Golden Crocus Inn

迪士尼張年卡完左喇🥹最後一次喺迪士尼嘅晚餐，居然食咗咁好食，咁出色，性價比咁高嘅野😍真係有驚喜嘅🥹秘製羊膝🐏好嫩滑😍好林😋味道加埋口感好驚喜😆配埋個啤酒汁好夾，一啲羊騷味都無，唔睇餐牌就咁食，未必食得出係羊😂份量好足，一個人食唔哂，嚿羊膝頭咁大😂阿德爾忌廉蘑菇汁肉丸🐖🐂肉丸偏林，咬落去有肉汁，味道調校得幾好，個汁撈埋墊底薯蓉好好味😋如果再有機會去迪士尼，我一定要去Elsa餐廳食依個羊膝🥹推薦🙌🙌🙌❤️喺香港迪士尼食過最好食嘅嘢，個人覺得😂😂😂…Read More

-撞正金卡會員生日優惠，園內餐廳買一送一☺️，揀咗關注組最多人推介嘅Frozen餐廳，套餐揀咗羊膝，羊肉非常之軟腍，好容易就可以將肉骨分離，少少羊臊味，啤酒汁味道唔明顯，薯蓉非常幼滑同醬汁好夾烤雜菜有蘆筍、薯粒，薯仔用鹽調過味，而蘆筍都同個啤酒汁好夾，雜菜我覺得佢可以俾得再多啲，支裝汽水揀咗無糖可樂，炸糖環就係一包雪花形嘅脆米，脆米普通啦-▶︎掌櫃秘製羊膝 | $238粟米薯蓉 | 烤雜菜 | 啤酒汁套餐包括汽水及炸糖環--🏠【阿德爾港畔餐廳 Golden Crocus Inn】📍大嶼山香港迪士尼樂園魔雪奇緣世界…Read More

Frozenland開咗一年啦趁年卡過期前入嚟最後一次❄️生日月份起指定餐廳仲有買一送一優惠▶️ 皇室雞肉卷 ($218)薯蓉| 煙肉 | 芝士 | 烤雜菜| 燒烤汁唔係夾有芝士嘅雞肉卷，比較似雞扒不過肉質好粉嫩🐥包咗幾塊煙肉🥓醬汁係蕃茄醬薯蓉幼滑，薯仔有用鹽調過味，算好味🥔烤雜菜就係四季豆、烤車厘茄等▶️ 掌櫃秘製羊膝 ($248)薯蓉 |烤雜菜 |啤酒汁相當大件，羊肉軟腍，帶少少羊騷味不過都算幾唔錯，醬汁真係食得出酒味▶️ 阿德爾忌廉蘑菇汁肉丸 ($55)有啲似IKEA肉丸，同樣配有果醬底部係薯蓉-大家記得攞咗位先好去點餐全自助形式，攞完餐先俾錢埋單$300，有生日優惠先抵食～…Read More

今日嚟咗迪士尼新園區餐廳—阿德爾港畔餐廳試吓。呢間係Frozen 主題餐廳，係食北歐風味菜式嘅。除咗兒童餐外，有四款成人主食套餐、兩款小食。取餐處有各式各樣食品，落咗單職員就會夾俾你。我今次就試咗掌櫃秘製羊膝。餐廳入面好多枱都食緊佢😆羊膝用鐵煎pan造型上，終於唔係膠碗碟☺️，賣相唔錯。取餐嘅時候亦都有個方形蓋蓋住。羊膝味道唔錯，肉質唔會韌。配嘅啤酒汁味道都好好，有北歐風味🍺薯蓉味道都好好，口感唔錯，配埋個啤酒汁食，我飽咗都覺得好好味😋但係伴碟嘅烤雜菜🥕🍅🫛則一般，過乾身也沒什麼味道。佢嘅份量相當多，我食嘅時候都算幾肚餓，但係未食完個羊膝已經好飽。呢個餐正價係$238，我有金卡所以折後只要$195。樂園入面有呢個質素真係超值👍🏻飲品方面跟餐係一支指定支裝飲品，我去嗰陣時有下面呢三款選擇—水、雪碧同埋藍色嘅茉莉桃味汽水🍑。我就試咗藍色茉莉桃味🍑。我之前未飲過呢款汽水，味道都ok，藍色幾襯阿德爾小鎮⛲️餐廳係Frozen 阿德爾主題，有分室外同室內用餐區。我今次坐室內，內部裝飾都好細緻，呈現到阿德爾風格室外用餐區則可以睇到frozen園區風景餐廳都算好受歡迎，到午飯時間就有人流管制唔俾咁多人入餐廳。建議想去嘅，唔想浪費時間要避開高峰時間。…Read More