Vermicelli and fish soup specialist

👁‍🗨 招牌雜錦魚湯米線💲51呢間餐廳有好多好評，鍾意米線既我又即管黎試下🙈晏晝時段人多到痴線，不過好彩買外賣居多，所以我呢啲堂食既好快就入座😎第一次黎食都係叫個招牌雜錦咩都有齊，特別多人介紹既係魚腐，佢整到好似炸鯪魚球咁，但係食落都唔油膩😃魚滑大舊得黎無骨同無咩腥味🤔仲有魚片頭，但佢整到比較似淋身既豆卜咁，而腩肉肥左些少，都係兩隻豉油雞翼最入味🐥魚湯真係好清，不過飲落無味到無咩食慾，米線亦未去到彈牙嗰種但係未至於好淋身，無預期中咁好食🤢🔛 整體評分（6/10）…Read More

終於不是雲南二字或過橋小鍋米綫。ＬＵＣＫＹ，今日罕有同老公一齊食午餐，諗返起中學時期連一起手牽手午膳也是奢侈（因不同校）。到現在，雖然不同公司，但一起午膳，其實又唔係咁難～有時覺得，飲食口味，就如愛情：我們都不完美，所以我們不是去愛一個完美的人，而是去接受他和我一樣，是個不完美的人。------------------------------午市十分墟冚（放心，部份人係外賣），但食客快來快去，我等了５分鐘入座。好野總是有人爭的，好彩算等得快。入座1秒，餐牌未睇完，伙記已不斷追問「食乜呀！揀好未！」原來無意間加入了搶答環節，真是與時間兢賽！這裡主要賣魚腐米線，但我嘛，好奇心大，咩都想試，來一碗招牌雜錦魚湯米線，都有魚腐姐！招牌雜錦魚湯米線（＄５０）★★★★/5　魚湯味偏淡，有人喜歡，有人不喜歡，勝在味道清甜，自家熬制，無添加。配料好豐富！有魚腐、雞翼、腩肉、鯪魚肉、芽菜、生菜，每樣２件，配上魚湯底！好過數字哥米線啦！魚腐：與魚米之家或譚姓之三哥極不的style。整顆是以鯪魚肉製成，好似炸鯪魚魚蛋咁！不會粉感，值得一試！鯪魚肉：魚肉絕無魚腥，加上蔥花的香味，簡直是天作之合（不過這是既定的配搭吧）雞翼：滷水汁炆了好耐的feel，骨和肉一咬便輕輕分離。幾正！腩肉：層次豐富，脂香濃郁，油而不膩， 兩片份量剛剛好蔬菜：普普通通，無過熟，OK，不值一提。鎮江骨魚湯米線（＄３８）★★★★/5如你不好魚腐，呢個相信係你最佳選擇。鎮江醋酸酸甜甜，醒胃惹味；骨肉輕易分離，肉質軟腍！一Ｄ都唔會乾，鎮江汁滲透整舊肉！吃罷齒頰留香！滷水溏心蛋★★/5：表面有滷水味，蛋係半熟，但可惜未能達到日式溏心蛋那種，蛋黃軟糯綿密之感。如你當天好想食隻蛋，ＯＫ叫吧！才＄６！不然，可忽略它～——————————————————————————————其實都幾搞笑，原來生記仲有撈其他範，隔離就係，再隔隔隔離生記。總結：價位相宜，份量夠大！中上環上班族可以一試！…Read More

店名：生記鮮魚湯米線地址：上環禧利街10號地下好味指數：8/10價錢：$43招牌雜錦魚湯米線魚腐，魚滑，魚片頭，豬腩肉，滷水雞翼米線原價$45, 2：00後每碗有$2折扣。平時去吃的魚湯米線，不是太淡就是無味，但這裡的魚湯非常鮮甜，湯底內可見魚碎，濃郁美味，真材實料。米線和配料亦很多，米線質感嫩滑，配料以滷水雞翼最為入味，其他也不錯的。平日嗜辣的我也放棄添加辣椒油，品嘗原味鮮甜魚湯的美味。優惠提示：2：00後每碗有$2折扣。…Read More

米線屬低脂食物, 本身較容易吸湯汁, 故湯底方面最好較清, 魚湯是其中之一, 一般人到生記是食粥品, 米線出品又如何 ? 午市時人很多, 等了差不多20分鐘, 入坐後看看Menu, 因不知何種最好, 就order 招牌雜錦魚湯米線 (HK$43)。等了約3分鐘, 待者送上一大碗米線, 內有魚腐, 魚滑, 滷水雞翼, 豬腩肉及炸魚片頭, 加上生菜; 味道跟其他米線店差不多, 但餸食種類就比其他多, 魚湯都有鮮魚味, 餸食最好都是魚腐, 其他一般, 友人和筆者都認為未算最好, 而只叫魚腐米線比較好及平宜, 不用等位的話可以一試。…Read More

今晚和朋友玩遊電車河, 所以便去咗上環覓食, 因聽聞附近有一間做得好好味的魚湯米線店舖,於是乎我們就去試吓囉 這間食店就是生記鮮魚湯米線, 但原來此店直屬好出名的粥店 - 生記粥品專家。雖然這間店關門時間是晚上八時正, 我們去到已經是晚上七時四十五分, 但店員也好熱情地招呼我們入店內食嘢 !我們兩人也order 了招牌雜錦魚湯米線, 因可以樣樣都試到嘛雜錦包括有魚腐、鮮鯪魚滑、炸魚片頭、豬腩肉、鹵水雞翼。(1)先講吓魚腐, 我認為此店做得好味過魚米家, 魚腐好滑又好味(魚腐係用鯪魚肉打到起膠, 之後加生粉加蛋黃汁攪勻, 炸至金黃色, 外表有點像炸鯪魚球, 因為好似豆腐咁滑,所以叫魚腐。)(2)鮮鯪魚滑好鮮好爽滑, 真係唔錯(3)炸魚片頭就一般貨色, 沒有驚喜 !!!(4)金牌豬腩肉半肥半肉, 完全無雪藏味, 而且鹵得好入味, 肉質鬆軟(5)鹵水雞翼亦無雪藏味, 肉質鮮嫩, 好夠味至於湯湯底方面, 我完全唔覺有味精, 湯煮到奶白色, 好濃好清甜又夠魚味, 但一點都唔覺有魚腥味, 我差點想飲咗全碗湯添米線方面亦好彈牙咁大碗米線只是HKD34一碗, 真是好抵食呢…Read More