餐廳隱藏喺天后離地鐵站行得頗遠嘅一個角落，裝修文青得來又帶工業風，入到去有鬧市中一個悠閒角落嘅感覺。餐牌有好多有新意嘅中日fusion 菜式，啱晒我呢啲最鍾意試新鮮口味嘅人。👌🏼醬油牛油新鮮蜆 以日式醬油為基礎，加一啲酒味，亦都食到淡淡嘅牛油味。湯底幾好味，就咁飲都唔覺得太鹹。蜆肉本身冇沙，但就唔係非常甜。符合預期嘅味道。🤔花雕螺片雞軟骨 花雕酒本身味道唔錯，甜味同酒味都平衡得好好。雞軟骨都食到花雕酒嘅味道。至於螺片就食到本身嘅甜味多過酒味，唔多入味。如果一心想食酒味嘅就唔係好滿足。🥵 花椒拉麵 湯底：日式醬油湯底加好麻好麻嘅椒麻味。第一啖飲落幾好味，但係越食越麻，去到後邊成條脷痹晒。個人覺得太麻了，後面冇晒味覺了。麵條：質地爽彈，偏硬身，幾入味。豚肉：份量OK，口感偏爽硬實。🤔日式卡邦尼意太麵意大麵嘅質感係粗身手工麵嘅質感，口感好爽彈，有嚼勁，唔錯。調味汁唔會係太甜嘅燒汁，加埋忌廉平衡得幾好，不過味道就同傳統卡邦尼冇咩關係。材料方面有啲叉燒粒粒帶少少哋煙熏味。另外有d 太鹹嘅西班牙香腸。👌🏼牛油芝士拉麵湯底：鋪左少量嘅芝士粉同埋一片嘅牛油，未撈埋前飲啖豚骨湯底，味道有啲似出前一丁豚骨湯麵嘅味道，再加啲筍味。撈埋牛油之後就多咗一種醇厚嘅質感，帶好輕微嘅牛油香味。芝士粉份量比較少，所以唔太覺得有芝士味。麵條：硬身爽口，比較麥嘅質感材料：有一片瘦叉燒，口感比較硬實。另外一片隻燒五花腩，有焦香。炸雞比想像中好味。外皮唔會炸得好乾好硬實，係稍微脆脆嘅口感。肉質都幾嫩滑。仲有一隻糖心蛋都幾入味。:)另外午餐會送一杯水果茶。賣相幾靚幾清新。總結來講，環境幾文青，大部份味道都okay但又未至於好驚喜。…Read More
