漁港艇仔粉 (鴨脷洲大街)

Open Now

Now Closed

在香港可以食到漁港風味的地方不多，但我知係鴨脷洲大街的「漁港艇仔粉」就食到老香港的艇仔粉味道，因為佢嘅湯底係漁港獨有的大地魚湯，好好味😋識食緊係黎呢度😉招牌艇仔粉 $48好多人唔知食艇仔粉的精髓係個湯底，教大家一個小貼士，就是要加「胡椒粉」在艇仔粉上面，會更帶出大地魚湯底既味道。艇仔粉有魚皮、魚旦、紅腸、叉燒、燒鴨，樣樣都咁好味😋好滿足😌雜果沙律 $35沙律醬的份量好適中，又夠酸、夠大份，我當做飯後果咁食，好健康。熱朱古力 $7(跟餐)好飲😋

中午帶🐶仔去香港仔中心修毛美容準備過年🧨。我和太太去鴨脷洲碗食碗粉，再周圍行吓。招牌艇仔粉：次次嚟我都食呢個。食材好豐富，有燒鴨、紅腸、魚蛋、魚皮、叉燒。但個湯底比起之前食好似差咗少少，食完有啲頸渴。太太又係每次必點魚蛋河，魚蛋魚味夠，同埋河粉係超滑，同筲箕灣安利的河粉有得揮。美中不足，食肆細細，坐得好唔舒服。另外，呢度引以為傲的湯底係好濃味，好好飲。但之前飲過幾次都唔會有頸渴的感覺，而今次有，希望能夠一直維持到冇加味精就好。

來得鴨脷洲這邊，當然不可以錯過艇仔粉，臨離開這地方前就先去食一碗！叫得做艇仔粉，當然是起源於水上人在艇上煮及賣的河粉，以魚湯做湯底。現在只剩一架艇及一間地舖仍有售賣艇仔粉。想感受到多點風味，可以選擇去艇家買來吃。可我和老公今次提著行李，加上天色有點陰，怕會突然落雨，去舖頭吃會適合一點啊！店舖座位擠迫，我們提著行李其實也不太方便。正值午飯時間，店內滿座，所以要搭枱。店員之後見到有吉枱，主動安排我們調枱，即使後來有客人入座，都盡量安排他們去其他枱搭枱，謝謝店員這樣有人情味的安排啊！招牌艇仔粉，用料豐富，有炸魚皮、魚蛋、魚片、玫瑰露紅腸、叉燒及燒鴨，先試一口湯底，奶白色的湯頭以大地魚熬煮而成，湯帶有胡椒香，不是想像中啖啖鮮甜的魚湯。雖然標榜不含味精魚湯粉，但喝完湯後會有點點口渴。河粉是幼身的一種，滑溜不會散，份量很多！魚蛋及魚片的魚味濃又夠彈牙，炸魚皮大塊又夠脆～～～叉燒及燒鴨不錯，玫瑰露紅腸浸過湯後仍很香，帶點微甜，好吃！價錢與平日食一碗車仔麵差不多，但配料就豐富很多，絕對夠飽肚！見到有幾枱客人點雪山粒粒西多士，可我們提著行李就不好意思霸佔座位太久，不知何日再臨去品嚐這款多士呢？

好少嚟到鴨脷洲呢一區🤨 今日咁岩就想搵D特別野試一試😚以前呢區係漁村 於是特別試吓打正旗號既艇仔粉啦❤️ 味道不錯當平民美食試一試幾有驚喜😛⭐️ 招牌艇仔粉 🍲先試一口魚湯 餐廳話係大地魚鮮熬而成 不加味精🐟 飲落去確實好濃郁嘅魚味🤔 天然程度就可圈可點🌝 湯底亦都好濃黑胡椒味🌶 裏面嘅配料的確乜都有🤣 叉燒同燒鴨都不錯 唔會好乾好柴🥩 魚皮更加香口但不過鹹 💫⭐️ 漁港艇仔粉 (鴨脷洲大街) (鴨脷洲)📍 鴨脷洲鴨脷洲大街84號興富樓地下A號舖

首次踏足鴨脷洲，為的是影2021 花卉展覽的櫻花及到 <漁港艇仔粉> 食艇仔粉！入座前，要先量度體溫及用手機掃安心出行或在門外填上幫襯日期時間、名及電話；不過，店方做法以一張長格仔紙，由食客逐一填上個人資料放到店門外！安排不當！限聚令4人一枱，我搭枱到本身有一家3口的桌子；一坐落，女店員隨即給我一杯水浸住對筷子！餐牌一落單後，約2分鐘很快便上枱，值得一讚！招牌艇仔粉 $44魚蛋1粒、炸魚皮、魚片、紅腸、燒鵝各兩件、及叉燒3片；足料又豐富！魚湯底帶有胡椒味，河粉雪白幼滑；食一碗都好飽，不需要點飲品！

某天的午飯時間，又和同事們搭船過鴨脷洲大街！今次終於可以去試常提到的「艇仔粉」~比較有趣是這間粉麵店亦有供應茶餐廳的菜式！像是沙嗲牛肉麵、西多士之類的 😃午市時間頗多客人，大概要等10分鐘左右才有位。✦ 招牌艇仔粉 ($45) - 第一次來吃，絕對覺得點這個就對了！因為一碗有很多餸，那就不用心思思試哪款才好。先試大地魚湯～奶白色湯頭很香，帶胡椒的味道幾重。雖然標榜不加味精，但喝了湯後還是有少少口喝感 ..幼河粉都幾滑，而且份量也多~最後我是沒吃完 ...魚皮很脆、魚蛋和魚片好彈牙且魚味幾濃，厚身叉燒還有菜，真是超豐富 ✨不過燒鴨就有點偏肥，另外個人不喜歡玫瑰露紅腸的味。 另外同事們點的看起來也很不錯~四寶粉 ($41)、魚片頭粉 ($37) ，都是很大一碗 !!

呢間舖頭好多人專程嚟試佢嘅艇仔粉，好彩我哋晏晝去都唔係好洗排隊，茶餐廳嚟講佢哋都算乾淨又好大冷氣，夏天再熱都唔使怕，我哋今次試咗粒粒西多士（$38）、招牌艇仔粉（$45）同埋四寶河（$41），招牌艇仔粉上面有紅腸、炸魚皮、叉燒、魚片、燒鴨，每樣都係一至兩件，奶白色嘅湯底係用咗大地魚湯，最鍾意就係加埋個炸魚皮🤣🤣，四寶可都冇乜特別，係啲丸有少少唔同同埋大個啲，聚聚聚好食嘅就係粒粒西多士，新鮮熱辣辣，成座山咁高，表面仲有少少糖霜，咬落去厚身得黎好鬆軟同少少甜甜地，一啲都唔油，仲有面奶同花生醬自己任點，想要幾多就落幾多！呢個真係好正！！！最推介反而係佢嘅西多士hahah呢間舖頭好多人專程嚟試佢嘅艇仔粉，好彩我哋晏晝去都唔係好洗排隊，茶餐廳嚟講佢哋都算乾淨又好大冷氣，夏天再熱都唔使怕，我哋今次試咗粒粒西多士（$38）、招牌艇仔粉（$45）同埋四寶河（$41），招牌艇仔粉上面有紅腸、炸魚皮、叉燒、魚片、燒鴨，每樣都係一至兩件，奶白色嘅湯底係用咗大地魚湯，最鍾意就係加埋個炸魚皮🤣🤣，四寶可都冇乜特別，係啲丸有少少唔同同埋大個啲，聚聚聚好食嘅就係粒粒西多士，新鮮熱辣辣，成座山咁高，表面仲有少少糖霜，

⁑📌 漁港艇仔粉鴨脷洲鴨脷洲大街84號興富樓地下A號舖•招牌艇仔粉💰44湯頭嘅味道非常濃郁，有淡淡魚嘅鮮味🐠，而且唔會太咸，食完麵飲曬成碗湯都冇口渴嘅感覺😋 另外炸魚皮值得一讚，因為好酥脆，但係失色嘅地方在於炸嘅過程可能唔係咁好，以致食得出有少少苦味👀 至於啲配料，坦白講真係冇乜特別，只係普通貨色嘅燒味，不過勝在種類多🍜🎏推薦指數: 6.5/10•粒粒西多士 💰32呢個竟然係入面最有驚喜嘅食物😳首先佢係即叫即整，上菜嘅時候熱辣辣🔥而且蛋漿塗得均勻，炸出嚟靚靚囝囝😛佢用嘅麵包亦都好厚身而且鬆軟，所以真係一流🍞🎏推薦指數: 8/10•招牌青檸蝶豆花茶💰跟餐加12不過不失，蝶豆花好似係冇味嘅(?) 青檸味重，但略為過甜🍹🎏推薦指數: 6/10•🧮🙅🏻‍♀️沒有加一服務費哦

行完玉桂山番黎搵野食😆！見到好似呢間出名就去食！難得黎到見到門口企左小小人，吸引左我🍜餐廳好滿下，但來去都好快，等左一陣就入得☺️上菜快，服務不錯！招牌艇仔粉係我鍾意嘅河粉，唔係果種好厚身嘅河粉😆係滑同薄身啲，湯低係魚湯😍好入味！好多料☺️食完好滿足！湯都飲左好多🍲🍜西多士好多件，仲要切好一舊舊！好正☺️配花生醬&煉奶！兩個都好味！我鍾意呢個配搭多過糖漿😋招牌炸物拼盤😋鍾意個炸魚片, 又香又彈牙

香港仔係香港傳統嘅魚產地🐟，有一樣名物叫艇仔粉，由船家喺船上面煮比客人食🛶。今次藉住食飯時間，專程走去試吓呢一個香港仔名物，不過今次我就唔係幫襯船上面嗰間，而係搭街渡過鴨脷洲試吓另一間出名食艇仔粉嘅小店。入到舖頭，大部份嘅客人都係叫呢一個最出名嘅香港仔名物：招牌艇仔粉。今次係我第一次食艇仔粉，原來艇仔粉嘅餸都幾豐富，有叉燒、燒鴨、魚蛋、炸魚片、紅腸、炸魚皮。首先要讚嘅係佢嘅炸魚皮，非常酥脆，又唔會碎濕濕，而且店舖都好慷慨，起碼都有四至五大片炸魚皮。其次要讚一讚個湯底，湯底係由大地魚熬制而成，湯底鮮味濃郁，我幾乎飲晒成碗。不過唔知係咪有落少少味精，飲完後都有少少口渴。河粉就用上幼河粉，非常滑口，而且份量都唔少。魚蛋只有一粒，係白魚蛋，不過唔係好彈牙。炸魚片方面，就略嫌炸皮有點硬。最後我再叫埋杯熱奶茶來作結，奶茶都算幾香滑，不錯。總括而言，雖然叉燒、燒鴨同紅腸等燒味唔係話出色過人，但以這個價錢可以食到六樣餸，仲加埋有魚湯飲，我覺得性價比都幾高。而且店舖嘅位置都幾方便，除咗由香港仔搭街渡過嚟之外，其實而家搭港鐵喺利東站A1一出就會見到，想懷緬香港舊日漁村情懷嘅朋友一定要來試試。

好耐冇寫食評，呢間一定要讚下。以前去鴨脷洲要坐成個鐘頭巴士，而家喺金鐘坐15分鐘地鐵就到。呢間舖喺正A1出口， 方便到呢。招牌狗仔粉$44, 嘅材料包括大地魚湯，燒鴨，魚蛋，魚片，叉燒，仲有脆卜卜嘅炸魚皮。 湯底好有魚味，但有少少偏鹹。魚皮好香脆，專登叫咗一包外賣 ($22)。

依家既香港，艇仔粉買少見少，連謝記魚蛋都無埋，香港仔食到艇仔粉都要珍惜門面企理少少靚，貼左好多介紹艇仔粉、大地魚湯既野，仲有啲相咁，都算幾有心架餐牌主打梗係艇仔粉，再加啲變化咁當然要試下個招牌艇仔粉，聲稱大地魚湯，全無味精，飲左都無渴，應該都係既，不過開頭食就覺得有啲淡，唔算好魚味，但因都有豬骨個啲，個湯奶白而鮮，好味艇仔粉既餸主打當然係燒味，燒鴨正既，脆又香，加埋魚湯好夾叉燒就無咩特別，魚蛋魚片都正常，反而炸魚皮有驚喜脆就梗要啦，但都好有魚味，調味亦好惹味加埋個懷念謝記既原條炸魚片，成條食咪就係漁民風味加埋潮州辣椒油無得輸另外好想試佢既秘製沙爹牛肉魚湯生麵，聽落個名樣樣都係賣點上枱賣相不錯，沙爹較甜、香，牛肉滑因為有魚湯底，令到個沙爹湯有層次左，同茶記沙牛麵唔同但沙爹始終味濃，蓋過晒啲魚、鮮味，生麵原來都係同普通幼麵差唔多，但整體係好味既奶茶就算啦，當飯後飲杯茶算啦整體感覺都幾好，因為有魚湯底，好多普通野都升左哩食普通麵既話只係貴出面麵檔少少，可以多啲食！#薑蔥豬油撈都好似好吸引#睇其他食評先知條炸魚片原來真係謝記啲fd

好似自從有咗地鐵之後，網上邊成日都講香港仔同鴨脷洲嘅特色。見到成日都講艇仔粉，以前細個嘅時間有食過，令到我突然之間都想去食。上次食完香港仔舊大街嗰間，今次就特登跑來鴨脷洲舊大街試一試。香港仔舊大街嗰間，啲餸菜係凍嘅放落碗粉度，搞到成件事甘本就係唔得。今次鴨脷洲舊大街呢一間，絕對係誠意之作！成件事食落好好多！第一件事，一食就知，湯底真係大地魚坳製！絕對有大地魚嘅鮮味，久違了嘅香港仔風味！魚片亦是，所以非常彈牙！絕對拍得住以前香港仔山窿謝記魚蛋。就係嗰隻鮮味，就係嗰隻炸魚蛋皮有嘅金黃色香味！炸魚皮先係一絕！皮薄，香脆！出面啲粉麵檔，絕對冇得同佢比！招牌艇仔粉嘅餸仲係真真正正盛傳多年艇仔粉嘅材料，有魚蛋，魚片，叉燒，紅腸，燒鴨加一條生菜。未試過既，一定要試炸魚片頭。$32蚊八粒，但係size，質量同味道，完全係世界級！以前食慣艇仔粉嘅人，就知道係乜嘢一回事。冇食慣嘅固然之覺得一頭霧水，有啲古怪。

剛開業的時候排隊排到癲，熱潮過去之後先來嘗試。据身邊的漁民朋友話根本唔係原始的那種味道，但我不是漁民，只要好吃就可以了嘛。叫了招牌粉，魚皮泡在裏面我覺得很好吃，湯算是偏咸，而且越喝越有白胡椒的味道，白胡椒放那麽多是爲什麽啊！！！！真是夏天來食一定會熱氣上火吧。裏面是傳統燒味什錦，兩塊燒鴨，兩片紅腸，兩片魚片，一個魚丸，兩片叉燒。還是很夠的。要是沒那麽咸就好了。