Espuma (M88)

餐廳位於中環M88大廈超近🚇地鐵站中環D1出口行3分鐘就到👍(就喺蘭桂坊隔離)💡環境設計有滿滿既西班牙風格環境同座位都好舒適，氣氛輕鬆就算坐滿人都唔會覺得好迫👍🤗重點係有塊🪩大落地玻璃窗可以俯視香港街景/半山靚景超推薦🌆半山日落時間/夜晚嚟🌃餐廳主打亞洲➕西班牙融合菜系例如Tapas/海鮮飯/甜品都好有心思💗🔻食評時間🔻🦪紐西蘭活青口（白酒忌廉汁）青口食落好鮮嫩鮮甜，配埋香濃順滑嘅忌廉汁好夾😋仲配埋蒜蓉包🍞可以點汁食🦞法式龍蝦湯🥘湯底係用龍蝦殼熬製~啖啖龍蝦肉，超濃超鮮甜口感Creamy，飲落去啖啖都好滋味😋🤎鵝肝黑松露醬意大利麵🍝大大舊鵝肝，煎得好香口👍而意粉汁好Creamy，黑松露味都好香🫶🍹招牌水果茶🧊好足料，好多水果碎🍊🍎🍏酸中帶甘，好解渴🥰…Read More

生日前一天即興搵咗呢一間餐廳，見到好多評價都好評，食客通常都係夜晚嚟食，見到好多都係夜晚嘅相。我鍾意日頭食西餐，嚟到現場環境都唔錯呀！因為日頭唔多人，成個場好似俾我包咗咁，係咁影相，真係開心我哋兩個人最尾食咗$575原隻龍蝦西班牙海鮮飯，鮮味重飯有啲辣三文魚煎得啱啱好唔會太乾，唔太鍾意，檸檬醬就冇乜食龍蝦湯好正有龍蝦肉蕃茄湯酸味唔似罐頭湯水果茶少少甜，茉莉花茶底，清新套餐有蛋糕送，就當食咗生日蛋糕㗎啦蒜蓉包好食呀有兩塊，食咗一塊先記得影相英式奶茶就麻麻哋，都係鍾意港式奶茶多啲…Read More

中環週末悠閑下午茶｜Espuma (M88)週末成日喺中西區，星期六晏晝去咗中環M88嘅Espuma ，見佢afternoon tea set兩位用$308又唔貴，就試試佢。都真係幾好食，鹹甜點味道都拿捏得宜👍🏻店員又友善熱情，好舒適嘅用餐體驗👍🏻Afternoon tea set🍽️人均：$200🕰️時間：週末中午（⭕️walk in）🫖Afternoon Tea Set 2023 Map (for 2pax) $308好趣致嘅下午茶set，佢有個world map，加一個放大鏡，俾大家睇吓每個食品來由💕個地圖轉盤仲識轉㗎😍interestingggg其中甜點有芒果蛋糕卷🍰腰果忌廉抺茶朱古力芝士餅🍫同scone都好味道😋鹹點就最欣賞青檸七味蝦撻🍤同炸墨汁卷伴泰式辣醬🥰夠脆口又入味！🫖招牌水果茶 （加$15）飲品方面就叫咗一杯熱Novell coffee☕️ 同另外加$15轉招牌水果茶🫖水果茶百香果味夠重，蘋果同橙等都夠多👍🏻值得加錢🍧黑白芝麻吞拿魚伴青檸雪葩 $98吞拿魚夠新鮮，伴青檸雪葩袪埋佢一絲可能腥味，十分聰明嘅配搭🙌🏻🫓牛肉芝士蔥油餅 $98牛肉芝士係免治牛肉，有少少失望但都算唔錯👍🏻Bible rating: 8.5/10📍地址：Espuma (M88) (中環)中環威靈頓街2-8號威靈頓廣場M88 17樓…Read More

夏天就係想食靚靚的下午茶細數中環的打卡餐廳定會有呢間份。半山美景一覽無遺、單邊一排玻璃窗令店的採光度高觀景明亮，身處17樓居高臨下，百年聖母無原罪教堂、禮賓府等歷史建築儘盡收眼簾閏蜜知我就嚟生日提議嚟食個打卡high tea，佢話個新tea set主題係【有你相伴，世界便是我們的寶藏庫】，用「環遊世界」為概念，以水晶球為裝飾、內藏著精緻茶點，餐廳另附上放大鏡給客人觀賞｛尋寶圖｝menu比喻環遊世界，去細味來自世界各地嘅特色美點。我哋一致認為打到靚卡又有得食tea趣味盎然。同場亦有幾pair情侶甜絲絲咁拍住拖嘆茶影靚相Afternoon Tea Set 《情人遊天地》下午茶套餐 2位用・ 牛肉焦糖洋蔥薄脆多士・ 脆爆芝麻英式鬆餅配鮮忌廉及果醬・ 冰糖提拉米蘇・ 鮮果蛋白卷・ 薑汁忌廉抹茶芝士餅・ 椰絲照燒雞鎚・ 炸墨魚卷伴泰式辣醬・ 青檸七味蝦撻> 賣相精美、一見到我哋即刻心心眼！8款食物味道各有千秋、朋友鍾意食香口嘢就like啲鹹點，尤其薄脆多士佢覺得又香又酥脆夠惹味。本身自己鍾情甜食、鮮果蛋白卷蛋糕體幾柔軟又唔太甜，薑汁忌廉抹茶芝士餅兩個味道組合又夾得唔錯，薑汁令抹茶蛋糕仔唔會過漏，食scone我喜歡點clotted cream口感香滑啲Iced Rose Coffee 玫瑰凍咖啡 > 朋友點呢杯凍咖啡另加$15，外觀顏色嬌美，佢話飲落有玫瑰花香啡味濃郁Signature Fresh Fruity Tea招牌水果茶 > 食下午茶點少得一壺靚茶？上桌時是用透明玻璃茶壺連蠟燭座㷫著，將茶倒入迷你玻璃杯仔非常有儀式感，公主feel滿瀉！見到成壺都係雜果粒、味道清新唔錯甜味足。都係另加$15、自己覺得幾好飲…Read More

👫🏽~ 𝐵𝑒𝑒𝑟𝑃𝑖𝑔 𝑅𝑒𝑣𝑖𝑒𝑤 ~👫🏽【 打卡一流·浪漫氣氛西餐廳 】#beerpig灣仔 #beerpig西式💖想睇更多美食 & 日常分享？快啲Follow @Beerpig.Foodie 留意有咩推介啦🌟—#🍻🍖 質素：🍽️Set Menu for Two｜$628🥗𝑻𝑨𝑷𝑨𝑺 & 𝑺𝑨𝑳𝑨𝑫 𝑻𝑶 𝑺𝑯𝑨𝑹𝑬｜𝑺𝒎𝒐𝒌𝒆𝒅 𝑺𝒂𝒍𝒎𝒐𝒏 𝑩𝒊𝒌𝒊𝒏𝒊 𝒘/ 𝑻𝒓𝒖𝒇𝒇𝒍𝒆 𝑺𝒂𝒖𝒄𝒆 · 𝑫𝒂𝒊𝒍𝒚 𝑺𝒐𝒖𝒑 · 𝑷𝒂𝒓𝒎𝒂 𝑯𝒂𝒎 𝑺𝒆𝒂𝒔𝒐𝒏𝒂𝒍 𝑺𝒂𝒍𝒂𝒅｜煙三文魚黑松露醬多士·是日餐湯·巴馬風乾火腿季節沙律｜前菜都幾豐富，煙三文魚配黑松露醬多士幾香口，酸酸甜甜既沙律好開胃🧆𝑯𝒊𝒓𝒐𝒔𝒉𝒊𝒎𝒂 𝑶𝒚𝒔𝒕𝒆𝒓 𝑻𝒐𝒓𝒕𝒊𝒍𝒍𝒂｜西班牙式廣島蠔蛋餅｜小食可以二選一，小編揀左呢款蛋餅，廣島蠔幾有鮮味，唔覺得腥，都算肥美🍝𝑭𝑰𝑹𝑺𝑻 𝑴𝑨𝑰𝑵 𝑪𝑶𝑼𝑹𝑺𝑬 ｜𝑭𝒓𝒆𝒈𝒐𝒍𝒂 𝒘𝒊𝒕𝒉 𝑪𝒉𝒊𝒄𝒌𝒆𝒏 𝑩𝒓𝒆𝒂𝒔𝒕 & 𝑪𝒉𝒐𝒓𝒊𝒛𝒐 𝒊𝒏 𝑻𝒐𝒎𝒂𝒕𝒐 𝑺𝒂𝒖𝒄𝒆｜香烤雞胸辣肉腸蕃茄珍珠麵｜三選一既第一道主菜，珍珠麵粒粒麵好有咬口，圓碌碌既麵都幾特別，微微既蕃茄酸配上辣肉腸，豬生食第一啖就食唔停🥩𝑺𝑬𝑪𝑶𝑵𝑫 𝑴𝑨𝑰𝑵 𝑪𝑶𝑼𝑹𝑺𝑬｜𝑮𝒓𝒊𝒍𝒍𝒆𝒅 𝑨𝒖𝒔 𝑹𝒊𝒃𝒆𝒚𝒆 𝑺𝒕𝒆𝒂𝒌 𝒘/𝑪𝒓𝒊𝒔𝒑𝒚 𝑭𝒓𝒊𝒆𝒔｜香烤澳洲肉眼扒伴脆薯條｜四選一既第二道主菜，小編點左五成熟既肉眼扒，外層煎得好香口，內裡仲好軟嫩，仲可以選擇粗鹽或者醬汁配合一齊食🍹𝑺𝒊𝒈𝒏𝒂𝒕𝒖𝒓𝒆 𝑭𝒓𝒆𝒔𝒉 𝑭𝒓𝒖𝒊𝒕 𝑻𝒆𝒂 (𝑯𝒐𝒕)｜+$𝟏𝟓｜招牌水果茶｜小編好中意呢款水果茶😻平時飲得多凍既手搖水果茶，原來暖粒粒既水果茶仲正，有蠟燭一直暖住水果茶，越飲得耐，果香就越濃，仲可以倒埋果粒出黎邊飲邊食，好想食屋企都沖到黎飲～🍹𝑴𝒐𝒄𝒉𝒂豬生又點左至愛既朱古力咖啡，咖啡味幾香濃，飲落唔會過甜，都唔錯🍮𝑪𝒉𝒖𝒓𝒓𝒐𝒔｜西班牙炸油條｜最後又點少得甜品環節～新鮮炸起既西班牙炸油條，外層脆卜卜，咬落內裡鬆軟，同朱古力醬一齊食一定係絕配—🍻 #Espuma 🍖📍灣仔皇后大道東202號QRE Plaza 25樓📍尖沙咀厚福街8號H8 2樓📍中環威靈頓街2-8號威靈頓廣場M88 17樓—#BeerPig · #啤酒豬 · #酒肉朋友…Read More

自從換了工作之後，已經很久沒有與舊同事相聚。這天剛好有一天假期，特意相約他們吃個午餐。幸好事前有先預約，因為中環的午飯時間可謂一位難求！即使預約了也需要等候上一輪的客人結帳離席才有位，幸好上菜速度亦算快，所以一直都很受在附近上班族歡迎。espuma有數間分店，中環M88和尖沙咀厚福街那間都有吃過，一直以來它們的食物水準也不錯，十分推薦。午餐的餐牌有6款可以選擇，種類繁多，而套餐除了主食外亦會附送餐湯或沙律、飲品以及甜品，十分豐富。當日的餐湯是西蘭花湯，將西蘭花打成蓉再加上忌廉做成的湯，入口很重西蘭花味，還保留了一些西蘭花的顆粒感，使湯的口感更為豐富。我們都覺得這個西蘭花湯很不錯，比起一般的忌廉蘑菇湯或是粟米湯來得更有誠意。另外還會附上一小片蒜蓉包，烤得香脆美味，與餐湯十分配合。香煎三文魚柳配紅菜頭發達芝士沙律 HK$158香煎三文魚柳的賣相超吸引，很大的一塊而且煎得恰好，肉質嫩滑而且帶有滿滿的魚油。三文魚的底部還有薯泥，紅菜頭發達芝士沙律能夠中和三文魚油的油膩感和薯泥的飽腹感，整體感覺十分平均。巴馬臣雞胸忌廉菠菜珍珠麵 HK$138菠菜珍珠麵真的很特別，賣相亦很吸引，而且很有飽腹感。雞胸肉雖然有點薄，但是並不嚡身，不是那種很乾很硬的口感。上面撒有巴馬臣芝士，令味道變得更豐富和有層次。香煎大蝦忌廉黑松露意大利飯 HK$148對比起上面兩款午餐，這道意大利飯的賣相卻顯得稍為有點失色。大概是色彩上面有點單調，就只有大蝦的橙紅色和雪白的意大利飯以及黑松露的顏色。若然能放上一點綠色作點綴，相信整個賣相會更為吸引。味道方面其實也不錯的，意大利飯做到正宗偏硬的口感，忌廉汁收茨很好，黑松露味道不太濃但也能吃得出。作為整道意大利飯重點的大蝦煎得香口，蝦的裡頭更有膏，質量不錯。招牌水果茶 (轉配特飲+HK$15)來到espuma，一定要試試它們的招牌水果茶。由多種不同款式的水果配搭而成，再結合清香茶底的水果茶。味道保留了原有水果的甜度，因此不會太甜，味道清新。是日甜品是伯爵茶蛋糕，小小的一件正好滿足一下飯後想吃甜品的癮。幽香的伯爵茶真的很適合做甜品，蛋糕口感鬆軟，雖然是附送的小蛋糕，卻很有驚喜。…Read More

星期日下午book左Espuma 下午茶Tea Set, 朋友話今次Tea Set, 擺盤好特別，會以夏天做主題而且用上特別的擺盤方式，所以決定一起來！看到Menu, 主題係渡“夏”秘景，食物會用特製的木盒上枱，海灘和夏日元素十足。 點了招牌水果茶和烏龍，飲品首先送上。食物方面，先來的是青檸英式鬆餅，配忌廉和蜜糖果醬。鬆餅鬆軟，帶著果香，味道醒胃。 然後是寶箱裡的Savouries 和 Sweet Treats。打開寶箱， 傳來陣陣的海浪聲，原來由裡面特別設計的小型音樂盒發出； 寶箱裡面裝著不同的食物， 配上小雨傘和太陽櫈的小擺設，帶出夏日祕境的主題！ Savouries：迷你牛肉芝士漢堡牛油果蝦多士波菜忌廉伴烤雞柳巴馬風乾火腿蜜瓜紅菜頭撻惹味焗蟹蓋Sweet Treats：紅梅慕絲甜筒蘭香子雜果布甸香橙果凍袖子吉士撻車尼子帽子蛋糕Savouries方面，個人喜歡牛油果蝦多士，牛油果香滑，配上爽彈蝦多士捲，雙重口感！ 另外迷你牛肉芝士漢堡，牛肉新鮮，肉質彈滑，牛肉味濃，設計成小漢堡，不搶其他食物風頭！還有，焗蟹蓋也是個人推介，醬汁調配出色，精緻而美味！Sweet Treats方面，蘭香子雜果布甸，配搭創新，味道清新！香橙果凍, 造型十足，新鮮切件香橙。 袖子吉士撻，絕對可以幫你調整味覺，繼續食出各款美食的真味。整體，中環店景觀一流，看著依山而建的建築物，教堂，樹木和街景，配上極具夏日特色為主題的Tea Set, 食完絕對可以給你動力去展開一段去海邊渡假的旅程！…Read More

香港人一向俾人印象都喺好忙碌，有時朋友間約食餐飯都唔容易，有啲人要加班難預時間，有啲人要照顧屋企難就時間，各有原因，各有苦衷。如果彼此工作地點近就可以食餐晏仔，中環一向搵食難，放飯時間周圍都喺人，所以，俾多少少搵間餐廳好坐啲，又舒服嘅跟朋友聚一聚。Espuma幾年前嚟話過，記得環境唔錯，食物又有一定水準，較安心同朋友嚟用餐。店內嘅裝修好似跟幾年前嚟嘅唔同，印象中，以前嘅喺帶點復古典雅，有唔少馬賽克及手繪壁畫作裝飾，但今次再訪，感覺就簡約咗，木地板、木枱椅，牆上少少盆栽做裝飾，無太多餘嘅擺設，一句「Eat for Happiness」點出餐廳方向。我哋被安排後排落地大玻璃旁嘅二人枱，自然光嘅透入，讓人更感舒服。餐廳設午市套餐，以中環區而言，都幾划算，包是日餐湯或沙律+主菜+精選甜品+特選咖啡/茶，定價為$118-168，主菜共6款選擇，有薄餅、豬、牛、魚、海鮮……等種類，可加錢升級其他特飲。田園沙律小弟就喜歡頭盤揀食沙律，可以開開胃嘛。個沙律好簡單，喺慣見嘅組合：沙律菜搭車厘番茄。反而個醬汁有啲特別，辣辣哋，似泰式醬汁，酸酸辣辣咁。南瓜忌廉湯友人揀咗餐湯，伴有一小件香蒜法包，小弟只喺淺嚐一口，南瓜味相當濃郁、清甜，質感打得柔滑，算合格有餘。慢煮豬仔脾配香橙汁及煙肉粟米牛油飯 $138主菜我就想試個豬仔脾，貪其配個香橙汁，睇睇會唔會有啲火花。雖然，話啲豬仔脾喺慢煮，但就未有預期咁軟腍，不過，就燒得幾香口，而且，酸酸哋嘅香橙汁配豬仔脾確喺幾好；只喺煙肉粟米牛油飯就失望啲，煙肉就無影，牛油香欠奉，反而啲伴菜燒意大利黃瓜、蜜糖豆、車厘番茄就好好食。香煎盲鰽魚柳配西京山葵汁 $158友人就好滿意佢嘅主菜香煎盲鰽，我都「些牙」咗兩口，條盲鰽的確煎得正，外皮夠香脆，魚肉嘅魚味濃且嫩滑，沾上由白麵豉做嘅西京山葵汁，真喺好得；而且，除烤菜，仲伴有蕃薯蓉，軟滑香甜，極之好食。精選甜品甜品其實唔算喺咩精選，只喺細細件忌廉芝士蛋糕一件，還好喺味道都唔錯，幾有芝士味，口感亦好幼滑。焦糖鮮奶咖啡 +$15飲品方面，一定揀咖啡，因為曾經試過佢哋啲咖啡，確喺沖泡得出色，皆因以西班牙Novell咖啡豆即磨沖製。而我呢杯鮮奶咖啡，加入焦糖元素，入口醇香細滑之外，滲出嘅焦糖香，讓人更添半分寫意。招牌水果茶 +$15水果茶亦喺呢度嘅招牌，大大壺水果茶，浸入唔少新鮮生果。茶底頗清香，滲出微微酸甜果香，予人感覺清爽。除咗小弟嘅煙肉粟米牛油飯失準之外，整體樣樣食物都好稱心。雖然午市有丁點嘈，無晚市有情調，但居高臨下，對上開揚嘅景觀用餐，再者，招呼貼心有禮，確喺讓我哋都食得開懷。…Read More

從Facebook上見到Espuma推出新的下午茶作為非常喜歡這餐廳的我們當然也想試一試這款下午茶剛巧我們想找個地方吃些東西、聊聊結婚計畫所以就上來這裡了來到後馬上點了248元的Cotton Candy Fondue Tea Set飲品方面選了招牌水果茶 以及 伯爵茶先來的是牛油鬆餅配鮮忌廉及果醬作為下午茶的開始一份很鬆軟的鬆餅很有英式感覺配上鮮忌廉及果醬有兩種不同的味道我們更喜歡配果醬質感的對比更強烈之後就送來整套套餐了粉紅色的棉花糖球非常有特色配合餐盤上不同顏色的食物我和老婆仔拍了不少照片先吃八爪魚鮮芒莎莎其實似是沙律的感覺不過那煙韌的八爪魚粒很美味有鮮味得來又帶來很強烈的口感之後試試炸雞格仔餅上層是炸得很香的炸雞配上芥末醬非常配合而下層則是格仔餅可能因為雞炸得太香相比之下略為遜色建議一口吃下整份忌廉粟米肉碎脆卷是一塊脆片夾著粟米和肉碎同樣是外脆內軟的組合中間有忌廉令脆和軟混合我們都很欣賞迷你炸魚薯條筒其實不太能吃得出炸魚但薯條就很突出可能炸魚炸得很點太過令魚味不突出之後試試甜點部分先吃香脆窩夫的確是很脆但單吃窩夫略嫌太淡自家製藍白雲棉花糖是軟固體狀那種棉花糖外表看起來很可愛吃起來甜度也適中相比之下馬卡龍波板糖就顯得很點甜不過馬卡龍就應該是這樣甜的甜味才可令人愉悅再加上糖果色更令人愉快其實不太清楚紫米露火鍋應該怎樣吃會否是配上較淡味的窩夫?我們最終選擇把三色粉圓倒進去粉圓分別有香芋、甜薯、紫薯和紫米露都很配合沒想到這種中式糖水配合英式下午茶也可以最後再吃鮮雜果都是很新鮮的生果甜度適中吃過這麼多甜點後吃些清新的生果最適合不過我喝的是伯爵茶茶味很清香更添一份英式下午茶味道至於每次來都會點的招牌水果茶仍然保持水準有雜果味很溫暖的感覺…Read More

一聽到中環就會令人想起高檔、貴、懷舊、商業。去中環食一餐晚飯，閒閒地都可能是最低工資的一天人工。但是今次朋友介紹我去了一間位於中環蘭桂坊附近的Espuma，最近推出了一個英式下午茶，兩位只需要$228另加一，除返人頭都只是百多元就可以在中環high tea，絕對值得一試。餐廳面向半山，能夠眺望半山景觀，感覺開揚光猛。我們二人點了一個英式下午茶。薰衣草鬆餅配鮮忌廉及果醬自家製的薰衣草鬆餅有淡淡的薰衣草味道，氣味清新，配上忌廉及果醬，鬆餅帶有甜味。烤蝦薄脆配牛油果莎莎醬墨西哥片上舖上蝦肉及蕃茄蓉，再伴牛油果醬，味道帶點酸，敗筆在蝦肉無挑蝦腸。粟米白汁焗青口青口比較細隻，有點腥，味道一般。葡式蜆肉迷你法包法包比較硬，蜆肉醬配法包，味道幾夾。蟹仔蕃茄螺絲粉有點辣味，螺絲粉軟硬適中。煙三文魚米紙卷煙三文魚很香的燻魚味，外層米紙幾煙韌。甜粟米吉士撻有點似某大型品牌的粟米批的味道，外層塔皮香脆鬆化，非常好味。五花茶凍配爆珠吃不出五花茶的味道，但感覺清爽，不會太甜。紅莓芝士蛋糕蛋糕比較甜，非常鬆軟，紅莓味十足。原粒西柚啫喱西柚啫喱帶點澀味，非常清爽。松露拿破崙 拿破崙非常鬆脆，是眾多甜品中字最好吃的。招牌水果茶水果茶裏面有橙蘋果等水果，但橙味最為突出， 因為越煲越出味所以越飲越甜，感覺新鮮健康。凍鮮蜜桃汁茉莉綠茶綠茶的苦澀味較為突出，加上蜜桃味香濃，沒有加糖水，清新簡單。總括而言，食物質素不俗，加上景觀開揚，座位得舒適，感覺放鬆悠閒，一人百多元可以有多方享受，絕對值回票價。…Read More

首先講下哩到環境😀 氣氛相當好，燈光柔和，環境舒服，幾適合情侶黎，同埋可以坐好耐的感覺，我地都坐左兩三個鐘，都無人趕😁前菜我地叫左個salad，都唔錯😁除左d salad 菜同黑毛豬火腿，重會有d麵包粒粒，同小小salad醬， 口感清爽😄唔錯唔錯!之後叫左個雙重芝士蟹柳pizza， 如果鍾意食blue cheese 嘅朋友可以試下呢個。 佢雙重嘅意思即係有兩種芝士， 一種係平時pizza會用嗰隻， 另一種係blue cheese， pizza個皮唔會太厚，blue cheese 都幾多 😋小食我哋叫咗個薯蓉波， 幾香口，面頭有黑毛豬火腿，裏面係薯蓉，增加味道層次！外面炸到脆脆地， 幾得意，幾好味！主菜叫咗個roasted pork 。面頭係蘋果蓉，好fresh！外面係豬柳，包住裏面係菠菜、乾蕃茄，個配搭幾得意， 我覺得個賣相都幾靚，個roasted pork 唔會太鹹，裡面的菜爽爽地，兩個夾埋口感幾得意😄加蘋果蓉超夾！令成個菜清新左！野飲我叫左杯Mocha，沖得都幾滑，咖啡都幾溶幾香，是一杯不錯的咖啡😊 我朋友就叫左Fresh Fruit tea，Fruit味同茶味都幾出，微果酸，香果味，又唔會太甜! 大家可以試下😄!!! 最後個甜品真係好中意!! 叫做Churros with ice cream! 最最最推介就系黎個!! 😄😄😄 有小小似沙翁，但系條狀，佢炸得剛剛好! 外脆內軟，上碟時還有小小暖暖地的感覺，面頭有小小砂糖但唔會太甜，撈埋d雪糕， 又凍又熱，口感好正🤣🤣 大家真係要試試!…Read More

Espuma的 Afternoon Tea Set出名平靚正，外間一個下午茶層架常見由三百蚊起跳，而這裡有落地玻璃可以欣賞到中環的日與夜景色，一個屋仔形Tea Set也只須$228，早前跟朋友嚐過覺得味道還不錯，坐得舒服之餘，即使已食完就算留下來傾多陣亦不會趕人走。 這晚就跟男友來試晚餐，Dinner Set上的主食太少選擇，我不喜歡吃魚又不想食牛，實在難以在寥寥幾個選擇中揀到自己喜歡的，所以唯有散點。 八爪魚配欖油及柚子醋 $98 八爪魚非常稔身而且有汁，不需要用太多工夫去將之咬開，上面的柚子醋雖然開胃不過味道不太濃，跟車厘茄夾在一起食就剛剛好。加一後需要過百元一道八爪魚切片其實不便宜，擺盤方面應要更有水準吧，在旁隨手放上幾塊參差不齊的菜葉著實有點失威。味道可取，賣相卻還差了幾分。 白酒忌廉藍青口配蒜蓉多士 $128 藍青口數量不少，忌廉汁夠輕身，微微依附在青口上，忌廉味卻不會掩蓋青口自身的鮮甜味。而旁邊的多士達10級香脆，用來蘸上忌廉汁就最好不過了。 蟹肉西班牙奄列 $78 平日少食西班牙菜，唯有先在網上查看一下惡補知識。蔡瀾先生說西班牙奄列最基本的食材有3種：薯仔、洋蔥及雞蛋，而餐廳為了將奄列提升到另一層次，於是就加入了大量海鮮。  將奄列切開，外層金黃香脆，而中間的蛋漿依然呈流心狀態，海鮮傾巢而出，有蝦、蟹、蜆及魷魚，而當中最令人食得津津有味的卻非海鮮，而是中間的薯仔切片，食落有口感層次之餘，吸收過海鮮精華後味道顯得更加豐富。唯一挑剔是溫度不夠熱。 黑松露醬炒鮮雜菌寬條麵 $108 黑松露醬的香氣從四方八面向我襲來，面頭加上了芝士碎經拌勻後醬汁更加香濃幼滑。  雜菌的厚度十足，食落又有汁，寬條麵的面積可以掛上更多黑松露白汁，而我一向覺得黑松露跟蟹味很近似，感覺就似在食蟹肉意粉。(可能全世界得我一個人覺得似XD) 西班牙黑毛豬蘆筍燴飯 $128 是否我眼大睇過龍，我點菜時竟然錯看了是黑毛豬”扒”，見到實物原來是風乾火腿都打個突XD 不過都算是錯有錯著，因為此時我跟男友已經八成飽了，太多肉也怕食唔落。  鹹香的風乾火眼反而更有開胃作用。 招牌水果茶 $45 之前食下午茶時都是飲招牌水果茶，睇又靚，味道又香甜，而且大大一壺果味會越煲越濃，飲到最尾我加點水再煲幾煲，越飲越有^^ 撇除平日在自助餐中食到的西班牙奄列，這算是我首次認真接觸這道菜，忽然想起軟硬天師的陳年整蠱電話『I Teach You In A Spanish Way』，有冇果本工商管理書，叫《I Teach You In A Spanish Way》XD？希望以後會多點機會試到西班牙菜啦~ …Read More

仲記得2016年5月某一天，嗰日太陽都係由東面升起，我仍然都係起身返工，但真係好煩呀。直到依家，我仲記得好清楚，因為一年後嘅今日，我又要煩過。而我知道明年嘅今日，我都會好煩……呢日係咩日子？就係M佬嘅生日囉！我除咗要諗買咩生日禮物畀佢，又要諗同佢去邊度食飯慶祝啦……最慘係，我個人真係無咩idea，去邊度食好呢？！左搵右搵，突然記得佢講過，想食西餐，咁就一於去……中環蘭桂芳嘅Espuma啦！話晒又有靚景，嘢食好味又抵食！最重要係M佬鍾意食嘛。無嚟一排，原來menu又唔同咗，今次可以試吓新野喇！焦糖單骨雞翼：8隻單骨雞翼，隻隻都燒到少少燶，外皮又甜又脆，入面嘅雞肉就又嫩又滑。單骨雞翼食起上嚟除咗方便，仲非常入味㗎。白酒忌廉藍青口配蒜蓉多士：好……多……青……口……呀！用上鮮甜嘅藍青口，粒粒都大大隻，仲要索晒白酒忌廉汁！配埋脆到咯咯聲嘅蒜蓉包，真係唔夠喉呀！紙包焗石斑柳及雜菜配黑水欖汁：用紙包住石斑魚柳、青瓜、黃瓜、薯仔同車厘茄再放入焗爐焗，上枱時仲熱辣辣，打開張紙仲有好香好香嘅牛油味，兩大塊魚柳再加七彩雜菜，真係好靚呀！魚柳外皮烤到脆卜卜，魚肉非常嫩滑，最估唔到係啲配菜索晒石斑嘅精華，好好味呀！慢燉牛肋骨肉飯配牛肉燒汁：牛肋骨肉飯用鑊仔上，個牛肋骨成隻手臂咁長咁粗，好Man呀！用慢煮方法製作，所以牛肋骨肉好入味，又腍又滑，2個人食都食唔晒呀！至於米飯，除咗加入紅米之外，仲加入爽口嘅青蘋果粒，所以口感好特別，食多啲都唔會溜呀！招牌水果茶：以蠟燭保溫，配上好多好多生果，除咗夠Fresh，仲夠晒健康解渴！朱古力咖啡：陣陣咖啡香，配埋超香濃嘅朱古力，夜晚飲番杯都唔驚瞓唔著覺啦！…Read More

這間西班牙菜，早聽吃貨朋友說過，記得還上過OpenRice排行榜。位處中環，正好作放工後小聚的落腳點。俯視繁華區，綠樹和建築拼湊出凌亂美。夜幕低垂，燈火闌珊，又是另一番景緻。雖然閏密臨時被OT，環觀場景，再預習餐牌，不覺間已渡過等待的時光。先來的兩款飲品，賣相完勝。跟參考照一模一樣，以這價錢 ($42) 來說完全是超值。草莓蜜桃冰沙以鮮果即打，士多啤梨存在感較重。慢慢溶開，越喝越多，果粒長吃長有。玻璃杯像小魚缸般，不怕滿瀉。大推！招牌水果茶帶橙和熱情果香，口感淳滑。透明壺內，有橙、檸檬、青蘋果等生果在浮游。美美的，可以拍過不停。煙燻烤安格斯肉眼牛扒 ($328)整個木盒封蓋奉上，鎖著原汁原味，相機食先再拿掉。點了6成熟，1.5cm厚的牛扒，嫩紅無冒血，讚！牛味馥郁，好吃得連膏也吃掉呢！喜歡煙燻味不重，但薯角不夠粉。黑松露醬炒鮮雜菌寬條麵 ($108)寬條麵咬口十足，但松露味過弱，仿如忌廉汁，有點失色。日式香芋麻糬窩夫伴香芋忌廉配雪糕 ($88/半份)紫白配，兩塊心型窩夫相疊，太浪漫了！無半點啡黃的蹤影，以奶白色系取而代之，是全麻糬底嗎？超煙韌，像夾著年糕一樣，居然比牛扒難切，哈哈～雖然香芋輕了點，配著香芋忌廉、紅豆蓉、鮮果等吃，玩法無限，必試！綠茶紅桑子鬆餅 ($78)厚切班戟，紅綠相間。花朵蛋糕模樣，連鄰桌也說美。結實的麵粉質感，不至於沒藥水味，但被蜜糖的甜搶掉了，若加重抹茶和紅桑子味會較好。小結菜式精緻用心，色、香、味俱全。飲品和窩夫尤其出色，印象深刻。景觀吸引，又有空間感，撐台腳或一大班人gathering都可以。就如其名，如泡沫般夢幻。難怪榜上有名，確是這地段不錯的選擇呢～…Read More

同朋友去中環shopping，行到肚餓就想去食lunch，但我地唔想食貴野但又唔想食茶記，上網見呢間餐廳的價錢合理就試下啦！本先以為價錢咁平，食物質素只會平平，但一試就發覺唔係！呢個排骨好入味，入口好香，而且都幾多肉。伴碟的薯條亦為即炸，好脆好香口！野飲點左招牌水果茶，賣相好靚。入口亦相當香甜，清新之選！好多水果呀！下次去中環會再黎espuma試下晚餐，中環平價好食之選呀…Read More