木船泰國粉麵專門店 (Closed)

本身想食附近另一間泰菜，不過兩者相比，呢間真係抵食太多，晚市有套餐之餘，仲要唔駛加一，真係跑贏成個身位!! 之前已經食過佢既LUNCH，感覺唔差，炒麵有鑊氣，不過調味就重手得制。事隔幾個月，未知有無改善呢?!星期五晚上6點半到達，由於附近真係太多食肆，所以即使到左晚市時間都唔駛等位可以直入；由於太肚餓，所以點左個飯，另外，見加配小食既價錢實在太親民，所以加左兩個小食。我今次點左餐廳人氣之選----招牌燒豚肉飯定食 $88每個定食都會包三款小食，今日係麻辣雲耳、炸魚肉卷(應該係，我食唔出係乜，味道一般)、朱古力蛋糕(朱古力味濃，內有朱古力粒)。除左小食外，仲會有個餐湯同餐飲，餐湯我揀左冬蔭功湯。呢個又係好好味，夠酸、夠辣、夠椰，只能說「佢係我杯茶!!」。輪到主菜-----豚肉飯果然名不虛傳，真係好好味!! 青瓜絲、豚肉、飯既份量都好多!! 中間仲有一隻流心蛋，真係好豐富!!豚肉入口酸酸甜甜，辣味慢慢滲出，重點係燒豚肉仲有一陣陣燒香味!! 肉質唔係肥豚，所以偏乾身，但我就係中意食呢D，食哂都唔覺膩。友人就點左----汁燒安格斯牛肉飯配溫泉蛋定食 $88呢個飯同豚飯相對就無咁震撼，不過由側面圖睇，佢既肉量其實都唔少，賣相亦好靚仔。係咪安格斯牛我就試唔出，因為醬汁太多，多到食唔出牛味，而且食落好鹹，真係好鹹!!小食點左雞全部都雞-------水牛城雞翼$32、黑椒蒜香雞搥$26前者一客有兩串，每串有兩隻；雞翼先劏開，再用竹籤串住黎炸，唔怕中間位唔熟。熱辣辣上枱，香氣迫人，趁熱食肉質嫩滑多汁，味道唔會太辣，中意雞翼既朋友可以試。後者都係炸到金黃，偏重蒜味，肉質正常，無特別嫩滑感，勝在性價比高，$26有四隻!!咁樣食法人均都只係$120，兩個大食鬼都飽到上心口，性價比真係好高!! 下次黎既話，想試佢既冬蔭功湯河。…Read More

呢間木船泰國菜已經食過好幾次！之前有堂食，無論午市/晚市都一定要排隊。而家疫情期間佢哋仲有抗疫優惠，晚餐價錢都非常實惠，每份晚餐仲包一份小食、湯、熱飲。招牌燒豚肉飯定食 $88如照片所見，豚肉和青瓜絲放得滿滿，中間暗藏隻溫泉蛋，流心蛋黃仲可以撈飯食。豚肉一啲都唔鞋，但又唔會好肥，份量又多，好滿足。青瓜絲酸爽，好解膩！推薦：4.5/5 （必食之選）冬陰功鳳尾蝦湯金邊粉 $68外賣湯同面係分開上嘅。鳳尾蝦份量都比想像中多，最少有5隻，蝦肉都好爽口。冬陰功湯底非常濃郁帶辣，都係一款過下口癮既選擇。推薦：4.5/5 （必食之選）芝士磨菇雞翼 $28一共有3隻，雞翼煮得好靚，中間真係有蘑菇醬，好味推薦！推薦：4.5/5 （必食之選）套餐配送三色小食中華沙律、碎蛋沙律、魚丸。碎蛋有驚喜，好吃。推薦：4/5 龍眼冰/泰式奶茶 餐飲各+$10龍眼冰龍眼肉相當之多，鍾意食果肉嘅就會喜歡。泰式奶茶正常水準，食泰國菜必飲！推薦：4/5 …Read More

餐廳環境配合店名，以木製船做主題，吊燈有特色，好有格調。menu上除左有泰式菜款，仲有西式焗飯、小食等。叫左招牌燒豚肉飯定食($88)，XO醬炸豬扒飯($60)，鳳爪沙律($42)，水牛城串燒雞翼($32)。豚肉面上鋪滿大量青木瓜絲，非常爽脆。套餐附有既小食雞卷、蛋沙律、朱古力蛋糕仔都好出色，好用心煮，唔只係配角咁簡單。豚肉邊燒邊塗上燒辣醬汁，肉嫩多汁，冇燒到變乾。而且好似愈食愈多塊既感覺，不過食食下feel到辣，但過癮。白飯估唔到係粒粒分明，燒肉汁滴哂落飯到，飯量甚至男仔都可能食唔哂添呀。跟餐有雞湯或冬蔭公湯，冬蔭公湯果然冇揀錯。椰香、香茅味重，仲有菇一齊煮，好多料，唔算好辣。炸豬扒飯送上枱個陣嚇一嚇，因為好大份好多塊豬扒。豬扒足足有3大塊，脆口肉唔乾，而且唔係熱氣油膩個款，好juicy，一啖肉一啖飯，好易就KO哂。XO醬鹹鹹地後勁帶辣，配豬扒食又唔錯。鳳爪辣味過癮，而且爽脆，直接食唔駛吐骨。大量蔬菜紅蘿蔔絲、番茄仔、洋蔥攪拌，成碟都埋滿哂。而小食黎講，份量幾乎係出面餐廳既double。串燒雞翼燒得焦脆，而且好易就食到d肉。整體，食物份量多到驚人，但價錢好親民，而且食物質素好，食到泰國風味，性價比高。環境舒服，而且侍應有禮，值得去食。細食既記住少飯呀唔好浪費。…Read More

今日行山前喺木船醫左肚先！叫左一個安格斯牛肉飯配溫泉蛋定食同招牌燒豚肉飯定食，另加小食庶蝦4件第一次食庶蝦，好鐘意！個蝦炸到好好味，入面既庶咬起上嚟仲好甜！😋定食配一碗湯（冬蔭公/肉丸扎肉雞湯）、三色小食同一杯飲品冬蔭公味道幾正宗👍🏻 肉丸扎肉都好爽口彈牙👍🏻三色小食有蛋沙律（不嬲都好鐘意食😋）、麻醬豆腐同2粒似炸春卷細粒版既野（好味👍🏻）原來招牌燒豚肉飯有好多青木瓜！正！好爽口！食哂青木瓜就會見到溫泉蛋同燒豚肉。整爆左粒溫泉蛋再撈d燒汁落d飯到真係一流！豚肉亦好入味，又易咬！推薦！🥳安格斯牛肉飯配溫泉蛋原來同燒豚肉飯好似樣，只係無青木瓜。但一樣都好好味，牛肉味都幾出！👍🏻食飽飽，滿足哂，就出發去行山了😆…Read More