Mr.Thai

終於一試呢間位於沙田河畔的新泰菜Mr Thai，餐廳環境寬敞舒適，以tiffany blue顏色做主題，心心眼即刻出哂黎打開餐牌頭兩頁就是廣東話泰文教學，非常抵死搞笑泰公主草莓沙冰🍓酸酸甜甜，草莓果香味重，完全唔會有藥水味既感覺，喜愛草莓既人可以try try椰青沙冰🥥椰汁味十足既沙冰，好fresh又好夠椰奶味，唔會死甜，仲有椰肉食馬拉盞通菜泰北生菜包啲菜好新鮮，抵讚。豬肉只係微辣同酸，可能係要適應本地人口味。我自己會鐘意多啲調味。金沙咸蛋軟殼蟹米紙卷餡料有微微咸蛋味，軟殼蟹炸到好脆口，夾埋啲菜一齊食，口感一流。但自己唔太好個伴汁。不過係擺盤真係好有心思，另類傳統於傳統泰式餐廳。招牌菠蘿炒飯配大頭蝦🍍🍤🍤渣睇個樣已經贏哂其他泰菜既菠蘿炒飯，兩隻大頭蝦手掌咁大隻，炸到金黃香脆，而且多蝦膏yummy yummy炒飯料有少許肉，提子干，菠蘿同大量肉鬆，唔會加埋d難食青豆蘿蔔粒。份量同meun中一樣咁大，推介必點！…查看更多

住沙田既朋友已經同我推介過少爺泰好多次，見今日入開沙田，終於有機會走去試下 離遠見到七彩繽紛既少爺泰，已經被佢既外表吸引，好想衝入去 我地好早，六點前已經到，所以唔使等位。餐牌嘅第一頁係泰文同廣東話嘅對照，趣味性十足 餐廳裡面嘅裝潢都好靚好有特色 泰式柚子沙律：好多柚子！最正嘅係雖然佢食落好有泰式香料嘅味道，不過佢唔會好似其他餐廳嘅柚子沙律咁食到啲泰式香料 Combo  小食拼盆 （小）：新鮮炸，唔會太油同漏，樣樣都好好味 招牌菠蘿炒飯配大頭蝦：一嚟到賣相已經攞滿分 大頭蝦超級大隻！燒菠蘿嘅食法亦都好新穎，有唔同味嘅粉可以配搭，食出不同口味！而個炒飯亦都足料，炒得好香！泰式椰汁雞湯：微辣加埋好似冬陰公味道既酸，好開胃 新鮮柚子沙冰  &  泰公主：清新，滿滿既柚子同埋士多啤梨味，飲得出係用新鮮水果製成嘅！總括嚟講，少爺泰環境舒適、食物好味，所以一定會再幫襯 …查看更多

呢晚同朋友過開沙田果邊整野，另外就係同朋友食生日飯，七月頭我同朋友大家都係七月頭生日，聽講沙田呢邊有新餐廳，所以我地順便整完野黎呢邊試下間新野。原來間新野係泰國野黎，叫少爺泰。餐廳環境:餐廳環境都幾好，新開既餐廳環境幾舒服，張枱又唔會話好逼，同朋友兩個人坐底之後都覺得環境唔錯！餐廳餐牌:新餐廳餐牌幾光鮮，圖片望落食物飲品都幾吸引，食物種類都算多，感覺到食物同飲品係有特色，幾特別，呢間既特色飲品係幾抵飲，價錢唔貴得黎好似幾吸引幾特別。另外餐牌仲有提到一啲泰文用語，其實都幾有心機幾特別！泰皇單骨雞翼 $58第一樣先黎既野食係泰皇無骨雞翼，單骨雞翼真係好方便，唔洗慢慢吐骨，一啖放入口真心正，再點埋個甜酸醬，其實真係唔錯，好惹味，脆口唔spicy，正正正！泰式慢燒牛肉沙律 $98呢個價錢叫份沙律其實真係唔平，不過我見到餐牌又真係好想試下佢個慢燒牛肉，牛肉係好味既，有沙烏地阿拉律果種fresh味拌住之餘，牛軟硬度岩岩好，唔會覺得好難咬開，不過食食下先發現呢個沙律原來有西芹，我個人係麻麻地，好彩我朋友係食西芹的，所以唔食西芹既人千奇唔好點呢個沙律。馬拉盏炒通菜 $78食泰國菜真係唔可以唔叫馬拉盏炒通菜，我覺得泰國菜入面既炒通菜係特別好味，絕對唔spicy，但口味口感都好爽。招牌菠蘿炒飯配大頭蝦 $168跟住黎既就係呢間餐廳既招牌菜，佢原個菠蘿上成件事係超誇張，佢份量有小小嚇親我，我覺得呢個炒飯係可以足夠4個人share食，份量驚人再加上插住一串勁多塊既菠蘿同埋兩隻大頭蝦。炒飯味道不過不失，都算好味既，菠蘿唔算好甜，大頭蝦就有蝦膏，唔錯唔錯。脆爆茫果乳酪麻糬 (脆爆芒果園) $62呢杯野係底層放左香芒布甸，再加滿茫果沙冰，上面就有爆谷同芒果麻糬，成件事係好芒果，味道還好，算係一杯比較特別但同時都比較甜既飲品。泰國巧克力巨人 $62呢杯朱古力幾好飲，佢竟然唔係話好甜，正常dark chocolate味，上味有Cream，kitkat，百力滋同Oreo，好豐富，呢個價錢呢個味道真係值得一試，性價比高！…查看更多