Little Nyonya

💛超高質喇沙🤩🤩🤩無乜點聽過呢間餐廳，但一試之下發現超好食🤩湯底偏重椰奶味，雖然少咸但個湯好厚同唔係死咸，食完啲麵都忍唔住繼續飲🤩🤩🤩麵係摻摻，唔會煮淋唒👍👍👍餸方面都幾足料，有3隻蝦（雖然唔係最新鮮嘅🙈）同埋獅蚶！聽講有獅蚶嘅喇沙先係正宗嘅但其實都幾少餐廳有🧐食過另一間喺上環標榜有獅蚶嘅喇沙係勁腥，今次改觀唒🤩🤩🤩仲有蛋、魚片同豆卜，全部都合格，尤其係豆卜索唒啲精華不得了🤩🤩🤩服務好好🥰唔知係咪老闆娘好細心好體貼🥰…Read More

呢間餐廳不嬲都好多好評 聽說只係做午市 難得見到今日冇咩人排隊 即刻入咗去試一試佢🤎招牌娘惹海蝦喇沙湯底非常出色 喇沙味異常香濃 滿滿的椰奶味 十分creamy而且唔辣 啱晒唔想食辣嘅人 最驚喜嘅係佢竟然有3隻大蝦 仲有啲螄蚶 有油面同米粉兩溝 加左豆卜吸收晒啲湯 仲有蛋同芽菜 配埋啲炸蔥 完全係色香味俱全！十分推薦 💛檳城白咖喱湯米粉個白咖喱湯底啱啱好 有少少辣 creamy之餘食晒成碗都唔會覺得太膩 米粉同豆卜吸晒啲白咖喱湯 大讚！仲有啲雞肉同魚蛋 非常足料！食厭左喇沙嘅絕對可以一試 🧡新加坡深海魚蛋喇沙呢個適合唔食肉同海鮮嘅人 湯底都係好出色嘅喇沙 魚蛋非常彈牙又保留到魚肉嘅味道 亦都有幾樣配料 同個湯底好夾！ 💚少少美中不足跟餐既羅漢果茶 可能係我唔係咁鍾意羅漢果所以唔係好識欣賞 感覺同喇沙都唔係好match 建議可以多個選擇俾客人 咁就完美了…Read More

============== 𝐹𝑜𝑜𝒹 𝐿𝒾𝓈𝓉•招牌娘惹海蝦喇沙 - $70𖡼.𖤣𖥧𖡼.𖤣𖥧⚘𖡼.𖤣𖥧𖡼.𖤣𖥧⚘𖡼.𖤣𖥧𖡼.𖤣𖥧⚘𖡼.𖤣𖥧𖡼.𖤣𖥧⚘𖡼.𖤣𖥧𖡼.𖤣𖥧⚘全港食過最好食最地道嘅喇沙！老闆同老闆娘主理小店，喺陝巷到每日都大排長龍。正宗嘅材料同湯式，入面有傳統喇沙會加嘅螄蚶。海蝦非常新鮮，湯底濃郁、椰味夠香平日午餐仲送一杯羅漢果水我每次食都係連湯都飲哂，真係好少食喇沙會可以咁( ⸝•ᴗ•⸝)♡…Read More

商業區Lunchhr總係人山人海，只要係大街或者商場舖位，無論間餐廳好唔好食、抵唔抵食都硬係有人排隊嘅。相反屈咗入巷仔嘅餐廳就真係靠質素先吸引到回頭客，所以對我嚟講巷仔總係尋寶嘅好地方。就好似之前試過同區Homing People嘅cake同cookies都係無限翻焯嘅小食🥰🥰講番轉頭，小娘惹老闆娘好親切，舖仔雖細但座位算坐得舒服。喇沙湯底濃郁，海鮮勁多，成碗都係料撈極都有👍🏻👍🏻叫咗個桃膠糖水，有驚喜呀，甜甜地又有膠質，啱啱好中和咗碗喇沙嘅濃味，好滿足😍😍…Read More

講起星馬，除左會諗起肉骨茶、咖央多之外，喇沙湯麵都係一樣必食既菜色。係鰂魚涌一小區入面，就有一間非常高質既星馬菜餐廳。餐廳由2018年開業至今，由兩夫婦Kelvin同太太經營，Kelvin係名廚兼深灣遊艇會前行政總廚 Harlan Goldstein既徒弟，做過7年助手，入行已有30年，係多間酒店同私人會所任職，經驗豐富，菜色亦心得星馬富豪喜歡，所以老闆兼大廚既佢堅持就算係小店都要做返以前酒店同遊艇會既水準。餐廳主打既係連居港新加坡人都愛不釋手既螄蚶蝦湯喇沙，湯底足料湯底喇沙湯重味，除左招牌喇沙之外都有提供肉骨茶、海南雞等既熱門菜色。-排隊🧍🧍🧍當日係星期日，大概一點鐘，排隊前面大概有4個人，入面既2人應該full哂，但佢門口有個1人位，當時我一個人去所以無點等就入到。❗餐廳只做午市，星期六唔開，所以要睇住時間唔好摸門釘。-環境🪑有5張4人枱同埋近門口有一個1人位。不過呢間小店D位同走廊都幾逼下，而我坐個個單人位係正門口，會有D唔舒服因為店員會出出入入出外賣或者比飛食客，同埋menu、外賣用具同計數機都係擺呢個單人位張枱上面，食食下會羅張MENU睇同計數，有D唔係咁舒服。-1️⃣ 招牌娘惹海蝦喇沙💰70（👅: 9/10）非常足料，有海蝦、魚片、豆卜、芽菜、豆苗、半隻蛋，仲有比較少見嘅獅蚶。因為獅蚶唔係個個人都食，order前可以要求走獅蚶。海鮮既份量絕對係慷慨，海蝦有3隻，連殼大隻，新鮮彈牙，咬落去係厚肉結實，但又唔會無蝦味。店鋪好細心會提供張紙比大家擺蝦殼。而獅蚶係泰國螄蚶，好多餐廳會因為處理工序繁複而唔落螄蚶，獅蚶係半邊殼，人手搣走半邊殼，方便客人進食，同樣有3隻，食落好爽甜，有海水鹹香，但唔會覺得有半點腥味。魚片同樣彈牙，豆卜索哂喇沙湯既精華，豆苗同芽菜就好爽口。湯底係用咖喱膏、喇沙葉、南薑、椰糖、大紅椒、黃薑粉、石栗等10幾款材，打碎混合之後，用人手炒成喇沙膽，再用虎蝦頭蝦殼同白胡椒粒，用3至4小時熬製蝦湯，而蝦湯起碼有1/3係新鮮蝦肉，所以蝦既鮮味特別濃。最後將喇沙膽、蝦湯同椰奶結合，做出呢個鮮黃色喇沙湯，絕對係心機之作。湯底外觀帶奶黃色，面層辣油唔多，只有小小紅油，咖喱味同埋蝦嘅鮮味都好重，而且真係會飲到獅蚶既味，而唔係喇沙同獅蚶分開，仲有會飲到椰子味。湯除咗又香又濃之外，質地仲好creamy，順口稠身奶滑，唔會覺得漿口黏膩，雖然咁豐富但係唔會話好鹹好口渴，係可以成碗飲晒嘅喇沙湯。唯一有不足既就係可能迎合香港人既口味，喇沙湯唔夠辣，如果一心想食辣既喇沙既人會失望。而麵底係正宗摻摻麵，米粉撈油麵，令食落去有兩種口感，有新鮮感唔會乏味。油麵質感煙韌彈牙，而米粉唔易斷，食落好掛湯，麵同湯好夾可以索哂D湯汁。-2️⃣ 山渣蘋果茶💰10跟餐價（👅: 7/10）套餐會送無糖羅漢果茶，不過我就叫店員推介有咩好飲，最後就加左10蚊叫左呢個山渣蘋果茶。非常養生下火，唔係死甜，飲落幾順口。-🌟暫時係香港食過最好食既喇沙，無論係湯底、麵條到海鮮、用料都係唔馬虎，70蚊黎講絕對係超值。係絕對值得山長水遠一試既喇沙，係環境比較狹窄，同埋只做午市。-👅味道: 9/10🍴環境: 5.5/10💰消費: 80 (服務費: NA)…Read More

之前係見到好多人去食呢間馬來西亞餐廳，一見到就好想試食呀。第二日一起身就即刻出去買外賣，因為佢淨係做午市！。。。。。。🐔 金榜去骨海南雞飯：佢個油飯係正正豬呀，香口又唔油呀。去骨海南雞簡直係必試呀！雞肉肉汁嫩滑，唔會太肥，加埋佢個皮令我食到停唔到口呀！——————🦐招牌娘惹海蝦喇沙：入面既料好夠，唔止有蝦，魚片，仲有螄蚶（好Suprise!雖然我知唔係人人都岩呀~)。而佢既麵底係米粉撈油面。重點係佢個湯底又濃又香，仲有陣陣椰子！唯一唔好係我外賣走，食既時候就凍左少少。——————🍖正宗古早肉骨茶配飯：叫埋肉骨飯反黎分享。當中既藥材味好濃，但肉味就相對淡左少少。——————最後買左椰子奶凍，相對比較淡...可叫可不叫...——————佢仲有送椰子雞湯都啦錯呀！今次本身想食白咖喱點知賣哂，下次一定要去試下！…Read More

講開湯麵即刻諗起<<小娘惹>>嘅laksa!!! 位於鰂魚涌嘅呢間黃店真係 #OhMyFoodBae_OMGhohoMEI💛 兩個月前食完到今日都一直念念不忘🤤應該係食過暫時最高質嘅星馬菜🇸🇬 ✨⚠️留意返小店只做午市(12:00-14:30) 上次去之前冇check清楚差少少就摸門釘❗️好彩老闆娘好好人 知我地去緊叫我地慢慢話等埋我哋先收爐😭 平時嘅長龍店今次可以直入包場😎 但就覺得超唔好意思 所以想食嘅話都係早少少喇~【招牌娘惹海蝦喇沙】一上枱已經聞到陣陣椰香味🥥 湯底濃而不膩 微辣不嗆鼻🌶 椰奶令湯入口順滑🥄 無諗過喇沙可以用creamy黎形容😋 麵底用上正宗摻摻麵(彈牙油麵mix索湯米粉)🍜 配料超足有哈哈哈三隻大蝦🦐魚片豆卜半隻蛋🥚食食下發現寶物沉歸底🐚 竟然仲有超少見嘅螄蚶 🦄獨媽媽一見到就雙眼發光🤩 最後成碗清曬🤭 唔食海鮮嘅話可以揀深海魚蛋喇沙🍢 湯底都係一樣㗎🤗💰$70【檳城白咖喱湯米粉】罷食沙嗲🙅🏻‍♀️收嗲王😌之後就冇食過白咖喱豬扒飯🤡 白咖哩湯seems伏味濃🤔 見冇乜人介紹就試試佢😈 點知個湯底超級好味😱 唔好睇個湯白白地冇咩色以為佢冇料道😶 佢個濃郁度同喇沙有得fight🤩 中意椰子嘅你🥥 一定要嗌呢個❗️米粉索曬啲椰漿咖喱湯🍜 食落去完全唔會膩🤤 魚蛋彈牙豆卜多汁有咬口💦 個人中意呢款多啲🥰 💰$66【巴東牛肉配白飯】呢個好有驚喜💥第一次食巴東牛肉覺得有啲似咖喱牛腩🍛 用上牛面頰肉加入椰奶香料熬制🥘白飯粒粒分明加炸蒜增加口感🍚中意倒米嘅我都添咗兩碗✌🏻因為個汁真係太送飯🤤 💰 $66【金榜去骨海南雞】雞嫩滑但配白飯。完💰$68午餐會附送羅漢果茶🥃清清喉嚨大滿足😋斑蘭焦糖燉蛋都好吸引🤤 但之後去攀石驚飽得滯冇試到🤢 同埋難得去鰂魚涌想留quota試@healing_bakery 麻糬泡芺🤩 遲啲會岀review喔~ Stay tune🥳#OhMyFoodBae_quarrybay#OhMyFoodBae_malaysian#OhMyFoodBae_OMGhohoMEI#OhMyFoodBae_yellow📍小娘惹 鰂魚涌海堤街18號地下D9號舖…Read More

已經黎食過幾次，今次帶朋友係依度食lunch，因為真係好好食。今次試左無骨海南雞飯，套餐包埋椰子雞湯同羅漢果茶。海南雞去哂骨，雞肉嫩滑，雞油飯亦都好香，雞皮爽口感覺唔肥膩，本身唔食雞皮既我都唔介意食埋佢。椰子雞湯，椰子味好濃郁，感覺真材實料，唔會係味噌湯。朋友就叫左喇沙同白咖喱，之前都食過依度既喇沙，味道都好好，好少見過香港既喇沙會放螄蚶，通常係新加坡既都會放螄蚶，所以有點驚喜 如果真係要挑剔既話，係少左d 新鮮喇沙葉同 sambal chili。朋友都好滿意，一定會再黎試埋其他既款式…Read More

🦐招牌娘惹海蝦喇沙 $70個湯非常之濃厚，入口順滑好creamy。湯底最重要係唔辣，個個都食到，而且好飲到不得了。麵底係正宗喇沙嘅米粉撈油面，而配料就非常豐富。有三隻好大隻好彈牙嘅海蝦，非常多嘅魚片，吸晒啲湯好好食嘅豆卜，同埋唔係個個都鍾意食嘅螄蚶。總括而言，湯好飲嘢好食，正👍🏿小插曲:原本想食白咖喱點知賣晒，突然老闆娘話仲有一份，就超開心咁話要。但係等咗一陣之後話原來都係唔夠材料，所以我就揀咗喇沙。但係碗喇沙到嘅時候，老闆娘仲俾咗半碗白咖喱我，真係超級開心，心情好似過山車咁又上又落🤣🤣…Read More

呢間喺鰂魚涌嘅小店主打娘惹菜，老闆非常之熱情同好人，招牌娘惹海蝦喇沙湯底非常濃郁，好有椰香，加咗喺香港少見嘅螄蚶，零舍鮮甜，米粉溝油麵滲滲非常掛湯，正呀！⁣This small restaurant in Quarry Bay specializes in Peranakan dishes. The shrimp laksa was very rich based on the curry coconut milk with shrimps and cockle clams!⁣…Read More

多年前嚐過天后「廚師」廖師傅的手藝後，令我們從此愛上喇沙 ，惜自他退休後，至今也未能吃到一碗合心意的出品。早已從媒體認識這小店，友儕中也獲得不少好評，可想吃上一碗也並不容易，只做午市(11:45 - 14:45)，星期六休息，比吃米芝蓮等的星級名店難度更高。店子非常「纖巧」，而且又是大熱暑天，卻依然座無虛席。這裡的喇沙有兩款 - 新加坡深海魚蛋喇沙及招牌娘惹海蝦喇沙，我當然是鍾情後者啦。午餐均奉送一杯(熱)無糖羅漢果茶或可半價轉飲其他特飲。滿滿一碗深黃色的喇沙，未吃已傳來陣陣香料與咖喱之香；入口順滑、湯底濃郁帶微辣，椰奶的甜香突出，三隻大蝦、螄蚶、魚片、半隻蛋、豆卜、芽菜，食材豐盛鮮美，好吃得連湯也喝得一滴不剩！原個椰皇奶凍甜度不算高，椰味香濃又滑溜，你唔係唔食呀！那些店的喇沙是各位大力推介的？好嘢要多多交流呀！#招牌娘惹海蝦喇沙 $70#新鮮椰皇奶凍 原個$48#斑斕焦糖燉蛋 $38#無糖羅漢果茶#檸檬薏米 $18#新加坡深海魚蛋 $36#惠顧午餐可享特飲半價#加大只需10元小娘惹地址: 鰂魚涌海堤街18號地下D9號舖電話: 34282250…Read More

【招牌娘惹海蝦喇沙 $70】- 喇沙的靈魂在於湯頭，小娘惹最勾人之處必數它濃稠微辣的湯底，帶薄薄的椰漿味，入口順滑，而且採用鮮蝦亦令湯頭更為鮮味，油麵滑而不油膩，混合米粉更易索汁！個人就不愛吃螄蚶，點餐的時候可以選擇不要哦😌…Read More

呢間小店聽講淨係做午市，12-3，之後就唔開，係香港咁貴租嘅地方，咁都可以維持到生意，就知道有料。睇門口嘅報道，原來老闆曾經係五星級酒店做廚，食物梗係高質🥰12點去到，都仲有位，唔洗等，不過食完之後就見到要等位啦，係呢個市道都要等位，叻叻🥳要讚讚老闆娘細心，見我一個人傻傻的係門口，就主動問我係咪等人，又主動比飛我，因為要人齊入座。我嗌左招牌娘惹海蝦喇沙（$70），朋友就嗌左金榜去骨海南雞飯（$68）。跟餐送熱羅漢果茶，清甜滋潤，感覺養生，好舒服。亦都可以半價轉特飲，朋友就叫左咸檸7。海南雞飯好快到，仲送碗湯，望落好靚，不過我就無試啦。之後就到招牌喇沙，一黎到真係話左出聲，好大碗，好足料，絕對對得住個價錢。先飲啖湯，不得了，超級creamy，好似飲緊奶咁！味道唔辣，怕辣的朋友都可以嗌啊。係酸酸甜甜咁，飲到欲罷不能，好想飲晒成碗湯。麵底係油麵mix米粉，米粉索湯，油麵有咬口，夾埋一齊好有層次。海鮮方面，3大隻海蝦，蝦肉彈牙，仲有3隻螄蚶，索埋湯味好正。老闆娘仲好細心，比定張紙我地放蝦殼。配料有豆卜、芽菜、魚旦，完全吸盡湯底精華，好好味。呢個喇沙絕對係我的no.1，下次會返去試下新加坡喇沙！！小店有外賣自取，疫情絕對要大大力懲罰！…Read More

今日難得day off，決定黎食下呢間想食好耐的小娘惹❗️❗️小娘惹位於濱海街後巷，平時只係做午市，星期日又唔開，唔憂做咁，難得今日放假就決定黎試一試❗️❗️今次叫左招牌娘惹海蝦喇沙（$70），喇沙最重要係個湯底，重椰奶味，好香濃，再加上海蝦味重，好好食，而入面海鮮配料都算多，雖然偏貴，但其實好值得，因為實在太好食喇🤩😍跟餐送羅漢果茶，加錢可以轉唔同特飲今次加左個東蘋果山楂茶，好好飲❗️❗️❗️值得一試整體來講好出色，唔怪得可以咁串成日唔開，雖然店舖細細搞到成日要排隊，但都好值得花時間黎食❗️❗️…Read More

聽聞附近有間鋪平日只做lunch時段， 而星期日亦只做三個鐘， 賣哂就無，咁巴閉一於試下先。招牌娘惹海蝦喇沙 $70麵底係有油麵及米粉，令你食落有雙重口感，而配料分別有獅蚶4粒、蝦3隻、魚片、豆卜及雞蛋等，用熟獅蚶做配料，比較特別，好少地方食到， 蝦大隻，爽但沒有蝦味。主角喇沙湯底， 用上十多款香料而成的， 椰奶味重，湯底細滑香濃而不辣，其實用黎撈飯食也不錯。正宗古早肉骨茶 $70等了又等， 由落單到上枱，足足等左25分鐘先有得食🙁。娘惹肉骨茶藥味好淡，易入口， 而肉就一嚿稔滑一嚿如煲湯肉一樣韌🙈。…Read More