Bashi Ramen (Sun Lee Building)

#MC帶你去中環.香港開咗唔少拉麵店，但價錢一直都唔算便宜；最近依間拉麵店爆紅，拉麵定價竟然係港幣$49.9起‼️當然要試一下～➖✨ 一橋拉麵（新利大廈）.餐廳主打千円拉麵，以「拉麵平民化」平價拉麵作招徠；店內貫徹日式風格選和風裝修，木系設計配以日式紅燈籠，寛敞乾淨舒適。雖然拉麵店座位數不多，但有吧檯及二人小方枱。➖🥢 招牌豚骨叉燒拉麵｜$49.9+₁₀%.秘製豚骨濃湯湯底，味道非常濃郁，嗜辣者可以加辣；自家每日製作3mm麵條，麵條偏幼身但口感軟滑，吸湯力強，搭配2片叉燒、味筍、京蔥絲、木耳絲及海苔。➖🥢 海老濃湯叉燒拉麵｜$59.9+₁₀%.橙黃色湯底充滿香濃海老鮮味，海老濃湯以炒香大量新鮮海蝦，並加入豬骨及老雞熬製八小時以成；搭配3片叉燒、2片海苔、溏心蛋、味筍、京蔥絲及木耳絲，溏心狀雞蛋口感非常濕潤，香濃蛋香味。➖🥢 中華燒賣Combo｜$19.9+₁₀%.即叫即蒸！自家包製三款燒賣，燒賣外皮改為餃子皮，口感比較軟滑，幾有趣。海老豚肉燒賣，蝦肉餡料爽口彈牙；麻辣豚肉燒賣，味道微辣麻香，比較惹味；醬油糯米豚肉燒賣，口感煙煙韌韌，醬油味剛剛好！➖🥢 胡麻豆腐｜$19.9+₁₀%.一磚凍豆腐，口感嫩滑，搭配胡麻醬汁，加上鋪滿木魚花及蔥花，十分開胃。➖➖➖➖➖➖➖➖➖➖➖➖➖➖…Read More

星期三放工約左朋友係中環食飯, 今次試左一間新開既拉麵店。我哋叫左兩款拉麵，招牌豚骨叉燒拉麵， 湯底係濃厚既豚骨湯，叉燒用火炙過，肉質鮮嫩，麵條揀左幼麵，都幾掛汁。海老濃湯叉燒拉麵，湯底濃郁， 有好濃蝦味，飲得出無味精，入面仲有叉燒、味筍、木耳絲、流心蛋等配料，十分豐富。另外, 亦叫左兩款小食，胡麻櫻花蝦秋葵，秋葵鮮嫩爽脆，配搭香濃既胡麻醬，味道更佳。胡麻豆腐, 口感嫩滑， 上面鋪滿櫻花蝦和木魚, 十分開胃。兩款拉麵味道唔錯，如果去開中環， 可以黎試下。…Read More

今時今日$50可以食得啲乜嘢？呢排睇到近排中環開咗間新嘅拉麵店，幾乎係洗版式咁樣出現🤣原因都係不外乎一個字「平」！佢哋有拉麵或者係油麵，油麵係會平少少$39.9就會有交易，我對油麵就冇感覺，一心黎食拉麵！「招牌豚骨叉燒拉麵」 $49.9聽落好似幾扺咁，我自己都忽略咗要加一呢樣嘢，夾埋就係 $55大元！但係喺中環食拉麵$55都算係咁，畢竟呢個時代～雲吞麵都已經唔平🥲拉麵比較幼身，份量比較少，湯底並唔濃稠，但係調味都唔錯，唔會偏鹹或者偏淡👍叉燒係偏薄…🥲唔知係咪新開張，見到門口話喺「大众点评」打卡，就會得到佢哋嘅燒賣Combo，呢個燒賣都值$19.9😌 三種燒賣 ：肉燥飯燒賣（？）、麻辣餃子燒賣、香菇燒賣，個麵就真係唔算好飽，食埋呢三粒燒賣就剛剛好！不過唔知係咪新開張，呢三粒燒賣等咗45分鐘🙂‍↕️（佢哋有say sorry話蒸唔切），需要俾啲時間佢哋改進一下！所以「中環+$55+有贈品」我會比 ⭐️⭐️⭐️ 三粒星，中規中矩，冇乜大驚喜，又唔會太差🙂✦ 招牌豚骨叉燒拉麵 $49.9+10%服務費…Read More