Kedai Kopi Semua Semua

呢日去荃灣大會堂睇表演所以近近地去後面街搵食大約6點左右入座唔洗排嚟到緊係要整番個肉骨茶飲啦肉骨茶可以揀唔同豬嘅部位我哋要咗豬腳雖然個煲唔係好大但呢度可以免費加湯唔怕唔夠飲！！必食！！檳城福建蝦麵個蝦湯十分香同濃郁唔好見到佢紅卜卜就以為係辣其實面頭個啲係蝦油嚟之前我試過叻沙，覺得蝦麵俾叻沙更好味砂煲老鼠粉熱辣辣上係會有加乘同埋佢份量都幾大個點會唔食埋咖央多士呢？記得一定要趁熱食呀！檳城白咖哩麵呢個我就覺得普普通通因為椰奶味太重，都唔係好食到其他味我哋食咗一粒鐘出嚟7點左右已經見到有少少人排隊所以如果唔想排嘅建議早啲嚟！…Read More

Semua係馬拉話係解「全部」，用廣東話直譯音就係「蘇媽」，易記又eye catching😛 呢度肉骨茶、椰漿飯、咖央多、蝦麵咖喱麵等全部都有，仲要份量好大，去一次試唔勻，已經諗定要再encore 魚仔醬蘿蔔糕粒粒煎到外脆內軟，蘿蔔糕仲有冬菇同魚仔乾非常香肉骨茶有分胡椒味既新加坡style🇸🇬，或者藥膳味既馬拉式🇲🇾 我成家都鍾意馬來西亞果隻多d，呢度都真係食到當地既味道🥰 用當歸、川芎、八角等藥材熬製，可以任添添呀😋豬腳彎啖啖肉，細細煲都有四大片厚切，諗真抵食。上面係有一層肥膏，入口即化呢。怕肥既淨食下面大舊瘦肉都唔嚡口老鼠粉有蝦乾、魚仔、肉碎等再加隻蛋撈🥚鹹香味十足仁噹牛肉同牛筋炆到好腍好入味，配綠色既斑蘭椰漿飯好吸睛🍚烘到非常香脆既多士都係必叫，夾住流心既班蘭咖央醬甜而不膩🍞配埋杯拉到起哂泡既拉茶就perfect啦☕️十二點鐘開門，假日都要係開店前早十分鐘排定隊就入到去食第一輪。…Read More

相信大家都有好一段時間無去旅行🥺 唔知有無人好似我咁，時不時鍾意食吓其他國家嘅菜式，當去咗一場短trip😮‍💨今次係我第二次嚟蘇媽食嘢，對上一次見到隔離枱食呢個老鼠粉已經覺得好吸引🤤 今次就一於試吓佢！配料十分之多，有大量肉碎、魚乾、蝦乾同豬油渣等等😋，而所謂嘅老鼠粉就係銀針粉，配料多之餘，仲有一隻生蛋喺中間，將所有配料撈埋一齊趁熱食，好香口好惹味🤩 特別鍾意佢啲蝦乾，令到成煲粉都有好香嘅海鮮味！呢個多士亦係呢度嘅招牌菜，上次試過之後一試難忘，今次決定再encore多次😚 多士上到嚟熱辣辣脆卜卜，一定要趁熱食！內餡嘅咖央都幾厚下，充滿咗椰香味，仲有薄薄哋嘅牛油係入面，好邪惡但好好味🤪心郁郁突然間想食串燒，嗌左3串過吓口癮，3串盛為$45，絕對唔平🤭 而且每串都幾細份下，性價比就唔係好高啦🙈 而且肉質唔算特別嫩滑，不過值得一讚嘅係佢個沙嗲醬，都有幾多原粒嘅花生喺入面，沙嗲味好濃郁，好香口，仲有淡淡嘅椰香味！🔸椰汁斑蘭冰 $33而嘢飲方面，我嗌咗杯椰汁斑蘭冰，由於比較少嘢飲係斑蘭整，所以都幾吸引到我試，見呢杯野綠綠哋色都幾靚仔，點知飲落極甜🥲 同埋唔係好飲到斑蘭味，得個甜字😥🔸馬來西亞拉茶 $26由於杯斑蘭冰實在太伏，所以我哋都係嗌返樣正正常常嘅嘢飲算🤣 嗌咗杯凍拉茶，味道正常好多，唔會極甜，但又飲到拉茶果種香濃嘅茶味，好飲👍🏻總括而言，呢間人氣黃店馬拉菜嘅嘢食就不過不失啦，較推薦係佢嘅咖央多士，趁熱食會好好食😋 但嘢食嘅性價比就唔算好高，我覺得少貴，而環境都較逼，坐得唔算太舒服🙈…Read More

話說之前經過「蘇媽.蘇媽馬來西亞茶餐室」深水埗分店同旺角分店都見到好多人排隊！「蘇媽.蘇媽」係荃灣都有分店，咁岩依家係荃灣呢頭返工，Lunch同埋一班同事去食過一次，由於當日lunch只係求其嗌咗個湯河，並無咩特別，但見呢間分店唔算多人等位，所以決定拉埋男朋友再去試多次，試下佢d招牌特色野~🧡百吉爹肉骨茶【棒棒骨】（$84）肉骨茶湯底濃郁，藥材味好重，飲落好舒服，而且可以無限添飲~棒棒骨大件多肉，煮得好淋好入味！🧡招牌砂煲老鼠粉（$84）砂煲老鼠粉個名都幾盞鬼，老鼠粉其實係銀針粉，配料有豬肉碎、魚乾、豬油渣同雞蛋，份量多又豐富，撈勻之後食好好味！🧡怡保白咖啡【凍】（$19）唔知係咪馬來西亞d野飲口味偏甜，之前試杯熱拉茶同今次杯凍咖啡都係較甜咗少少！…Read More

應該好多人都有食過蘇媽蘇媽，今次去嘅荃灣分店水準都幾好，而且有兩間地舖連住，就算要等位都好快入得去🤪**********<椰香咖央多士> $28咖央多士係每一枱嘅必食之選，裏面搽左牛油同埋咖央醬，咖央醬搽得都幾厚但唔會話太甜，塊多士烘到好脆，食嘅時候仲暖暖地嫁😍<玻璃魷魚配通菜> $52魷魚同埋通菜嘅份量都幾多下，主要係靠秘製醬汁去調味，個醬汁加埋炸蒜都幾濃味同埋會有啲辣🦑**********<招牌砂煲老鼠粉> $84呢一個砂煲老鼠粉係招牌，分量同平時啲煲仔飯差唔多，建議兩個人或以上先好叫！其實就係將銀針粉再加上一堆配料，趁熱撈埋一齊就食得，味道唔算好特別但都幾香口😆…Read More

5月初光顧過旺角店, 因當時要戒口, 吃得頗不盡興, 是日與友人來到荃灣店, 要吃個痛快。等位期間, 爭取時間研究餐牌, 發現相隔5個月再光顧, 價格已上調。(旺角店食評及餐牌 https://www.openrice.com/zh/hongkong/review/%E6%88%92%E5%8F%A3%E9%83%BD%E8%A6%81%E5%9A%9F%E9%A3%9F-e3746606)餐室地方淺窄, 人與人之間距離甚近, 環境擠迫和不潔, 相對之前光顧過的深水埗和旺角店, 荃灣店環境明顯未如理想。百吉爹肉骨茶 - 豬腳彎 $48百吉爹肉骨茶 - 豬肚 $45招牌砂煲老鼠粉 $84椰香咖央多士 $28馬拉沙嗲串燒 - 牛 (3串) $45食物方面, 每款味道均到位, 是客人回頭的主因。唯眼闊肚窄, 樣樣都想吃, 2個人點了5款食物, 有點over。…Read More

蘇媽.蘇媽馬來西亞茶餐室(4.2/5) 🌕🌕🌕🌕🌘推薦程度：🔥🔥🔥🔥 (5🔥為最高)平時帶大家食咁多好野，今次一於帶大家試吓食馬來西亞🇲🇾菜，試吓食？係呀，應該係我第一次去馬來西亞🇲🇾餐廳食正宗馬拉菜😳，初嘗馬拉菜嘅我緊係要黎到我最熟悉嘅荃灣啦。適逢💛五一黃金週💛，我黎到荃灣嘅蘇媽.蘇媽馬來西亞🇲🇾茶餐室，試吓佢地嘅馬拉菜正啱正先🤔……蘇媽.蘇媽馬來西亞茶餐室位於荃灣廣場附近嘅大壩街度，經過荃灣地鐵站🚉接駁住嘅天橋過黎非常方便，基本上唔洗日曬☀️雨淋⛈就過到黎。個日我順便過黎食個Dinner🕔就揀咗呢間食啦，見到餐廳出面個門面✨好吸引到我✨，比起周圍餐廳黎講好有特色，個種感覺就係：嘩！原來馬來西亞🇲🇾餐廳係咁架……係咪有種大鄉里出城咁，係呀我都未去過馬來西亞🤫。唔緊要，黎依間餐廳睇吓感唔感受到個馬來西亞🇲🇾嘅感覺……一入去都係例牌量體溫，今次坐個位係收銀機後面，每張枱都有塊板擺係中間。坐底唔洗點睇餐牌就叫得野食，入黎本身就想試下肉骨茶，但Dinner食又驚唔飽，依個時候就比✨『撈粉麵』✨嘅招牌砂煲老鼠粉吸引住。雖然我都唔係好知係乜🤨😂，不過見到幅圖好似幾正加上個名太特別，上面仲寫住『香氣撲鼻，必食之選！』，睇黎我應該無揀錯啦。咁正常舉手示意店員我要叫野食，店員過黎拎左自助落單牌幫我寫，原來要好似點心紙咁自助落單，其實都好方便快捷，尤其係一大班人黎食。唔洗睇餐牌都得，點解，你抬頭望就見到餐廳入面環境都好有特色，呢間店鋪將唔同菜色嘅名大大隻宇咁掛係牆到，感樣佈置幾有特色，別有一番馬拉式風格，等左十分鐘野食就到啦。招牌砂煲老鼠粉(4.2/5) 🌕🌕🌕🌕🌘招牌砂煲老鼠粉 ($78)，價錢就中規中矩💸，同荃灣廣場餐廳野食黎講差唔多，唔算貴，亦唔算平。唔好話睇餐牌唔知係乜，野食到左我都唔係好知係乜😂。店員叫我攪勻就食得。食之前緊係打吓卡📸先啦，今次個賣相就夠曬靚，見個樣就知道好足料，見到有蛋🍳、肉碎、銀魚仔、蝦乾🦐等等，我呢就轉左做米線🍜，攪米線🍜我估好食啲啩。攪勻之後，就事不宜遲即刻起筷🥢……未食嗅到個香味已經好香，香到忍唔住即刻食，呢種香味有種似曾相識嘅感覺🤔，好似係大澳呀長洲呀個啲煲仔飯，再夾雜住海水🌊嘅味，呢個招牌砂煲老鼠粉正正置身於依個環境度。新鮮出爐熱辣辣，啲煙出曬黎， 好有砂煲嘅感覺。第☝️啖食落去嘅感覺幾特別，估唔到呢啲配搭攪埋一齊食又幾好食喎，果然不出我所料撈米線🍜果然係正啲✌️，撈米線🍜醬汁唔咸，配搭住其他料又幾好食。肉碎炒得好香口，銀魚仔同蝦乾曬乾左咸咸地，加埋隻蛋🍳昇華曬，成個撈麵更加好食，加埋啲蔥呀其他料配料，成個招牌砂煲老鼠粉更加好食。初嘗地道馬拉菜🇲🇾，蘇媽.蘇媽馬來西亞茶餐嘅招牌砂煲老鼠粉好好食😋，唔單止配搭特別，連個名都夠曬特別，餐廳環境設計好好，好似真係置身於馬來西亞咁。我推薦大家黎到蘇媽.蘇媽馬來西亞茶餐食招牌砂煲老鼠粉，下次過到黎我就試吓個肉骨茶先………Read More

「蘇媽 ﹒蘇媽」馬拉文就係解「甚麼都有」，所以店舖提供唔同正宗嘅馬來西亞菜式，部份材料嚟自原國，務求做到原汁原味🇲🇾店內設計復古懷舊，富有傳統馬拉風格。 即使開咗分店，店外都依然出現人龍，大受街坊歡迎👍🏼💗無限添飲肉骨茶肉骨茶加咗20款藥材煲足兩個多小時，尤其當歸味最濃烈，湯頭微暖唔算太熱，充滿藥材香，茶底濃但冇苦澀味反而有回甘，藥材味已經比馬拉個d已經淡咗少少。另外帶d豬肉嘅鮮甜味，飲落香醇順喉🍲💗百吉爹肉骨茶大雜錦 ($145)有齊5款肉類，棒棒骨炆到骨肉分離，肉質偏瘦不過都幾淋，豬肉味濃，食到絲絲嫩肉🍗；豬手帶皮，筋位口感爽脆富骨膠原，佢係唔係屬於炆到軟冧個種保留咬口，挑剔嘅係仲有d豬毛；三層肉食落較鬆化帶油香，肥脂同瘦肉比例係1:3，已經相對較瘦🐷；豬肚好新鮮，食落爽口彈牙，清潔得好乾淨所以冇羶味；雞腳唔會煲到軟爛，由於彈性十足要花時間下，呢個好睇個人喜好，悲傷小姐就係鐘意呢款有嚼頭嘅🐥。將辣椒碎、蒜蓉、黑豉油同頭抽拌勻後，用嚟配肉食更惹味🧄底下加咗吸湯一流嘅豆卜同金菇🍄呢款仲送油炸鬼同響鈴，好可惜係冧哂一d都唔脆。呢鍋湯冇原裝肉骨茶咁重藥材味，多咗一份肉嘅甜味，味道比易接受，不過比較油膩🤔💗招牌砂煲老鼠粉($78)老鼠粉其實就係銀針粉，口感QQ咁證明冇煮過火。加咗兩款特調嘅豉油炒成，雖然睇落好深色，但食落好香唔會咸。面頭舖上滿滿嘅肉碎、豬油渣、江魚仔🐟、 蝦米碎🦐、蔥、炸蒜同流心蛋，非常足料，撈勻後份量有成3碗多。脆脆嘅豬油渣帶油香，豬肉碎惹味又唔鞋，其他配料鹹鹹地又脆口，生雞蛋趁熱撈勻變成熟蛋碎，一齊食口感非常豐富🍳💗椰香咖央多士($26)多士即叫即製，厚度切得適中，烘得香脆唔太燶🍞平均搽上綿滑嘅咖央醬，每啖都食到椰香同班蘭香，內餡甜而不膩，不過牛油嘅份量可以再多d。咖央落得足夠，悲傷小姐貪心dd 可以再塗厚就更加香濃🥥💗馬拉沙嗲串燒($85/6串)串燒可以試哂牛、雞、豬三款。雖然燒得焦焦地有炭火香，但有d燒過火肉質就普通🍢尤其牛肉最韌較難咬開，勝在牛味濃; 雞肉就過熟未算最嫩滑; 豬肉係最驚喜，甚至係食過最好食嘅豬串燒。肉質彈牙外食落超juicy，而且一d都唔肥膩。當然沙嗲先係主角，帶濃烈嘅香茅同椰香味，但花生香唔算突出，汁底味道偏甜而且唔辣，唔夠最惹味🥘💗玻璃魷魚配通菜($48)通菜新鮮無渣，淥完都保持翠綠，食落爽脆。晶瑩剔透嘅魷魚非常爽口，唔韌而且冇雪味，份量對得住個價錢🦑面頭嘅炸蒜同辣油係提味嘅關鍵，惹味十足🌶唔好睇少佢細細pat，辣味慢慢滲出嚟相當刺激。💗怡保肥仔芽菜($46)芽菜比香港嘅較肥同短，但食落更清甜多汁，而且入口爽脆。只係放落高湯灼熟，再落少少豉油、胡椒粉同蔥花調味，食咗咁多濃味嘅菜式，食番個清淡嘅蔬菜解除口中嘅咸味同油膩感🥬💗馬來西亞拉茶($22)跟足馬拉沖法，加入煉奶同淡奶，來回拉8-10下，令奶味平均。飲落幼滑香醇，茶味層次豐富，香氣比較特別☕️相比港式奶茶，最大分別係奶味偏重，而且較甜。悲傷小姐作為奶茶控都覺得甜度適中，而且有特色風味🥛…Read More

主打馬來西亞菜式，有肉骨茶、粉麵飯、小食、飲品，連甜品都有😀總店係深水埗，綿羊幾次經過都見到門口好多人等位😢終於佢係荃灣開左分店，趁佢岩岩開未係好多人，綿羊就即刻去食左次😃----------百吉爹肉骨茶 $46配唔同既肉係唔同價錢，綿羊揀既係一字骨🙂其實綿羊覺得嗌咩肉都冇乜所謂，因為啲肉唔係腍😅重點係肉骨茶😂基本上係必嗌❗因為係無限添飲嫁🤗茶有藥材味，但係又唔會好苦，反而有啲肉既甜味平衡番👍招牌砂煲老鼠粉 $68老鼠粉即係銀針粉，面頭舖滿肉碎、咸魚、蝦米、雞蛋、蔥花等等既配料，非常豐富😃上枱冇耐就要撈勻佢，唔係就痴底😅鹹味好夠，配料好富豐😄椰香咖央多士 $22多士烘得好脆，咖央醬只係岩岩好夠，但係都好好食😋綿羊第二次就嗌左多醬，不過食落會偏甜🤔馬拉沙嗲串燒 3串$40 6串$75有豬、牛、雞或者全部揀，沙嗲好香花生醬味，仲有花生粒，所以沙嗲味道帶甜😁肉質腍而且唔乾👍…Read More

之前睇住佢裝修，已經好高興，荃灣真係咩都有得食！第一日開業就去幫襯，下晝2點左右，雖然係星期六，但可能未有太多人知，唔駛等位直入！兩個叫叫咗肉骨茶，老鼠粉，炸滷肉卷同油炸鬼！當日叫咗皇帝骨，係幾多肉，$54嚟講價錢都算ok, 可惜肉比較乾柴，個湯味道就唔錯，仲可以叫staff refill油炸鬼亦熱同脆，唔錯老鼠粉即係銀針粉，好鬼大煲，上檯熱辣辣，內有菜圃，魚乾，肉碎，蔥粒等，味道都ok, 但唔算特別驚喜，係夠飽肚囉香炸滷肉卷岩岩炸起，所以要等一陣，入面配料都幾豐富，跟既辣椒醬都幾辣，不過略為唔夠鹹香！叫粉，麵可以加$15要個凍馬來拉茶，呢杯野超得甜味適中又夠滑，個人覺得成餐最正…Read More