雞駅花膠雞米線專門店

係觀塘放工諗住去呢間餐廳食，點知超多人排隊😮 都排咗半個鐘先入到，但可以食到佢招牌嘅花膠雞米線真係值得✨🤩🔸 招牌花膠雞米線 ($68)佢嘅份量好足，尤其是花膠又大舊又多又腍😍 雞肉都幾多，而且好嫩滑，唔會太多脂肪👍🏻 仲有一舊雞腿😍 米線個質感啱啱好，有咬口唔會太腍❤️ 個湯底好重雞味🐓 真係真材實料，價錢又唔貴😎🔸 藥膳黃酒花膠雞米線 ($68)雞肉同花膠份量一樣都係好多💛 最特別係個湯底，藥膳味十足👍🏻 感覺好補好暖身🔥 仲配埋紅棗、杞子等等，幾足料✨💕🔸 麻藥蛋 ($28)抱住一個試下嘅心態點呢個小食，點知都幾得意😮 食落去好香嘅麻油香味，配上蔥、芝麻，都幾香口但唔會好重口味🫶🏻 重點係個蛋黃好流心💛🤩整體而言，咁嘅價錢可以食到花膠+雞，性價比超高😍🩷 好適合係冬天食返碗暖下身🍜…Read More

觀塘工廈裏面有好多好嘢食，仲有好多特色小店，所以間中都會去尋寶，今日去了駱駝漆1樓，這裡有一家長期大排長龍的「雞駅花膠雞米線專門店」，試了招牌花膠雞米線，湯底好濃 味道幾正。到達時已經兩點，餐廳坐滿了人，門外人龍仍然未散，真係太誇張吧！我點了招牌花膠雞米線$68，雞件肉質滑溜，湯底味道濃郁，而且色澤好靚，飲品配凍柚子蜜+$12，清香又解渴。朋友點了胡椒豬肚雞米線$78+凍檸檬茶，相同的米線和雞，唯一的分別是多了一些胡椒豬肚，凍檸檬茶味道正常，跟餐沒有加費。如果想加點小食，金磚豆腐$42是不錯的選擇，外皮又薄又脆，裏面又滑又香。…Read More

好耐冇黎觀塘，做完野，梗係要去駱駝漆搵下野食啦～因為都有啲早，大約～5pm，仲未出現等lift嘅人潮👍🏻駱駝漆太多好野食啦，掙扎咗好耐，決定試下呢間未食過，又好多like嘅雞米～招牌花膠雞米線米線上檯，賣相唔係特別靚，不過個湯底好白，試咗一啖，好濃郁，唔會太鹹，冇味精湯嘅感覺。雞件都大份，仲要咁啱係雞髀位，啖啖肉😋而且肉質軟滑唔鞋口～花膠方面，成碗米線都有三塊，呢個價錢來講，已經好足料👍🏻仲有少少蟲草花、雲耳～最後連啲湯都淨係飲淨少少😆…Read More

觀塘駱駝漆入面有兩間出名既花膠雞，年幾前食咗樓上嗰間，今次終於食埋另一間😎閒日夜晚時間嚟到都唔使點排隊，不過座位都係比較狹窄，要搭枱同埋身貼身咁樣😌▪️ 招牌花膠雞米線💲68第一次黎都係試招牌野先，同埋見隔籬左右基本上都係嗌呢款🤭呢碗有滑身花膠、雲耳、蟲草花，湯底有少少雞油，香而不膩，就算雞胸位肉質都大致嫩口，不過米線煮得頗為軟身🤔總括係呢間既雞湯好啲，樓上既就米線好啲，各有千秋😂🔎 整體評分（7/10）…Read More

跟朋友經開觀塘，知道很多大廈也有隱世美食，當然要去參觀一下，到大廈後發現一間米線店， 門外很多人排隊，看看餐牌見花膠雞湯，看來是很滋補的樣子，那當然要一試了招牌花膠雞米線 68元招牌菜豈可不叫呢，大大舊花膠，花膠厚實，雞件亦多，嫰滑可口，有雲耳及蟲草花作配料，而且湯底濃郁，必須喝光，配上米線，簡直一流麻藥雞拌麵 68元選了撈拌麵，有溫泉蛋及青瓜，拌麵很彈牙爽口，醬汁亦香濃入味，雞件與浸湯後的雞件味道亦別有一番風味燒豚肉配生菜（韓國辣椒醬） 58元豚肉燒過後有點香脆，但肉質不韌有咬口，可包生菜吃令油膩度大減，再沾韓式辣醬夠惹味雞駅花膠雞米線專門店觀塘開源道60號駱駝漆大廈第三座1樓I室…Read More

知道駱駝漆有2間好出名食雞米線！之前就淨係食過另一間，今次可以試埋另一間🤤好好彩晚飯時間咁岩唔洗排隊！【招牌花膠雞米線】$68雞湯味濃，亦都好清甜，飲落無乜味精！有3大舊花膠，口感煙靭！米線就唔會太淋，爽口！【胡椒豬肚雞米線】$60雞件都好嫩滑，豬肚十分酥脆爽口！胡椒豬肚湯鮮甜，胡椒味亦都好突出，好暖胃！👍🏻【泰泰雞翼】$42雞翼配泰式甜辣醬，雞翼都好香脆同好夠味！🤤Rating: 8/10…Read More

由佢啱啱開業史努比已經bookmark咗結果拖拖下 拖到而家先去🤣🤣因為佢長期排長龍呢間嘢真心勁誇張 無論系中午定夜晚都排長龍排到癲唔早啲去就有排等架啦🫣好彩史努比醒目 5點幾未到6點就即刻去坐低咗冇耐 一搭正6點佢就開始排隊啦😂嚟到梗系要試下佢哋嘅signature花膠雞米~👍🏿招牌花膠雞米線 $68湯底呈奶白色 不過望落都好清 睇表面冇乜油👍🏿飲落清甜 有淡淡嘅雞味而唔油膩😚米線軟硬度適中 開頭食帶少少煙韌即使浸耐咗都冇話變到淋晒~不過唔知系咪史努比唔好彩 呢碗嘅雞件佢比親都系雞胸/雞翼雖然冇加錢轉髀但都唔使全胸掛🫣份量就好足嘅 計埋翼都有6件雞左右不過雞胸唔系好夠滑(史努比食開雞胸 知點先叫滑🤭👌🏿)部分偏鞋口 某部分就滑啲但都未稱得上系好嫩嘅雞胸🤔另外有唔少花膠 木耳同蟲草花木耳好爽脆 索咗啲雞湯幾好食!花膠就略嫌偏硬身 同埋口感唔似花膠 不過唔肯定佢系咪鱈魚膠所以唔敢亂講🙌🏿淨系知如果炆淋啲再軟滑啲會更加好但呢個價錢有花膠都唔會expect太多~因為雞件所以令到佢低分咗 但亦都因為湯同米線令佢tone返高啲🤣味道: 8/10性價比: 8/10👍🏿藥膳黃酒花膠雞米線 $68呢碗系爸爸👨🏻嘅 不過史努比都有試🤣只系覺得招牌個湯好飲啲所以就比咗呢碗爸爸👨🏻🤣湯底同樣夠清 但飲落味道好唔一樣!飲到好濃嘅藥材味 相反黃酒味冇咁濃 但都唔錯 藥膳湯底帶啲甘甜 唔系落重糖嗰種甜😚米線順滑有咬口👍🏿雞件同樣足 唔一樣嘅系呢碗基乎全部都系髀😳成碗只有一件雞胸 其他全部都系雞髀肉果然唔同 髀肉嫩滑好多🤤索咗藥膳湯嘅味道 帶有藥材香~兩個米綿各有千秋🤭味道: 8/10性價比: 8/10👍🏿金磚豆腐 $42呢款小食必嗌! 炸衣唔太厚 但好香脆😚而且炸得幾好 唔會太過淋油爸爸👨🏻話食到有幾粒有黑芝麻香 但史努比又唔覺有🤣豆腐非常嫩滑 基本上唔使咬佢就融入口🤭外脆內軟口感上做到個contrast幾過癮椒鹽落得有啲重手 所以稍鹹但因為本身豆腐冇調味 所以成粒食都唔會過鹹👍🏿呢個價錢絕對值😆出面大排檔份量多少少賣貴一倍啦😂味道: 8.5/10性價比: 9/10👍🏿椒鹽粟米 $38粟米爽脆香甜外面沈咗啲椒鹽同大量炸蒜甜甜鹹鹹嘅味道系幾得意嘅🤣第一次食椒鹽粟米 個人就冇話特別鍾意相比起豆腐佢冇咁出色但甜中帶鹹嘅味道唔系差嘅😂不過要趁熱食 凍咗會油味道: 7/10性價比: 7.5/10*不設加一服務費*踩出門口已經排晒長龍 超勁🤣🤣估唔到喺駱駝漆晚市都做到咁爆不過佢哋嘅湯底出色 價錢親民 確實抵食!但雞件質素可能有啲參差🤔一碗全胸/翼同另一碗全髀咁滯 食唔食到髀好睇彩數🤣驚嘅話可以+$10轉髀~值得一讚系佢有啲膠碟提供用嚟裝雞骨 幾細心🥰Overall系推薦嘅😆整體評分：味道: 8/10環境: 7.8/10服務: 7/10衛生: 7.9/10抵食: 8.5/10…Read More

🙋🏻‍♂️餓底探員今晚去咗觀塘調查呢間雞湯米線專門店，佢嘅招牌雞米線有多款口味，仲有水煮牛肉，酸菜魚，濃雞湯米線，甚至擔擔麵，飯類都有，款式選擇多，小食都好吸引🥰🍗招牌花膠雞米線 $68 （轉雞髀+$10）🙋🏻‍♂️表示碗米線配上乳白色雞湯，湯頭味道濃郁鮮甜，花膠大隻，口感軟腍，雞髀肉質嫩滑，果然係招牌米線👍🏻🥥椰子雞湯飯 $60 （轉雞髀+$10）🙋🏻‍♂️表示雞湯除咗配米線，仲可以選配飯，米粉或者上海麵，呢個椰子雞湯㨂咗配飯，湯頭同樣濃厚仲多咗份椰香，將飯倒入湯裡面做成湯飯，飯粒吸收咗湯汁，食落更加入味🧱金磚豆腐 $42🙋🏻‍♂️表示個豆腐細細粒炸到金黃色，食落外脆內軟，口感嫩滑，非常香口🌽椒鹽粟米 $38🙋🏻‍♂️表示個粟米上面鋪面炸蒜粒，食落炸蒜嘅香口加上粟米嘅鮮甜，口感特別📈吃貨指數😋好味度 8/10🔙返啅度 8/10…Read More

之前成日見網上好多片係咁話呢間有幾好食，一直無機會食，點知今日終於有得試啦！六十幾蚊黎講算好唔錯，d 湯飲落都唔會話覺得太重調味。花膠size 當然唔算話好大（始終碗米線唔係貴），d雞無話特別突出，但overall 感覺真材實料。…Read More

呢期好似幾興食花膠雞 見到幾多人講 而呢家雞駅花膠雞米線專門店我地之前weekend已經想食 但發現太長龍放棄左 所以專程搵日weekday再戰🐥招牌花膠雞米線 $68轉脾 +$10 有四大嚿 啖啖肉 仲幾嫩滑👍🏻花膠份量都多 過足口引雞湯底零味精 吾油膩 感覺養生🤪有啲雲耳做配料🥥椰子雞米線 $60加左椰子水落湯底到 好清甜 好好飲 吾覺吾覺飲左大半碗湯🤗米線質地Q彈+$10有熱柚子蜜🍯蜜糖雞翼 $42炸雞翼外皮脆脆 加埋啲蜜糖 甜甜地 好滋味😚💭價錢親民 食物高質 難怪成為人氣小店👏🏼…Read More

疫情後夜晚條街靜咗好多，但呢間位於駱駝漆嘅米線人氣就依然不受影響，我哋星期一晚上8點去到，依然要排陣隊，睇嚟有班捧場客😎招牌花膠雞米線 $68我哋加咗$10轉雞髀，肉質嫩滑有雞味😋 湯膽係以三黃雞、豬筒骨、鯊魚軟骨同西施骨大火熬三小時而成，湯底呈現奶白色，飲落好清甜，食得出係無味精嘅，而花膠就偏爽口，份量都唔少😙麻藥雞拌飯 $68呢個係期間限定，麻油味好香，食落都好濃，雞件份量都算多，韓風滿滿嘅一個飯🤪 最正係果粒麻藥蛋，流心狀態，滑捋捋又夠哂入味😚香草雞翼 $42必點！唔好睇佢個Pʀᴇsᴇɴᴛᴀᴛɪᴏɴ麻麻哋，食到落口又真係有啲驚喜，雞翼炸到脆卜卜熱辣辣，雖然香草牛油味係一Pᴀᴛ醬，但味道係超濃郁🤩當晚全場爆滿，而小店空間有限，需要搭枱😗 不過大家都係食完就走，唔會停留，所以就算要排隊都好快有位，值得一等🥰…Read More

主打各式各樣雞湯米線🐔每日鮮雞熬製湯底呈現奶白色除左招牌濃雞湯外 仲有胡椒湯，麻辣湯🌶️及蕃茄湯🍅用手機掃描QR Code落單超方便📱好貼心是每張枱都提供骨盤❤️招牌花膠雞米線🐔🍜雞件選用三黃雞，約有5-6件，肉質嫩滑但雞骨比較多，花膠口感彈牙，米線爽口滑身，雞味濃郁且湯底鮮甜，飲完都唔會口渴姬松茸竹笙花膠雞米線🐔🍜湯底雞味香濃外，仲飲到淡淡姬松茸味，米線軟硬度適中，嫩滑的雞髀肉啖啖肉，花膠食落煙韌充滿骨膠原，竹笙爽口並吸盡湯精華，加入姬松茸，蟲草花及木耳等食材好足料，適合女仔養顏滋補🧏🏻‍♀️…Read More

年紀唔細，鍾意多咗食湯飯，尤其係滋補養顏嗰啲😌 見呢間出名花膠米線，Bookmark咗好耐，非常有興趣🤤呢間米線位於觀塘駱駝漆大廈，當日星期五去到，勁多人，入面坐滿晒，好彩我哋去到啱啱好唔駛點排🙊 點咗呢幾樣嘢食：#招牌花膠雞米線 $76奶白色嘅湯，好濃、好香，食完即刻暖粒粒❤️個雞幾滑，除咗雞翼同埋雞翼尖，啲雞無骨，啱晒我呢啲懶人😆😆😆 花膠份量都多，而且仲幾大舊，足料～#沙薑雞濃湯米線 $60沙薑雞同米線分開上，個雞好重沙薑味，呢個都好食～#麻藥蛋 $28麻油味勁香，又入味！呢個有驚喜#金磚豆腐 $42香脆可口～外脆內軟，我見好多人都叫呢個～走嘅時候門口有好多人排隊，好彩我哋去得早！去開觀塘要試試～…Read More

天氣轉冷 最適合吃一碗熱辣辣的湯麵觀塘這家專門吃花膠米線的小店很有名呢週末要稍稍排隊招牌花膠雞米線$68（+$10轉雞髀）雞湯濃沃香甜 能吃得出沒有味精😍😍飲了大半碗 不過表面會有點油膩轉了雞髀 雞肉非常滑嫩 重點的花膠口感亦不錯 不會軟軟的 仍帶有嚼感 約有四片 還有蟲草花 木耳等配料 如果米線再多一點就好了不過材料已物超所值凍檸檬薏米水（跟餐$18）自家製的薏米水清爽不甜膩 還有粒粒薏米有咬口👍加上檸檬又多一絲清新感…Read More

小妹喺觀塘附近返工，成日見駱駝漆呢間米線好多人排隊，今日專登去試一試。我點咗佢嘅招牌花膠雞米線：雞湯底有一定的濃郁度，都算係好飲，唔係嗰種味精味道，飲完都唔覺得口渴。雞件方面，雞肉肉質稍嫌不夠滑嫩。米線方面，佢唔似譚x米線嘅爽口，但又唔係好腍身，口感方面就真係見仁見智了。整體黎講，呢碗米線都算不錯，如果對花膠和雞湯的味道感興趣，都不妨一試！不過，個人認為又未係好食到值得排半個鐘隊幫襯，但都有興趣去試下其他湯底米線嘅如果唔想排隊，建議中午12點就好出現啦~…Read More