A4Noodle

呢間坐得好闊落又舒服的車仔麵，一啲都唔「那渣」🤣服務親切友善❤️咖哩豬皮都幾辣，豬皮入哂味，又夠霖！滷水腩肉層層分明，油而不膩！扎肉有啲薄片，味道ok👍生菜份量多，新鮮！腩汁加入湯中，令成碗湯提升咗！😋炸墨魚卷，必叫之選，有粒粒墨魚粒，又爽又彈牙！牛腩有水準，冧身入味~~白蘿蔔超甜，無渣，係靚貨!豬腸堅好味，唔腥👍日式吉列炸蠔$26炸得好鬆脆，yummy炸燒賣。$22/10粒好耐無食，重拾童年回憶好味到要清晒枱🤭…Read More

同兩個朋友係旺角打完羽毛球之後 就諗住搵間餐廳求其食 行過見到有車仔麪 都好耐無食過 我地三個人就走入去食下鋪面都算幾大下 起碼唔會有逼”喼”的感覺 整個鋪面既間格亦好分明, 俾我一種好乾淨衛生的感覺見到 MENU 就知道佢除左車仔麵之外 仲有頗多小食的選擇 由於太肚餓既關係 我地嗌左三個車仔麵再加三個小食同兩個菜 好似放題咁 哈哈哈我就嗌左個墨丸炸豆腐豬腸沙嗲米粉三樣餸都好味 墨丸十分之彈牙爽口 唔會好似出面食果 d 咁搓左好多肥豬肉入去 豬腸亦好夠腍 佢同炸豆腐索左個沙嗲湯底勁惹味炸唐揚雞塊 吉列蠔 吉列豬排是日式放題必叫 估唔到呢度都有 佢呢到既大概係二人份量 三樣炸物的火侯都控制得唔錯 值得推薦的是吉列蠔 外面好鬆化 咬開後都仲有好多汁 唔會”乾爭爭” 而菜心都好夠油水,亦都好腍甜而最最最重點推介就係佢的樽仔奶茶 茶底個味好濃 奶同茶既比例好夾 係一款十足十的港式奶茶整體黎講, 食物水準係中上既, 而價錢,係旺角黎講簡直可以用親民黎形容, 呢間鋪相信都會係我地三個既專用飯堂了…Read More

又黎難得嘅假期，當然要去食好西啦﹗﹗今次黎到九龍嘅市中心，旺角豉油街新寶戲院隔幾個鋪位嘅阿四車仔麵。由於太耐沒食過「那渣麵」，所以一經過見到店面就即刻衝入去試。店鋪形狀呈三角形，幾特別，一眼就認到。雖則鋪頭形狀咁特別，之但是內裹又唔會太擠迫，而且我下午茶時間去就沒咩人，坐得幾舒服。雜果冰 - 跟餐 ($12)因為太熱嘅關係，一坐低就叫左杯雜果冰，雜果雖然應該是用罐頭，不過勝在款式夠多，而且超濃椰奶味，解渴一流﹗招牌麵 ($58)之後就到主菜招牌麵喇， 個麵有超多款經典餸菜，包括魚蛋、魷魚、豬皮、大腸、雞翼尖、雞中翼、滷水蛋同埋蘿蔔，本身仲有豬紅，不過我唔食，餐廳仲可以免費將佢轉雞腎添﹗麵底我就揀左油麵，份量幾多，幾抵食，不過魚蛋魷魚嘅咖哩汁略嫌濃左少少，遮晒本身湯底嘅味。其他餸菜都是經典嘅菜式，唔算太多驚喜，但最正是蘿蔔，大大舊好甜好稔而且完全沒渣，一放入口用條脷比少少力就即刻溶左，超好食﹗﹗菜心 - 腩汁 ($20)我驚食得太多肉類排便唔太暢通，所以通常都會叫多個油菜。呢個菜心就不過不失，唔算太嫩，同埋腩汁比較鹹。日式吉列蠔 ($25)因為太肚餓，所以最後再叫多左個小食，不過呢個吉列蠔都是較一般，炸粉比較厚，同埋啲醬汁比較多。不過啲員工嘅服務態度幾好。總結成餐都是享受嘅。…Read More

因為限聚令既關係，已經好耐無出過街食飯啦，今日難得出黎旺角食左一餐非常豐富既車仔麵由細到大已經成日食車仔麵，覺得可以揀唔同自己鐘意既食物，而且價錢又唔貴，絕對係香港既代表性美食之一餐廳就係旺角既豉油街，好方便之前已經黎幫襯過，入面好闊落坐得非常舒服，而且價錢仲幾抵食，$38蚊有3個餸，如果男士們驚唔夠飽可以揀招牌麵，有齊餐廳最出色既9款食材，包括： 辣魚蛋，辣魷魚，豬皮，豬大腸，雞翼尖，蘿蔔，鹵水蛋，瑞士雞翼，豬紅。。。唸起都吸引呀車仔麵既餸菜有好多選擇，有成3拾幾款真係幾難揀架，樣樣都好吸引除左主食之外，呢到既小食都好出色，自己最鐘意既就係瑞士雞翼，整得好香好入味另外日式吉列蠔都係必食之選，炸得好香口鬆脆…Read More

今日去開旺角買嘢噤，而且好耐冇食過車仔麵，想回味吓個感覺，一於入去坐低食餐飽先順便休息一吓食完之後再行過，店鋪內裏環境和裝修幾舒服簡約店內除左賣車仔麵外，還有小食和飯選擇，我選左個三餸麵再加多兩款餸、另外叫左幾款小食、凍咖啡少冰和叫左支樽庒奶茶試吓味，睇吓得唔得車仔麵：我加左腩汁和沙爹醬，另到個湯底更美味，讚岐烏冬索左個湯底一齊食幾惹味，牛筋丸爽囗彈牙，炸魚皮鬆化爽脆，溏心蛋嫩滑creamy，牛腩好腍唔痴牙，魚腐吸收左湯嘅精華，美味無比日式吉列蠔：熱辣辣，外脆內嫩，加左泰式酸辣醬好惹味炸唐揚雞塊：外面脆咯咯，內裏雞肉嫩滑，啖啖肉炸墨魚卷：新鮮即炸，彈牙脆囗甜酸齋：酸酸甜甜，開胃提神另外，放在檯面任食嘅菜脯，好好食，好爽少少辣，好正凍咖啡少冰：香濃嘅咖啡味樽庒奶茶：入囗奶香茶味濃價錢唔太貴，而且幾好味…Read More

平日午餐食車仔麵，今晚選擇晚餐去食車仔麵，人來人往既旺角，晚上有間環境大，又多位，職員仲好nice既 “阿四車仔麵”店。一人一碗車仔麵，三餸一麵 $38 (加餸每款 $9)爽口米線加人滷水蛋 、刺激味蕾既辣魷魚、爽脆辣豬皮、爽口豬大腸，配上沙嗲醬跟餐 + $8 凍阿華田(少冰) 美味油麵加人爽口豬紅、大大粒龍蝦丸、香脆炸魚皮，配上沙嗲醬及辣醬(正常)跟餐 + $8 凍鴛鴦食得車仔麵就當然要叫埋招牌小食 甜酸齋 $20 - 甜酸庹適中淨油菜(腐乳) $20 - 爽口油菜配上腐乳醬日式吉列蠔 $20 - 炸到金黃色既脆口蠔炸墨魚卷 $20 - 爽脆墨魚卷…Read More

好耐無食過車仔麵，今日係旺角揀左依間車仔麵，鋪面乾淨清新，坐位寛闊，唔洗坐到好逼。因為大家都肚餓既關係，我地嗌左好多野食😋😋🤣四餸米線餸：雞翼，雞腎，牛腩，滷水蛋瑞士雞翼有兩隻，食落好入味，雞腎煮得比較淋身，牛腩炆得岩岩好，滷水蛋入味得黎唔會硬身。碗麵份量岩岩好，食完又唔會口渴👍🏻👍🏻秘製香辣魷魚：魷魚爽口，但味道方面比較淡花膠碗仔素翅：酸酸地，大大份，材料多，餐前開胃小食🤣腐乳油菜：腐乳味夠濃，但腐乳份量可以再多啲😋😋日式吉列蠔：外脆內軟，金黃酥脆…Read More

今次因為太肚餓，所以叫左好多野食😝三餸車仔麵 $38餸：滷水蛋，冬菇，蘿白麵底：讚峻烏冬 +$3滷水蛋，冬菇都滷落好入味，冬菇口感偏紮實同幾滑！蘿白好甜多汁又無渣😋麵既份量岩岩好。佢地辣椒油唔算辣 但佢地既麻辣酒反而好辣🤣樽仔奶茶 +$16好飲的奶茶 茶底夠濃 唔會比奶味搶左！亦都好滑🥰👍🏻我地仲叫左幾款小食，秘製香辣魷魚，花膠碗仔素翅，腐乳油菜，日式吉列蠔。秘製香辣魷魚 $20沙嗲汁味道較淡，魷魚口感好爽口。如果沙嗲汁重口味應該幾正！花膠碗仔素翅 $20食材都幾多☺️ 唔會有太杰👍🏻 冬菇好滑腐乳油菜 $20食完車仔麵， 食個油菜解解膩🙈日式吉列蠔 $20口感非常脆口…Read More

今日黎到旺角鼓油街試食呢間阿四車仔麵，去到覺得佢嘅門面同餐廳內部裝修都非常之有格調，比人感覺坐得好舒服而且一啲都唔污糟，仲有酒精搓手液提供，值得一讚呀！入到去老闆仲問我地想坐邊度，臨走仲同我地講bye-bye，好Nice呀！坐低睇menu，呢到嘅車仔麵有超過30樣餸可以揀，仲有十幾種麵同醬汁任你配搭，另外仲有十款招牌小食同有大碗飯揀，正呀！睇左一輪Menu，我最後就揀左個四餸油麵同兩款小食，小食全部都係$20，好抵，而三餸麵就係$38，加一餸加$9 。跟餐飲品仲有減$8嘅優惠添！唔洗幾分鐘就上齊啲野食啦，碗碗都好大碗好足料呀！我揀左沙爹醬，佢係用匙上比我地自己撈勻嘅。係餸菜方面，我覺得呢四樣餸都非常之高水準架，豬大腸係用滷水汁煮嘅，煮得超入味，好香濃架，仲粒粒都勁大粒，非常推薦！牛腩每一舊都好大舊，燜得啱啱好，好軟淋同夠入味！冬菇嘅菇肉好厚實又大大舊，一樣係好入味！最後就係溏心蛋，同係比一隻蛋而唔係半隻，最愛溏心蛋嘅我真係好驚喜！另外兩樣小食，我就叫左日式吉列蠔同炸唐揚雞塊，兩個都係皮薄餡多，一啲都唔hea架，仲加左泰式酸辣醬添。…Read More

6點幾係旺角行街行到肚餓，Brownbrown想搵間快靚正既餐廳食個晚餐，於是就黎左就近既阿四車仔面～<慢煮豉油雞脾飯 $38 + 凍檸茶 $10>豉油雞脾+肉燥係一個無得輸的組合！ 雞脾滷得十分入味，啖啖肉，再加埋肉燥飯，食緊果陣好似去左台灣的感覺！如果只係食個飯，$38真係又平又正呀喂～<日式吉列蠔 $20>吉列蠔比想像中多同大嚿黎個陣熱騰騰的，咬落去陣陣蠔味，相當好食，必試之選！ 其實餐廳仲有多樣化的車仔麵可以選，下次再黎試下先！…Read More

好耐冇出過街今日去旺角行街噤啱見到呢間店鋪好似新開而且啱啱好又係中午食飯時候，見有d餓又好似好耐冇食過車仔麵，一於入去坐低歎返餐順便休息吓食飽再行過，店鋪環境和裝修幾好幾舒服餐牌除左車仔麵外，還有飯和小食選擇，我選左個招牌麵、兩款小食和叫左支樽庒奶茶試吓味招牌麵：有9款餸夠晒飽豬皮好入味，蘿白好淋甜，豬紅好滑，辣魷魚辣度十足但有少少硬，雞翼尖和瑞士雞翼醃得好好味，辣魚蛋辣辣哋好彈牙，豬大腸好軟身啖啖肉，滷水蛋超入味軟滑可囗，麵質都幾好，索埋個湯底一齊食幾惹味日式吉列蠔：熱辣辣，外脆內嫩，加左泰式酸辣醬好惹味花膠碗仔素翅：花膠幾好味，木耳絲好爽增加囗感，個獻嘅稀杰度剛剛好另外，放在檯面任食嘅菜脯，好好食，好爽少少辣，好正樽庒奶茶：入囗奶香茶味濃呢間都幾好味，下次經過可以再試過…Read More