Shek Lei Noodle

懷舊的味道，亦係兒時讀書的味道，記得中學時代…放學後幾個同學會去石籬舊街市食碗“狗仔粉”，或者去附近士多買支孖條，街邊篤串魚旦。而家呢間“石籬粉仔”離開左個舊街市，去左石籬商場對面，呢間地鋪，環境同位置都唔錯，鋪仔細細，但坐位都唔太迫。今次…我係受朋友(舊中學同學)所託，買外賣去同佢地大家一齊食。我就用左外賣平台點餐，訂了外賣自取，因為有折扣優惠8折。🤭(1) 招牌粉仔(細)，以前會叫狗仔粉，食落味道同以前唔同，可能無左以前快樂時光的味道，但其實味道都一樣仲好好味。(2) 生菜魚肉湯(細)，我要多胡椒粉架，正！👍🏻(3) 燒賣，一份十粒，👌🏻OK啦。辣椒油要分開上，個辣椒油好正。(4) 陳皮魚旦，一份十粒。👌🏻OK啦無試到個鮮榨椰汁&自家製豆漿，下次有機會再試。…Read More

曾經在展銷攤檔食過粉仔，但印象不太好。常經過附近，便抱著再試一試的心態來試。比印像中的好食得多！粉仔有點似上海粗面，配冬菇和蝦米有點咸香，細碗的份量不少，滿滿的粉仔，好飽但都想食晒成碗～…Read More

食好野，的人從來都話胃口大既人抵食的。我就唔係好認同啦。要滿足胃大既人，出街一係捱貴蒲飛，一係食飯飯飯，選擇比較少。講享受，其實胃口細既人都好識食，分開逐次食唔同既野，價格易控制之餘，仲可以有多的選擇添。就好似今日咁，夜媽媽決定去食個粉仔啦。講得叫石籬粉仔，當然係街坊生意。店主同客人位位都係街坊街里，入得黎既幾乎都係熟客(除左我)，幾枱客同店主你一句我一句，一齊聊聊湊仔經，吐苦水，未食已經滲晒陣街坊味出黎。其實粉仔並唔算係非常飽肚。呢間鋪頭只分2種size，大既28，約既20。我要左一碗細。細既分量係小食類，大食既人100%唔夠食，細食既人勉強果腹。份量相等於2隻超市有售既急凍糯米雞左右，食完唔算飽。味道上，粉仔本身味道十分濃，似碗仔翅或者羹之類，可以連湯飲的。食完唔算口乾。如果比較，一定要同另一間出名賣狗仔粉既鋪頭比較。其實兩間味道非常接近，粉仔味道同嚼勁都差不多。稍遜既係配料份量相對較少，但一樣有蝦乾同冬菇。不過勝在價格相宜，20蚊就有一碗。唔夠飽仲有燒賣魚蛋可以叫。雖然話係小食，其實都係隨你叫幾多啫。…Read More