Golden Chicken

【西貢隱世小巷必食海南雞😋】呢間係小巷入面完美隱藏😝門口細細，但其實幾人氣㗎！貼滿曬報道📰價錢唔太貴，但好好食‼️完全係街坊生意☺️不過食完真係覺得幾驚喜👍🏻.🍴招牌去骨海南雞(💰:$209)成隻雞都好滑，去骨食真係好方便🐓又滑，加埋醬汁一流👍🏻佢有三款執揀，包括海南雞醬、蔥油、辣醬，我覺得海南雞醬最好食🥳推介‼️.🍴滷水西貢狀元蹄(套餐包括💰:$138)豬手超大隻，係勁似韓式豬手個隻份量🤣有滿滿骨膠原同肥膏，入口即溶係有少少邪惡嘅🦴啖啖豬手都有晒汁😋 豬手肉食落好淋🥳推介‼️.🍴海南雞油飯(💰:$16)油飯我覺得粒粒飯都好硬😂入面有啲炸油聰蔥🧅好好食👍🏻-🔖4人套餐包括海南雞一隻➕狀元蹄或煎鹹魚蓉肉餅➕時菜➕湯➕雞油飯或白飯➕飲品😚今次佢係南瓜湯，飲品真係唔好咁大期望😂(💰:$328).🔖MENU選擇唔多💩好似得10樣食物以下🥲.💡見到好多人入到嚟都係叫無骨雞髀飯🐓-💎推介指數: 💎💎💎💎💎💡性價比:✨✨✨✨✨(4人餐好抵份量超足😆)🍴ENCORE指數: ⭐️⭐️⭐️⭐️⭐️ (下次自己食應該會叫無骨雞髀飯😚)- Ig; Munchpig_hk …Read More

今日去完玩獨木舟，一行8人諗緊去食咩好，我提議去呢間食，我差唔多每次入西貢都會去食我地嗌左兩個四人餐，$298真係好抵呀，有埋湯，油飯，一碟菜同埋飲品嗌左兩隻雞，一隻辣一隻唔辣，我本身係好鍾意食辣嘅，不過我覺得反而唔辣好味啲，可以食到佢原汁原味配埋油飯食真係一流，每次黎食啲雞肉都係好嫩滑呢個豬蹄好好味，啲滷水滷到好入味，但一啲都唔鹹，啱啱好肉質都好軟淋，老人家食都冇問題另外係嗌左個煎鹹魚蓉肉餅，但唔記得左影相，個肉餅好好味，煎得好香口，味道適中食得唔夠喉，最後仲嗌左個酸辣鳯爪味道適中，少少偏辣，我最愛…Read More

黎到呢間海南雞專門店，我地點左一個二人餐，一個四人餐。每人平均～$75，都幾抵食。招牌去骨海南雞海南雞可以揀去骨海南雞，岩晒我呢啲懶人。😂而且雞肉好嫩滑，肥瘦適中，配上充滿油香而不油膩既雞油飯，真係好正！（本人勁鍾意食海南雞飯既油飯，如果俾多碗飯我，我諗我都食到🤣🙈）馳名香煎手剁咸魚蓉肉餅 好欣賞份咸魚蓉肉餅，真係好香口！勁快比我地清晒！滷水西貢狀元蹄元蹄係全餐最濃味菜式，鍾意濃味既朋友應該會鍾意～個餐仲包括油菜、住家湯同熱飲。個湯係南瓜湯，一睇都覺得好足料，飲落好甜！因為天氣好熱，我仲叫左杯特飲椰汁冰冰涼下！…Read More

週末天氣不錯，跟朋友到萬宜水庫郊遊。起步前，朋友提議先在西貢食中午飯，並帶我們來到這家海南雞專門店！到店的時間尚早，11點半都未夠，店內並無其他食客，不用等位就能入座。睇完餐牌一輪，見食品來來去去都是雞﹑元蹄及肉餅，就直接叫份四人餐啊！金雞四人餐 ($298) 包括招牌去骨海南雞一隻 (麻辣加$10)﹑滷水西貢狀元蹄或香煎手剁咸魚蓉肉餅﹑滷水汁時菜﹑老火湯﹑飯及飲品！三餸一湯已經夠食！！老火湯，本以為是中湯，原來是南瓜湯！南瓜蓉絲絲幼滑，雖不是滿滿的南瓜蓉，但味道香甜，幾好飲！！油飯，味道好香，不會太油膩，飯粒尚算分明～當中還加入炸蒜，增添香口的程度！！招牌去骨海南雞，因有朋友不能吃辣而沒選麻辣。黃油雞皮的賣相不錯，雞型亦砌得靚仔！！先不蘸任何醬料來吃，都已好夠味！！皮爽脆而肉嫩滑，啖啖肉又帶雞味，好食反而醬料並不特別出色，辣醬﹑豉油及蔥油的味道都普普通通！全隻雞的好處是，大家可揀選自己愛吃的部位滷水西貢狀元蹄，元蹄大大隻，被滷水醬汁滿滿的包封著～～元蹄滷得好入味，不會太鹹之餘還隱隱帶滷水汁的香甜！煮得軟稔易咬，稔滑得接近入口即化的狀態，充滿骨膠原感！！正！！油菜及飲品是正常貨色～～～整體來說，食物的味道都幾好！！食物上桌速度好快。只是座位有點狹迫，幸好時間早而店內沒人～～到我們12nn離座時，就開始有一兩枱客了！…Read More

路程實在有點遠，由小到大去西貢的次數大概只有五次。指的固然不是西貢區，西貢的話通常只會是學校旅行有包車才會去。否則總覺得是如像長洲，要搭車又搭船的偏遠地區來著。然而這次是幾個柴娃娃的想要說試坐友人的車，出去玩一玩。選址就是西貢，剛剛好就是我沒有怎樣探索過的地帶。　　先問過對吃喝玩樂頗有深知的朋友們，西貢到底有何必到之地，必嚐之物。他們第一反應卻是：「去遠啲啊嘛，西貢搭小巴都得啦！」。說是如此，不過冇所謂啦，重點都係大家一堆人出黎行下玩下姐。言歸正傳，清單之中又怎會沒有人氣高企的勝記？但礙於時間，還是沒有辦法大吃一番。唯有將大餐館分散投資都幾家小食去吧，其中一家就是位於小巷之中的金雞了。　　望少一眼都會錯過，本來快要放棄不吃的了，幸好最後還是成功去到。說香港是美食天堂，中西交匯之外，多國的文化及美食都可以接觸得到。話就係咁話，只係要搵到好食既海南雞其實不容易，得個名既就周圍都係。友人推薦之下，又點會唔親身試一試？由於之後要繼續覓食，我們還是點來分享就算。　　二人餐包住家老火靚湯兩碗，清甜滋潤的南瓜湯又怎會不討好呢？表面略有浮油是意料中事，不算太膩口就可以了。甜得自然不人工，也不覺調味太重，除了油了些少，家常湯而言也沒有挑剔之處。說到這裏不禁有點想念真．住家老火靚湯，小時候總嚷著：「下？又煲湯？」。結果長大了，少了回家吃飯的機會，才開始記掛，愈發喜愛。　　招牌去骨海南雞終於出場了！！！！！熱烈地彈琴熱烈地唱。這裏是跟餐上半隻的份量，起了肉之後其實肉量不少啊。油亮盈潤的雞皮清得乾淨，入口滑嫩不韌，皮下脂肪不多，倒是像蒟蒻。雞肉稔綿夠香口，雞香肉味清新不腥膩，不至於十分嫩滑細緻，但頗夠味的。沾醬之中還是蔥油最對胃口，簡簡單單地加上點點蔥香後提味生色不少。餐包雞油飯或白飯兩碗，雞油飯香而不膩，不過有點太淡，果然還是重口味比較讚。　　滷水西貢狀元蹄為例牌大小，不是大大份的豪華版。只是單看那飽滿厚身的彈性豬皮，以及滿滿的滷水醬汁坐陣，這個份量真是恰到好處。肥嘟嘟的豬皮滑溜甘腴得不行，就算明知那是脂肪多多的邪惡東西都唔會忍到。底下的豬蹄肉同是嫩滑綿稔，一抿即化，滷得入味可口。滷汁看上去非常稠杰，但那只是假象，真相是鹹香合宜，而且只是瑞士汁的稠度。同場有新鮮爽甜的蠔油時菜，要是真覺得膩的馬上啪兩條就冇事。　　另外再加兩杯飲品，整個二人餐也只是$158，夠抵食。四人餐的話就是海南雞及狀元蹄各一隻，飯湯飲品四份這樣。如果是一般食量的話就覺得夠飽肚了，我嗎？自己吃個二人餐就行了XD。…Read More

星期日同老公和他的朋友一起去西貢玩樂和釣魚.  在午餐時段, 聽聞這間餐廳好出名又好味, 一於去試菜.  店內不算太大，室內裝潢都十分整潔理想.  四人套餐: 有招牌去骨海南雞 (1隻)、滷水西貢狀元蹄(1隻)、 馳名香煎手剁咸魚蓉肉餅、蠔油時菜、住家老火靚湯、雞油飯和飲品招牌去骨海南雞 (1隻)去了骨的海南雞油令令， 雞皮薄又滑溜， 雞皮與雞肉之間， 沒有包含太多脂肪， 一點兒也不覺得油膩, 而且會感覺特別香口。  而雞肉方面， 每一啖都是鮮香濃郁雞味， 而且雞肉質十分嫩滑。  咬落去啖啖都是雞汁的精華由嘴裡滲透出來，份外更感肥美又鮮甜.滷水西貢狀元蹄(1隻)狀元蹄份量十分多含豐富膠質， 外皮被炆得柔柔軟軟， 肉質被炆得十分鬆化、入口軟滑， 味道十分香口。  最特別配了特製香濃醬汁， 香濃的醬汁不會蓋過元蹄的肉質味道， 配了白飯更添美味。 馳名香煎手剁咸魚蓉肉餅這道菜一上枱後， 已經傳來陣陣咸魚香味， 未吃就已經口水流。  先把咸魚和肉剁撈一起， 然後再一起煎熟。  咸魚魚香已經好香濃， 再加上用火煎， 每一口都感到十分香脆和香口， 極度好味。住家老火靚湯今次的住家老火靚湯是南瓜湯，  湯料十足又夠火喉， 湯料有南瓜， 但已經煲到完全溶解了、紅蘿蔔、粟米... 味道清甜火喉十足。   蠔油時菜同其他餐廳一樣， 菜芯清清甜甜， 沒有太大獨特。 …Read More

今天係本年第一次的”入水”日子, 想番都開心.回歸正轉, 既然知道入西貢有搞作, 當然要上網探路搵食啦.見到呢間啲食評都唔錯, 一於就食佢啦.星期日 5:15PM, 店內仲未有人客, 所以兩條友坐張四人枱.間舖比較細, 10鬆啲個坐位.因為探咗路, 已經知道想食咩, 所以一坐底就落 order 金雞二人餐 $138.有招牌去骨海南雞 (半隻), 另外揀咗滷水西貢狀元蹄 (例牌)仲有 蠔油時菜, 住家老火靚湯及雞油飯飲品要咗兩杯熱阿華田先上兩碗老火靚湯, 係南瓜湯, 味道不太濃烈但又有些微南瓜嘅甜味, 不錯.跟住講講招牌去骨海南雞 , 半隻份量足, 兩個人一定夠雞肉嫩滑唔’鞋’, 雞皮有爽口感, 皮與肉中間的”脂肪Jelly”唔多接近無, 唯獨稍欠少少雞味.三式醬汁有泰式辣醬, 蔥油, 濃醬鼓油, 個人最愛濃醬鼓油, 唔太咸又帶少少甜.到碗雞油飯啦, 色香味都只可算是一般, 但勝在唔會有油淋淋嘅感覺.再來睇睇滷水西貢狀元蹄, 雖然用隻小碟上枱, 但份量都不欺場味道又好何? 濃烈的醬汁味道, 炆得好淋, 夠哂入味, 但如果醬汁味輕番少少會再好啲.蠔油時菜同杯熱華田無咩好講, 正常貨色總括嚟講, 雖然稱不上是價廉物美, 但都可算是一抵食推介.有機會入西貢的話, 值得幫襯, 但專登嚟食就悉随尊便.…Read More