Delicious Roasted Chicken Restaurant

呢間好地道既茶餐廳，諗到咩飯想食基本上都有架啦，加上餐廳夠大，人流又快，多數唔洗等位，落單快，出菜快，Lunch去食岩哂，食完仲可以慢慢行番公司。呢度既燒味好好食，但最值得推介既一定係"咪走雞"，佢用缽仔黎整架，一來夠哂熱，d汁滾住咁上菜，見到都好想食了，二來個汁真係好好味呀，肚餓既可以配飯，想濕口既就可以配米線，有3個湯底可以揀，就係酸辣、炸醬、雪菜，我今次揀左炸醬，唔食得辣既我食到流哂鼻水，好過癮。…Read More

花多眼亂、百花齊放，真係堅多小炒、煲仔菜選擇，而且價錢實惠經濟。貪吃的我當然樣樣都想食啦，雙眼發光。鱆魚豬骨湯，其實飲完真係唔知係咩湯，見湯渣估估下。質素不過不失，味道甜美濃郁，熱騰騰既湯一定好飲。青紅蘿蔔豬骨湯，又會有粟米既？熱騰騰送上，裡面係銻盅而外面用膠盅套著，有好強的保溫作用。先嚐幾口，果真熱到燙嘴，最喜歡這溫度啊，特別好飲。味道清淡，食材味道未見突出，要睇湯渣先知係咩湯呢。無味精落足料，雖然有點淡，最緊要無味精啦，清清地都幾好飲 ﹗花膠燉響螺湯，燉湯夠火喉，落足料清甜美味 ﹗花膠並不是什麼上等貨色，預料之內，幸好膠黏而嫩滑，合格架喎。而且加有杞子、椎山、瘦肉，使到湯汁更加美味添。食神照住先有機會飲得到架乍。嬸嬸提議如果可以先打電話留燉湯架，但我地經常未到最後都未決定去邊度食呢。沙薑雞腳，損腳指為最佳娛樂，消磨時間良伴，未齊人囉 ﹗清爽的沙薑味，咸咸的泛著獨特清香，付在雞腳上損得津津有味，雞味濃濃，雞皮爽脆啊。招牌咪走雞一隻，幾乎每次都係必食既主打菜色 ﹗我除左係牛魔皇外，仲係個不折不扣既雞蟲呢 ﹗味道似足菜膽雞、沙薑雞、鹽焗雞既變奏，直頭係混合體添啦 ﹗肥雞大大隻，物有所值。聽到吱吱咋咋的聲音接近，就知道咪走雞出場喇 ﹗熱騰騰出晒煙又起晒泡用砵仔送上，百斬雞排得精緻有序，加椰菜底連大量芡汁，賣相有點似菜膽雞呢。雞肉嫩滑啖啖肉，肉嫩帶淡淡咸味，有著沙薑雞同鹽焗雞既味道。雞髀肉滑溜、雞胸軟棉不會鞋，係不喜歡隻雞太肥多肥膏，雞皮肥又厚，扣一點點分數。椰菜本新已非常清甜，再吸收雞汁味道，好好味啊 ﹗連肉帶汁撈白飯食，甜美如甘露，飯都食多兩啖呀 ﹗沙嗲本菇肥牛煲，本菇、金菇爽爽甜美，不過我唔食芽菜的，要挑開化啊。肥牛質感鬆散軟腍不太肥膩，吸盡甜味濃濃不辣的沙嗲汁，尚算滿意既。鮑汁琵琶豆腐，味道十足特濃蠔油喎。外層炸得香口非常，不幸地嫩滑感不足，免強過得去啦。醬汁味道重重，撈飯一流，如淨食有點咸喇。益菌炒脆肉瓜，只有雞髀菇、冬菇及脆肉瓜乍喎。脆肉瓜爽而多汁、雞髀菇彈彈、冬菇滑滑。味道都幾單調，不過勝在清淡有益。無鑊氣可言，好快已經凍晒。黎到咪走雞晚飯已經十點半有多，就連例湯都收左檔喇，無湯飲添，十分失望啊。腰果山渣咕嚕肉，酸甜味道平衡而恰到好處，開胃不嗆喉。豬肉炸得剛剛好，依然外脆內嫩，保存可口肉汁。啖啖肉不乾不硬不鞋，高質好味道 ﹗魚湯花蛤豆腐粉絲煲，食家最緊要有求知慾、要有冒險精神，發現新菜色梗係要即刻試啦。明火煮唔怕會凍啦，罐頭魚湯普普通通，加點香菜及配料使到味道好多了，一試無妨。要食得快速，否則花蛤會因過熟變得橡膠一樣勁韌，或是先撈起放在一旁慢慢享用吧。花蛤雖小，但肥美滿意、乾淨無砂，鮮甜味非凡。豆腐？魚腐黎架喎，本身比較咸，吸收香甜魚湯後就剛剛好。入口先是嚥韌，繼而彈滑可口。粉絲就浸到發脹，斷晒碎濕濕，好難夾喎。了能骨煲，什麼來頭啊？New lung 骨、刁鑽骨、新肺骨嗎？真身原來係排骨煲，自家醬油排骨煲。醬汁味道似足甜甜的紅燒汁，不過比紅燒更豐富，醃味開胃，炸過的肉排香口鬆化，肉質結實帶彈有趙勁，不錯不錯。豆腐斑腩煲，這就是硬豆腐嗎？真的好硬喎，十足豆腐乾既味道，就連質感都一模一樣，係用黎墊滷水鵝底那款豆腐，生水味加油溢味，不喜歡。斑腩魚肉滑而滲著丁點肉汁，外層炸粉好棉，厚厚的粉像滑潺潺的魚皮十分有趣。在濃味芡汁遮掩下，依然食得到微弱魚腥味，幸好整體不過不失，食得過的。還有恩賜的兩片冬菇，最好食就係他們了，爽彈多汁味道甜美。茄子黑椒牛仔骨煲，吱吱咋咋鬼殺咁嘈，老遠已聽得十分清楚，使我興奮莫明 ﹗熱騰騰噴煙地出場，勁有氣氛，好型呀 ﹗芡汁依然生猛地跳動，彈到我手臂之上，痛得黎又有快感。我即刻兜多幾下，讓香料更加出味及更加均勻，又可避免黐底呢。茄子炆得軟棉棉、滑溜溜，吸盡牛汁芡汁，正到震呀 ﹗我十分喜歡食茄子，現只得四五條囝囝，如何能夠滿足到我呢？師傳太重手喎，牛仔骨醃味強勁，微鬆但極咸 ﹗要塞多兩啖飯先得。畢竟安格斯牛仔骨好食多倍，不過經常都沽清呢。海味什菜煲，先淺嚐兩口湯底，點解味道跟常相聚大白菜豬骨湯幾乎一模一樣？大量什菜，白菜、菜芯、小棠菜、娃娃菜、西蘭花，爽嫩甜美，好喜歡。海味其實只得蝦米同粉絲囉，有點削喎。馬拉盞肉碎炒通菜，成斤通菜大大碟，抵食又好味。夠鑊氣有氣勢，熱力迫人，香氣正面來襲 ﹗通菜爽嫩不硬亦無渣，馬拉盞辣辣地夠惹味，炒得香口嘴郁郁。雖然不是我最愛的大大碌水通，但難得高質，熱騰騰不停塞入口，正呀 ﹗清蒸桂花魚，BB 魚都比您地搵到，有我手掌心般大細，係勁喎。原本我想試試冬菜蒸，因為未試過麻。但朋友仔堅持一定要清蒸，亳無求知慾、毫無冒險精神，只是個倪食家矣以 ﹗無所謂，點煮我都一樣受樂。食過野生桂魚真係返唔到轉頭，鮮味、魚味、肉質都跟養魚有天淵之別。蔥粒代替蔥絲，使到香氣大打折扣，連食慾都大減。用筷子夾出大大舊背脊肉滾上魚汁豉油，實淨有點乾，質地未算太鞋，肉汁欠奉，魚甜味還可以，免強合格啦。發覺咪走雞好種意將魚割幾刀先蒸，不輪大小、不輪種類。雖然可以更易熟、更易入味，但會令肉質變鞋、肉汁流失呢 ﹗咁鬼細條細洗咩割呀，原條蒸咪得囉，您估蒸厚肉石斑或蒸斤幾兩斤大魚咩。豉汁蒸倉魚，實在太求其，馬虎得過份，真的嬲嬲豬 ﹗師傅您好忙又極趕時間嗎？豆豉醬整篤隨便撻係條魚某小部份就算，並無搽勻成條魚，依家蒸好係要我自己撈混？還是當點汁食呢？不論條魚或大或小，師傅都要界幾刀喎。雖然易熟，但會使到肉汁流失呢。魚味、調味都不錯，不過魚肉實淨偏乾，滑溜感太削。咪走雞只有三款魚提供，烏頭、倉魚、紅鮋，全部都係魚仔來的，跟手掌大細差不多啦。…Read More

八月三十日(星期日)同老公回到大埔,他要試試相機!試完,已經覺得有點餓了!於是帶他吃咪走雞,老公說不出這店的名稱,只是說每次搭巴士會經過的!我想應該是這間吧!加上之前報紙有介紹過!見到有招牌咪走雞,當然必試其鎮店之寶呢!要了半隻!再加了馬拉盞炒通菜鮮魷,和黃金蝦!加了$8有餐,即是白飯加飲品招牌咪走雞,很有雞味!雞滑!加上汁是比較咸的!很match呢!馬拉盞炒通菜鮮魷,一般比較油!黃金蝦,很香,很開胃呢!有六隻,滿是咸蛋黃!而且炸得很脆!推介!吃到我們捧著肚子回家!滿足的一餐呢!!^^…Read More