Power Pot (Block 1, Ho Shun King Building)

朋友提議嚟呢度食雞煲，平日夜晚7點去到已經坐滿人，好彩有訂到位！QR Code落單，無漏單，亦都好快上菜；員工好nice又勤快，有求必應見到做緊優惠喎，比大家參考下店員介紹佢哋嘅辣椒油係自家秘製，特別辣先點個「招牌魔鬼雞煲」，店員介紹配方係同出面一般嘅雞煲唔同嘅，無用一般常見嘅花椒八角，而係用世界上最辣十大辣椒之一”印度魔鬼椒”🌶️🌶️🌶️🌶️🌶️再配自家秘製醬汁炒製，辣中帶甜，辣度由手抱BB辣到變態辣任君選擇，鍾意食辣嘅人可以挑戰變態辣🥵🥵我同朋友唔太食得辣，揀咗手抱B辣，比BB辣輕微一級，啱啱好呀店員會親自出馬計準時間炒雞件，炒到外面微焦，再焗一陣食得，醬汁入晒味🤤雞種係走地麻雞，肉質夠滑夠彈牙，味道比想像中岀色😋牛魔王拼盤，個人覺得係必嗌講過N次打邊爐一定要食牛，一個拼盤可以試哂咁多款牛係最好，唔使用腦唔使煩腦🤭拼盤有齊牛小排、牛吊龍、牛胸油、牛臉頰、封門柳、鮮滑牛、牛舌、牛筋丸，賣相一流 ，睇落色澤好新鮮，每款份量都唔少，每款都好有牛味，有少少雪花邊唔會太瘦，切嘅厚度適中，有咬口一直好like牛胸油，淥完好爽口仲有啲肉脂感，曾經有人教過食時一片牛胸油配一片肉一齊食會更加好味，不妨試吓😋😋即炸響鈴，非常鬆脆食完咁多肉就叫份油麥菜啦…Read More

上次喺元朗雞地已經發現咗呢條好秘密嘅小巷子，今次繼續喺小巷子入面發掘美食，見到呢間「再來一煲」除咗有得食雞煲之外，仲有啲有鑊氣嘅小食可以食到，一於就食下呢間咁神秘嘅雞煲專門店啦～✨醬芥除咗一般嘅調味料之外，最特別嘅就係有自家製XO醬辣椒油～招牌魔鬼雞煲(半隻)💰HK$198雞煲叫咗BB辣，對於食唔到太辣嘅人，呢個辣度就啱啱好！雞肉肥美嫩滑，而且仲好入味添～蜜椒薯仔牛柳粒💰HK$78牛柳粒牛味香濃，薯仔每一粒都煎到外層香脆，內裏口感綿密，配搭埋爽脆嘅青紅椒，整體味道香甜可口，令人好開胃～椒鹽粟米💰HK$58表面佈滿椒鹽，粟米亦保持住甜嫩嘅口感，仲有一股淡淡嘅牛油香氣，令人食到停唔到口～烏卒卒墨魚滑💰HK$98口感彈牙，仲有粒粒墨魚肉做點綴～爆汁牛筋丸(半份)💰HK$48口感Q彈，一咬落去真係食到一粒粒嘅牛筋，而且仲有爆汁嘅效果～新鮮滑牛💰HK$88將中間隻雞蛋同啲牛肉撈勻咗之後，令牛肉嘅肉質更加嫩滑～珍寶凍檸茶💰HK$38超大杯！清新解渴，食雞煲果陣飲就啱晒啦～不得不提，店員服務超好，會主動幫手煮熱個雞煲，又會幫手整走火鍋側邊啲油，真係一間服務到位嘅小店～…Read More

最近同朋友去咗元朗嘅再來一煲食雞煲😆 環境乾淨企理 招牌雞煲非常惹味 而且店員好細心 係咁幫我哋炒雞煲 又好主動幫我哋隔湯油 連添湯嗰陣都有塊透明膠版隔住😳 另外佢喺屯門都有分店～～✻招牌魔鬼雞煲(半份）HKD198＊加鮑魚 HKD16我哋兩個人叫半份 份量啱啱好 有好多唔同嘅辣度選擇 bb 辣微微辣超級惹味！果然係招牌～好好食🤤 使用走地麻雞 雞件嫩滑🐔 我哋另外加咗兩隻鮑魚仔 口感彈牙！❣️✻蜜椒薯仔牛柳粒 HKD78同樣好好食嘅薯仔牛柳粒！呢個價錢性價比好高😋 薯仔粒甜甜地咁好正 牛柳粒口感好腍～～🐮✻珍寶檸檬茶 HKD38果然係珍寶 真係超大杯！！甜度適中 茶味都幾濃 非常解渴🍋✻即炸黄金響鈴 HKD42打邊爐食響鈴一流😛 同樣份量都幾多即叫即炸好香脆！✨✻瀑布芝心牛丸（半份）HKD48好好食！一咬開真係好流心好多芝士湧晒出嚟🧀🧀🧀🧀🧀✻蘿蔔 HKD28 份量好多！煮到淋晒之後好入味好正～✻ 安格斯牛小排 (例）HKD168牛小排肥瘦適中 雪花花紋好平均～賣相吸引 而且好重牛味🥰…Read More

喺‘‘食在元朗’’有不少人大讚呢間‘’再來一煲‘’今日終於記得嚟試吓😂😂😂七點幾嚟到等咗廿分鐘左右（我哋冇book位 ）第一次嚟試緊係試佢招牌啦🤭🔸招牌魔鬼雞煲👍🏻👍🏻👍🏻同平時食嘅雞煲好唔同佢哋冇用花椒八角而係用咗雞醬、印度魔鬼椒同檸檬葉（店員介紹）甜甜哋好好味，啲雞仲好滑😋🔸即炸黃金響鈴👍🏻👍🏻食完唔會覺得（漏）😛🔸椒鹽粟米👍🏻好食 爽口😋🔸紙豆腐😲真係紙咁薄🤣但冇想像中咁滑店員有善提醒我哋下次可以book枱介紹外賣…Read More

再來一煲📍元朗鳳攸南街3號好順景大廈1座地下47號舖媽媽突然話想食辣嘢，我諗起之前我frd推介過yoho附近一間雞煲，於是決定就去食下啦～🌄位置&環境位置近元朗地鐵站啦，係鳳琴街體育館對面嘅一條巷仔，雖然比較難搵，但係好彩酒香不怕巷子深，我哋七點入座，去到八點左右開始爆滿！環境都幾乾淨嘅，位置都坐得舒服～👍🍱食物🍾醬料落座嘅時候，佢會畀一碟六格嘅醬料同一樽豉油畀我哋調醬汁，辣椒粒、炸蒜、芫茜、葱粒、蒜蓉，但係我最鍾意係右下角自家製XO醬好香！😋🥘招牌魔鬼雞煲 $198一開始打算嗌小辣，但係老闆提醒我哋，佢哋嘅雞煲比一般雞煲嘅辣度辣啲，我哋細膽，加上媽媽唔係好食得辣，所以就嗌咗BB辣呢度嘅雞煲係落咗墨西哥辣椒，比起出面嘅指天椒更加辣，又加咗檸檬葉😮的確會香啲，比起其他雞煲就咁花椒八角更加有層次有啲甜甜地嘅味道，好難形容，煮到好濃之後都唔會有普通雞煲越食越鹹，而係有種甜味，我諗正正就係檸檬葉嘅功用😜同埋雞煲入面都有啲配料：木耳、荷蘭豆等🥰但係我覺得最出色係豆卜，好吸汁，吸咗咁多汁都唔會死鹹，而係甜甜地，少少微辣，所以呢個煲好適合煮啲吸湯嘅食材👍值得一提嘅係上臺嘅時候是雞件兩三成熟，會攪一兩次先食得，咁做法令啲雞件好嫩滑，啱啱好，好正！同埋老闆都會過嚟兩三次幫我哋攪，都好好服務👍推薦度：😋😋😋😋😋🥘打邊爐食完之後老闆就幫我哋落湯啦，倒湯嘅時候有遮住，會幫我哋隔油，好貼心！🫓即炸黃金響鈴 $42即炸起，仲幾熱下，老闆話有幾種食法嘅1️⃣可即食，直接點泰式辣醬，呢個食法幾特別，響鈴極脆，啲碎碎跌到成枱都係，好出色2️⃣又可以點雞煲啲汁，我最推薦呢個食法，噉樣又保留到香脆口感，又食到雞煲惹味嘅甜辣醬汁；3️⃣仲可以煮火鍋，呢個係最正路嘅食法啦，索曬啲湯，一樣好正💕推薦度：😋😋😋😋😋🐮手切本地牛 $198呢度嘅牛肉顏色好紅，好新鮮，牛唔係好多脂肪嗰種，但係好軟熟，好有牛味，而且冇筋，就算偏瘦都唔會覺得柴，而且份量幾多下，抵食！餐單上仲有幾種牛，大家都可以嚟試下，相信會一樣出色嘅🥰推薦度：😋😋😋😋😋🦐蝦滑 $98份量一樣好多，滿瀉晒出嚟，應該真係手打，刮落去嘅時候feel到起曬膠咁，食落都真係好彈牙好鮮甜💕推薦度：😋😋😋😋🍡精選雜丸拼盤 $68有墨魚丸、蟹籽丸、牛筋丸等，特別推薦牛筋丸，一咬係有汁流落嚟，好正！其他丸雖然都係一般打邊爐常見，但係質素都依然好好，心思思想食多幾種類型嘅丸可以試下！推薦度：😋😋😋🍢瀑布芝心丸 $48呢個大推！薄薄地好紮實嘅牛丸入面有勁多好香濃嘅芝士，好邪惡但係好正！但係小心唔好同牛丸撈亂，一個唔覺意大大力咬落去就會辣親😆😆😆推薦度：😋😋😋😋😋🍬紙豆腐 $32呢個幾特別，類似豆皮，但係又軟熟過豆皮，卷成一卷卷咁😆老闆特別提我哋話幾秒就得，索下汁就食得，呢個同雞煲絕配，雞煲汁嘅甜味同豆類嘅甜味夾埋一齊，唔知點解好甜好好食！推薦度：😋😋😋😋😋🍜手打烏冬 $28雞煲嘅最後嚟翻個烏冬係基本啦，呢個時候啲湯煮到剩返一半，咁我哋覺得就嚟走就冇叫佢加湯啦，但係竟然一啲都唔會鹹，反而係一開始嗰浸檸檬葉嘅甜味出翻嚟，好特別，啲汁喼喼地撈烏冬勁好食💕💕💕推薦度：😋😋😋😋😋…Read More