高S拉麵小籠包

唔知點解上海菜硬係令我垂涎三尺，你諗下，鹹食有小籠包，甜食又有豆沙窩餅，想鮮味？亦有有砂窩雲吞雞啵，全部睇落好似做法簡單，但其實極考功夫，呢D咪就係引人入勝囉！👇🏻📌人 氣 推 介 - ▪️ 招 牌 小 籠 包 - $42/隻▫️ 先黎必食既「招牌小籠包」，一咬開裡面包住滿滿既湯汁，新鮮滾熱辣，鮮味十足，豬肉夠嫩滑，正宗皮薄餡靚。▪️ 砂 窩 雲 吞 雞 - $178/半隻▫️ 另一道招牌「砂窩雲吞雞」係上海最經典一環，湯底用新鮮三黃雞熬製，飲落味道濃郁，絕對係真材實料，雞肉肉質相當滑溜，完全唔會過老，雲吞外皮夠滑，加埋大量津白，夠哂飽肚！▪️ 招 牌 生 煎 鍋 貼 - $48/4隻▫️ 另外一款「招牌生煎鍋貼」外皮煎得金黃香脆，裡面餡料做到多汁又鮮味，呢個價錢幾抵食。▪️ 上 海 春 卷 - $42/3隻▫️ 另一道「上海春卷」炸得夠脆身，即使係油炸，但食落完全無油膩感，裡面係全素菜絲，夠哂健康，配搭醋一齊食，份外惹味。▪️ 火 腿 津 白 - $78▫️ 最後呢個「火腿津白」，津白姐係娃娃菜，煮得非常腍滑，面頭既金華火腿，帶住濃濃既鹹香，配搭一齊特別夾。▪️ 豆 沙 窩 餅 - $50▫️ 甜品方面試埋個「豆沙窩餅」，即叫即整，外層香脆，裡面豆沙餡料極多，食落甜度岩岩好，加上豆沙質感綿滑，呢個一定要試！…查看更多

正所謂你話而家嚟，TVB彭嘉麗。我成日幻想自己有穿越時空既能力，由現代來往古代只需1秒，由現在同過去我都有一個伴侶，享盡齊人之福，咁樣偷食邊個知？不過「高S拉麵小籠包」就唔洗偷，我光明正大食！👇🏻📌招 牌 推 介 -▪️ 招 牌 小 籠 包 - $42/4隻▫️ 一上枱呢個「招牌小籠包」新鮮滾熱辣，皮厚薄適中，夾起裡面既湯汁絕對唔會漏出黎，一入口滿滿既湯汁係口腔爆發，絕對係正宗上海味道，呢個價錢真係無得鬥氣。▪️ 招 牌 生 煎 鍋 貼 - $48/4隻▫️ 先黎個「招牌生煎鍋貼」，呢個外層底部煎得恰到好處，就算擺耐左都唔會變到好硬，仍然夠脆口，裡面餡料夠多，但唔會死實實，夠juicy，水準之上。▪️ 麻 醬 腐 皮 卷 - $62▫️ 試左呢個「麻醬腐皮卷」間一間場，腐皮卷裡面係包住木耳絲、蘿蔔絲同埋芽菜，而且沾滿麻醬，入口夠滑溜之餘又夠惹味，真係好開胃。▪️ 花 雕 醉 雞 - $80/例▫️ 再黎就係「花雕醉雞」，花雕既酒香完美咁醃哂落雞肉裡面，食落係相當入味，肉質亦唔會煮得太熟岩岩好，保持到嫩滑口感，好食。▪️ 京 燒 羊 腩 - $148▫️ 主菜方面試左個「京燒羊腩」份量十足，個羊羶味係好突出但係好自然果種，幾對唔係好腥果隻，而且羊腩裡面肉汁豐富，又夠腍滑，鍾意食羊既朋友會知我講咩，一定要試。▪️ 鮮 百 合 秋 葵 炒 蝦 球 - $148▫️ 最後呢個「鮮百合秋葵炒蝦球」，首先要大讚蝦球做得非常爽彈，入口完全無雪藏味，鮮甜無比，而秋葵炒得好夠味，加上質感係完全唔硬，好軟滑，加埋百合既香味，整體好清新，好食。▪️ 高 力 豆 沙 - $56/4件▫️ 甜品方面呢個經典「高力豆沙」上面灑滿糖粉，咬開裡面豆沙餡比例岩岩好，食落唔會太甜太膩，相當地道。…查看更多

成日話大包整多兩籠，大包整多兩籠，唔怕滯，點解一定要係大包，唔可以係細？我夠膽講包要有吸引力，唔一定要大，細細地好似小籠包咁就perfect，從來小籠包賣點就係皮薄餡靚，食既除左係個外皮之外，裡面先係佢個靈魂所在。👇🏻📌招 牌 推 介 -▪️ 招 牌 小 籠 包 - $38/4件▪️ 招 牌 生 煎 鍋 貼 - $45/4件▫️ 黎得呢到必食「招牌小籠包」裡面肉汁JUICY，豬肉夠嫩滑，外皮亦唔會好厚，一啖過過足口癮；「招牌生煎鍋貼」外皮夠煙韌，底部帶少少焦脆，裡面肉餡香口，口感十足。▪️ 招 牌 XO 醬 擔 擔 麵 - $52▪️ 紅 燒 牛 肉 湯 拉 麵 - $62▫️ 麵食先試左個「招牌XO醬擔擔麵」，就咁睇顏色好似好辣，但食落其實唔辣，反而好香，麵條加埋大量肉碎掛哂汁，濃郁入味；「紅燒牛肉湯拉麵」牛肉份量夠多，肉質爽彈嫩滑，麵條有彈性有咬口，同個湯底好夾，值得一試。▪️ 砂 鍋 雲 吞 雞 - $168/半隻▫️ 最後必食呢個「砂鍋雲吞雞」，超驚喜係就算半隻個份量都足以夠三至四人share，湯底清甜，有d金華火腿調味，難怪仲有d鹹香啦，完全唔覺果種味精感，食完都唔會好口乾，而重點係雞肉夠滑溜又唔老，仲有大量津白、小唐菜、雲吞，夠哂飽肚呀！▪️ 清 炒 時 蔬 - $60 ▫️ 最後嗌多個菜「清炒時蔬」清一清味蕾，整體我覺得好抵食，唔怪得離座果陣都係坐爆哂！…查看更多

天后開了一家新餐廳，主打小籠包，價錢合理，於是試一試。⭐️招牌生煎鍋貼$ 45 每一顆鍋貼都充滿了肉餡，外皮煎得金黃酥脆，一口咬下去，鮮嫩的肉汁在口中迸發，讓人回味無窮。

⭐️招牌小籠包$ 38 小籠包不算小，卻充滿了鮮味十足的驚喜。每一顆小籠包都包裹著豐富的餡料，咬下去時，肉汁在舌尖散發出濃郁的鮮美。

⭐️黃金蝦球$ 138 每一顆蝦球都炸得金黃酥脆，外酥內嫩，蝦肉鮮美多汁，搭配著青瓜的清爽。⭐️松子黃魚$ 198松子魚配搭番茄粒、蝦仁和松子的組合，為這道菜帶來了獨特的口感和豐富的層次。每一口都散發著魚肉的鮮味，松子的香氣在口中綻放，讓人愛不釋口。
⭐️高力豆沙每口豆沙充滿了濃郁的香甜味道，是不錯的甜品。
⭐️咸檸七$ 18 口感鹹甜，味道不俗。
⭐️絲苗白飯$ 12 配搭松子魚吃一流。
…查看更多