麥金.麥金馬來西亞特式茶啡室

Open Now

Now Closed

🌟皇帝骨🐷肉骨茶平時d肉骨茶通常好大藥材味，呢到既好有肉味又有d甜，唔會比藥材味搶哂😋肉骨茶湯可以refill, 呢間d@service好好，會主動問你洗唔洗加湯👍🏻👍🏻個忠仲有蠟燭熱住唔驚d湯變凍🌟芽茶雞飯🐔呢款係呢到既招牌😍食左第一啖黃薑飯就覺得好正，粒粒分明既飯仲有好出既黃薑飯，就禁食個飯都得‼️雞肉都挺嫩滑，不過雞皮有少少肥。仲配埋芽菜，芽菜好飽滿，同雞一齊食可以解油膩感🌟美祿恐龍🦖係一杯好rich既凍美祿，飲料面都灑滿美祿粉，如果可以再加多d配料就好🌟老鼠粉🐭粉既形狀真係好似老鼠🐭好易就滑走左🤣撈粉好濃既醬油味，同我估有落豬油🐷

最近有些事情需要出現於大角咀區；是日J先生建議在附近晚飯，他到處尋找小店，最後挑選了這間麥金 麥金看完餐牌後，枱面有紙筆自助下單，交予店員；隨即另一名店員添加兩碗肉骨茶，味道不錯。J先生嫌不夠胡椒味！肉骨茶主要分為星加坡及馬來西亞；前者用了大量胡椒烹調，湯底較為淺色而帶偏重胡椒味；而後者則用了大量的豉油烹煮，所以湯底顏色較濃而深，藥材香味也更濃郁更突出。牛肉剛好軟身帶辣，薯仔入味而腍，麵質彈牙肉骨茶配料：雞腳丶豬肚丶豬腳丶豆卜丶五花腩丶骨排丶油炸鬼。所有肉類肉質偏硬，不夠鬆化，煮得不夠時間吧湯底藥材味濃郁雞肉嫩滑，黃薑飯粒粒分明，芽菜帶腍，馬拉泡菜則沒有喔可以以優惠價$18惠顧飲品J先生話：清清的帶檸檬酸，不錯！突然店員送上一份多士；我們回答：沒有叫喔！而她竟答：是送的原來吃滿198送特色咖央多士一份香脆麵包夾着甜甜的咖央醬麥金 總結：值得一試！

對於奧海城的餐廳已吃膩了 便來到大角咀找吃的 距離奧海城不到10分鐘路程 都適合吃完再小散步到奧海城看電影這麥金麥金就是位置小區中的馬拉菜 裝潢也挺中式 地方乾淨《招牌芽菜雞飯》$63 不用加錢已是油飯 正 香香的油飯 最愛了 雞亦很滑 有點彈牙 還有滿滿的芽菜墊底 吃點芽葉也比較清新《美祿恐龍》$18 滿滿的美祿粉在面 常常很怕弄到周圍都是 但真的難避免 可是仍然喜愛這濃郁的味道 有別於阿華田《招牌老鼠粉》$43 小小的一碗 但滿滿的老鼠粉 足夠飽 有肉碎拌飯 亦有燒腩肉 不錯《咖央多士》$20 不得了 必食 外面香脆 內裹的咖央 甜甜的 味道十足 經過可來吃一份再走😆二人共吃了$144晚餐 性價比高 會再來

要試這間餐廳，首先俾3樣野吸引，第一：名字，麥金.麥金馬拉特式茶啡室，真係好得意。第二：裝修有濃濃的南洋大宅風格。第三：肉骨茶任飲。首先要贊的一定係個無限添飲肉骨茶，絕對唔求其，真材實料，香，滑，厚身。叫左招牌芽菜雞飯 $63，檳城香炸滷肉卷 $33，古來咖喱魚 $35，砂鍋老鼠粉 $68招牌芽菜雞飯 $63，其實同海南雞差不多，D雞整得好滑而且鮮雞味濃，個黃薑飯一定要試，好香，夠干身又夠軟，一流。檳城香炸滷肉卷 $33，很驚喜，裡面餡料豐富，個醬汁開胃，外香內軟，雙重口感。古來咖喱魚 $35，炸魚，火候控制得好好，唔會過濃。砂鍋老鼠粉 $68，D老鼠粉條條都好似老鼠尾，好得意，而且好彈牙。細滲 $68，肉骨茶，裡面有餸，我係肉骨茶精，唔使講，超級中意。馬來亞拉茶 $11，個茶好滑，D奶味同我地港式奶茶唔同，奶香得黎有一種好似係肉桂的味道。很喜歡這間餐廳，會介紹朋友來。

行完奧海城又唔想係商場度食野，所以決定行過大角咀搵野食，因為而家大角咀都開左好多有特式既餐廳，行過呢間裝修有d懷舊feel既餐廳，比佢吸引左望下係食既，原來係食馬來西亞料理，仲有肉骨茶，一於試下（由於太多相啦，餐牌另外upload左😃）裡面既裝修都好懷舊，牆上面都貼左好多菜式既相同名，好彩我地黎果陣唔使等位，食食下就開始有人等位啦，呢度既食品都係自己係餐牌揀左自己想食既野，將食品既編號同數量寫哂係餐廳提供既點餐紙上面然後交比店員就可以首先就叫左肉骨茶，呢度既肉骨茶都係免費添飲，上肉骨茶既時候店員都會解釋應該係點食，店員會比另外一隻碗仔倒肉骨茶比我地，首先就係飲左肉骨茶先，跟住就食入面既配料，每一枱都有黑豉油，頭抽，指天椒同蒜蓉，都係用黎點肉骨茶既配料以下係二人份量既雞腳肉骨茶，總共有6隻雞腳，呢度既肉骨茶藥材味唔算好濃，岩哂頂唔順好濃藥材味既朋友，雖然藥材味唔濃，但飲完口入面都有回甘既味道，雞腳好大隻，點左醬油真係幾好味，不過如果腍少少就更加好啦另外仲叫左豬手仔肉骨茶，$33，估唔到咁大碗，有成5-6舊豬腳仔，煮得都幾入味，又係再加少少醬油食，唔會好膩咖央多士又係食馬來西亞必點既，牛油

大角咀屬於傳統舊區，自從成為市區重建及收購的重點地區後，變化越來越大，所以偶爾經過都會在附近小店覓食。行過大角咀大全街，見到門面好有特色的麥金·麥金馬來西亞特式茶啡室，就一於入去食。店內環境陳設真的有如去了馬來西亞般，不同的是店內明亮舒服，而且地方乾淨企理。這裏餐點選擇好多，款款都好有南洋特色。二話不說叫了久違的桔仔話梅水，味道酸酸甜甜，凍凍冰冰，開胃醒胃。同我在沙巴、吉隆坡飲的十分相似，去旅行回憶番晒來了。當然唔小得肉骨茶，因為款款骨款款肉都想試，所以叫了細滲肉骨茶，即是樣樣齊。這裏好大方，唔夠肉骨茶湯仲可以無限添飲。肉骨茶湯是馬來西亞式，有小量葯材味，入口濃郁滋補。肉骨入口爽滑，還有爽嫩的豬肚，好有骨膠原的大大隻豬手，仲有雞腳，真的十分豐富，像一個百寶袋。仲有叫了南洋咖哩麵，咖喱味香濃帶少量椰香味，油麵爽滑吸上咖哩味更顯美味。餸菜方面有入晒味大大件的咖哩雞、爽彈的魚片、吸味的咖哩薯塊、芽菜、豆角和裝飾又得浸落湯底調味又得的薄荷葉。最後叫了佢哋嘅拿手菜招牌芽菜雞飯，雞的份量不少，而且做得非常細心，上桌時已經全部起晒骨，雞肉入口非常爽滑，雞味香濃，配上香而不膩的黃薑飯，色香味俱全，令人

小弟前後去過兩次大馬，感覺都好唔錯，尤其檳城，有種50、60年代嘅老香港感覺，尤其嗰邊啲茶室，而對馬拉菜，亦絕不陌生，因為近年都算食得唔少。是夜，一支公走過嚟大角咀嘅「麥金．麥金馬拉特式茶啡室」，重溫晌馬拉嘅時光。門口嘅木製小門設計已相當有地道特色，當踏入「麥金．麥金」，內裡嘅裝修，確喺頗有嗰種古舊風情，而門口嘅黑底金漆招牌，更喺種精神標誌啦！此外，牆上掛咗唔少相片，除食物，就喺大馬跟美食相關嘅相片，而另一邊牆則掛上馬拉名特色菜名，如亞參喇沙、福建蝦麵、古仔路肉骨茶……等等。餐牌都喺用番黑底熨金字，而食物嘅種類就肯定比當地嘅茶啡室選擇多，晌呢度可謂馬拉嘅食物應有盡有，招牌芽菜雞、肉骨茶、飯類、喇沙、湯麵、乾撈麵、風味小炒、特色小食、地道特飲。而落單採自助形式，自己填紙仔，再交俾店員，食物亦由店員送上，咁樣落單就較少產生口傳嘅誤會。之後，再打番張單俾你核對，落錯或落漏嘅機會就大大減少啦！ 順帶一提，枱上已放有多款特色調味料，包括黑醬油、頭抽、蒜蓉及新鮮紅椒碎，店員建議，如果食佢哋嘅招牌雞，最好就黑醬油搭蒜蓉及新鮮紅椒碎，效果最好。馬拉沙嗲串燒 $40 /3串有豬、牛、雞供選擇，如人多，亦

約咗好耐無見嘅好友係佢地頭（奧海城）搵食。佢係地鐵站接我，叫我陪佢試間特式餐廳。好，開正我個範跟住佢穿過一個西九匯嘅商場仔，再沿住天橋的直路行過幾個街口，到咗好新潮嘅街市，對面就係果間特式餐廳。衰鬼，原來真係有特式2個字，btw，門面真係幾特別，古色得黎又色彩繽紛7點幾，飯市時間，幾滿座下，等咗一分鐘，侍應姐姐好快安排咗2個位比我哋。要自己寫紙落單，朋友話佢拍版，叫咗招牌芽菜雞飯，青辣椒花甲，秘醬通菜，後加特飲美祿恐龍。招牌芽菜雞賣相好吸引，雞皮好薄好滑，雞肉係去咗骨嘅，又滑又有咬口，而且雞味十足。隔離檯嘅呀叔都係食尼樣，佢話係似新鮮雞，係唔係吖？唔理啦，好食就得！個碟仔原來係用來混醬嘅，自己混啦。侍應話用來點雞食嘅。青辣椒花甲我自己好中意食花甲，好新鮮。青辣椒尼個味幾辣下，辣得好過癮，令人好開胃，所以即係追加一碗白飯，唔好曬咗D汁。秘醬通菜腐乳通菜，馬拉盞炒通菜就食得多。咁樣撈通菜第一次試，但好有驚喜，個秘醬香香辣辣仲甜甜哋，好在有白飯，好夾吖特飲美祿恐龍咁多種辣後，配上一杯又凍又好飲嘅美祿恐龍係完美嘅結局。美祿嘅味道好比阿華田，但更勝一籌！佢哋嘅餐牌好靚，色彩繽紛得黎色調好柔和，睇