亞參雞飯越開越多分店，今次第一次黎食，就咁睇店名都已經知道鋪頭主打雞飯，聲稱要打造一道99分既去骨海南雞飯，所以黎到點都要叫個海南雞飯試下係咪真係咁好食🤓坊間好多地方都有得食海南雞飯，有平有貴，呢度賣到90蚊一份，究竟值唔值呢個價呢？另外呢度除左海南雞飯之外，仲有啲麵食、咖喱同炒河食。黎到食最特別既係，呢度點餐同送餐都係好自動化，用QR code落單，之後會有機器人送餐黎到你既位到😯 1️⃣亞參去骨海南雞飯（$90） 雞係用三黃雞，雞味濃而且肉質軟嫩唔鞋，搭配三種秘制醬汁，包括酸辣汁、薑蓉同埋甜䜴油，食到唔同風味。個飯都同平時食開既唔同，唔係一般油飯，而係混入斑蘭葉、香茅用雞湯煮成既，食落有雞香味🤤另外仲有冬瓜清雞湯，飲落唔係味精味，味道清清地仲有啲冬瓜粒👍 2⃣️新加坡喇沙米線（$83）湯底好濃！配料都好豐富，有魚片、蝦、雞蛋、豆卜、芽菜、通菜，米線煮得幾彈牙😋 3⃣️檳城蝦麵（$85） 蝦麵既湯底用蝦油、蝦頭、蝦殼等熬製，味道濃而鮮🦐配料一樣好多，有蝦、蛋、腩片、芽菜。呢碗麵既麵底係滲滲，即係油麵溝米粉，同蝦湯一齊食好正😌 4⃣️追加三款小食（$55） 👉斑蘭咖央多士55蚊食到三款小食都幾抵食😯咖央多士烘過，本身都有少少甜甜地，中間既牛油好邪惡😈咬落去係口中融化🥰配埋咖央醬食唔錯。 👉鳳尾蝦春卷蝦春卷好脆，點埋甜酸醬幾好食。 👉香烤豬肉串 豬肉串食落有少少油，不過味道唔錯，仲有配埋參巴醬。 5⃣️馬來拉茶（+$10) 拉茶好正宗，滑，茶香同奶香恰到好處～ 6⃣️柑桔特飲（+$10） 酸酸may may好開胃，仲有粒話梅係入面😚 …Read More
最近出現嘅呢條人龍特別長,反正得閒，好奇心驅使我排下睇吓咩料🤪排咗廿分鐘,有人share梗係要叫多幾樣嘢開心share
先叫海南雞飯開,雞有質感,味道同賣相好ok,重點要提提個雞湯, 好濃好有雞味,鮮甜,濃得嚟唔油膩,好重膠原feel
本人最愛豬手,叫咗先算🤪亞參豬手同我想像有少少唔同,睇menu以為係硬硬哋嘅質地,嚟到食埋落口好有驚喜
好冧身好入味,口感有層次，唔知佢用咗咩材料去炆,味夠濃但唔覺油膩,相比起平時食嘅南乳炆輕盈,食好幾舊停唔到口
突然傳來一陣好濃蝦湯味,比附近食客嘅蝦麵吸引到
試埋檳城蝦麵,淨係個香味已經唔需要懷疑！飲一啖湯再食個麵,兩種麵混埋一齊唔同口感,個湯係靈魂
餸都唔少，我飲咗好多啖湯
