Years (Fuk Lung Building)

約朋友食飯想食清清地，於是乎想起素食！住長沙灣嘅我近近地決定去素年！多年前已經開始幫襯，最鍾意都係黎福華街呢間店☺️我照舊食日式咖喱吉列豬扒意大利飯！味道依然，大致上同以前一樣咁好味！份量依然超級飽😂斯里蘭卡伯爵茶有驚喜！雖然之前一直都係飲呢個，但今次先知道原來有熱架！！更香更好飲！朋友食all day，個名超架勢>非常十九純素藍莓鬆餅全日早餐！我同朋友見到呢碟野對望左一眼😳超大碟！朋友叫我幫手食啲！菜好新鮮，全部嘢都好食！京都宇治玄米茶，朋友話幾好。鍾意食朱古力嘅朋友仲叫左個甜品…純素特濃朱古力蛋糕，真心濃！！唔錯！整體水準仲係好好，店員都好nice！朋友係第一次黎食，佢都話下次可以再黎！…查看更多

不知道有沒有人和我一樣，覺得吃素食其中一樣有趣的地方是，可以和朋友一起猜想正在吃什麼🤣👉🏻炸魷魚圈配酸辣醬 ”魷魚圈”煎炸後跟平常的魷魚圈很似，外脆內軟，配上甜酸醬，不錯👍🏻我和朋友也想不到是什麼，問店員後才知是由蒟蒻製成，口感比平時軟身的蒟蒻較實淨，魷魚圈挺有驚喜！👉🏻日式咖喱吉列豬扒意大利飯 $118新豬肉炸得香脆，質感和豬扒一樣，要是不告訴我是素食，說不定我真的分不出來🤣。咖喱加了新鮮蘋果，咖哩味較柔和，不會太膩。👉🏻唐揚猴頭菇純素忌廉菠菜扁意粉 $128吃起來像炸過的肉類竟然是唐揚猴頭菇👀，挺喜歡雞髀菇厚切煎香，很juicy👍🏻扁意粉沾滿了濃稠的忌廉菠菜汁，主食份量很足夠。👉🏻芝麻燕麥奶芝麻燕麥奶味道香濃，是晚間不能飲咖啡的好選擇☕️。整體而言，素年的素菜設計用心，的確是吃素的好選擇，初吃素的朋友會比較容易接受🥬。…查看更多

絕少會同男朋友食素，因為佢係typical食肉獸🥩難得去到深水埗，就帶佢去新派素食cafe Years，等佢食素都食得飽肚又滿足😆🫶🏻日式咖喱吉列豬扒意大利飯 （$118）素年經典不可能芝士漢堡 （$138）斯里蘭卡伯爵茶（跟餐）兩款都係招牌菜，一上枱兩份都勁大份，細食嘅女士強烈建議叫細份🤰咖哩Risotto 甜甜地走日式路線，加上大量蘆筍🥒、雞髀菇🍄‍🟫、蕃茄🍅等配料口感豐富🤤用Omni Pork整嘅吉列豬扒比一般豬扒散啲啲，但口感都像真！值得一讚嘅係外皮香脆💯不可能芝士漢堡無論係外觀同味道如果唔講可能都唔知係用impossible meat整，重點係保留到肉汁juicy嘅感覺🥰烤過嘅麵包外脆內軟加上半溶嘅素車打芝士，🦒都滿意🤣蕃薯條雖然份量多但就差少少，有啲淋身🙈以前食過記得係炸得好香脆！好正的！🥲經過深水埗都會諗起years ，見到佢地做緊五周年慶先知唔經唔覺開咗咁耐。係少數高質嘅素食餐廳❤️希望可以繼續keep到咁得閒就可以帶男朋友食下素🥦🥒🌽打破佢食🥩先係皇道嘅觀念🤪…查看更多

由於佢係我工作地點附近，未開分店前，已經成日幫襯佢！以新派素食嚟講，佢多款式又款款都做得咁出色！我呢個「芫茜控」次次忍唔住都再叫返呢個 #香蒜芫茜意大利粉佢呢度食物嘅份量係同男士嚟食都會叫飽，芫茜份量絕對滿足到各位芫茜控嘅人，少少蒜味同有蓮藕、粟米荀同蕃茄乾，但最出都係芫茜味！食完會打破你覺得食素唔夠飽同唔夠味、好清淡嘅諗法！另一款 #日式咖喱豬扒意大利飯大大碟之餘，而家嘅新豬肉整嘅吉列豬扒真係同食豬扒好似，咖喱汁夠creamy ，唔太辣，配意大利飯又幾好食！配菜都多，賣相打卡都唔失禮！兩款都好想再食，但又下次想食其他款！ …查看更多

❀ 素年 #深水埗 ❀❗️終於到訪呢間人氣素食Cafe❗️——————————————————呢間素食Cafe相信大家都唔陌生，開業幾年而且越開越多分店，獲得唔少好評，Book mark咗咁耐終於有機會同朋友一齊試😂餐廳所有食品都係素食，但係款式種類多多，包括漢堡包、咖喱飯、意粉等等，驟眼望唔覺得係素，味道仲要幾好💓今次去咗本店，環境其實相對冇咁靚，亦比較細，只有約四五張枱，其餘嘅分店反而會相對靚啲。.✷𝑀𝑒𝓃𝓊✷☞ 四人不可能漢堡套餐 $658四個人一齊食所以叫咗呢個四人晚市套餐，除翻開每人都只係百幾蚊，好抵食。.♥ 芥籽香蒜烤大啡菇因為當日已經售罄，所以轉咗做米通，表面再加咗菠蘿蔬菜等等。.♥ 香芋番薯波波 (4/5)幾出色嘅炸波波球😆外層香脆，再帶點煙韌，裏面包着大量芋頭餡料，夠厚身綿滑，不過芋頭味當然就唔夠台灣嗰啲咁強烈。.♥ 不可能芝士漢堡 (4/5)招牌菜之一✨漢堡扒用上植物肉，幾juicy，切開有少少粉嫩色，唔講都未必知係素！麵包有略為焗脆，再配上火箭菜、純素車打芝土、洋蔥，再加上意大利黑醋調味，唔會太膩，素漢堡來講算幾高質。伴碟嘅番薯條好好食，超級香脆仲要好甜🤤！.♥ 日式咖喱吉列豬扒意大利飯 (4.1/5)呢個咖喱幾有特色😆咖喱走日式路線，甜甜地唔會辣。飯粒應該係珍珠米，軟硬適中，每粒都比咖喱包圍着，再加埋蘋果片、蘆筍、雞髀菇同車厘茄，口感更加豐富，亦能夠減輕炸豬扒嘅油膩感。炸豬扒同樣係用植物肉，口感會比一般豬扒散少少，但炸皮依舊香脆，有水準🔥。.♥ 生酮純素沙律碗 (3.7/5)正常沙律，大量沙律菜配上牛油果。特別啲嘅係有埋炸豆腐。.♥ 焦糖脆脆檸檬撻 (3.9/5)甜品同樣係素食。檸檬撻酸酸甜甜，外皮都幾香脆。再配上焦糖脆脆。好食不過冇乜特別驚喜😂。.♥ 香蕉朱古力冧酒撻 (4.1/5)呢個反而有驚喜啲，切開有幾種唔同嘅層次🤩。先係脆皮朱古力，內裏再有冧酒朱古力漿同埋香蕉蓉，配埋香脆朱古力曲奇撻皮！味道口感都更加豐富，不過就膩啲。.♥ 任何四杯非酒精類飲品另外每人可以嗌一杯非酒精飲品，佢哋都有唔少特色嘅花茶同埋果茶。——————————————————✨整體味道: 4/5 ✨環境裝修: 3.5/5✨服務態度: 3.5/5✨性價比: 4.4/5✨再訪興趣: 3.8/5 .💞整體來講以素食餐廳來講的確幾多選擇而且幾高質，難怪開業咁耐依然咁多捧場客😍食素都可以有好多選擇！未食過植物肉又或者一直都唔太鍾意植物肉嘅都可以嚟呢間試吓，可能會令你改觀。…查看更多

聽到好多人推薦呢間新概念嘅素食餐廳，一直都好想試吓，而家喺香港都已經有幾間分店當日同一位素食朋友去咗深水埗呢間試吓！睇個Menu覺得好吸引，同出面嘅餐廳都冇分別，好多選擇又多元化我哋就揀咗一份日式定食及日式咖喱吉列豬扒意大利飯！《日式定食》$88日式定食會有麵豉湯、雜錦配菜、稻庭烏冬及甜品，非常豐富當日嘅配菜有芝麻豆腐、枝豆、番薯仔、抹茶蕨餅、蘿蔔及蔬菜薯餅😍種類和份量都很多，一個人食都好足夠！腐皮烏冬嘅湯底亦都好鮮甜，麵豉湯都唔會太鹹，整體非常OK！《日式咖喱吉列豬扒意大利飯》$108呢個意大利飯真係做得好出色，完全唔覺得食緊素食佢用新豬肉吉列豬扒，炸到非常香脆～咖喱汁會有蘆筍、雞髀菇、車厘茄及蘋果，所以食落唔會好膩，仲好開胃《Matcha Latte》$42用燕麥奶沖呢杯抹茶latte，唔會太Heavy同埋唔會好甜兵仔就覺得好好飲！…查看更多

❣️ 日式咖喱吉列豬扒意大利飯 $108蘆筍+雞脾菇+車厘茄 營造唔同口感👅 又脆 又爽 又軟 😝估唔到雞脾菇同咖哩又幾夾Impossible Meat 炸得好脆口❣️熱情果檸檬梳打 $36 清爽 夏日清熱之選整體唔錯 但價格較高對窮L唔友好 係偶然放肆之選😋…查看更多

呢日約咗女朋友到深水埗試下特色餐廳，女朋友推介咗Lonely Paisley 土耳其餐廳及素年fusion日式素食，因為假期怕人比較多，預算睇下邊間有位就試邊間，兩間位置相近就在斜對面，最後我哋兩間都試晒，先到lonely Paisley土耳其餐廳High Tea飲嘢試下小食影下相，再來素年食正餐，完全無諗過素食可以做到咁真實有驚喜，非常完美一次美食約會。日式咖喱吉列豬扒意大利飯，素豬扒非常鬆脆，意大利飯煙勒度適中，日式咖喱濃香而唔辣，仲有大量雞脾菇，車厘茄同蘆荀，份量非常足夠，真心好好味。不可能TM漢堡飽，火箭菜，厚厚漢堡扒加埋車打芝士好正，仲有牛味，完全食唔出係素漢堡扒，另外薯條應該用咗日本紅薯做，外脆內軟非常甜，必食非一般薯條。　Latte Coffee 哈哈，拉花欠操練，泡沬唔夠細緻，味道還可以。其間有一點員工唔夠細心，我哋都未食晒碟飯，佢問都無問就收咗，令人有點反感，完全明白佢哋要開始準備晚市客，但基本禮貌必須的，不過整體推介。…查看更多

💎總評分：8.5/10-小店開業後大受歡迎，現已開至4間分店越做越大。小編星期日中午12:30嚟潮聖☀️，要等20分鐘，但去枱都算快。Menu主食同小食option都算多，而且味道創新特別，中西合壁咁，款款望落都好吸引👀。1️⃣ 日式咖喱吉列豬扒意大利飯 $108 「豬扒」炸得鬆脆，口感同平時真豬扒無咩大分別🐽，做得好真但當然無左陣肉味啦。咖喱味道濃郁👍🏻，配料有heart，包括雞脾菇同asparagus，上面兩塊蘋果其實唔係好夾，不過無影響到成件事，risotto整得有水準，堅係大份🍛，男士們都會食得飽~推介💯!2️⃣ 黑松露蛋黃醬蕃薯條 $68無諗過咁大份，小編食到最後要takeaway🍟！蕃薯好香甜，truffle mayo都OK，唯獨覺得炸得有點過油🤭。3️⃣ 紫薯芝士波波 $68一粒粒炸得又圓又大嘅波波好得意⚽~加埋條草好似變左色嘅提子，食落煙煙UN UN不過唔會痴牙。有D似地瓜圓，不過裏面係紫薯餡，整得香甜，可以當甜品🍡。4️⃣ 黃薑焗福花 $58純粹想食下菜所以叫左個cauliflower，明明係焗，但係唔知點解油淋淋😖，上面有D 類似yogurt dressing嘅sauce，但係又無咩yogurt味🤨，呢個side有D失望👎🏻。總括嚟講，餐廳menu菜式創新特別，睇得出用心設計，素食人士一定會愛上呢個地方❤️。食物質素完全比得上非素食餐廳甚至更加好味🌟，若少油D會更好。只可惜不設booking，如果有得book位可能會多來幾次。-環境服務：⭐⭐⭐食物質數：⭐⭐⭐⭐⭐打卡指數：⭐⭐⭐…查看更多

未到十二點舖頭已經有好多人排隊，我哋成功做咗第一批食lunch嘅客人☺️喺門口排隊時已經睇定menu，決定嗌咖喱豬扒飯同不可能漢堡包。兩個餐都好快上菜，每個餐都跟一個嘢飲。不可能漢堡包係配粗番薯條，熱辣辣又脆又甜好好食。個包本身亦有煎過，所以同個「肉」一樣好香口。佢入面有火箭菜同洋蔥，不過夾埋啲「肉」、芝士同包一齊食就唔會覺得有火箭菜嗰種苦味或者生洋蔥嘅辣。成個餐唔點茄汁已經好好食，不過點咗又多份唔同嘅層次感。個咖喱真係好日式，甜得嚟又好有咖喱香料嘅香味。雖然成份都係素，但配咗啲蘋果片、菇同車厘茄感覺中和咗炸豬排嘅油膩感。啲飯亦都軟硬適中，整體都好好食。…查看更多

🍛日式咖喱吉列豬扒意大利飯 $108份量好多🙈吉列豬扒熱辣辣🔥幾似真嘅豬扒~但係較為鹹咗啲😬飯入邊都有啲菇🍄蘆筍🥒車厘茄🍅咬落去有唔同嘅口感👍🏿咖喱味濃 唔會辣~但係有啲飯仲係白色嘅 未煮勻👀☕️飲品揀咗熱玄米茶🤣攤涼啲先飲 好香🤌🏻7.7/10🍟黑松露蛋黃醬番薯條 $68呢個係小編最愛😭💕番薯條外脆內軟♥️係真係超級軟☁️ 番薯勁香甜💫黑松露蛋黃醬超級邪惡😈黑松露味濃郁😽真係勁想舔晒佢🤤同埋佢個份量同樣都係超級多🤌🏻9.5/10 ——————————————————————————————#為食tips👻 番薯條真係世一☝🏻好想問吓佢哋用咩品種嘅番薯🍠同埋小編閒日約12.半去到😹都等咗半個鐘🥵大家要早點去…查看更多

-日式咖喱吉列豬扒意大利飯👏🏻 ($108) 新豬肉吉列豬扒｜蘋果｜蘆筍｜雞髀菇｜車厘茄依個吉列豬扒好有水準～味道食落同平時食的豬扒無太大分別👍🏻口感有點散，但幾好食！而且好香脆，正✌🏻至於意大利飯都好吸引，(*´∀`)♪口感豐富，有雞脾菇、蘆荀、蘋果同埋車厘茄(*'▽'*)每粒意大利飯都沾滿咖喱汁(о´∀`о)十分惹味☺️食到lamlam脷👅👅👅-不可能漢堡包配蕃薯條🍔($128)不可能漢堡｜火箭菜｜車打芝士｜洋蔥｜蕃薯條🍟最愛香脆又濃濃的蕃薯條🍟點埋茄汁最夾！(●’◡’●)ﾉ而漢堡扒好厚實❤️配料豐富又惹味🥳見到好多人點依個包😊-香蕉火龍果燕麥奶（跟餐就＋$36）味道飲落幾健康又Fresh 💛材料配合都不錯👍-甘筍菠蘿橙汁（跟餐就＋$36）依杯好Fresh🍹飲落都好足料😍味道Surprise，幾鍾意( ˘ ³˘)♥︎飲落好開胃🤤-Name🏠:：素年 YearsLocation📌: 深水埗福華街191-199號福隆大廈1號地舖（港鐵深水埗站 D2 出口, 步行約3分鐘）價錢💰: 日式咖喱吉列豬扒意大利飯 ($108) ，不可能漢堡包配蕃薯條($128)，香蕉火龍果燕麥奶（跟餐就＋$36），甘荀菠蘿橙汁（跟餐就＋$36）…查看更多

相信食素既朋友對依間餐廳一定唔會陌生。平時好少食素既我被朋友力推下，終於有機會去試下，估唔到味道真係唔錯～餐廳已經開左3間分店，而今次就試左深水埗總店。店舖裝修簡約，以白色及木系設計為主，而食物質素高又有創意，主菜融合日式及西式元素，唔係食素既你都不妨試下～❀ 日式咖喱吉列豬扒意大利飯素吉列豬扒用新豬肉製成，味道同平時食既豬扒無咩分別，但口感就無咁厚實。炸豬扒既炸粉薄，香脆又唔會太油。而意大利飯配料豐富，有雞脾菇、蘆荀、蘋果及車厘茄，多重口感，配埋香甜既日式咖喱汁好惹味。❀ 不可能肉醬意大利粉份量好大碟，意粉堆滿到成座山咁，加上澎湃既肉醬，賣相好吸引。一上枱已經聞到好濃既蕃茄味，Impossible既肉醬仿真度好高，味道及口感跟一般肉醬無異。意粉幾有彈性，配埋香甜又份量滿滿既蕃茄肉醬，味道唔錯。❀ 純素沙律碗依個沙律勁多配料，包括：橙、金奇異果、羽衣甘藍、南瓜、鷹嘴豆、紫椰菜、車厘茄及波子蘿蔔，不但色彩繽紛，營養價值都好高。當中最中意係金奇異果及南瓜，兩種都好香甜，而其他蔬果都好新鮮，配埋酸酸既柚子汁，好開胃～❀ 綠茶豆腐蛋糕綠茶味唔算好香濃，但有著淡淡既豆腐味，味道好清新，甜而不膩。旁邊仲配有豆腐味忌廉，口感輕盈。而餅底都做得好出色，用穀物片製成，香脆可口。⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️⭐️📸環境：⭐️⭐️⭐️💫🤵服務：⭐️⭐️⭐️💫💎CP值：⭐️⭐️⭐️⭐️(5⭐️為最高分)⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆…查看更多

近年深水埗變咗文青聖地🌝有文青cafe 又有皮革街所以都好鍾意weekend去尋寶上網見好多人推介本身見係素菜又多人等位諗住放棄不過見到佢個Menu好吸引於是留低名之後周圍行吓最後大概等咗半個鐘返到去差不多有位店面大概有10張枱感覺係chill chill地食lunch個種唔係for一班人聚會傾計講返Menu先主菜係以日式 x 西式為主亦都唔再局限於傳統素菜即係唔係原型嘅蔬菜而係新派用上impossible植物肉個質感其實都有6-7成似首先講咗我推介嘅日式咖喱吉列豬扒意大利飯其實味道好易想像日式咖喱醬汁加埋蘋果清甜飯粒都好飽滿吸晒啲味道而素吉列豬扒都好有口感另外嗌咗個不可能肉醬意大利粉坦白講正常不過無驚喜可能因為較易做到感覺同係屋企買包醬汁同素肉碎就做到如果黎到素年會建議試吓其他喺屋企冇咁易做到/多啲工序嘅菜式Overal都好味雖然係小店不過環境唔錯自己真係麻麻排隊(店舖受歡迎係好事😛)唔知有冇得book👉🏻👈🏻如果有就可以再食🤣…查看更多

平日下午2點到，等了10分鐘就有位 上菜速度：快 服務態度和速度：好+快👍🏻食物質素：幾好，之前食過幾次新豬肉都覺得好麻麻，但今次叫左兩個新豬肉既dish都覺得幾好食 不可能漢堡包：個包有烘過，外脆內軟👍🏻 新豬肉漢堡加半融芝士幾好食👍🏻仲有洋蔥同火箭菜中和返，食落唔太膩👍🏻番薯條：平日唔太仲意食番薯條既我都覺得今次呢個幾好，番薯條外脆內又軟又甜👍🏻日式咖喱吉列豬扒意大利飯：新豬肉吉列豬扒好食👍🏻d 菇都好大粒👍🏻 仲有兩片蘋果，同日式咖喱好夾，食落都無咁膩 圖中已是少飯份量，作為正常食量既女子，我最後都食唔晒d意大利飯😅😅 真心建議素年可以減少食物既份量，以免造成浪費🙈（因為見到其他顧客好多都會食淨/ 要打包🙈） 後記：食完之後都幾口渴（雖然已經有餐茶飲），所以都可能有d味精🙈…查看更多