燒賣皇后(旺角店) (Closed)

招牌香菇豬肉燒賣　$12　(9/10)比起平時掃街成日食到既魚肉燒賣，我鍾意呢個豬肉燒賣多好多！！我第一次食呢種燒賣，佢有Ｄ似酒樓個種，但就冇蝦係入面其實佢有啲似蒸肉餅換個型態出現半肥瘦豬肉溝埋香口既冬菇粒再加啲好香既辣椒油，真係好好味！！佢啲辣椒油香得黎唔算好辣我個日叫左小辣，覺得唔夠辣鍾意食辣既朋友可能要多少少辣油會好啲！！雖然$12得五粒，但每粒都好飽滿結實食完真係好滿足！！佢成為我食完會想再食既街頭小食！！…Read More

約咗朋友喺樓上食雞煲，但係佢哋未到🙈我又覺得有少少肚餓所以喺樓下買串燒賣填下肚🤓🤓🤓平時經過元朗都會買返串嚟食而家佢開咗越嚟越多分店所以成日都食到佢嘅招牌香菇燒賣🤤而且有時自己都會間唔中買佢嘅急凍嘢食返屋企$12/5 粒$20/8 粒佢嘅燒賣都算大粒。咬落去係啖啖肉，唔似有溝粉團。除咗豬肉粒之外都咬得到佢嘅冬菇粒，絕對係真材實料。豉油係用咗甜豉油，配埋燒賣係夠味唔會過咸。咁嘅價錢應該份量來講我覺得算幾抵食✔️…Read More

原來旺角都開咗燒賣皇后😍😍雖然已經有好多人排隊，但經過見到都忍唔住要試吓😋 好彩唔洗等好耐姐😝🐷 招牌香菇豬肉燒賣 ($12/5粒)熱辣辣出哂煙，咬落去啖啖都有香菇，豬肉又唔會話好肥，加埋甜豉油真係好好味好正🤤🤤🐤 瑞士雞髀($25)瑞士汁好好味好香，肉質都嫩滑，Size都正常👍🏼 但係雞髀好似唔係好夠熱，可能天氣太凍，我又問左兩次有未🙈🙈食飽飽就可以行過兩步飲埋杯茶星人，就好滿足啦🥰🥰…Read More