🥘（$210）日式薯條🍟｜牛肉壽喜燒｜大卷蛋｜日式沙律/麵豉湯｜飲品依個set真係好豐富～(*´∇｀*)牛肉壽喜燒有多材料，包括有大約6大片牛肉😎冬菇🍄，豆腐，娃娃菜和甘筍仔等等按個人喜好就煮熟牛肉，食之前就打勻日本生蛋🤗將牛肉點上蛋汁，真係好jeng(*´∀`)♪牛肉肉質不會好鞋身，牛肉味都幾濃壽喜燒湯底偏甜，不錯😝依個壽喜燒定食就揀左日式沙律，味道正常🥰-日本青森產蘋果汁🍹(+$5)飲落都幾甜，不錯🍎-另外，日式薯條都好好食，一定要趁熱食，好香脆～至於大卷蛋就點芝麻味╰(*´︶`*)╯♡芝麻味卷蛋食落有驚喜，芝麻味幾突出🖤口感鬆軟好好味🩷cream好順滑☺️值得一試🤗-京都宇治抹茶軟雪糕芭菲🤩($108)依間餐廳一定要食佢地的甜品，係招牌啊！！🥰今次就揀左依個京都宇治抹茶軟雪糕芭菲♪( ´θ｀)ノ賣相超吸引😋抹茶雪糕好好食，味道濃郁(*´∀｀*)而白玉偏硬，唔同平時食開的煙韌白玉😉仲有紅豆,綠茶蕨餅和杏仁薄脆☺️口感豐富，味道好夾🥰-Name🏠：宏HiroshiLocation📌:尖沙咀金巴利道9號美麗華廣場1期4樓408號舖（港鐵尖沙咀/尖東站 B1 出口, 港鐵尖沙咀/尖東站 N5 出口）價錢💰:日式漢堡扒蛋包飯 （$138），SET A壽喜燒定食（$210），日本青森產蘋果汁(+$5)，京都宇治抹茶軟雪糕芭菲($108)…Read More

🎱卡肥，出場啦！熊妹太耐冇帶卡肥出嚟食嘢啦！今次特登揀間日式輕食店《宏》，有卡肥最愛的蛋包飯同熊妹最愛的抹茶芭菲，鹹魚青菜，各有所愛！💕📌位於尖沙咀美麗華廣場4樓的《宏》係一間日式輕食餐廳，地方都幾大下，裝修行日式簡約風，以白色同木系為主，感覺好鮮明，樓底高好開揚，有好多張四人枱，仲有好多張可坐多人嘅梳化枱，枱與枱之間都有好大段距離，感覺上坐得好舒服，就算熊妹講嘢大聲少少都唔怕比隔離聽到。📌餐牌主食有日式蛋包飯🍛、意粉🍝、烏冬🍜同埋定食🍱，會附送日式沙律或者麵豉湯🍵，價錢由$138至$168 ，加$50可以轉套餐，包咖啡或者茶同埋一件小卷蛋，最後收埋加一服務費。⤴️📌《宏》主打的輕食有日式小食揚物，仲有招牌甜品日式雪糕、日式卷蛋同窩夫，食完主食仲可以食甜品，真係大快朵頤。😋日式漢堡扒蛋包飯， $138📌曾經，日式蛋包飯🍛係卡肥的常餐，可以話都試盡各款口味菜式的蛋包飯。漢堡包好厚實超大一塊，咬落去啖啖肉，絕對真材實料唔野少，配濃味燒汁真係好惹味。蛋包飯外皮包咗一層蛋皮🍳，煎熟左的蛋皮咬落去比較實在，唔係帶蛋汁個款流質性，變成煎熟咗蛋香味重啲。:)一般嘅蛋包飯都可能會用上白飯🍚，多數就係靠啲醬汁吊味。《宏》的蛋包飯係有驚喜架！佢係用咗西炒飯做飯底，西炒飯係用上茄汁、喼汁等等嘅調味料炒埋一碟，令到就咁食個炒飯都會好有味，而且仲有啲菇做配料，又唔係食白飯咁掛。如果想濕潤啲又可以點埋燒汁一齊食，由於用咗西炒飯做飯底，就可以同木一身配上的燒汁更為撘配，代替原本一般蛋包飯用嘅茄汁，鹹中帶點酸甜，多一重醬汁嘅味道，食得出《宏》喺材料配搭方面有用多一點心思，唔錯。仲跟上嘅餐前日式沙律🥗，有啲椰菜絲、粟米粒🌽同埋蕃茄仔🍅，撈埋日式芝麻醬，酸酸甜甜非常開胃。牛肉壽喜燒定食， $168📌好少日式輕食店會有牛肉壽喜燒呢款定食，而且價錢仲要係百零蚊，一定要點嚟試吓啦。首先店員會遞上一個迷你鐵爐，點着火🔥，喺上面就可以慢慢煲熱著牛肉壽喜燒鍋🥘。牛肉壽喜燒鍋嘅湯底係偏甜嘅火鍋湯，有五六片大片火鍋牛肉，肥肉位唔多，差唔多只在邊緣。首先，將跟上的日本生蛋🥚打勻，變成一碗生蛋汁，再夾起一片滾熱嘅牛肉片，沾上蛋汁，熱呼呼的牛肉片上的熱力可以令蛋汁沾滿牛肉面上，形成蛋漿黎食，食落口滑潺潺又軟熟的牛肉，本身已帶有浸滿偏甜火鍋湯湯味，呢個就係牛肉壽喜燒嘅滋味。鍋物入邊仲有幾舊冬菇🍄、甘筍🥕、日本大蔥、嫩豆腐同埋娃娃菜，配料連湯撈落飯一齊食，係非常送飯嘅餸菜。跟餐仲有一碗麵豉湯🍵，入邊有油豆腐同海帶片，唔算話好鹹，食飯前暖一暖胃，就係日本定食嘅特色。小食拼盤， $98叫咗兩款煮食，都想食啲炸物小食咬下口🍢，過吓癮，小食拼盤有齊明太子雞翼、炸雞軟骨粒、炸花枝餅同炸芝士圈，全部都啱食又可以試多幾款。拼盤份量都幾多下，明太子雞翼有兩隻，雞翼外皮揸到金黃色，雞肉入邊釀咗啲明太子醬，辣辣地，連埋雞肉一齊食，啖啖肉同平時要食拆骨嘅雞翼好唔同。炸花枝餅同炸芝士圈都有三四件，炸雞軟骨粒有一大堆，各款炸物炸皮唔算厚，咬落去香口，點埋跟上嘅明太子醬一齊食，呢款小食咁惹味，食吓食吓真係食到停唔到口。👅抹茶芭菲， $78📌食咗咁多鹹食，當然要點返個飯後甜品先大完🈵喇。其實熊妹都係衝着《宏》呢款招牌抹茶芭菲而來，真係好期待！芭菲特獨特之處就係望落去以為只係一杯軟雪糕🍦，但係食食吓就會發現一層一層嘅驚喜😍，食完一層嘅配料又會再發現下一層嘅配料，而且會不斷同軟雪糕撈埋一齊食，有好多種材料好多種味道，所以熊妹最喜愛就係呢款甜品 ，而《宏》的抹茶芭菲真心多不同款的配料之餘仲要係大大份，熊妹極力推介給喜歡吃芭菲的朋友。抹茶控，抹茶婊，抹茶熊嘅熊妹對住呢款抹茶芭菲真係招架不住！首先，賣相已經驚喜到暈！呢款新推出嘅夏日芭菲，主角除咗有抹茶軟雪糕，入面仲有牛奶雪糕，下面配料包含咗一層粟米片一層抹茶啫喱，側邊包圍着好多粒抹茶糯米糍，最特別既係有一件抹茶小卷蛋同抹茶macaron，成杯抹茶芭菲真係抹茶到暈，抹茶雪糕抹茶味香濃，連埋各款抹茶味嘅配料，絕對滿足到抹茶愛好者。📌熊妹做錯了，真的做錯了😞，熊妹唔應該當呢杯抹茶芭菲係飯後甜品，應該做飯前甜品，甚至係呢餐食嘅主食，咁就可以讓胃的每一個角落同舌尖上的味蕾盡情咁享受到呢杯抹茶芭菲的美味。草莓慕絲蛋糕， $42真係估唔到原來《宏》有同《香港遺傳性乳癌家族資料庫》合作，推廣「Pink Desserts 2023」，就係推廣餐廳有幾款指定的粉紅甜品，售賣款項嘅一半會捐去資料庫為高風險嘅遺傳性癌症人士作為研究基金的用途，有得食又有得做慈善，何樂而不為？😝草莓慕絲蛋糕都好大一件，直程有一個飯碗咁大，唔係hightea嗰啲細件甜品。粉紅色賣相好吸引，外表一個粉紅半圓球就係有忌廉慕絲組成，士多啤梨味🍓酸酸甜甜冇藥水味，食落去好mossy好creamy，唔會話落咗好多魚膠粉好膠好實，而且仲有一層士多啤梨醬，再添多一重酸甜嘅效果，餅底係軟淋的曲奇餅底🍪，同埋軟綿嘅慕絲一齊食落去又幾夾。日本綠茶-玉露，$28食完咁多炸物，飲返杯日式熱茶絕對可以解下油膩。好驚訝嘅係《宏》竟然有熊妹平時去便利店都會買開嘅淳茶舍-玉露。熊妹點解咁鍾意飲玉露🍃，因為佢係淡味綠茶之餘又好重煎香嘅茶味，飲落去茶葉嘅回香味仲會停留喺鼻腔入邊，但係又冇紅茶咁濃味，大愛。💓📌《宏》無論主食、小食、甜品、飲品味道，賣相，份量都一樣有驚喜，熊妹味蕾大滿足之餘，卡肥又頂住個大肚離開，係一間值得推介嘅日式輕食餐廳。…Read More

二訪呢個日式西餐，主要打算嚟食甜品😂順道食個dinner😚✨日式漢堡扒蛋包飯 - 漢堡扒配燒汁甜甜地好夾，漢堡扒好厚肉好有質感，份量幾大，好有日劇住家飯嘅感覺😆✨牛肉壽喜燒定食 - 睇落似一人份細細鍋，但都有幾多塊牛牛🐂有差唔多8塊牛，而且d牛都幾有誠意，唔係急凍肥牛😝而且幾香牛味，沾埋生蛋食好滑好惹味，送飯食夠晒正🤤✨京都宇治抹茶軟雪糕芭菲 - 目測都幾巨下，2-3人share都ok，配料有紅豆、綠茶凍、白玉、杏仁脆餅同蜂蜜蛋糕，好有層次，而且雪糕裡面真係見到抹茶粉粒🍵真材實料，濃郁香醇😋✨竹炭黑芝麻大卷蛋 - 口感濕潤軟熟，不論係蛋糕定個cream，都食到滿滿芝麻味👍✨日本靜岡深蒸煎茶 - 食完heavy野同凍野最好飲啖熱茶解膩暖胃，茶味甘香，飲完一杯再加熱水都好夠味😸…Read More

宏 @hiroshi_miraplace📍尖沙咀金巴利道9號美麗華廣場1期4樓408號舖.宏 Hiroshi提供多款日式主食，亦有日式甜品，餐廳裝修風格以簡約為主，配上木傢俬帶出日式Cafe嘅味道～.🍵 京都宇治抹茶軟雪糕芭菲 $78: 呢個芭菲份量驚人，超級多料，有迷你抹茶卷蛋、抹茶蕨餅、抹茶啫喱，抹茶雪糕味道濃郁帶回甘，中層又有雲尼嗱雪糕同玉米片，提升口感～🍰 宏 日式卷蛋（大$35；小$18）: 竹炭黑芝麻卷蛋好香芝麻味，忌廉細膩順滑，蛋糕同忌廉比例剛好；抹茶卷蛋嘅忌廉用上抹茶打製而成，味道香濃～🍛 日式漢堡扒蛋包飯 $128: 蛋包飯做得好嫩滑，漢堡扒份量大，口感鬆軟但唔會鬆散，肉汁juicy，配上秘製醬汁，大推～🍚 牛肉壽喜燒 $148: 壽喜燒牛肉片唔會太肥，大約有8 片，沾上蛋液令牛肉更香嫩，再加入京蔥、黃芽白、紅蘿蔔、鴻喜茹，夠哂入味，伴飯一流～…Read More

尖沙咀平時人來人往 想搵間坐得耐嘅餐廳都唔易 原來美麗華樓上隱藏呢間主打日式熱食同甜品嘅餐廳～卷蛋窩夫雪糕樣樣有齊🍮仲坐得幾舒服 食飽再嚟𝚛𝚘𝚞𝚗𝚍甜品就岩哂ヽ(●´ω｀●)ﾉ♥ 日式漢堡扒蛋包飯 $①②⑧漢堡扒厚身鬆軟 肉味十足～炒蛋就較薄身 食落無咁𝘩𝘦𝘢𝘷𝘺 切開原來係炒飯底啊.♥ 京都宇治抹茶軟雪糕芭菲 $⑧⑧配料超豐富 有蛋糕 杏仁薄脆 白玉 果凍 紅豆(´∀`)雪糕好濃茶味 摻雜大量茶葉碎 好味啊🍵.♥ 日式卷蛋(細) $①⑧竹炭黑芝麻 // 抹茶 // 焙茶招牌甜品 價格幾實惠～每種味都幾濃 唔算超級濕潤綿密 但口感鬆軟 忌廉軟滑 過下口癮都不錯啊 .♥ 𝐓𝐢𝐫𝐚𝐦𝐢𝐬𝐮巴斯克芝士蛋糕 $④⑧上層係𝘛𝘪𝘳𝘢𝘮𝘪𝘴𝘶 下層巴斯克 配搭特別～結合軟滑𝚌𝚛𝚎𝚊𝚖𝚢同微焦口感 咖啡粉香濃 剛好平衡芝士味 店員無介紹錯(⊙ꇴ⊙)…Read More

ಥ_ಥ日式漢堡扒蛋包飯 $98前排想食好耐既蛋包飯賣相都唔錯👌🏻 不過味道就好一般🤧 首先炒飯淨係得番茄味同埋好濕 加埋啲好酸既汁非常奇怪🫠 漢堡扒唔夠juicy啲肉偏散 就係not good🫣Craving for omurice for so long and its presentation was nice✨ while the taste wasn’t good as the fried rice was soggy and plain🤥 The sauce was sour and weird too🍅 Hamburg steak was not good as well, disappointed🥺評分: 3/10🌟ಥ_ಥ日式炸豬扒咖喱烏冬 $108呢份日式炸豬扒咖喱烏冬真係有啲顛覆咗我對烏冬既認知🥲 炸豬扒除咗唔夠香脆 有啲油同韌之外 至少佢係豬扒🐷 但咖喱烏冬一食落覺得好奇怪🤨 原來所謂既烏冬係海藻烏冬 口感同味道都唔係人人接受😖 加上咖喱汁好水令烏冬完全唔掛汁 講真要食哂佢都要好大既勇氣😀Katsuretsu with udon in curry sauce was totally different from my expectation🤯 Katsuretsu was oily, hard, and chewy but not crispy yet💔 Seaweed udon had a special flavour that’s not easily acceptable🤢 The curry sauce was watery and the udon wasn’t clingy too😮‍💨評分: 2/10🌟ಥ_ಥ抹茶小卷蛋 +$10抹茶卷蛋賣相唔錯😋 但比之前就差咗好多喇🥹 卷蛋食落幾鬆軟但唔夠濕潤 而且茶味比較薄弱 唔夠香同埋冇回甘😭Matcha roll cake looked great but the taste was really disappointing 😟 Roll cake was soft but slightly dry, and the matcha flavor was weak😪 評分: 5/10🌟ಥ_ಥ京都宇治抹茶芭菲 $88京都宇治抹茶芭菲份量比想像中少 以呢個價錢黎講應該有更好既質素🧐 而且白玉食落唔煙韌 好重粉感🍡 紅豆一啲都唔香甜 味道唔似日本既紅豆🤓 唯一好食啲係個雪糕😌 茶味濃但偏冰感🍃 坦白講我揀單食雪糕都唔揀呢個貴60蚊既芭菲🥵Kyoto Uji matcha parfait was slightly overpriced as the portion size was relatively tiny 🤥 Dango was not chewy yet and red beans weren’t sweet enough🫘 As for the matcha ice cream, it had a nice flavour🍦 Honestly, I preferred to order ice cream only instead of the parfait☹️評分: 3/10🌟—————————————————————————————宏 (尖沙咀)尖沙咀金巴利道9號美麗華廣場1期4樓408號舖…Read More