Tso Choi Restaurant

人總會喜歡懷舊，雖然不時也有吃中菜，但懷舊菜就不常吃，今晚是應約專誠來到九龍城，但不是吃泰菜，而是到訪「粗菜館」，吃吃特色街頭風味小炒。雖未至於時光倒流，但店內很有一股古早味道，裝潢滿有懷舊氣息，原來，這裡已有超過30多年歷史。細閱餐牌，先有菜館的起源，更介紹了名食家「蔡瀾」的提字。至於食物方面，選擇十分之多，可說應有盡有，當然，目標就放在「蔡瀾推介」一頁之內。廣東人最喜愛喝湯，所以，先來「老火例湯」，分了大煲$148、細煲$108及碗裝$58，我們這個是細煲，一來到熱氣騰騰，而是晚是青紅蘿蔔粟米煲豬骨，甚有住家風味，而湯頭深沉色，味道非常濃郁，湯料十足，真好喝。相信有不少客人是為了其「招牌炒豬雜」（$118）而來，我們也是，這是蔡瀾先生的大力推介，來到已感受到那股鑊氣，裡面已包含豬肚、豬腸、豬潤、豬心……等等，清理得宜，完全沒有豬臊味，以豬油、薑蔥、醬油來炒，又怎會不好吃呢。外出吃飯，當然要點些在家中難作的菜式，就好像這道「山楂醬排骨」（$95）是一例，太多功夫了。排骨入口保持外脆內軟，咬下去肉質鬆化，而其靈魂在於這山楂醬汁，真有山楂在內，酸酸甜甜，而那份酸味很沉實，一點也不嗆喉，亦不會太甜膩，平衡度恰好。另一道心水菜是「籠仔梅子蒸大鱔」（$148），其實這道菜可選梅子蒸或豉汁蒸，當然前者較少有，亦具特色。大鱔十分新鮮，完全沒有泥味，肥大肉厚，質感嫩滑得來有少少彈牙感，陳年梅子醬有解膩之效，而這個梅子醬味道比山楂醬酸度稍高，吃出了不同風味。在「粗菜館」不能錯過的還有極度邪惡的「豬油撈飯」，一碗要$20，人多倒不如點一客細桶，才$60，可分到四碗左右，豬油及自家製豉油可按個人喜好加添，米飯在豬油、豉油的包裹下，變得香氣十足，加上飯粒分明帶爽身，變成很不一般的白飯。吃罷，侍應幫忙收拾枱面，還加句慢慢坐，而且，不知幫恨添茶，招呼十二分之好，又有禮貌，這才是做飲食之道，讓我們也吃得很稱心。…Read More

每次去九龍城都很自然會想起泰國菜，但今次想轉轉口味，於是選擇了一間聞名多年但又未試過的客家菜老店。這餐館以客家小廚見稱，提供了多款傳統小菜，更有美食家蔡瀾先生的推介，令我急不及待要試試這個廚神的功夫。第一次來到這店，當然試一試廚師推介:招牌炒豬雜這個招牌菜非常惹味，材料包括豬心、豬腸、爽肚、豬潤等，以豉油老抽簡單調味，加上薑葱爆炒，令整個菜式充滿鑊氣。薑蔥炒魚腩 這個除了是蔡瀾其中的一道美味推介，也是我最喜愛的菜式。由於魚腩需要新鮮即煮，所以每天供應有限。脆炸後的魚腩外脆內軟，香口非常，肉質鮮嫰，最滿意是魚腩啖啖肉，吃得很暢快。惠州梅菜扣肉梅菜扣肉是客家菜的不二之選。菜式以煲仔形式呈現，剛送上來的一刻旁邊還有滾滾的氣泡，新鮮熱辣，一層肥一層瘦的扣肉，配以厚厚的梅菜墊底，肥而不膩，簡直是撈飯好拍檔。客家炒粉絲粉絲炒得非常乾身，簡單配上蛋絲、冬菇片及芽菜兜炒，美味爽口，看得出廚師的功駕。試過幾道菜，每款都各具特色，而且都很美味，下次要再留肚多試其他精美小菜。…Read More

去九龍城院舍陪媽咪食完飯之後倫到我要搵食啦～兜咗一大圈都唔知食mak好～遠遠見到粗菜館嘅招牌計下都有成三十年無幫襯了～於是決定重踏入尼間久違了三十年嘅風味小炒店～💃💃因為得兩個人所以order咗三樣嘢但都係招牌菜式～😋🤤👉招牌炒豬雜～好夠鑊氣且火候啱啱好～應爽嘅爽、應嫩嘅嫩～果然係招牌菜～必食no.1～😋🤤😍👍👉招牌炒魚腩～魚皮炸得酥香且脆～入口chop chop聲～厚身嘅魚肉好香～又係必食、no.2～🤤😋😍👍👉鮮魚湯浸勝瓜～鮮～😋🤤#粗菜館#九龍城美食#港式小炒店…Read More

星期日同屋企人一行6人去粗菜館食晚飯，多人去食既好處係可以叫多啲唔同既餸菜黎試，個日我地叫左5樣餸、1個湯同埋豬油撈飯。📍是日靚湯蓮藕眉豆豬骨湯，足料十分濃郁既老火湯，但我覺得偏咸左小小，鐘意濃味既人士就好岩。📍招牌炒豬雜 ，依個真係好好味，好有鑊氣，好入味，餸飯一流。📍 小炒皇 ，呢一味相對嚟講就是普普通通，不過不失。📍 豉汁籠仔蒸大鱔，呢一味係每個屋企人都十分喜愛，大家一致認為大鱔好新鮮，咬既時候有脆口彈牙既感覺。📍椒鹽鮮魷，每一次去食炒小菜必叫，依間整得好好味，乾身香脆爽口，味道好夠，就算冇喼汁都一樣好食。 📍山楂醬排骨，酸酸甜甜好開胃，排骨一啲都唔韌，幾好食。 📍豬油撈飯 ，豬油加豉油撈飯，邪惡得黎又好惹味，值得一試。 …Read More

記得細細個間唔中就會跟屋企人去九龍城食粗菜館，今晚收工約咗朋友喺附近食飯，一於唔再食泰國嘢，相隔多年再嚟呢度食返兒時回憶～ 今次二人份點咗三個菜同例湯，當然要試吓蔡瀾推介菜單啦！-■老火例湯係飲過最甜的清紅蘿蔔粟米湯，大大煲好足料！唔怪之得每枱食客都例牌叫一煲～瓦煲上枱保溫效果好好，食飽飽再飲多碗湯仍然好熱～■薑蔥蜆芥炒牛肉職員推介的菜式！果然牛肉炒得香嫩入味，送飯一流。■招牌炒豬雜大大件豬潤、豬肚、豬腸、豬心，非常惹味有咬口，而且豬雜係由乳豬、大豬同中豬揀岀來，非常講究。■薑蔥炒魚腩招牌菜之一，每件魚腩炸得皮脆肉滑，爆多薑葱超級香口！■豬油撈飯豬油同豉油分開上，可以自行加適當份量～雖然有啲邪惡，不過望見餐牌真係好難忍口唔叫。-能夠喺香港屹立多年認真唔簡單，除咗有一眾街坊支持，呢度仲不時有名人到訪。雖然名叫「粗菜館」，食嘅並非「粗菜」，如果經開九龍城，不妨來試吓啦。-🔖回頭指數 ✦✦✦✦✦粗菜館 (九龍城)📍九龍城衙前圍道17A號地舖......…Read More

香港人都鐘意食有鑊氣既美食 要搵間色、香、味俱全既餐廳都唔易啊上星期去左九龍城食明星飯堂「粗菜館」 入到去見到兩面鏡牆佈滿晒來自世界各地嘅名人簽名🤩真係好有名氣我地叫左幾道出名菜式 全部都好好味🥹❤️‍🔥老火例湯😋岩哂鐘意飲湯既我地（每日限量20煲）真係手快有手慢無 超甜既西洋菜湯🥰好足料好豐富好好味🤤招牌炒魚腩（每日限量20份）超好食既魚腩片 份量好足夠 個皮煎得脆卜卜 係我食過最好食既中菜款式🐟招牌炒豬雜 聽老闆講一碟豬雜包含哂大、中、小豬🐷既唔同部位 食落好新鮮 好爽口 無overcook😋剛剛好👍🏻薑蔥炒蜆雞🐓雞肉好嫩滑！岩岩出鑊熱辣辣 重有啲蜆肉配搭 好入味😋蔡瀾鹹魚炒時菜🥬好有鑊氣既炒菜🥰配上油麥菜 味道一流 食左甘多肉類 叫番碟菜就perfect😚不得不提老闆好nice 同我地介紹唔同菜式既煮法 又時不時問下客人啲菜式味道點 好貼心(⁎⁍̴̛ᴗ⁍̴̛⁎)🩷一定會再encore…Read More

早幾日出開Mikiki行街買野，買完野都差唔多晚飯時間，醒起九龍城出名多好野食🧐一於就行過去九龍城嗰邊搵食啦😊行到衙前圍道見到好出名嘅👉🏻粗菜館，就比佢門口d食物相吸引住😋仲要寫住蔡瀾推介😍😍😍唔駛諗，即刻入去食！一入去坐低睇緊餐牌嘅時候，老闆娘就同我地推介佢地嘅招牌菜👉🏻炒豬雜&炒魚腩🤔當然要試吓啦👍🏻我地叫咗招牌炒豬雜豬雜用薑蔥爆炒，鑊氣十足👍🏻 豬雜食落口完全無異味👍🏻聽老闆講豬雜係用唔同大細嘅豬內臟，分別係大豬嘅豬肚，中豬嘅豬肝，細豬嘅豬腸，喺我眼中好普通嘅食材原來係咁講究🤔招牌炒魚腩一上菜時我嘩咗一聲😱d魚腩咁大件嘅😱😱😱魚腩係用薑蔥蒜爆炒，一樣係鑊氣十足，魚腩炒得外脆內嫩，唔多細骨，食落口啖啖肉好正😍趁老闆得閒時再問吓點解d魚腩咁大件，老闆話佢地用嚟炒魚腩嘅魚大概九斤重😱唔怪之得d魚腩咁大件差唔多成隻手掌咁長秘製沙薑雞同出面食到嘅沙薑雞好唔同，出面食到嘅沙薑雞多數用沙薑粉醃完再蒸/就咁提供一碟沙薑汁比你點但呢度嘅秘製沙薑雞係成個沙薑醬汁淋埋上面🤩所以沙薑雞食落味道香濃入味，雞件亦非常嫩滑😍😍豬油撈飯飯用桶裝，豬油&豉油分開上，可以自由調教份量👍🏻食落滿口豬油香，非常邪惡😂老闆仲親自過嚟示範比我地睇點樣撈👍🏻老火例湯係有媽媽的味道嘅蓮藕豬骨湯 😋湯好足料，火喉十足👍🏻送上時仲係滾緊嘅狀態瓦煲嘅保溫效果好好，我地食咗差唔多半個鐘先開始飲湯，個湯仍然好熱👍🏻整體評價：食物份量好多，我地2大1細都飽到棒住個肚走😂同埋睇落好似好普通嘅食材原來咁講究店面唔太大，正正因為唔太大所以老闆同老闆娘可以用心招呼好每一枱客一間食物質素高，人情味十足嘅餐廳唔怪之得咁出名咁多人幫襯…Read More

粗菜館係多年九龍城明星食府，多年來一直保持水準，而且仲係蔡瀾推介食府，所以食物質素一定唔會差，早年同家人食過覺得好食岩味道，今日都無變一定要試下招牌菜式，招牌炒豬雜同招牌炒魚腩炒豬雜係豬既內臟，由三代唔同既豬肉炒出，嫩豬中豬老豬，分別有豬心豬潤豬腸豬肚，唔同年紀既豬肉有唔同既口感，老闆好有諗頭，係一道必試菜式，炒出黎無內臟苦澀味，廚師事前準備功夫做得好炒魚腩好香口，都係必試，食食下會更鐘意食，香脆外皮軟的魚肉，好鮮嫩可口，平時少食魚既都會鐘意食呢道菜，果然招牌菜無誤蒜蓉炒菜心蒜蓉味道好突出，突出到菜心的鮮甜，菜心又鮮嫩客家炒粉絲有鍋氣，始終係唔同啲，連醬汁都好好味，份量又充足大大碟紅蘿蔔粟米豬𦟌湯一上枱滾到出煙一鍋上剛剛煲好的湯，即刻趁熱飲，感覺唔到有味精而且好清甜，煲得好出味，飲左幾碗菜館位置容易搵，幾道菜都做得好出色老牌菜館唔會令人失望，睇得出老闆好用心經營菜館，用料同心機都落足心血去做老闆話係一代傳一代做落去，家傳菜館好難得，希望菜館出色既菜唔會失傳，真係100分…Read More

今晚來到九龍城覓食，決定試試名食評家蔡瀾先生推介的粗菜館。食店歷史悠久，店如其名，以粗茶淡飯作招徠，主打傳統廣式小炒。可能服務員對店舖有歸屬感，他們對食客都很有禮貌，更會不時為客人添水。🐷招牌炒豬雜～這款小菜是蔡瀾先生的重點推介，店內更有他親自題字的「炒朱什」牌匾。豬肝、豬腸，豬腰及豬肚等配上薑葱爆炒，鑊氣十足。難得是豬雜完全沒有豬臊味。聽老闆講，這道炒豬雜特別之處，是用上不同size豬隻的內臟：豬肚來自大豬，豬肝來自中豬，豬腸則來自細豬。難怪吃出來的口感較坊間選用同一豬隻內臟去炒的更突出，更入味。🐟招牌炒魚腩～魚腩只有一條大骨，啖啖肉，外脆內嫰，十分香口惹味。🐦秘製煀乳鴿～乳鴿用上以多種材料淆成的高湯及滷水去煀，非常入味，肉嫰骨香，真正做到令人齒頰留香😋😋。🥣老火例湯(細)～蓮藕豬骨湯用料豐富，每日限量二十煲，難怪味道鮮甜，火侯十足。🐷🍚豬油撈飯(細桶)～白飯以木桶盛載，上枱時連豉油及豬油各一樽，食客可按個人喜好隨意決定豉油及豬油的份量。拌上豬油及豉油的白飯油脂濃郁，色澤吸引，每啖飯都充滿油香。平日無飯癮的我也吃了兩大碗呢！粗菜館見證了“食材不需名貴，烹調用心才是皇道”！…Read More

雖然平時都鍾意煮番兩味嘅我，家常便飯還可以，但真心吾叻煮風味小菜，所以唯有出街搵番間有口碑嘅菜館，叫番兩三個粗菜小炒，滿足一下口慾。咁啱趁住屯馬新通車，今晚一於走一轉九龍城覓食。呢間位於九龍城衙前圍道的「粗菜館」，看來歷史悠久。門前張貼著大大張蔡瀾十大推介，睇相都已經流曬口水。店舖雖不大，但分有上下層。晚上7:00已經開始要等位了，我們兩人等了一會便安排入座了。望住十大推介，樣樣都想食，經過一輪深思熟慮，終於有定案了。介紹番是日精挑細選小菜有：惠州梅菜扣肉、豬油渣炒菜、薑蔥炒魚腩、招牌炒豬雜。配埋碗綿滑白粥，真係冇得輸。「惠州梅菜扣肉」- 唔使多講，呢款菜自己煮真係有排攪。梅菜咸甜度要較得啱啱好，扣肉要夠淋，豬皮及脂肪又要炆得綿，真係又要功夫、心機和時間。呢個小菜味道入口非常舒服不油膩，送飯送粥一流。「豬油渣炒菜」- 本身想食豆豉鯪魚炒油麥菜，但一場來到，沒有理由不試試呢款推介「豬油渣炒菜」㗎。沒想到咁啱又係炒油麥菜。油麥菜配豬油渣，再加埋蒜子、蝦米、冬菇片。炒菜炒得好絕不容易，火喉掌握很重要。呢碟菜不單入口不老，而且爽脆可口，仲要保存到菜的翠綠，色香味俱全。「薑蔥炒魚腩」- 食薑葱魚腩最緊夠多薑葱，呢個就啱晒我心水了，薑葱炒得夠香夠多，魚腩足足有六件，每件都炸得很鬆脆。連魚翅骨咬落都脆卜卜，裡面魚肉仍十分嫩滑，件件皮脆肉滑，真係食到唔停到口。「招牌炒豬雜」- 呢味菜真係好少會自己屋企煮。豬雜有豬潤、豬肚、豬腸、豬心，香口惹味，炒得火喉十足。我同阿仔又係食到舔舔脷，我哋表示好好味。總結今晚呢四款小炒，真係各具特色，正正程現了「粗菜精炒」嘅功夫。只需一些普通常見的食材，經過廚師精心製作，一樣可以係佳餚美食，令人滋味無窮，真係食過番尋味😋。…Read More