木船泰國粉麵專門店 (Closed)

久違係太和搵食，行過木船，覺得啲裝飾好吸引，又好耐冇食泰國野，所以就入去食😚成間餐廳嘅裝飾都係用木組成🪵，充滿泰國風情，亦有麻繩等裝飾好似喺船入面咁🛶，環境唔算細，都坐得舒服 😋嗌左燒豚肉飯定食同青咖喱吉列豬扒飯定食，用兩杯龍眼冰 龍眼冰🍹首先黎嘅係龍眼冰，比預期中有啲甜，但龍眼數目好多，適合用黎解辣！燒豚肉飯🐖🐖聽講燒豚肉飯係招牌黎，果然豚肉好好味，一片片唔會太肥膩，入口食到醬味好出，加上個飯有蛋係中間，昇華左成個飯～飯係上面都鋪滿木瓜絲，特別得黎都幾好味😋青咖哩吉列豬扒飯🥢🥢至於青咖喱吉列豬扒飯，因為本身唔係好中意食咖喱，所以覺得不過不失啦，吉列豬扒炸得剛剛好配菜方面，係有啲失望嘅，冬陰功湯太肥膩，而肉丸湯就普通，三款配菜都唔係好夾，有蛋沙律、brownie同肉丸，三款嘅味道都好唔同，同主菜唔太夾。 總括黎講，推介燒豚肉飯，下次再黎會想試jumbo湯河，見隔離台食緊，賣相好似幾好😋👍🏻另外都想讚佢哋店員服務好好，咁啱聽到隔離枱有個客人跌咗口罩，店員即刻話佢哋鋪頭有可以比個佢，好有人情味。😊 仲有係午飯時間咁忙店員都仲好有禮貌，抵讚！…查看更多

一直都知道呢間木船嘅存在，但可能因為身邊無人推介，而佢門面同裝修都唔係好起眼，所以一直都無的起心肝去試。直到上個禮拜放工，同男朋友兜嚟兜去都諗唔到食乜，最後決定give it a try，點知，一試愛上(我係，唔知男朋友係唔係)我哋叫咗兩個餐，一個係Jumbo木船湯河，一個係招牌燒豚肉飯，跟餐有湯、三款小食同餐飲。湯有兩款，分別係冬陰公湯同豬肉丸湯，我哋各叫咗一碗share嚟試。首先講吓個招牌燒豚肉飯，嘩，一上枱就已經好奪目搶眼，肉上面有超級無敵多青瓜絲，淋上泰式醬汁同芝麻，酸酸甜甜好開胃。燒豚肉簡直令我嘩嘩聲！首先佢哋燒得非常juicy，加埋個燒汁，一片肉再加啖飯，食到我就嚟高潮😂另外個jumbo木船湯河又係另一亮點，超大碗，超多餸，河粉底應該有二人份量，完全無同你客氣。湯底濃郁唔會過鹹，河粉滑溜，餸有白魚蛋、豬肉丸、貢丸、豬肉片、扎肉、牛腩、大量炸豬皮。我同男朋友share食都食唔哂。再嚟講吓個湯同小食。呢間個冬陰公湯非常之合我個人口味，辣度適中，夠酸，香茅味好出，椰香味個湯有多一個層次。小食款式每日唔同，我哋呢晚係麻辣雲耳、雞座，同朱古力蛋糕(呢個好搞笑) 麻辣雲耳勁惹味！勁麻唔會過辣，雞座正常，朱古力蛋糕男朋友話係莎莉😂餐茶我哋叫咗泰奶同泰啡，泰奶我本身最最最喜愛嘅係「水門X」嘅泰奶，但試咗呢間之後，即刻榮升第一位！飲港式奶茶我自己偏向重茶味嘅，但泰奶我自己覺得奶要多過茶味少少🤏先好飲，水門X其實茶同奶比例已經好好👍🏼但我覺得木船做得更勝一籌。而男朋友杯泰啡佢就覺得太甜，我試過都覺得過份甜，如果唔受得甜嘅朋友，可能未必鍾意。因為兩個主菜份量實在大到傻眼，最後食淨三成，不過木船真係另我一試愛上！佢唔係世界級水準，但質素同味道我個人十分滿意！…查看更多

今日同男朋友踏完單車到大埔 男友好想食泰國野 一search 就搵到呢間餐廳睇到d 食評同d 食物相 感覺都好高質！就決定行遠少少食好野入到店內環境都好舒服 小店感覺踏單車後緊係飲下d 凍野，我叫左鹹檸七，男友就叫青檸梳打☺️都好不錯！因為好肚餓都叫左d 小食 呢個水牛城雞翼好出色，辣辣地 仲叫左泰式鳳爪講到泰式鳳爪，我無論去到邊一間泰式餐廳，都會叫泰式鳳爪我最鐘意係呢間店d 菜有用心 好多料 👏🏻👏🏻男友食招牌燒豚肉飯，真心出色一食，我男友個胃好似開左制咁係咁食 停唔到🤣我都試左肉，真係好好味，尤其係d 燒汁，撈埋d 飯食好美味。勁多料！女仔食應該食唔晒😂😂😂我就叫左汁燒安格斯牛肉飯❤️都好好食 每舊肉都燒得好香，食落好似係炭火燒既感覺！同埋每個定食都有湯同小食，真係勁豐富，食到我勁飽😂😂😂最鐘意有場溫泉蛋撈飯估唔到呢間咁抵食！真係做完運動後行過黎食都好值得！仲要係食到我地兩個個肚漲住走😂下次會再黎食推介推介…查看更多

今日行山前喺木船醫左肚先！叫左一個安格斯牛肉飯配溫泉蛋定食同招牌燒豚肉飯定食，另加小食庶蝦4件第一次食庶蝦，好鐘意！個蝦炸到好好味，入面既庶咬起上嚟仲好甜！😋定食配一碗湯（冬蔭公/肉丸扎肉雞湯）、三色小食同一杯飲品冬蔭公味道幾正宗👍🏻 肉丸扎肉都好爽口彈牙👍🏻三色小食有蛋沙律（不嬲都好鐘意食😋）、麻醬豆腐同2粒似炸春卷細粒版既野（好味👍🏻）原來招牌燒豚肉飯有好多青木瓜！正！好爽口！食哂青木瓜就會見到溫泉蛋同燒豚肉。整爆左粒溫泉蛋再撈d燒汁落d飯到真係一流！豚肉亦好入味，又易咬！推薦！🥳安格斯牛肉飯配溫泉蛋原來同燒豚肉飯好似樣，只係無青木瓜。但一樣都好好味，牛肉味都幾出！👍🏻食飽飽，滿足哂，就出發去行山了😆…查看更多

大埔釣完魚後非常肚餓，一下子就見到呢間餐廳，外表非常吸睛。入到餐廳，好彩我地早到，當時並無太多人。店員安排我地坐船位，我地先發覺原來餐廳有如其名，有隻「小木船」喺入面。除咗船，都仲有好多木系裝飾品，好有style。我地叫咗個Super 串燒拼盤飯，有名你叫Super，真係大大碗。串燒有雞、豬頸肉同牛，仲有埋小菜同湯，份量非常充足。我朋友就叫咗招牌燒豚肉飯，份量比Super細少少，但都非常飽肚。豚肉上面仲有芫茜味嘅瓜，我朋友就話食落有少少辣。最後要講講兩杯特飲，跟餐一律加十蚊。泰式奶茶甜度啱啱好，同泰國嘅差唔多。反而龍眼冰就略嫌唔夠甜，不過都唔差~…查看更多

最近因為疫情，天時暑熱唔想煮嘢食嘅時候，喺餐廳外賣自取回家食都變成左大家嘅習慣。呢間泰國菜嘅外賣午餐都幾抵食，我哋今次叫咗三個餐回家食，我哋四個人都食得好飽好足夠。豚肉燒得好好味！好有泰式燒烤嘅感覺，好香口！以一份午餐來講肉嘅份量好多，啖啖肉好正！跟飯配嘅小食包括蛋沙律、中華沙律以及泰式魚餅，好豐富。另外仲加埋一個肉丸扎肉鮮雞湯，清清地都幾好。雞肉好多，唔會太油膩，感覺健康河粉幾滑，佢嘅湯底好似泰式船粉嗰啲有牛肉味的湯底，河粉連小小湯一齊食好夾牛肉好林好入味，肥瘦適中，啖啖肉！正！青咖喱加飯超好味！平時因為怕辣好少叫青咖喱，但係食落原來青咖喱感覺特別香，雖然有點辣但也一啖接一啖🤣我哋有跟餐餐飲，熱咖啡同埋熱薑蜜各加兩蚊，熱奶茶就唔使加錢。杯咖啡意料之外地香濃，好飲！薑蜜有埋薑絲在內，好夠味！奶茶都幾滑幾香濃。初頭以為佢嘅飲品都係普通餐飲，估唔到都質素幾高。我哋等外賣期間都見到呢間舖頭嘅客源源不絕，應該質素唔錯所以附近嘅人都經常光顧。的確佢哋嘅午餐都價錢合理又幾好味😊…查看更多

疫情下食肆6點後都只做外賣，行過見呢間外賣好抵食，一個餐包括主食、小食、湯、飲品。幾十蚊可以喺疫情下滿足口癮，實在係抵！招牌燒豚肉飯好香泰式燒肉味，豚肉香而不膩，面頭有木瓜絲。個飯汁又係超惹味，敗筆竟然係個飯太淋，好在肉同飯汁可以救得番整體水準。另一個黃咖哩牛腩，椰香咖哩香，雖然牛腩略嫌有些少唔夠淋，但呢個價錢牛腩份量算多，咖哩汁又煮得靚，係超值的。冬蔭公湯超足料同椰香，肉丸扎肉鮮雞湯都唔錯！三色小食係中華沙律、蛋沙律、魚餅，蛋沙律同中華沙律又幾好味，跟餐有兩塊魚餅又幾抵食！泰式奶茶都幾正，夠哂冰凍同茶味，但我覺得甜左dd😝。整體黎講，價錢packing材料，抵食到震的。…查看更多