金雋江南菜館

其實從前常來此吃飯，侍應們都認得我兒子，這天放工接到孩子已經很晚，來到看看還有哪間未關店的，侍應們立即前來打招呼，說很久沒見，問說關店時間後，因盛情下就坐下來了。晚市只有二人至四人餐，二人餐從前吃過，倒也不錯，而且很多選擇，前菜主菜小吃飲品都可自選。今天只有我一個人吃，所以點了兒時愛吃的湯年糕，以及小籠包，以防應該已吃了晚飯的寶寶想吃。湯年糕是家鄉上海的家常味道，配料有召菜，小白菜以及瘦肉片。雖不是山珍海錯，但立時感到心頭暖暖的。年糕很軟身，而且煙韌彈牙而不黏牙，亦很入味，我給了幾片寶寶一同吃，他吃得很滋味。小籠包皮夠薄不易破，至少不會一夾起就破，盲點的頂端位置皮亦薄，一口咬下不會吃到一片粉糰，而且餡料好味。以屋村商場，以此價錢，算上上佳品！還想介紹這裡的豆漿，不會太甜，筆者寶寶嘴挑，不是每款都愛喝，這家的豆漿他最愛！…Read More

新年時男友來拜年，到附近商場搵食醫肚，有部份餐廳都未開，所以今次揀左呢間上海菜，又估唔到都幾好味，可能新年流流，服務都比較好。招牌小籠包$30有四個，價錢都合理，賣相看似不吸引，小籠包比較扁平，咬破包皮一嚐，幸好肉汁豐富，皮也算薄，肉餡也較多。花雕醉雞$60，雞肉浸得夠入味，有酒香而不澀，雞肉質感偏札實，再嫩滑點會更好。酸辣湯麵$44，價錢好親民，大大碗夠飽肚，可以一嚐酸辣湯，又食到上海麵。不過酸辣湯雖材料滿滿，但味道不夠濃，不夠酸也不夠辣。瑤柱扒豆苗$98，有大量細心拆成的瑤柱絲，蠔油芡汁稀稠適中，味道濃郁惹味，豆苗鮮嫩無渣，濕潤帶點咬口。價錢夠親民，食物味道不錯，附近屋邨醫肚選舉擇之一。…Read More

朕聽隨從講長發商場開左間上海菜館，啲小籠包幾有水準，所以今日出巡黎到青衣，試一試佢地個招牌小籠包！朕望一望個餐牌，此行既目的係試小籠包，小籠包就一定叫架，而隨從就最鍾意食擔擔麵，最後就叫多兩個小菜（鎮江黑醋骨，瑤柱扒西蘭花）同埋一個甜品－豆沙鍋餅！先上枱既係招牌小籠包，聽隨從講，呢度既小籠包超讚，朕就咩都唔講，食左先講，即叫即蒸，熱辣辣是常識吧，再睇下個外皮，都幾薄身，仲睇到啲肉汁喺入面蕩蕩下，食落皮薄多汁，肉汁味濃，好有水準！跟住再黎就係隨從既發弗－擔擔麵，呢碗擔擔麵，佢地加左超多花生碎喺上面，麵身都仲幾爽彈，個湯就超濃花生味，對於係花生控既隨從黎講，真係無得輸！到小菜，鎮江黑醋骨，啲肉排本身偏鹹，同埋唔夠冧身，黑醋味本身己經唔夠濃，仲加埋菠蘿吊一吊，朕覺得自己似食生炒骨多啲！瑤柱扒西蘭花，一個字鹹，同埋個汁好（傑）。最後甜品－豆沙鍋餅，即叫即炸，塊皮好薄，咬落好脆口，啲豆沙蓉甜度適中，有驚喜！－－－－－完－－－－－…Read More

常常下午行過呢間餐廳都會看到入面都至少有七八成人客。。。晚上更加會堆滿好多人在店外等位今日終於一嘗這小店。。果然冇令我失望首先職員好有禮貌，仲有個傳菜既姐姐好有心 送上每一道餸都會面帶笑容講出餸既名 再溫柔地叫你慢慢用餐。。餐廳裝修都不錯 好舒服仲可以睇到師傅既精彩表現麵好爽口彈牙 果然手打麵團係一流可惜是次湯底有點過咸。。豬扒熱辣辣 如果可以再脆口多一點就perfect我覺得酒味太重了 完全蓋過雞的鮮味不過如果愛酒之人 可能都會覺得好岩口味有某大牌子既8成功力 皮薄 湯汁多 又熱辣辣。。仲要係抵食呀 所以呢個招牌小籠包真係要試 佢唯一同大牌子比就係佢d汁唔算太濃 但咁既價錢食到呢個超班既質素 已經攞滿分啦以價錢平 品質又唔差取勝皮好脆 肉又大粒 好香肉味 都可以的但如果包內可以更多肉汁就更perfect...是次用餐超級滿意 一定會再來而且又抵 沒有茶錢同加一小費…Read More