PARADISE DYNASTY (AIRSIDE)

來到AIRSIDE想食上海菜有兩間選擇，樂天集團的餐廳質素比較穩定，雖然味道沒什麼驚喜，不過餐廳環境、服務、食物選擇及質素四平八穩，沒什麼好挑剔。紅油黑豚肉抄手 ($72) ★★★★✰這裏的餃子類的外皮不會很厚，因此能食到很豐富的肉餡。紅油配合香港人口味而做得不太辣，是很惹味的一道紅油抄手。雪菜鹹肉炒年糕 ($95) ★★★★✰賣相一般，上海朋友説是很有家常味的一道菜，金華火腿雖然有點肥膩但令年糕充滿鹹鮮味。京醬肉絲 ($110) ★★★✰✰包皮有點太少，不足以包整碟肉絲。而且肉絲有點太多汁及鹹。龍華素鴨 ($78) ★★★★✰很標準的滷水汁，素鴨有很多層腐皮。招牌原味小籠包(黑豚肉) ($138) ★★★★✰樂天皇朝的特色菜是很多不同味道及不同色素的小籠包，不過我認為都是原味最好食。小籠包湯汁飽滿，外皮厚度均勻。雖然略嫌肉餡可以更滑口，不過已算挺具質素的小籠包。桃膠紅棗桂圓湯 ($46) ★★★★✰外面的糖水舖也差不多這個價錢，這裏的糖水材料十足，桃膠、紅棗、桂圓也不會只有一兩粒，而且甜度是香港人喜歡的"not too sweet"。整體而言，樂天集團旗下這間上海菜質素穩定，如果行開商場，不想找其他地舖上海菜小店的話，這間會是不錯的選擇。…Read More

屋企人話未行過AIRSIDE想嚟逛下，行到下午茶時間大家都肚餓就提議食tea歇下腳。望到呢間下午茶有半價小籠包幾抵喎，食上海嘢兼順道預祝父親節okay呀Signature Original Xiao Long Bao (Kurobuta Pork)招牌原味小籠包(黑豚肉) 6粒-> 其實8色和原味小籠包我哋都食過，個人口味還是偏向原汁原味的。下午茶做半價$40有6粒抵好多，皮唔算厚肉汁多餡料份量ok舐舐脷Fried Rice with Yellow Eel in Shanghai Style黃鱔炒飯-> 成個砂煲上，一打開蓋冒曬煙啲飯熱到滋滋作響老實講係幾香幾吸引。份量唔少就算3個人每人都分到一大碗有餘、黃鱔都算足料魚肉有口感、醬油味道唔錯，大家都收貨Pan-fried Beef Pastry 生煎牛肉餅-> 就咁睇佢外觀唔覺有乜特別，以前喺九龍城清真館都有食過。點知一咬啲汁秒標出嚟，真係好多汁大家食呢個要小心燙咀同埋汁液會濺落身上！言歸正傳，個皮煎到少少酥鬆，牛肉餡汁多肉味都幾濃又香，意料之外嘅好味Double-boiled Bird's Nest with Coconut Milk (warm)椰汁燕窩 -> 食食埋埋啲香口嘢咪點個糖水滋潤下。50幾蚊唔會強求超級質素，個椰汁食落唔人工味甜味適中、亦食到燕窩條，係個窩心舒服嘅甜品Handmade Lemon Citron Tea with Passion Fruit Juice手打百香果香水檸檬茶-> 呢個係我點嘅因為家人不好冷飲，自己亦未飲過近排hit爆嘅手打檸檬茶所以好奇試一試。原本想點紅石榴職員話未有貨，咪叫百香果味，叫得香水檸檬佢真係有股香水味道。口味嘅嘢見人見智，或者自己都係飲慣港式檸檬茶有澀味道，呢種手打檸茶當特色茶飲咁都不妨一試，加埋百香果汁和果籽係個清新特別嘅配搭順帶一提呢度有收茶位和小食錢，小食嘅炆栗子粉甜，每次嚟我都清曬啲栗子。當日嘅職員都幾客氣友善…Read More

秋天來臨🍂又到食蟹嘅季節！行Airside見到樂天皇朝有個「蟹」主題嘅Menu，決定試試。蟹粉拌麵 $128————————————實在太多「蟹」主題嘅菜式可以揀，不過同朋友兩個人試唔到太多，所以點咗個蟹粉拌麵🦀蟹絲蟹黃配埋炸蔥，入口勁香呀，拌麵好掛汁，唔會乾身，真係好食😋成都口水雞 $88————————————雞皮同雞肉都好嫩滑，仲好入味，涼菜嘅一種。唔會好似白切雞與辣油，雞還雞，醬還醬嘅感覺。配上花生、蔥花，非常開胃。招牌原味小籠包(黑豚肉) $75————————————一份六粒，粒粒都超爆多湯，皮薄餡靚，黑豚肉比普通豬肉更重肉香。川味涼皮 $58————————————好開胃嘅涼菜，質感好爽好彈又掛汁，醬汁少少酸辣好惹味。希望可以去多「蟹」逅，試多幾樣蟹主題嘅菜式！…Read More