Chicken Expert

收藏左一段時間嘅雞匠，係之前睇完屎萊姆介紹就好想try下，今曰放假男朋友陪我來食。雞匠位置係韓國街果邊，門面唔係好起眼，所以一開始我們行過左都唔知。入到去聞到一陣怪味，而且冇其他客，我們完全包場！初時有點怯，但都來到了一於試下啦。爺爺燜大花菇一共有五大隻冬菇，好似食緊冬菇扒咁，炆得好入味，留意到加左d肥豬肉去烄，怪唔之得咁香啦！雖然要$88，但完全對得起個價錢。招牌去骨海南雞最人氣的海南雞，我們點了例牌，份量合理的。但雞肉口感和味道令我們失望，感覺似普通白切雞咁，雞肉肉質唔太嫩，還好雞唔太肥。欣賞他們自家製的薑蔥醬，係好香蔥油味，男朋友幾乎點哂個醬泥食。麻辣牛舌個人推介！牛舌口感淋得泥又有帶點偏爽，同平時燒果d好唔同！就連男朋友平時唔太好牛舌，佢都話好味，配上嘅麻辣汁，都真係幾辣下架，好惹味。份量都幾多，$48來説性價比高。雞匠是一間會用Le Creuset碟來上菜，同埋發現他們的餸菜底都是用芽菜的。職員細心有禮，食物質素中上，是一間值得去支持的小店。…Read More

有一次去一盛極牛吃拉麵前，朋友未到的時候我隨處亂逛，看見雞匠這店以雞作主打，好像挺有心思的，心想下次和朋友來吃也好，所以默默記住了雞匠。然後今晚朋友問我想吃甚麼，我滔滔不絕說要吃雞匠，最後當然成功說服他來吃。兩個人的話最化算一定是吃二人套餐，選擇比一人套餐多，包括雞湯，燒赤蝦，雞湯澳洲牛丸，墨魚丸，兩款主菜及飯，一起分享吃最好不過。沒想到第一道熱騰騰的雞湯已經出色萬分，雞湯味道濃郁，應該用了不少雞隻逼出其精華熬煮才會這麼濃香，雞味十足，簡單的撒上蔥花，蝦乾，已能感受到湯的鮮美。朋友說這湯熱得很，我竟然可光速喝畢，我說好喝嘛。雞湯澳洲牛丸和墨魚丸又是另一推介，保證一吃難忘。之前我在某戲院的小食部所買的澳洲牛丸超好吃，雞匠居然有，而且是一模一樣，實在驚喜。澳洲牛丸比普通的牛丸更爽口彈牙多汁，因為它除了以牛肉打製，亦混合牛筋，爽彈度不是蓋，加上雞湯的加持，澳洲牛丸鮮上加鮮。墨魚丸亳不遜色，滿有彈性，跟澳洲牛丸雙丸合璧。整碟招牌去骨海南雞極具厚度，雞皮誘人的光澤，加上彈力無比的嚼感，朋友吶喊如果天天吃這海南雞應該百吃不厭，哈哈。海南雞肉吃起來極之新鮮，肉質滑嫩，沾上特製的蔥油與甜醬油吃，可謂妙筆生花。既有招牌去骨海南雞，油飯固然形影不離。油飯飯粒粒粒分明蠻有咬口感，淡淡的油香味卻入口不油膩，它的受歡迎程度可不比雞湯和海南雞少啊。時間一轉眼，燒赤蝦上桌，蝦殼非常好剝，鮮甜好吃，完全不需調味。赤蝦蝦肉厚實彈牙，蝦頭蝦膏豐腴可口，足見它的肥美，美味道不輸給澳洲牛丸。赤魚大受歡迎，故已沽清，我們轉了牛肉雜菜煲。牛肉雜菜煲現點現煮，用雞湯煮雜菜最美味不過，雜菜都吸飽清甜的雞湯，十分入味。牛肉的鮮徹底融入雞湯中，蠻軟嫩的，鮮味都沒有流失，我們光喝此湯已滋潤身心，不用喝甚麼飲品。…Read More

今日放假，睇完中醫想食午餐，醫師話要食多點雞及黃色食物，我今日特別好想食海南雞飯，見這間專食雞的餐廳，就入去品嚐一下先。（外賣）$38好抵食！環境唔大，但乾淨；坐椅是矮梳化！分為飲品位、廚房位！更有電視！簡單設計光亮！1. 招牌去骨海南雞飯擺放得好分明，有去骨雞肶連雞翼，擺得好靚好完整喔！雞油飯好軟好香雞油飯：顏色好香好軟熟！粒粒分明、唔油膩雞翼：好乾淨、無雞毛🐔🐔去骨去得好乾淨，好滑溜好香軟有雞味道雞肉：好香好正醬汁：（左）莞茜、蒜蓉、辣椒、薑蓉等等的香料，超超超級好味又香濃又野味，點雞真的是一流！（右）香濃甜味醬汁，增加雞肉的香湯：蝦米雞湯好香又唔咸、更有口感，蝦米好香唔鯹！配上一杯熱檸水，好完美的午餐在尖沙咀佐敦附近，都幾抵食又值得品嚐，好好味…Read More