自己都好耐冇食馬來西亞嘢，上個禮拜去咗新都城見到呢間叫阿金就去試下。揀咗以下招牌喇沙 $65入面有蝦、蟹棒、魚片頭、魷魚圈、豆卜、仲有半隻蛋。湯頭都幾濃唔錯；蝦就食落爽口，唔係死蝦；豆卜吸晒喇沙湯嘅味，正呀。蟹棒、魚片頭、魷魚圈、就正正常常。如果隻蛋係溏心我更鍾意。鮮牛油咖央多士 $20上枱時見到個厚切牛油的確幾邪惡，賣相都仲幾吸引嘅，但原來牛油只有邊邊位😂😂不過可能餐廳想大家食得健康啲啦，唔比咁多你。不過呢個影完相就盡快食，否則牛油溶咗就唔好食。香芧雞翼 $18 雞翼有三隻仲炸得好脆，係好食嘅，但食唔到香茅味😂…Read More
