YumMee (K11 MUSEA) (Moved)

K11 Musea嘅餐廳普遍價位都唔低，今日想平平哋食個午餐，所以去左喫麵，餐廳提供咗好多東南亞地方嘅麵食，例如係拉麵、喇沙、船麵等都有。自助形式落單，喺門口部機落單之後，再自己去餐廳搵位。尊享套餐 (包一杯飲品) $118吉隆坡傳統蝦麵試咗啖湯，勁濃郁嘅蝦殼味，好驚喜，忍唔住飲多兩啖。配菜有: 豚肉、蝦仁、芽菜、流心蛋同韮菜。值得一提嘅係佢嘅流心蛋，真係好”流”，十分好味😋 蝦仁比較細粒，豚肉都幾有豬味，唔錯。麵條係粗身油麵，煮到剛好，唔會過腍餐飲係一包英國早餐茶嘅茶包，要另外去水吧拎新加坡海鮮喇沙 $108媽咪食呢個餐，我試飲左啖湯底，都係十分濃郁，唔辣。配料都幾多有: 蝦仁🦐、魷魚🦑、白魚旦、魚片、豆卜同流心蛋。豆卜索哂湯汁，白魚旦爽口都幾彈牙，魷魚就切成絲，幾好𡁻！流心蛋同樣好”流”而麵條係油麵，有口感。餐廳另一分位: 有提供圍裙，唔怕彈到湯汁上身，岩哂今日著白色衫嘅我…Read More

餐廳似侯機室設計，牆上屏幕播著外國風景，坐得幾舒服，餐牌上每款食物都有個國家/城市名，但主要都是東南亞美食。新加坡海鮮喇沙 $108 喇沙味香濃，有吸味豆卜，爽口大蝦，彈牙魚蛋，流心蛋同魚片，配料幾多。布吉大蝦冬蔭功粉 $118 呢個唔係咁抵，雖然個冬蔭功味幾好，但真係得兩隻大蝦，無乜料，而大蝦肉霉霉地，失敗。麥麥熊珍珠奶茶 $42香芒莓莓熊 $42 賣相係靚既，飲落就係正常野，不過杯野飲有半杯冰，飲晒隻熊都未溶，其實唔係好飲到兩隻味混合（定其實無預人整溶隻熊去飲？）原價黎講就偏貴，$150食個麵加杯野飲我覺得性價比太唔高，但網上平台宜家做緊推廣優惠，$89包$100以內主食，過左就補差價；另外加送一杯熊飮，不過每日供應款式唔係好多，但每款都打咭able。…Read More

今日同朋友黎到K11 Musea，影下相打下卡之外，當然要搵下有咩好野食🥰見到呢間以東南亞美食為主題嘅餐廳，有好多唔同嘅菜式，於是就試下啦😋新加坡海鮮喇沙 $108喇沙湯底濃厚，配料新鮮豐富，魚蛋彈牙，麵條滑溜，加埋豆卜，吸曬湯底嘅精華，正👍🏻 芒果鴨絲牛油果紙米卷 $42紙米卷皮薄，餡料豐富，芒果嘅甜，解左鴨絲嘅油膩，感覺清新😋粤式籠仔金蝦餃 $26食蝦餃最重要係d咩？就係要有新鮮嘅蝦！🍤蝦仁大大粒，賣相都好吸引，想過下口癮，又怕食唔到咁多野嘅，細細份啱曬！鮮芒果糯米滋 $32長洲糯米滋就出曬名啦，不過唔係下下都入到長洲食嫁麻，黎呢度都有得過下口癮，雖然糯米皮厚在少少，不過勝在芒果夠甜，咬落去超juicy！白熊牛油果$46賣相💯！面頭呢隻熊仔冰超Kawaii，原來係用椰汁造成，等佢慢慢溶落去朱油果汁裡面，健康得黎，又有馬來西亞風味，飲完都唔會覺得濟😋落單全自助式，Menu嘅選擇都好多，最好嘅係全部有曬相，對於文字唔敏感嘅人，就可以更加快速揀到想食嘅野啦！ …Read More

今日同朋友行K11 Musea, 見到有間新特色食肆開，在門口已見到一幅亞洲多國特色麵式，淨看相片也感覺好吸引。 近門口處更有兩部自助柯打機，方便即時自行柯打。也可以先安坐後，用電話掃描枱上QR code 舒舒服服坐著柯打。餐廳設計簡潔，一道大玻璃窗，清晰見到廚房運作。新加坡海鮮喇沙，湯底濃郁更配上青口丶蝦丶魚蛋丶流心蛋及配菜，麵條吸收了濃湯，令人吃到停不了口。曼谷牛腩船麵牛腩炆至肉質鬆軟，加上肉丸及炸豬皮，好豐富船麵。泰式冬蔭配炸木瓜絲，木瓜絲炸至幼幼脆脆，好特別。老上海鍋貼，每粒皮薄餡多汁，肉汁鮮甜。好可愛白熊牛油果及白熊芒果，見到熊啤啤咁可愛，真係唔捨得把它飲掉。…Read More